من يعرف اللغز وله جائزه حلووووووووه

[اخو من طاع الله]

السلام عليكم ورحمة الله وبركاته

اللغز اخواني هو
شي تفعله المرآه مره واحده في حياتها
والرجل يفعله ثلاث مرات في اليوم مذكور
في القران يبدا بحرف الميم ومكون من
خمسة احرف فما هو؟

يا الله شدوا الحيل والجائزه موجوده بسرررررررررررعه

[طالع]

اول شي وشهي الجايزه علشان اشوف انا اقدر احله ولا لا


لان اذا ماكان فيه جايزه يعني مقدر احله

واذا فيه جايزه احله بسرعه

[اخو من طاع الله]

يعني الله يهديك ما تحل الا من اجل الجائزه
انت حل وبعدين نرضيك
هههههههههههههههههههه
راحوا الاذكياء اللغز له اسبوع

[طالع]

انا مقفل مخي مأثر علي الصيام

[اخو من طاع الله]

اقول معك لبعد العيد انت ما راح تجيب الحل
ههههههههههههههههههههههههههه
وين الاذكياء حسبي الله عليكم يا العتبان
لو اللغز في الغنم او النياق كلن عرف الحل
هههههههههههههههههههه
استعينوا بصديق او احذفوا اجابتين انا ما عندي مانع
هههههههههههههههه

[طالع]

اصبر بعد العيد وارمعكم برمعة طيبه

[اخو من طاع الله]

معك لبعد عيد الحج
هههههههههههههههه
انت ما تجيب الحل
ههههههههههههههه

[طالع]

ههههههههههههههههههههههههههه

وراو

لبعد العيد هذا

واجيبوه

[اخو من طاع الله]

ههههههههههههههههههه
انا في انتظارك

[(اجمل احساس)]

صععععععععععععععععععععععععععععععععب

[ابن ثريان]

اخي السلاح الجوي

الحل هو المحراب

[جراح العتيبي]

يالسلاح الجوي هذا اللغز اعترضوا عليه الكثير


وقد قيل انه ماله حل



لكن هل هو مثل ماقال اخوي ابن ثريان


المحراب


ولا اذا ولا دزه لي رساله خاصه انا اخوك استاهل


ههههههههههههه

[اخو من طاع الله]

تستاهل يا اخوووووووووووووووي
بس انا بعد والله ما اعررررررررف الحل
انا فكرت حتى شاب شعر راسي
بس معقوله المحررراب
اللغز يقول تعمله المرآه مره واحده في حياتها والرجل يعمله ثلاث مرات كل يوم
بعدين يقول مذكور في القران
والله انا مدري العلم عندكم
للمعلوميه جاني اللغز من باكستان وابي اشوف
الزميل اللي ارسله لي وارد عليكم
تحياتي لكم

[طالع]

الحين حاط لنا لغز ماتعرف حله


انا وش اسوي فيك

الحين وش نقول للعرب يالسلاح

[فهد العايضي]

ههههههههههههههههههههه

الله يرج عدوك يالسلاح وهذي آخرتها ماعرف حله ...!!

حتى في اللألغاز يالسلاح

[طالع]

هذا يلعب باعصابنا



ياخوي ارحم مشاعرنا

[اخو من طاع الله]

هههههههههههههههه
والله ما اعرفه حله
ههههههههههههه
ههههههههههه
اتصلت على زميلي المقيم في باكستان وقال بعد ما يعررف الحل
والله العظيم يا ناس
ههههههههههه
ههههههههههههه
هههههههههههه
هههههههههههه
هههههههههههههه
وش اقول وش اتكلم الي يحس ان حل صح يقول
لي والله ارسل له الجائزه
ههههههههههه
هههههههههه

[ابن ثريان]

اخي السلاح الجوي
الجائزة ( ما عنها ) ان شاء الله وعليك الحق وما يلحق ....!
اما كيف الحل المحراب ؟
يدخل الرجل المحراب في ثلاث صلوات جهرية يومياً
اما المرآة فتدخلة مرة واحدة عند الصلاة عليها بعد موتها (جنازة) وتكون الصلاة جهرية ايضاً ...؟
اطال الله في اعماركم ،
والله اعلم .
تحياتي

[فهد العايضي]

أعتقد أن ابن ثريان ذبح اللغز .. وماله إلا هذا الحل

عوايده ويستاهل الذيب .. جهز الجائزه يالسلاح

[اخو من طاع الله]

ما فهمت هذي اخوووووووي وضحها
يدخل الرجل المحراب في ثلاث صلوات جهرية يومياً
اما بخصوص الجائزه ابشر
اما بخصوص الحق ابشر بالحق وراعي الحق
انت قاضي يا الغريب الله يحفظك
هههههههههه

[ابن ثريان]

ما فهمت هذي اخوووووووي وضحها
يدخل الرجل المحراب في ثلاث صلوات جهرية يومياً
اما بخصوص الجائزه ابشر
اما بخصوص الحق ابشر بالحق وراعي الحق
انت قاضي يا الغريب الله يحفظك
هههههههههه

أخي الكريم
المقصود بالصلوات الجهرية هي صلاة الفجر وصلاة المغرب وصلاة العشاء يجهر بها امام الجماعة (الرجل) ،،،

[ابن ثريان]

أعتقد أن ابن ثريان ذبح اللغز .. وماله إلا هذا الحل

عوايده ويستاهل الذيب .. جهز الجائزه يالسلاح

يامال العافية ابو مشاري

[اخو من طاع الله]

طيب الظهر والعصر وووووووووووضح اكثر والله ما ستوعبتها هذي

[اخو من طاع الله]

بعدين نبهوني الاخوووووووووه على نقطه مهمه في اللغز وهي كلمة تفعله في حياتها والمحراب بعد حياتها
تحياتي لكم
السلاح

[سالم العتيبي]

صـــــــــــــــــــــــــــــــــــــــــــــــــ ــعـــــــــــــــــــــــــــــب

[البادي]

بسم الله

الي الجميع مع التحيه امل ان تكون مشاركتي

خفيفه على قلوبكم ولاكن عندي تنويه بسيط

وهو ان اللغزهذا حسب معرفتي انه يقول .


ماهو الشي الذي يفعله الرجل ثلاث مرات في

العمر بينما تفعله المراءه مره واحده فقط ؟


وهذا اللغز ماادري هو الي انتم تبون ولا لغزكم

غار . وااجابه هذا اللغز هو .

الكساء الابيض يعني الرجل يكسى نفسه باللون الابيض

اذا حج ( الاحرام). واذا اعتمر( الاحرام ) . واذا مات ( الكفن )

اما المرءه فمره واحده فقط عندما تموت( الكفن)


وتقبلو تحياتي

اخوكم البادي

[اخو من طاع الله]

مووووووووو صحيح اخوووووووووي
قلنا حنا يفعله الرجل ثلاث مرات في اليوم بس المراه مره وحده في حياتها واضح اخوي اللغز
مشكور على المحاوله الحلووووووووووه
واتمنى نجد اجابه شافيه عندك

[سالم العتيبي]

يسلمووو اخوووي عبدالله الحافي ماقصرت على هاللغز
لكن والله العالم ان ماله حل لاني فتشت عليه وحاولت احلـه ونشدت شيابي ويقولون ان ماله حل دورنا عليه وماعرفنا حلــه والله أعلـم
اخوك:سالم العتيبي

[اخو من طاع الله]

يعطيك العافيه اخووي سالم والله انا تعبت كثيرررر وما وجدت حل بس الي محيرني يقول انه مذكور في القران ومن خمس حروف ويبدا بحرف الميم هذا الي يعطني امل انه له حل
ان شاء الله نجد من يحله
اتمنى لك التوفيق اخوي سالم

[طالع]

هههههههههههههههههههههههههههه

عبدالله انت وشفيك الحين كل ماجابو حل قلت لا مو صحيح وانت ماتعرف الاجابه والله انك غريب

[اخو من طاع الله]

ههههههه
صحيح اني ما اعرف الاجابه
لكن يوم يجوبون الحل اقيسه على اللغز اذا ناسب اللغز كان صحيح واذا ما ناسب ما راح يكون صحيح
فهمت يا طالع
ههههههههههههه

[طالع]

لا ياشيخ تلعب على اعصاب الناس هههههههههههههههههه

[اخو من طاع الله]

والله اتكلم من جد يا طالع وشوف الحلول الي وضعوها الاخوان ما تناسب حل اللغز الصحيح

[طالع]

والله ياعبدالله لغزك وانت اللي جبته حله انت والاعضاء

لكن انسى انه يتثبت مثل الالغاز الاخرى

[اخو من طاع الله]

ههههههههههه
هههههههههههههههه
حلوووووووه منك يا طالع لا تثبته بس نبيك تجيب الحل يا ذكي
هههههههههههههه

[طلق الشيباني]

اخوي ماهو المحراب
اخوك الدوادمي

[ابن عاصي]

الحل (مقبره ) المقبره زين لان الحرمه ماتزور المقبره غير في يوم دفنها

[اخو من طاع الله]

قالوا المحراب وردينا عليهم يا الدوادمي قلنا مو صحيح وذكرنا الاسباب


ابن عاصي
بس اللغز يفعله الرجال ثلاث مرات ولا ينطبق على القبر لان الرجل مثل المراه دخله وحده وعليها ههههه

[المملوحه]

انا اعرف الحل ياعبد الله



هو سلمك الله (الكذب)

الرجال يكذب ثلاث مرات باليوم

عند الافطار يقولها جيبي الفطور ياحبيبتي (عشان تفطره والا هو يكذب مايحبها)
عند الغداء يقولها جيبي الغداء ياحبيبتي (علشان تغديه والا هو يكذب مايحبها)
عند العشاء يقولها جيبي العشا ياحبيبتي (علشان تعشيه والا هو يكذب مايحبها)

والحرمه تكذب مره وحده بالعمر اذا جت تزوج واسألوها كم عمرك تقول 18

[اخو من طاع الله]

ههههههه
ههههههه
ما شاء الله عليكي موهبه من رب العااالمين

والله انتي اخر من يحل اللغز واذا حلتيه راح انتظر قيام السااااااعه ههههه

مشكوره على المشاركه الحلوووووووووه

[المملوحه]

ابك اخلص علينا وووووووووووش الحل

[اخو من طاع الله]

هههههههههه

والله ما ادري عن الحل

اعتقد هذا اللغز ماله حل والله تعبنا فيه

[المملوحه]

ابشررررررررررررررررررك لقيت الحل





























يقولون المقبرررررررررررررررررررررررررة





















عبدالله ماينفع اي جائزة لازم مسكته

[نجداوي نجد]

هههههههههههههههههههههههههه

يلعن بليسها

عبدالله لا تعطيها شئ

مملوحه ليه ماقلتي يقول نجداوي ليش تقولين يقولووون تبين تقلعين الإجابه خخخخخخخخ

بنت برقاء سئلت وجبت لها الإجابه هههههههههههههه وانتي لاقطتها من هناك هههههههه

[فهد بن فهم]

انا مثلكم ماعرفته

بس البارح ارسل لي واحد مسج على الجوال ويقول حله ( مقبره)

لأن المراه حسب كلامه ماتزور المقبره الى اذا ودعت والرجل يقول يقدر يزوره المقبره 3 مرات يوميا

ولن ماعندي خبره وقتها سكت وماعلقت

وصراحه مدري عاد اللي عنده شي يقوله علشان ارد على الاخ

[المملوحه]

يانجداوي والله والله اني دخلت المنتدى وانا عارفه اللغز وحطيته هنا


وتوني بعد ماحطيته رحت اشوف لغز بنت برقا وحصلتك مجاوب

قلت في نفسي هب يالسروق نجداوي مسرع لطش حلي







فــــــــــــــــهد هذا الحل الصحيح مافي غيره اعتمـــــــــــــــــــــــــد

[فهد بن فهم]

ومعي كبير رواة على الماسنجر يقول المقبره

اجل الجائزه للملح

يالله ياعبدالله

تستاهل الكحيله

شكرا لكم

[المملوحه]

يعطيك العافية اخوووووووووووووي فهـــــــــــــد


وننتظر الجائزة بفاااااااااااااااااااااااارغ الصبرررررررررر



شــــــــــــــد حيلك عبدالله



وبقسم لنجداوي منها شوي علشان افتك من عينه ونقه

يعني خلها جايزة كبيرة عبدالله لو سمحت

[نجداوي نجد]

هههههههههههههههههههههههههههههههه

يلعن بليسك مادريت عن اجابتك انتي وراسك

والهديه تراها لك مابي أصلاً هديه

صدق لا قاالو ((((( ناطح الصياح صياح تسلم ))))

هههههههههه

عبدالله عطها هديه ولا حولها علي هههههههه

[اخو من طاع الله]

مشكورين على الاجابات ولكن المقبره مو صحيح كيف نزور المقبره ثلاث مررراااات حنا الرجال

[اليورو]

حل اللغز هــو

المحراب : هو ما يوضع امام المصلي .. ما يوضع امام الامام كي لا يمر احد امامه ويقطع صلاته

يستخدم خمس مرات في اليوم

ولكن يستغنى عن مرتيـن فيبعض الاحيان

لان صلاة المسـافر فيها جمع وقصر ..

اي انه يجمع صلاة العصر والظهر وهذي مرهـ
وبجميع صلاة المغرب والعشاء وهذي مرهـ
وصلاة الفجر وهذي مرهـ

ذكر في القرآن الكريــم

والمرأهـ تستخدمه مره وحده وهي انها توضع بين المحراب والامام في الصلاه عليها اذا توفيت ...

هذا والله اعلم اجتهاد وفي نظري الاقرب

وخلو عنكم المقبره ما اتوقع انها صحيحه


تحياتي

اليورو

[اخو من طاع الله]

والمقبره غلط يا اخووووان

لكن المحراب اشوف افكر بحلك اخوي اليورو

[ابراهيم العتيبى]

المقبره يزورها الرجل ثلاث مرات فى اليوم اما انه يمشى فى جنازه او لزيارة المقبره او انه ميت واما المرأه فهى ما تزورها الا وهى ميته والله واعلم وبعدين اللغز بدايته تقول
ابيض من الثلج واسود من الليل اكله حرام وشربه حلا ل ذكر فى القران مكون من خمسة احرف اول حرف ميم يستخدمه الرجل ثلاث مرات فى اليوم والمرأه مره واحده فى العمر

[بوشامه]

الحل ------ يالحافي ---- هو القبر 000 لحيث ات المرآه لا تزوره إلايوم تقبر فيه 00 0000

[اخو من طاع الله]

والله ما ندري وين الحل يا اخوان

مره يقولون المحراب ومره يقولون القبر

لكن انا اشوف ان اقرب شي المحراب

اقولكم ليه اقرب

لانه مذكور في القران ومن خمسة احرف

(معنى ثلاث مرات في اليوم للرجل ومره في الحياه للمراه)
صلاة الفجر في المحراب مره ويجمع الظهر مع العصر في المحراب هذي ثنتين ويجمع المغرب مع العشاء هذي ثلاث مرات

والمراه تجي للمحراب يوم موتها للصلاه عليها

والله اعلم