ضيف الله بن سويلم
05-21-2010, 05:31 PM
السلآم علـيكم ورحمـة الله وبركاته
يا رعاة الشـاه والناقـة وسكّـان الصحـاري = التطـاول فالمبانـي مـن علامـات القيـامـة
عن رسول الله وثابت عند مسلـم والبخـاري = يا صلاة الله على وجه الحبيـب ويـا سلامـه
الفقير اليا اغتنى لابـد يطـري لـه طـواري = يرتفع ويصير له عنـقٍ كمـا عنـق النعامـة
كل ماقالـوا رصيـدك زاد فالبنـك التجـاري = جنّد ضعوف الضماير واتجه صـوب الزعامـة
كان في بيت الشعر تذري على أطرافـه ذواري = ابدوي واليوم في قصـرٍ كمـا قصـر اليمامـة
والفضل لله وأرزاق البشر فـي كـف بـاري = ولا تـدوم النعمـة إلا بالشكـر والإستقـامـة
وأنت ياللي ما دريـت الله بعلـم الغيـب داري = سوق الأسهم مشتبه ما أعرف حلاله من حرامه
الشـواري بيّنـه ياللـي تعرفـون الشـواري = وأيّ رجلٍ ما احترم راع الفضل قـلّ احترامـه
الصقور مبرقعة والبـر خـال مـن الحبـاري = ولو يفك الطير راع الطير مـا لحقـه ملامـة
والحياة اللـي بعدهـا مـوت لذّتهـا عـواري = من عذاب القبـر ثـم الحشـر يالله السلامـة
وسلامتكم
يا رعاة الشـاه والناقـة وسكّـان الصحـاري = التطـاول فالمبانـي مـن علامـات القيـامـة
عن رسول الله وثابت عند مسلـم والبخـاري = يا صلاة الله على وجه الحبيـب ويـا سلامـه
الفقير اليا اغتنى لابـد يطـري لـه طـواري = يرتفع ويصير له عنـقٍ كمـا عنـق النعامـة
كل ماقالـوا رصيـدك زاد فالبنـك التجـاري = جنّد ضعوف الضماير واتجه صـوب الزعامـة
كان في بيت الشعر تذري على أطرافـه ذواري = ابدوي واليوم في قصـرٍ كمـا قصـر اليمامـة
والفضل لله وأرزاق البشر فـي كـف بـاري = ولا تـدوم النعمـة إلا بالشكـر والإستقـامـة
وأنت ياللي ما دريـت الله بعلـم الغيـب داري = سوق الأسهم مشتبه ما أعرف حلاله من حرامه
الشـواري بيّنـه ياللـي تعرفـون الشـواري = وأيّ رجلٍ ما احترم راع الفضل قـلّ احترامـه
الصقور مبرقعة والبـر خـال مـن الحبـاري = ولو يفك الطير راع الطير مـا لحقـه ملامـة
والحياة اللـي بعدهـا مـوت لذّتهـا عـواري = من عذاب القبـر ثـم الحشـر يالله السلامـة
وسلامتكم