ويش عودً في محله باقيً مايسير )محلول( من حزم الجلاميد صح لسانه

[مرزوق فلاح]

اخواني الاعزاء في هذا المنتدى العزيز بودي ان يكون ليه

بماهو علي اقدم لكم هذا الغز عسى ان يحوز على رضاكم وهو اول لغز

اقدمه في هذا المنتدى من الانتاج اليومي



ويش عودً في محله باقيً مايسير=مايسافر من قديم السنين المغبره
اذكره باول حياتي واناء ورعً صغير=ويوم شفة اليوم ماقلت غير المغفره




اخوكم : مرزوق فلاح الحربي

رمز : ذيب المضيح الاول

[وجودك يكفي]

صح لسانك يابومحسن وبيض الله وجهك على اللغز الجزل وعادتك الجزاله ياراعيها

وش تقول في المسجد الحرام أو المسجد الأقصى

[{ أبوفيصل }]

صح لسانك ياذيب المضيح

وش تقول في الأطلال اطلال الماضي

( اَثار ومواطن الذكريات )

[{ أبوفيصل }]

وش تقول في جبل قطن من قديم ماعمره راح ولاسافر

اللي على شانه سافرت له طميه وجاته

مرت على نخيل اْلوَعَبه شمال لين وازَنَت عكّاش وصاح لها

ثم صاح الـ قطن وقال ابشر ياقطن بالهديه اللي ماوراها جزيه جاااتك طميه

ابووك يالحب وسنينه حتى بين الضلاعين

يفطّر قلوب البعارين

ههههه

[مرزوق فلاح]

اخوي وجودك شرف لناء

ماعليك زود وشكراً على كامل ماذكرت اتجاهناء ولاكن في حالة ماطرحة الغز
اعرف تمام المعرفه لمثلك ومثالك من التفاقه انه مايصبح عليه الصبح

ولاكنني عملت له قفل وليس جويد وفي الصباح وجدته تحت غطاء الصندوق


ومالك لواء برمعه:11ight:

[مرزوق فلاح]

اخوي خليجي نت

الحب يقولون يحنن الجمل ولاكنني من بعد نقل قناة الواحه لمقلع طميه
تغير عندي الموضوع لانهاء غيرت مكانها السابق وكنت احسبها من عرض املاكناء
والان خلها تبكي ويبكي عليها قطن ولو كسر ساقها عكاش ماعلي منهاء
لانها صارت املاك غيرناء وحتى لو مات قطن بسبابها اما بخصوص الرمعات

مــــالـــك لواء وخيرها في غيرها ياعزيزي:11ight:

[حزم الجلاميد]

السلام عليكم ورحمة الله وبركاته
صح لسانك يامرزوق
الحل ممكن حي العود بالرياض

[وجودك يكفي]

اخوي وجودك شرف لناء

ماعليك زود وشكراً على كامل ماذكرت اتجاهناء ولاكن في حالة ماطرحة الغز
اعرف تمام المعرفه لمثلك ومثالك من التفاقه انه مايصبح عليه الصبح

ولاكنني عملت له قفل وليس جويد وفي الصباح وجدته تحت غطاء الصندوق


ومالك لواء برمعه:11ight:

ههههههه شكله يبا يطول تحت غطاء صندوقه يابومحسن
وانت حطيت له قفل وحذفت مفتاحه ولكن الله يجيب الغايب وانا اخوك

[خيال الصفراء]

صح السانك يابن فلاح العوني
وبيض الله وجهك على هلغز الجزل
وش رايك في سكك القطار
وتقبل تحياتي

[{ أبوفيصل }]

تحيةً طيبه وسلاماً مباركاً

وش تقول ياذيب المضيح في

( مقام ابراهيم عليه السلام )

[{ أبوفيصل }]

وش رايك ياذيب في

( الحجر الأسود )

[{ أبوفيصل }]

وش تقول يالذيب في

( غار حراء أو غار ثور )

والأَحرَىَ هو ( غار ثور ) حيث بعد لجوء الرسول الكريم وصاحبه
في هذا الغار بدأت هجرته عليه الصلاة والسلام



تقبل تحياتي
خليجي نت

[فهيد مقعد الرويس]

صح لسانك

وش تقول فالجدي

رمعه على الطاير مقثل مايقولون

تحيتي

[{ أبوفيصل }]

ذيب المضيح يالذيب

(( مقام ابراهيم ))

(( اثر اقدام سيدنا ابراهيم عليه الصلاة والسلام ))

للتأكيد وبأنتظــــار الرد
تحيتي

[الأدميرال]

صح لسانك يافلاح وهلا ومرحبا فيك

اقول الرجم

[اخر رجل]

صح لسان يالنشمى



وشرايك ( بمداين صالح بتبوك )



او السحاب البركاني الى طلع من ايام على اورباء <<

[مرزوق فلاح]

السلام عليكم ورحمة الله وبركاته
صح لسانك يامرزوق
الحل ممكن حي العود بالرياض


اخوي حزم الجلاميد والله صح السانك وبيض الله وجهك
وهو حي العود برياض تحيات اخوك ذيب المضيح الاول
واسف لى التاخير

[مرزوق فلاح]

ههههههه شكله يبا يطول تحت غطاء صندوقه يابومحسن
وانت حطيت له قفل وحذفت مفتاحه ولكن الله يجيب الغايب وانا اخوك

اخوي وجودك شرف لناء

اخبرك ان اخوناء حزم الجلاميد جلمده بجلمود وكسر صندوقه

ولاحاجه للمفتاح تحياتي ياعزيزي

[مرزوق فلاح]

صح السانك يابن فلاح العوني
وبيض الله وجهك على هلغز الجزل
وش رايك في سكك القطار
وتقبل تحياتي


اخوي خيال صفراء اسعد الله مساك اماء بالنسبه للغز يفداك
تعشاه اخوناء حزم الجلاميد

وتصحيح للمعلوميه انا العوفي وليس العوني

ياعزيزي

[مرزوق فلاح]

تحيةً طيبه وسلاماً مباركاً

وش تقول ياذيب المضيح في

( مقام ابراهيم عليه السلام )

اخوي خليجي نت ماشفت الغز ماذا فعل به اخوناء حزم الجلاميد
كسر الصندوق وخذه برقبته تحياتي يلغالي

[مرزوق فلاح]

وش رايك ياذيب في

( الحجر الأسود )


خيرها في غيرها يالغالي

[مرزوق فلاح]

وش تقول يالذيب في

( غار حراء أو غار ثور )

والأَحرَىَ هو ( غار ثور ) حيث بعد لجوء الرسول الكريم وصاحبه
في هذا الغار بدأت هجرته عليه الصلاة والسلام



تقبل تحياتي
خليجي نت


خيرها في غيرها يلغالي تحيات اخوك ذيب المضيح الاول

[مرزوق فلاح]

صح لسانك

وش تقول فالجدي

رمعه على الطاير مقثل مايقولون

تحيتي

اخوي فهيد فاتك الشر قضى عليه اخوانا حزم الجلاميد خيرها في غيرها ياعزيزي

[مرزوق فلاح]

ذيب المضيح يالذيب

(( مقام ابراهيم ))

(( اثر اقدام سيدنا ابراهيم عليه الصلاة والسلام ))

للتأكيد وبأنتظــــار الرد
تحيتي


خيرها في غيرها وانا خوك

[مرزوق فلاح]

صح لسانك يافلاح وهلا ومرحبا فيك

اقول الرجم

اخوي الادميرال صح بدنك ورزقك بلبايت ليس بلفايت وخيرها في غيرها ياعزيزي

[مرزوق فلاح]

صح لسان يالنشمى



وشرايك ( بمداين صالح بتبوك )



او السحاب البركاني الى طلع من ايام على اورباء <<


اخوي اخر رجل وكذلك الاخوان الذي تقدمو برمعات شاكرين لهم التفاعل

والتمس العذر من الكل والجميع عن التاخير حيث والله انني مسافر ولاحضرت

الى بهذا الوقت الذي اتاتبع به الرمعات واهني اخوانا حزم الجلاميد بتكسير صندوق الغز

وحله وهو حي العود برياض ولكم وافر التحيات اخوكم :مرزوق فلاح الحربي
ذيب المضيح الاول

[وجودك يكفي]

صح لسانك ياحزم الجلاميد وبيض الله وجهك يوم كسرت الصندوق وتليت الجواب برقبته كفوووو وانا اخوك

وسلامة الاسفار يابومحسن ولاتعبت يالغالي
وصح لسانك على هاللغز والحمد لله إنك جيت ومالقيته تحت غطاء صندوقه

[{ أبوفيصل }]

كفو ياحزم الجلاميد فقعت عينه

صح لسانك ولسان الشاعر ذيب المضيح

والله ياكثر مانشطح بعيد يابعد حيي واثره مابيني وبينه غير كبري وعبّاره هههه

[حزم الجلاميد]

الاخوان مرزوق وجودك يكفي خليجي نت
صحة ابدانكم الله لايهينكم
شاكر ومقدر تقبلو تحياتي

[شيخ الشيوخـ]

يامرحبا فيك ملايين ولاتكفيك يابوفلاح
وابرك الساعات تشريف الرجال شرواك والمحل محلك تمون وتامر عليه
وانت ضيف للمنتدى كله ماهو للالغاز فقط


وانت لك خبرة واسعه وكبيره في الالغاز وتعتبر من عمالقة هذا الفن ووجودك مكسب كبير لنا

والله يحييك في محلك

[مرزوق فلاح]

اخواني الاعزاء

وجودك شرف و العطاوي وحزم الجلاميد

صح السنتكم وبيض الله وجيهكم وماقصرتو مشكورين

تقبلو تحياتي

[مرزوق فلاح]

يامرحبا فيك ملايين ولاتكفيك يابوفلاح
وابرك الساعات تشريف الرجال شرواك والمحل محلك تمون وتامر عليه
وانت ضيف للمنتدى كله ماهو للالغاز فقط


وانت لك خبرة واسعه وكبيره في الالغاز وتعتبر من عمالقة هذا الفن ووجودك مكسب كبير لنا

والله يحييك في محلك

اخوي شيخ الشيوخـ

تسلم وبيض الله وجهك لما قلته اتجاهناء وهذا الكلام لايقوله الا مثلك وشرواك

رجل يعرف واجب الغير دنيا ودين واعتبر ماقلته وساماً صدري وتاجا على راسي

تقبل تحيات اخوك