سعد مخلد
05-29-2010, 04:15 PM
بسم الله الرحمن الرحيم
ذيب تنحر نجد من قمة رهاط=ماقصه القصاص يوحي هريفه
اليا وطى صم الصخر يضرب اشواط=يقدح كمى برق يشوق رفيفه
من قو باسه والسطر ولتعباط=اوماله بقطعان بدوٍ مريفه
امحيطهم يومٍ مامنهم احاط=ويسجهم سج النضا بالصريفه
وتناقلو علمه على هاتف اسقاط=وصجو ولجو والاشاره ضعيفه
تخبطو مع جرته والتخباط=فرق العقول النيره والخفيفه
وتعلقو قشرٍ تبا الفين ممراط=لووجهة للاعزلي ماتخيفه
نديبها يوبص كمى عود مخشاط=وميقاعها دون الهدف فالنصيفه
ويوم ايسو كلن عطا عدة امشاط=وادناهم الي حطها في رديفه
وتشتتو من عقب ماكانو اخلاط=وبانت حقايق من كمى الوقت زيفه
الي يخيط الجرح ماهوب خياط=وفزاعته كلن سلوكه قضيفه
والي طلع طلعة كرا يشقح الغاط=وفرق العرب فرق الجبال المنيفه
ومن عقب مارددتهم عدة اشواط=ارتح ومد الرجل يابو حنيفه
ذيب تنحر نجد من قمة رهاط=ماقصه القصاص يوحي هريفه
اليا وطى صم الصخر يضرب اشواط=يقدح كمى برق يشوق رفيفه
من قو باسه والسطر ولتعباط=اوماله بقطعان بدوٍ مريفه
امحيطهم يومٍ مامنهم احاط=ويسجهم سج النضا بالصريفه
وتناقلو علمه على هاتف اسقاط=وصجو ولجو والاشاره ضعيفه
تخبطو مع جرته والتخباط=فرق العقول النيره والخفيفه
وتعلقو قشرٍ تبا الفين ممراط=لووجهة للاعزلي ماتخيفه
نديبها يوبص كمى عود مخشاط=وميقاعها دون الهدف فالنصيفه
ويوم ايسو كلن عطا عدة امشاط=وادناهم الي حطها في رديفه
وتشتتو من عقب ماكانو اخلاط=وبانت حقايق من كمى الوقت زيفه
الي يخيط الجرح ماهوب خياط=وفزاعته كلن سلوكه قضيفه
والي طلع طلعة كرا يشقح الغاط=وفرق العرب فرق الجبال المنيفه
ومن عقب مارددتهم عدة اشواط=ارتح ومد الرجل يابو حنيفه