ياعتـــــيبة

[شاعر عتيبة]

حرك الهاجس بعض الاحداث التي لاتمت للصحيح بصله



هاجسي ياهاجسي حان الوعد سر النجيبه= ولاتهاب من العلوم الي لها موجٍ مطمي
اركب اللي كن صلو النار يلسعها لهيبه= كنها لامدت ايديها تخم القاع خمي
خفها كنه جنيه وطبعها ماينحكي به = سرها لاهل المعزة لابتي وعيال عمي
و قل سلام ورحمة الله وبركاته ياعتيبة= واتعوذ من بليس ومن مناغيزه واسمي
واستعير عناية الله في كلامي والتجي به= والصلاة على النبي الي فداه ابوي وامي
عقب صار الوضع فيه وفيه والقصه غريبه= شي ماينقال قيل وكيف صار وكيف تمي
قال بندر وادي جهنم تحدر مع شعيبه= وكل يحاسب بفعله في نهارٍ مدلهمي
ياكنانه كنكنيه وكنكني ذمة صحيبه= ولاعلينا من علومه لو يخص ولو يعمي
لا اجتمع عباس من دباس ناتجهم مصيبه= وكل عدٍ فيه ماه وكل بيرٍ له مجمي
شي بقلبي واقوله وابتدي به وانتهي به=ولاتزيدون العتب مابين مدح وبين ذمي
اتعتب والعتب مرفوع في موقع عتيبة= والوكاد ان حبكم يجري معي في وسط دمي

شاعر عتيبـــة

[شويهينة الهيلا]

الله الله
صح لسانك حتى ترضي حروف عانقة السماء بقوتها

[الرائــــد]

صــح اللــه ألســـانك مــدد

وللـــه درك

تقبـــل مروري بود

[فهيد مقعد الرويس]

شاعرنا القدير

لايصح الاالصحيح

وصح لسانك مدد

ابدعت ولايستغر الابدع من شاعر بحجمك

تقبل مروري اعجابي الامحدود

تحيتي وتقديري

[النجم الأصيل]

صح لسانكـ

وبيض الله وجهكـ

[ذبــاح]

صح لسانك ولاهنت

مايصح الا الصحيح ومثل ماقلت ياكنانه كنكنيه

جزيل شكري والله يعافيك

تقديري~

[{ أبوفيصل }]

صح لسانك ياشاعرعتيبه
وفيت وكفيت

ماقول غير ماقال الشاعرالقدير فهد بن شجاع

الغصن توميبه هبوب النسانيس ** والضلع ماهز الهبايب حجاره

[عبدالله المرشدي]

صاح لسانك

ياشاعر عتيبه

وعلى شانك

مبدع كعادتك

تحيتي لك

[شاعر عتيبة]

اشكركم جميعاً على حضوركم وكلامكم الطيب وكلامكم سليييم مايصح الا الصحيح وانا اقول حرك الهاجس لان القصيده جائت كيف لا ادري !!

والا عتيبة جبل مايهزها ريح ولاعلينا من كلام فلان وفلان

[مُهــرة عتيبــة]

حرك الهاجس بعض الاحداث التي لاتمت للصحيح بصله



هاجسي ياهاجسي حان الوعد سر النجيبه= ولاتهاب من البحور الي لها موجٍ مطمي
اركب اللي كن صلو النار يلسعها لهيبه= كنها لامدت ايديها تخم القاع خمي
خفها كنه جنيه وطبعها ماينحكي به = سرها لاهل المعزة لابتي وعيال عمي
و قل سلام ورحمة الله وبركاته ياعتيبة= واتعوذ من بليس ومن مناغيزه واسمي
واستعير عناية الله في كلامي والتجي به= والصلاة على النبي الي فداه ابوي وامي
عقب صار الوضع فيه وفيه والقصه غريبه= شي ماينقال قيل وكيف صار وكيف تمي
قال بندر وادي جهنم تحدر مع شعيبه= وكل يحاسب بفعله في نهارٍ مدلهمي
ياكنانه كنكنيه وكنكني ذمة صحيبه= ولاعلينا من علومه لو يخص ولو يعمي
لا اجتمع عباس من دباس ناتجهم مصيبه= وكل عدٍ فيه ماه وكل بيرٍ له مجمي
شي بقلبي واقوله وابتدي به وانتهي به=ولاتزيدون العتب مابين مدح وبين ذمي
اتعتب والعتب مرفوع في موقع عتيبة= والوكاد ان حبكم يجري معي في وسط دمي

شاعر عتيبـــة

لله درك يا شاعر عتيبة
رائعة من روائعك المُعتادة،
لا عدمنا مفرداتك الصلبة وحروفك الجزلة..

طاحت عيني على (( عتيبة )) وفز الخفوق
فـ أضطريت أدخل وقريت الدُرر وأنجبرت أرد لجمال وروعة الكلمات والمعنى !!

حتماً سأتواجد في الخمسة حروف (ع ت ي ب ـة)

بيّض الله وجهك وصح لسانك..

::