لغز من المصنع للقسم )محلول( من شيخ الشيوخ صح لسانه

[مدهـال]

السلام عليكم ورحمة الله وبركاته

إخواني هذا اللغز تمت صياغته الآن بطلب من الأخ وجودك يكفي

اتمنى ان ينال على إستحسانكم
اقول


ياشيخ ياكاتب عدل ترجمانه=يرضى بحكم الشرع من جاك مطفوق
انشدك عن رجلٍ ثبت في مكانه=واليا ثبت في موقعه يحفظ حقوق
يشبه خفير الدار حارس زمانه=يردع ضعيف النفس ويصير له عوق
دايم يجيب فزوع جملة اخوانه=وافين بالوقفه كما لابتي روق


الأخ وجودك يكفي ممنوع من الإجابه لأنه يعرفها

بإذن الله راح اكون متواجد واتمنى من الأخ وجودك يكفي في حال عدم تواجدي ان يرد على الإخوان

اتمنى لكم التوفيق

[وجودك يكفي]

الله الله على الجزاله والابداع

صح لسانك يامدهال وبيض الله وجهك على اللغز الجزل وعادتك الجزاله

وبصراحه ابطيت علينا وقلنا لازم نطلبك والقسم يتشرف بك وبما تكتب طال عمرك

شاكر حضور وتواجدك الرائع ياشاعرنا المبدع

[سعود بن فيصل]

الله الله

>> يفكر


صح لسانك يالذيب

تريونا

[وجودك يكفي]

الله الله

>> يفكر


صح لسانك يالذيب

تريونا

صح بدنك بالنيابه عن الاخ مدهال


بإنتظارك يالذيب ونترياك على قولتك

[乂صـواعب乂]

مرحبا الساع باخوي مدهال

من طول الغيبات ياب الألغاز

صح لسانك على هاللغز الجزل ،،ربي لاهانك

وكأن الأبيات مكتوبه في ولد ثابت >>مشرف القسم ^_^

[مدهـال]

حياك الله ياولد ثابت

دغبوج مرحبا بك والقوس قوسك واللغز عندك إذبحه


صواعب حياك ومرحبا كل ساعه ماهوب هالساع وبس

نورتوا اللغز

[سعود بن فيصل]

وش تقول بالسيف ؟

[مدهـال]

هلا يادغبوج

ومالك لوا

[乂صـواعب乂]

منوور بك يامدهال


وإذا مب السيف عيل القلم

[مدهـال]

حياك ياصواعب

ونفس الكلام مالك لوا

ابعدو عن المكتبه السنه الدراسيه انتهت

[乂صـواعب乂]

ههههه كنت ابا اكمل واقول القرطاس


ع العموم جاري التفكير >>

[{ أبوفيصل }]

صح لسانك يامدهال

وش تقول بالرادار أو ساهر أو جهاز الأنذار

تحيتي لك

[شيخ الشيوخـ]

صح لسانك يامدهال

الغازك والله انها تسبب لي عقده نفسية

ولي رجعه ان الله كتب ,,,

[وجودك يكفي]

صح لسانك يامدهال

وش تقول بالرادار أو ساهر أو جهاز الأنذار

تحيتي لك

هلا بك يالعطاوي

الرمعه مالك لوا

[وجودك يكفي]

صح لسانك يامدهال

الغازك والله انها تسبب لي عقده نفسية

ولي رجعه ان الله كتب ,,,

هلا بك ياشيخ الشيوخ

لو تحل لغز الفتره هذي صدقني تروح العقده النفسيه

بإنتظارك

[مرزوق فلاح]

اخوي مدهال صح لسانك على هالغز الجزل
والجذاب في نفس الوقت كما اراه

ويش رايك (بالواقع الزمان والمكان )

[وجودك يكفي]

هلابك يابومحسن وحياك الله

الرمعات مالك لوا طال عمرك

[مرزوق فلاح]

طيب ويش رايك ( بالتوقيع بانواعه )

[مدهـال]

مالك لوا يامرزوق فلاح

وحياك الله

[مرزوق فلاح]

استاذنكم ولي عوده ان شالله

[{ أبوفيصل }]

وبعد تفكير عدنا يامدهال وياولد ثابت

وش تقول بمشرف الفتره
أو المشرف مراقب الموقع

[مدهـال]

حياك الله ياخليجي نت ومالك لوا في المراقب او المشرف

شيخ الشيوخ حياك مولاك وياهلا بك وننتظر منك الرجوع للغز

[{ أبوفيصل }]

بدعـن بدعـته واحترفــته تكـانه ** وعــادتك بالألغــاز ياصــاحبي ذوق


الحـل كان الله على اللغـز أعـانه ** أظـنّه الأرشــيف والشـي مـوثـــوق


حفــظ الوثايق فيه يالربع أمـانه ** من شان عبدالرازق يصون مرزوق

[مدهـال]

بدعـن بدعـته واحترفــته تكـانه ** وعــادتك بالألغــاز ياصــاحبي ذوق


الحـل كان الله على اللغـز أعـانه ** أظـنّه الأرشــيف والشـي مـوثـــوق


حفــظ الوثايق فيه يالربع أمـانه ** من شان عبدالرازق يصون مرزوق


يامرحبا بك ياوسيع البطانه=شهادةٍ منكم على عاتقي طوق
على عجل نرجع ولغزي مكانه=محدٍ حرش ضبّه ولاقص معلوق
مالك لوا لاصرت تبغى الامانه=ماجبت حل اللي كتبنا على اوق

[الأدميرال]

صح لسانك يامدهال ولاهنت على طرحك للغز

الميزان

[شيخ الشيوخـ]

وش تقول في حدود الارض من مناسيب او ركايز,,,

[{ أبوفيصل }]

اذاً الصــــك الشرعي

واتوقع فقأ عين اللغز شيخ الشيوخ

[مدهـال]

الأدميرال حياك الله وصح بدنك ومالك لوا

[مدهـال]

وش تقول في حدود الارض من مناسيب او ركايز,,,


صح لسانك ياشيخ الشيوخ

والإجابه مثل ماقال شيخنا

الركايز او المناسيب او الإستيكات او المراسيم

كلها تؤدي لنفس الشي والمسمّى واحد وهي الأداه اللي تحدد لها الأراضي

عافاك الله يابو عبدالرحمن

[مدهـال]

اذاً الصــــك الشرعي

واتوقع فقأ عين اللغز شيخ الشيوخ





هلابك يالخليجي وانتهى الموضوع وخيرها بغيرها

[شيخ الشيوخـ]

راحت العقدة يامدهـال ابشرك

:: وصح لسانك

[وجودك يكفي]

صح لسانك ياشيخ الشيوخ وبيض الله وجهك على الرمعه القاتله
وصح لسانك يامدهال وبيض الله وجهك على اللغز الجزل والرائع

[{ أبوفيصل }]

صح لسانك ياشيخ الشيوخ

والله يامرسام الأراضي كانت في بالي امس يامدهال واستبعدتها

لكن وثب على حله وذكاه نمر النمور ( شيخ الشيوخ )

[مدهـال]

حياكم الله كلكم وانتظروا الجديد