بنشدك عن بنتٍ لها ورع ولها رجال )محلول( من وجودك يكفي

[سعود بن فيصل]

مساء الخير

جايب لكم لغز ابيكم تمخمخون عليه الليلة .. يقول راعيه



انا بنشدك عن بنتٍ لها ورع ولها رجال=يشيله ورعها والرجل يركبها وتمشي به
إلى ركب الرجل فوقه مشت لو ماخطاه اطوال=لو انه في مكانه توصل الرجال وتجي به



انتظر اجاباتكم

دغبوج

[وجودك يكفي]

لآهنت يادغبوج على اللغز الرائع

وش رايك في السانيه والدلو والماء

[سعود بن فيصل]

^

هب ياهذا !

ماشاء الله عليك تبارك الرحمن

بارك الله فيك واجابتك صح

والحين عطني لغز وتعيّن ان ماحليته هههه

:36:

[{ أبوفيصل }]

صح لسانك يادغبوج ولسان وجودك اللي عجّل بذبجته
بيض الله وجيهكم
اذا رأيت مايعجبك بادر بذكر الله يادغبوج
ترانا مانستغني عن ولد ثابت

[مرزوق فلاح]

اما اخوكم رمز ذيب المضيح مرزوق فلاح

يقول صحة السنتكم كلكم من سوى الغز ومن حله ومن اطلع وعبر عنه

اما انا اقول بيض الله او جيهكم فكيتو شايبكم منه والعود منشغل بنفسه بنفسه

ويتمنى لكم التوفيق ولا يشغلكم الا بطاعته


تحياتي للكل والجميع

[سعود بن فيصل]

صح لسانك يادغبوج ولسان وجودك اللي عجّل بذبجته
بيض الله وجيهكم
اذا رأيت مايعجبك بادر بذكر الله يادغبوج
ترانا مانستغني عن ولد ثابت

حياك الله شرفت

[سعود بن فيصل]

اما اخوكم رمز ذيب المضيح مرزوق فلاح

يقول صحة السنتكم كلكم من سوى الغز ومن حله ومن اطلع وعبر عنه

اما انا اقول بيض الله او جيهكم فكيتو شايبكم منه والعود منشغل بنفسه بنفسه

ويتمنى لكم التوفيق ولا يشغلكم الا بطاعته


تحياتي للكل والجميع

يسعدنا تواجدك

ولاهنت

[وجودك يكفي]

صحت ابدانكم يالربع وبيض الله وجيهكم