لغز .. الدم الحمر )محلول( من الأدميرال صح لسانه

[وجودك يكفي]

مساكم الله بالخير


استلموا هاللغز الجديد واتمنى أن يحوز على رضاكم :

يقول :


انشدك عن بنتين بالمعنى خوات = وحده قبل وحده بعام)ن(مايزود
الاوله دون الحماء والتضحيات = ماتمنعه والشرط من ضمن البنود
والثانيه دم)ن(حمر ومصقلات = واثنى عشر وافين قاموا بالعهود

[سعود بن فيصل]

الله يمسيك بالخير

وش رايك بالسنة الهجرية والميلادية ؟

[وجودك يكفي]

الله يمسيك بالخير

وش رايك بالسنة الهجرية والميلادية ؟

حياك الله يادغبوج ومالك لوا بالرمعه

[فهيد مقعد الرويس]

صح لسانك

ياولد ثابت

تسجيل حضور والتفكير جاري

تحيتي وتقديري

[وجودك يكفي]

صح لسانك

ياولد ثابت

تسجيل حضور والتفكير جاري

تحيتي وتقديري

صح بدنك يابومقعد

وجاري الإنتظار

احترامي

[الأدميرال]

لاهنت ياولد ثابت وصح السانك

واثنى عشر وافين قاموا بالعهود
بيعة الرسول صلى الله عليه وسلم>>>>>الله يستر مدري عنها

[وجودك يكفي]

صح لسانك يالادميرال وجوابك صحيح

والجواب بيعة العقبه الأولى وبيعة العقبه الثانيه
الأولى ماتعاهدوا على القتال وسموها بيعة النساء
الثانيه تعاهدوا على أن يحموا الرسول صلى الله عليه وسلم ومن دونه السيف والدم وقال الرسول صلى الله عليه وسلم أخرجوا منكم أثني عشر نقيبا يبايعوني على ذلك

[الأدميرال]

وناسه ياولد ثابت وخيراااااا حليت لغز
تصدق اني رلامعته على الشطر الاخير من اللغز
وشكيت وطلع شكي بمحله وزين جيته من اول طلقه
ولاهنت وانا اخوك

[وجودك يكفي]

كفوو وتستاهل وبداية موفقه

وأهم شي إنك ماقلت رمعتك إللي دايم

وأنا يوم شفت لك مشاركة قلت أكيد رمعته وش تقول في الرجم لكن الحمد لله المره هذي ماجبت طاري الرجم هههه

[{ أبوفيصل }]

صح لسانك ياوجودك على هاللغز الحكيم
الأدميرال لم يحدد اي بيعه والبيعات لاتقتصر على بيعة العقبه
عموماً يالأدميرال ما دامك كبّيت العبل ورجومه
صح لسانك

:a2:

[وجودك يكفي]

صح لسانك ياوجودك على هاللغز الحكيم
الأدميرال لم يحدد اي بيعه والبيعات لاتقتصر على بيعة العقبه
عموماً يالأدميرال ما دامك كبّيت العبل ورجومه
صح لسانك

:a2:

ههههههههههه يارجال بركه مدام إنه ماقال الرجم نبا نقبل جوابه وأي شي يقوله وانا طرحت هاللغز وخليته بنتين عشان تفصل رمعة الادميرال إللي علقت وينسى طاري الرجم كله

صح بدنك يالعطاوي ولآ هنت يالغالي

[الأدميرال]

السلام عليكم ورحمة الله وبركاته
حبايبي
الغز حليته وجبته صح
ولو فرضنا الحل طلع ناقص
بيجي اي واحد بعد رمعتي ويلقاه جهاز ماعليه الا انه يذكيه لانه مستوي وجاهز
فا الاقربون للغز اولى بالاجابه الصحيحه
شكرا وجودك شكرا خليجي نت على التعليق
ودمتم بصحه وعافيه