قصيدة في مدح مطلق الدولي

[سعود تركي]

قصيده مهداه من سعود بن تركي ابن ثعلي للشيخ مطلق الدولي


من باب تقدير الرجال المسمين=ارسم علي المعني بيوت القصيده
المدح لايق فالرجال المديحين=تنقاد صعبات الحروف العنيده
ذكر الحيا والطيب اذكاره تبين=حتى لوانه فالديار البعيده
شرواك يامطلق طليق الحجاجين=واف الخصايل والصفات الحميده
ريف العواني والربوع الموالين =فاللازمه عون الرفيق وعضيده
يوم ان للطاله شيوخ وسلاطين=قسمك من الطالات عالي رصيده
حر صعد روس العلاا بالجناحين= من الحرار النادرات الفريده
في ملتقى الهيلا للابل المزايين= تشهد اله عتيبه على مدة ايده
قول عليه من الفعائل براهين= والقول شاهد للفعول الاكيده
ياالله تطول في حياته على الدين=وانك تختم له بحسن العقييده

[فهيد مقعد الرويس]

يستاهل المدح من حصله

وانت كفو ياسعود

صح لسانك مدد

نتظر المزيد من ابداعك لاهنت

تقبل اطيب تحيه

[نايف تراحيب]

حيآك الله يا سعود تركي


ولا مدحت الا من يستحق المدح


لاهنت


وفي انتضآر جديدك



/



،

[بنتـ الشيخ ..]

صح لســـــــــــأإأإنك ..
لا هنت ..
والممدوح يستاهل..

[شيخ الشيوخـ]

لاهنت ياسعود بن تركي على هالقصيدة ويستاهل ابوزيد المدح
وننتظر منك المزيد من القصائد .

[النجم الأصيل]

صح لسانكـ واعتلا شانكـ

ويستاهل الدولي

[إبن ثعلي]

صح السانك ياسعود ويستاهل المدح مطلق الدولي

[الأدميرال]

صح لسانك سعود ولاهنت

[عبدالله المرشدي]

صح لساانك وعلى شانك


قصيده رائعه

ويستاهل مطلق المدح

وانت وافي لاهنت

تحيتي لك

[إبن ثعلي]

الخط يبقى زماناً بعد كاتبه=وكاتب الخط تحت الحزم مدفون

الله يرحم سعود بن تركي الثعلي الروقي فقد توفي قبل مدة علييه سحائب الرحمة