مساجلة بين سلمان السبيعي وفاروق الكسر

[العديم]

مساجلة بين الشاعرين سلمان السبيعي والشاعر فاروق الكسر
قصيدة الشاعر سلمان السبيعي

فاروق انا في عالي الرجم جريت
صوت تجاوب مع صداه الذيابه
على الذي وسط الضماير بنا بيت
ثبت مكانه بالضمير ولجابه
ماغيره أحٍدٍ يالعتيبي تمنيت
هو منوتي من دون كل القرابه
ليته يجيني بالغلا مثل ماجيت
ليته على قلبي يخفف عذابه
ليته درى عن ونتي يوم ونيت
ليته يحس بحالتي في غيابه
في غيبته لاني بحي ولا ميت
صارت حياتي والممات متشابه
فاروق انا بنخاك ياطيب الصيت
يابن الرجال اللي تفك النشابه
بنخاك ياللي بالمراجل تعليت
فزعتك ياراع الكرم والمهابه





رد الشاعر فاروق الكسر

راع الهوى دايم كثير التشاتيت
ولا لوم ياقلبٍ غديبه نهابه
والحب يثر فالقلوب المفاخيت
نمر اشتكى مابه ومرشد بكابه
ياعنك ودبيان خلى السباريت
مع درب موضي ماعليها سرابه
شرب السراب وقال كني تشاويت
اليوم قلبي طاب ساطي صوابه
ويوم افختت روحه ثقال التناهيت
ونوخ ونزل عن ذلوله زهابه
جنه تفاريق المحبه مخاريت
وهلت دموعه مثل وبل السحابه
وابطى يصوت للجمالين تصويت
مع دربهم يشكي على الناس مابه
والناس للعشاق فزعاتها ليت
واللي يبي من ليت ويش تهقابه
ياعزتي له من كلام الشواميت
ماحدٍ نقل همه ولا احدٍ سعابه
وان كان ياسلام في حالك اقديت
ربعك رجالٍ سلمها يقتدابه
وانا ليا منك لقولي توحيت
يمك بغير الراي مارد جابه
مادام في حبل القرابه تلويت
مالي معك فزعه وانا من عتابه
ازبن على ربعك ليا منك انويت
زيزوم عامر من عصور الصحابه
اما ولد مطلق عشير المناعيت
والا عيال وليد شيب الشيابه