لغز.. غير البنت ماهوب مزبن/// محلول من تسنيم صح لسانها

[وجودك يكفي]

مساء الخير

طرحنا لغز جديد قبل العصر واستلمنا شهادة وفاته من تسنيم بعد العصر ومانقول غير رضينا بقضاء الله وقدره

وهذا لغز جديد كتبناه بعد وفاة اخوه وبإنتظار شهادة وفاته

يقول:


انشدك عن بنت)ن( تزبن رياجيل=واقول فعل البنت معروف يغبن

يحرص عليها ناس جيل)ن( بعد جيل=لاصار غير البنت ماهوب مزبن

/

/

/

/

بالتوفيق للجميع

[الأدميرال]

واقول فعل البنت معروف يغبن
جاري التفكير

[وجودك يكفي]

إي والله يغبن

جاري الإنتظار يالادميرال

[{ أبوفيصل }]

صح لسانك ولي عوده ياولد ثابت
ودي أنهيه ،، تدري ليه ؟ حتى انّي اطرح لكم لغزي
هههههه


وش رايك بالمعرفه الله يطول عمرك

[وجودك يكفي]

ارحب يالخليجي ارحب وصح بدنك يالغالي

لا أوصيك عليه افقش راسه فقش وعندك أياه


المعرفه مالك لوا...





خليجي نت اطرح لغزك عشان اثبته الآن
مافي مانع يكون خمس ألغاز مثبته

بإنتظارك

[{ أبوفيصل }]

ماهي بالمعرفه طال عمرك
اجل ثبت اللغز ولغزك جاري التفكير فيه
بعد الصلاة

[وجودك يكفي]

مالك لوا ... طال عمرك على طاعة الله

[وجودك يكفي]

لي عودة بعد الفريضه

[الأدميرال]

الدله او المدخنه

[وجودك يكفي]

مالك لوا ... ياراع الدله والمدخنه

[تسنيم]

السلام عليكم طلعت سفاحه >> الله يسامحك

وان شاء الله نهاية هذا على يدي


نقول
البندق او الخنجر

وصح لسانك

[وجودك يكفي]

السلام عليكم طلعت سفاحه >> الله يسامحك

وان شاء الله نهاية هذا على يدي


نقول
البندق او الخنجر

وصح لسانك
عليكم السلام
وصح بدنك يالسفاحه


المره ذي سلم من بطشك والجواب غير صحيح


البندق او الخنجر مالك لوا..

[تسنيم]

طيب وش رايك
في السنه النبويه

[وجودك يكفي]

مالك لوا ياتسنيم

وانتبهي ترى البنت تغبن بفعلها

يعني فعلها ماهو زين

[تسنيم]

آسفه ترى مو كل الكلمات افهماه اعذرني
عموما لي عوده بعد التفكير

[وجودك يكفي]

آسفه ترى مو كل الكلمات افهماه اعذرني
عموما لي عوده بعد التفكير

بإنتظآآآآآآآرك ياتسنيم

[{ أبوفيصل }]

وجودك يكفي
اسمح لي أرمع لغز صبار وأحله حتى تزفه مع لغزي نهار السبت
وبعدها لنا عوده على لغزك
ههههههههههه

[وجودك يكفي]

هههههه عندك اياه يالذيب ومايحتاج أوصيك عليك

[乂صـواعب乂]

وجودك يكفي

صح لسانك على هاللغز

واتوقع انها السياره

^_^

[وجودك يكفي]

وجودك يكفي

صح لسانك على هاللغز

واتوقع انها السياره

^_^

هلا بك ياصواعب وصح بدنك

والسيارة مالك لوا...

[乂صـواعب乂]

انشدك عن بنت)ن( تزبن رياجيل=واقول فعل البنت معروف يغبن

يحرص عليها ناس جيل)ن( بعد جيل=لاصار غير البنت ماهوب مزبن


ولد ثابت ،،ممكن :3: استفساار<<

البنت اللي تنشد عنها هل تستخدمها النساء ؟

[وجودك يكفي]

جواب اللغز معروف ياصواعب بنسبة 99%
وما أتوقع أحد يجهل البنت المطلوبه
يعني كل مائة عضو أتوقع واحد منهم مايعرف الجواب و99 يعرفون البنت المطلوبه بدون ما أجاوب على من يستخدم البنت أو من الذي يستفيد منها
لأني لو أحدد الناس الذين يحرصون على هذه البنت كان انكشف اللغز وانتهى

وبعد يتضح الجواب تعرفين قصدي ياصواعب

فكري زين وركزي وافقعي عين اللغز مثل مثل مافقعتي عين لغز كذبة أبريل

ترى مافيه شي أسمه صعب ياصواعب

بإنتظارك

[الأدميرال]

ومازال التفكير جاري

[وجودك يكفي]

ومازال التفكير جاري
ومازال الإنتظار سيد الموقف وبنشوف تفكيرك وش ينتج عنه
:z039:

[][ ابو هـآدي ][]

بعد انقطاع طال *_^

ماهوب الخيمه يالذيب

[وجودك يكفي]

[ ابو هـآدي ][;982674']بعد انقطاع طال *_^

ماهوب الخيمه يالذيب


ارحب يابوهادي ارحب وحياك الله وانا أخوك والحمد لله على السلامة

سعداء بوجودك يالغالي وبإذن الله تكون آخر الغيبات



ودي أقول جوابك صحيح من فرحتي بك لكن للأسف الجواب غير صحيح يالذيب

[{ أبوفيصل }]

صباح الخير يالحاضرين

وجودك يكفي انا ماعندي نيه أحل لغزك اليوم
لكن وش رايك بـ الصنعه كما يقول المثل العربي
(الصنعه أمانٌ لك من الفقر)

ملاحظه : بما أن لديك خاصية الحذف والتعديل ارجو الغاء ردي الأول على الأخ صبار المضياني
حيث تم أكتفيت فقط بأبيات الحل في الرد الأخير وشكراً

بأنتظارك ياولد ثابت

[وجودك يكفي]

والله إنك تخوف يالعطاوي وإن سلم منك اليوم ماسلم بكره



وبالنسبه للرمعه مالك لوا ... رمعه سماوية حيل ياخليجي نت

حط في بالك إن البنت فعلها يغبن وفعلها ماهو زين بالنسبه لنا




ابشر يالذيب تامر أمر

[][ ابو هـآدي ][]

هلابك يا وجودك يكفي


طيب وان قلنا الزنزانه


وش تقول

[وجودك يكفي]

مالك لوا.. يابو هادي
رمعه سماويه

[乂صـواعب乂]

شو رايك في الاشاعه او الفضيحه

[تسنيم]

السلام عليكم

بعد التفكير احتمال تكون الواسطه

[وجودك يكفي]

الإشاعه أو الفضيحه مالك لوا ياصواعب
الواسطه مالك لوا ياتسنيم

[إبن ثعلي]

اعتقد ياولد ثابت انها الدخله في الوجه اذا اضطر المجرم ان يدخل في وجه قبيله0
وكانت قبيلة عتيبه تؤمن من يدخل في وجهها سنه وشهرين

[وجودك يكفي]

اعتقد ياولد ثابت انها الدخله في الوجه اذا اضطر المجرم ان يدخل في وجه قبيله0
وكانت قبيلة عتيبه تؤمن من يدخل في وجهها سنه وشهرين

مالك لوا ... يابوعبدالرحمن

[{ أبوفيصل }]

وجودك يكفي وش رايك لو حليته تمدد بقاء لغزك ولغزي
أو تفزع لي على لغز صبار ههههههههه واحد طماع ويخاف يفلس من الثنتين ..

لوكنت متأكد من حله كان جبت رده شعر
لكن أعتقد أنه (( ذكرى النكبه )) ذكرى النكبة في 15 أيار (مايو) من كل عام
وهو اليوم الذي صدر فيه إعلان قيام إسرائيل عام 1948.
هذا اليوم يتذكره العرب والإسرائيليون ...
وش رايك مايغبن ويحرصون عليه الفلسطينين وهي ماهي زينةً لنا بأنتظار ردك

أرقّ التحايا لكم وأعذبها

[صبار المضياني]

وجودك صح السانك على هلغز الجزل

وشرايك في الفرس الاصيل يحا فظون عليها وعلى سلا لاتها

او اسم بنت يعتزون بها

[تسنيم]

بعد التفكير يمكن تكون النار
في البرد تزبن وفعلها الحرائق احيانا

[{ أبوفيصل }]

أشوف كل رمعه أطيب من الأخرى
لكن رمعة تسنيم خطيره لن كان ماهيب هي
ولاّ (( ذكرى النكبه )) يالله من النكبات تامناّ ههههه
بأنتظار وجودك

[بن فريح]

مساء الخير

طرحنا لغز جديد قبل العصر واستلمنا شهادة وفاته من تسنيم بعد العصر ومانقول غير رضينا بقضاء الله وقدره

وهذا لغز جديد كتبناه بعد وفاة اخوه وبإنتظار شهادة وفاته

يقول:


انشدك عن بنت)ن( تزبن رياجيل=واقول فعل البنت معروف يغبن

يحرص عليها ناس جيل)ن( بعد جيل=لاصار غير البنت ماهوب مزبن

/

/

/

/

بالتوفيق للجميع

صح لسانك اخوي وجودك يكفي على اللغز الرائع
واسعد الله اوقاتكم الجميع
وش رايك بـ الفروسيه والشجاعه
او
الرمايه او السباحه
دمتم الجميع بخير

[بن فريح]

او
العقال
عندما يرمي الدخيل عقاله
يزبنونه

[وجودك يكفي]

وجودك يكفي وش رايك لو حليته تمدد بقاء لغزك ولغزي
أو تفزع لي على لغز صبار ههههههههه واحد طماع ويخاف يفلس من الثنتين ..

لوكنت متأكد من حله كان جبت رده شعر
لكن أعتقد أنه (( ذكرى النكبه )) ذكرى النكبة في 15 أيار (مايو) من كل عام
وهو اليوم الذي صدر فيه إعلان قيام إسرائيل عام 1948.
هذا اليوم يتذكره العرب والإسرائيليون ...
وش رايك مايغبن ويحرصون عليه الفلسطينين وهي ماهي زينةً لنا بأنتظار ردك

أرقّ التحايا لكم وأعذبها

لغزك راح جعلك ماتروح مراحه وانا اخوك

وبالنسبه لرمعتك مالك لوا ... ولكنك حول الحما ياخليجي نت وذكرت لك ناس يحرصون على هالبنت وماظنتي عقب ردي هذا يسلم اللغز

اعتبروا ردي هذا توضيح لكم

[وجودك يكفي]

وجودك صح السانك على هلغز الجزل

وشرايك في الفرس الاصيل يحا فظون عليها وعلى سلا لاتها

او اسم بنت يعتزون بها
صح بدنك يابوهاني وماعليك زود بالجزاله

ورمعاتك مالك لوا ... يابوهاني

[وجودك يكفي]

بعد التفكير يمكن تكون النار
في البرد تزبن وفعلها الحرائق احيانا
الله يكفينا شر الحرايق ياتسنيم

والرمعه مالك لوا..

ولكن حاولي تستفيدين من رد خليجي نت لأنه حدد الناس إللي تزبنهم البنت ويحرصون عليها

[وجودك يكفي]

أشوف كل رمعه أطيب من الأخرى
لكن رمعة تسنيم خطيره لن كان ماهيب هي
ولاّ (( ذكرى النكبه )) يالله من النكبات تامناّ ههههه
بأنتظار وجودك

طاب فالك يالعطاوي وطابت ايامك

لاذي ولاذيك وبإنتظارك

[وجودك يكفي]

صح لسانك اخوي وجودك يكفي على اللغز الرائع
واسعد الله اوقاتكم الجميع
وش رايك بـ الفروسيه والشجاعه
او
الرمايه او السباحه
دمتم الجميع بخير

صح بدنك يابن فريح وهلابك يالغالي

بالإضافه إلى رمعتك الاخيره رمعة العقال


جميع الرمعات مالك لوا... وانا اخوك

[{ أبوفيصل }]

معاهدة كامب ديفد
يحرصون عليها اخواننا العرب خصوصاً مصر وفلسطين وفيها غبن والله اعلم

تحيتي

[وجودك يكفي]

مالك لوا .. ياخليجي نت ورمعه سماوية

[إبن ثعلي]

اعتقد حل اللغز منظمة حماس في غزه

[{ أبوفيصل }]

الأستعمار أو الأحتلال أو الحصانه
كلّت محافيري ياولد ثابت عسانا حول الحمى الله يحماك

أعذب التحايا يامعذبنا

[{ أبوفيصل }]

ابن ثعلي فضخ عينه تسلم يمينه
بأنتظارك ياولد ثابت

[خيال الصفراء]

صح لسانك ياوجودك يكفي
لغز جزل وسمين
يسلم السانك
وش رايك ((بشيخه))

[الأدميرال]

البنت هي غزه
او الجنسيه الفلسطينيه

[وجودك يكفي]

اعتقد حل اللغز منظمة حماس في غزه

مالك لوا ... يابو عبدالرحمن

[حزم الجلاميد]

مسا الخير ياوجودك يكفي انت والموجودين

[وجودك يكفي]

الأستعمار أو الأحتلال أو الحصانه
كلّت محافيري ياولد ثابت عسانا حول الحمى الله يحماك

أعذب التحايا يامعذبنا
مالك لوا .. يالعطاوي ومعاد أنت حول الحما أشوفك رحت بعيد مع العلم إن لك رمعه حددت فئة الناس إللي يحرصون على البنت ولكنك ماجبت للبنت طاري

الله كاتب للغز هذا حياة

[وجودك يكفي]

صح لسانك ياوجودك يكفي
لغز جزل وسمين
يسلم السانك
وش رايك ((بشيخه))
صح بدنك ياخيال الصفراء

والرمعه مالك لوا .. يالغالي

[وجودك يكفي]

البنت هي غزه
او الجنسيه الفلسطينيه

مالك لوا ....... يالادميرال

[وجودك يكفي]

مسا الخير ياوجودك يكفي انت والموجودين

هلا بك ياحزم الجلاميد ومساك الله بمثله وانا اخوك

[{ أبوفيصل }]

قضية فلسطين

[وجودك يكفي]

قضية فلسطين مالك لوا .. يالعطاوي نت

[وجودك يكفي]

والله إني بالعادة اقرب وأوضح بعد الصفحة الخامسة

لكن معاد انا مقرب ولا هه

وبشوف شهادة وفاة اللغز من يختم عليها


وعلى فكرة اللغز هذا فازع لأخوة إللي تم قتله على يد العضوه تسنيم في وقت وجيز


شدوا حيلكم وبالتوفيق للجميع




‏ ‏

[م ا ج د]

لغز حلو والله بس مالي خلق افكر الحين ... حاولت احله بدون لاتعب تفكيري ماقدرت وماابي احمل مخي اكثر من طاقته ..


الله يعطيك العافيه ولد ثابت وان شاء الله الاعضاء يجيبون لك الحل

.هي حاجه اكثر مايحرصون عليها اخواننا المصريين على ماعتقد صح ..؟

تحياتي واحترامي لك

[وجودك يكفي]

هلا بك يالغالي
م ا ج د

لا وانا اخوك البنت ماتنفع أخوانا المصريين ومايحرصون عليها


فكر يالذيب على رواقه والجو هادي مدام إن مكان الإقامة على الكرنيش أكيد الجو يساعد على التفكير

وبإذن الله راح تجيب الجواب

[م ا ج د]

هههههههههه

هلا بك اكثر اخوي ..

لغزك صعب وانا خوك
حتى في قوقل ماهو موجود بحثت عنه مالقيت شي هههههههههههه

والله عندي جدتي راعية الغاز وشاعره بنفس الوقت بس نايمه الحين والا كان اتصلت عليه وسألتها ) عن هاللغز


عطني الحل خاص ومالك الا اللي ينزل الحل باسمك وش قلت ...؟؟ ههههههههه

[وجودك يكفي]

هههههههههههه والله إنك بطران ياماجد

لا تبحث في قوقل وإذا بحثت جابك لنفس المنتدى هذا

اللغز كتبته قبل امس وطرحته هنا<< يعني قوقل مايفيدك بشي

[م ا ج د]

^^^^
ماشاء الله عليك .. اجل كتيب الغاز .. الله لايضرك ياغالي

طيب واللي يحله لك ببيتين شعر << وش عنده ههههههههههههههه

امزح معك يالذيب ..

حلو يعني له 3 ايام اللغز مكتوب يعني يمديني اشاور بكره واشوف.... ان حله احد لاتكتب حله لين ارد لك خبر هههههه


انا اللي فهمته من اللغز انها حاجه قديمه تناقلتها الاجيال وكانت آخر الحلول بالنسبه لهم اذا مالقوا شي لجأوا لها ..

ماهي الحصاة وانا اخوك << توها طرت على باله

[م ا ج د]

والله توها طرت على بالي وانا اكتب .. ورجعت الصفحه الاولى وقريت اللغز كويس لقيت انه يطابق الحل ..

فعلها يغبن بس تزبنك تفلق بها اللي يناطحك هههههههههههههه

[وجودك يكفي]

ههههههههه حصاة تفلق<<شكلك مقرود وانت صغير

مالك لوا .. اجابه غير صحيحه

[م ا ج د]

ههههههههه حصاة تفلق<<شكلك مقرود وانت صغير

مالك لوا .. اجابه غير صحيحه


طيب ولا الحجره ..؟؟ << هذا اللي مايفهم صدز ههههههههه



اخوي وجودك يكفي .. هي حاجه ملموسه والا غير ملموسه ..؟؟؟ < منت مجبور تجاوب ترا ..

لكن نبي نوضح للمشاهدين قصدي المتابعين الحل ..

شكرا لك

[وجودك يكفي]

ابشر يالغالي م ا ج د تآمر أمر وانا اخوك كم ماجد عندي؟؟؟

البنت محسوسه وازيدك توضيح

البنت محسوسه ورب العزة والجلال خالقها
يعني البنت مخلوقه

[م ا ج د]

^^^^
الله يخليك مايامر عليك ظالم ياغالي ..


اعتقد مابعد هذا التوضيح توضيح .. وينكم ياحلالين الالغاز


اقول وش رايك تكتب الحل هههههههههههههه


جاري التفكير يالذيب ..,,

[م ا ج د]

والله احس اكثر واحد نفسه يحل اللغز .. هو اخونا خليجي نت .. شفت حتى نكه معلق بالمنتدى وبصفحة الالغاز .. ولاحظت اكثر الردود له يبي يجيب الحل باذن الله ..

تحياتي

[وجودك يكفي]

انت وخليجي نت وجميع الاخوان والأخوات كلكم فيكم الخير والبركة والله لايحرمنا من تواجدكم الرائع





استأذن الآن ولي عودة بإذن الله هذا المساء

[م ا ج د]

^^^^^^^
الله يحفظك ياغالي ..


بانتظارك مساءً ان شاء الله .. لاتجي الا والحل معك ههههههههه


فمان الله

[{ أبوفيصل }]

جبهة التحرير الفلسطيني ،، أو مايسمى بالجبهة الشعبية
أو حركة الجهاد الفلسطيني ولا تنسا الأنتفاضه الشعبية
رايك يادكتور الألغاز بأنتظار ردك

أعذب التحايا

[وجودك يكفي]

مالك لوا ... يالذيب ماهي الجبهه ولا حركة الجهاد ولا حتى الإنتفاضه

[تسنيم]

جاري التفكير

[وجودك يكفي]

جاري الانتظار وبالنسبه لك ياتسنيم انا متأكد إنك تعرفين البنت المطلوبه

وبقرب لكم واجحدوها



البنت تزبن اليهود وهم إللي يحرصون عليها
‏ ‏
لأن غير البنت مايزبنهم

[تسنيم]

والله ما ادري انا افكر بامريكا بس ماني متاكده
او يمكن الارض الفلسطينيه لانها ارض الميعاد المزعزمه عندهم
وفعل فلسطين انقسامهم وفعل امريكا معروف

[وجودك يكفي]

مالك لوا ... ياتسنيم

البنت قلنا مخلوقه فكري زين

[تسنيم]

عدلت الرد شفه او
يمكن البقره اللي اسمها ميلودي تطلع لهم ويحرقونها ويتطهرون بها ويبنون الهيكل
المزعوم والله اعلم

[وجودك يكفي]

مالك لوا ياتسنيم قبل التعديل وبعد التعديل

وعشان اقرب لك البنت مذكوره في حديث عن الرسول صلى الله عليه وسلم بأنها تزبن اليهود

[تسنيم]

الشجره اللي يتخبون وراها
لما تكون الحرب بيننا وبينهم
وامرهم رئيس الوزراء ببنائها اما م مساكنهم

الغرقــــــــــــــــــــــــــــــــد

[وجودك يكفي]

الشجره اللي يتخبون وراها
لما تكون الحرب بيننا وبينهم
وامرهم رئيس الوزراء ببنائها اما م مساكنهم

الغرقــــــــــــــــــــــــــــــــد
صح لسانك ياتسنيم وبيض الله وجهك يابنت الرجال جوابك صحيح
البنت هيشجرة الغرقد ‏
هي الوحيدة إللي تزبنهم ويحرصون عليها تصديقا بحديث الرسول صلى الله عليه وسلم

ياليت ياتسنيم تذكرين لنا الحديث بما إنك ملمه في هذا المجال

[تسنيم]

اول شي الحمدلله لكل مجتهد نصيب واشكرك لانك ساعدتني
وانا طالبه ولست ملمه بهذا الامر لكني اميل له
وهذه الاحاديث والغرقد قالوا انها العوسج



http://www.alsirhan.com/Plants_s/images/Lycium_shawii_3.jpg


هذي صوره لها

عن عبد الله بن عمرو قال: ينزل عيسى بن مريم فإذا رآه


الدجال ذاب كما تذوب الشحمة ، فيقتل الدجال ويتفرق عنه اليهود، حتى أن الحجر ليقول:

يا عبد الله المسلم هذا عندي يهودي فتعال فاقتله ). وابن شيبة:15/144،

كرواية ابن حماد الثانية ، وفي/167، عن قيس ، وأحمد:2/417




عن أبي هريرة أن رسول الله صلى الله عليه وآله قال:


لاتقوم الساعة حتى يقتل المسلمون اليهود فيقتلهم المسلمون حتى يختبئ اليهودي وراء

الحجر أو الشجرة فيقول الحجر أو الشجر: يا مسلم يا عبد الله هذا يهودي خلفي

فتعال فاقتله ، إلا الغرقد فإنه من شجر اليهود . وبخاري:3/232، أو 4/51




وعن أبي هريرة:


لا تقوم الساعة حتى تقاتلوا اليهود حتى يقول الحجر وراءه اليهودي:

يا مسلم هذا يهودي ورائي فاقتله). ونحوه صحيح مسلم:8/188، ،

وسنن البيهقي:9/175.. الى آخر المصادر

اخيرا يعطيك العافيه وآسفه ع الاطاله

[وجودك يكفي]

جزاك الله خير ياتسنيم وبيض الله وجهك
عزالله ماقصرتي في الجواب وفي ذكر الاحاديث الوارده
حتى صورتها بجتيها ماشاء الله عليك

مشكورة على المشاركه والحضور الرائع وأشكر جميع الاخوان إللي شاركوا واقول الله يعطيكم العافيه


دمتم كما تحبون ولكم ودي واحترامي

[{ أبوفيصل }]

صح لسانك وبيض الله وجهك ياتسنيم
أصبتِ الهدف وبالثمانيات

صح لسانك ياوجودك يكفي لغز صعب ورائع
لااخفيك ركزت على فلسطين ونسيت عيال اليهود
وهذا حلاة اللغز يبعدك ويدنيك لكن لاتطول نبا مثلها وأطيب ياولد ثابت

أعذب التحايا لكم وأصدقها

العطـ خليجي نت ـــــاوي

[غزال الرافدين]

جاري التفكير

[وجودك يكفي]

صح لسانك وبيض الله وجهك ياتسنيم
أصبتِ الهدف وبالثمانيات

صح لسانك ياوجودك يكفي لغز صعب ورائع
لااخفيك ركزت على فلسطين ونسيت عيال اليهود
وهذا حلاة اللغز يبعدك ويدنيك لكن لاتطول نبا مثلها وأطيب ياولد ثابت

أعذب التحايا لكم وأصدقها

العطـ خليجي نت ـــــاوي

صح بدنك يالعطاوي وبيض الله وجهك انت وجميع الاخوان على مشاركاتكم الرائعه إللي عادة لقسم الالغاز النشاط والحيويه
والله يقدرنا على الطرح إللي يحوز على رضا الجميع ويرقى لذائقتكم في مجال الألغاز


احترامي

[وجودك يكفي]

جاري التفكير

جاري الإنتظار ....... وشدي حيلك ياغزال

[{ أبوفيصل }]

وين اللغز ياوجودك عطناه لاهنت الهمام وافضل وقت للطرح بعد المغرب
الا على طاري المشاركات وين ردودكم على أبياتي في قسم قصائد الأعضاء
لا مشاركه ولا حتى كلمة صح لسانك . :23:


تحياتي لكم

[وجودك يكفي]

صح لسانك هنا وهناك وصح لسانك لين ترضى يالعطاوي

وبالنسبه للغز جاهز والوعد بعد صلاة المغرب حسب توقيت ام القرى

[تسنيم]

صح لسانك وبيض الله وجهك ياتسنيم
أصبتِ الهدف وبالثمانيات

صح لسانك ياوجودك يكفي لغز صعب ورائع
لااخفيك ركزت على فلسطين ونسيت عيال اليهود
وهذا حلاة اللغز يبعدك ويدنيك لكن لاتطول نبا مثلها وأطيب ياولد ثابت

أعذب التحايا لكم وأصدقها

العطـ خليجي نت ـــــاوي

صح بدنك ما قصرت الله يوفق الجميع
وجودك مو اكيد احضر اللغز الجاي وراي اختبارات
ادعوا لي

[وجودك يكفي]

بالتوفيق اختي وعسى ربي يوفقك وتجيبين الدرجة الكامله يارب