طاروق متواضع وهلابكم

[ابن قوصع]

وين الشلي اللي يبى يلعب معي
ودي نشكل مطلعه في مطلعي
وان كان لا هاذي ولا هاذي يبي
من لا يغبر شاربه مادسمه

يا عزوه الهيلا عليكم سيف... يومي بعزه وانتوا اخوانه
مني سلامن صرفته بالكيف... يدرج على اللي غالين شانه

[ابن قوصع]

وين الشلي اللي يبى يلعب معي
وابي اتخير طلقته من محزمي
وان كان لاهاذي ولاهاذي يبي
من لايغبر شاربه مادسمه

ياعزوه الهيلا عليكم سيف... الله يعز الحكم وسيوفه
مني سلامن صرفته بالكيف... يركد ضرايم روس مشعوفه

[عاشق غلا]

انتبه للبيت الثاني من ناحية الوزن وتحياتي لك

[ابن قوصع]

مشكور اخوي عاشق غلا
ولكن ما اظن فيه كسر او ثقل بالوزن ويمكن انك قريت البيت غلط خصوصا كلمه يركد

ومشكور ثانيه

[شيخ الشيوخـ]

لاهنت يابن قوصع وننتظر خويك
وان طعتوني فكونا من الرمي

[تركي شجعان]

صح لسانك يابن قوصع

وصح لسان قبيلك مقدما

[{ أبوفيصل }]

وين الشلي اللي يبى يلعب معي
وابي اتخير طلقته من محزمي
وان كان لاهاذي ولاهاذي يبي
من لايغبر شاربه مادسمه

ياعزوه الهيلا عليكم سيف... الله يعز الحكم وسيوفه
مني سلامن صرفته بالكيف... يركد ضرايم روس مشعوفه




استلم لاهنت

شلّتك بقعا وش تبا بالمشكله
وانته كما هندياً على سيْـكله
أقـرب مطبًّ ياكـله ويْشنكـله
من لايغبّر شــاربه مادسـمه


العزوه اللي في كنَفْها ضيف = محشوم مايلْطَم في خطروفه

تراحـــيبً كـلّفْتهـــا تكــليف = للشاعر اللي يشكي اظروفه

[{ أبوفيصل }]

جميع من مر شاكر له مروره
تحية محبه وتقدير





وين الشلي اللي يبى يلعب معي
وابي اتخير طلقته من محزمي
وان كان لاهاذي ولاهاذي يبي
من لايغبر شاربه مادسمه

ياعزوه الهيلا عليكم سيف... الله يعز الحكم وسيوفه
مني سلامن صرفته بالكيف... يركد ضرايم روس مشعوفه







استلم لاهنت

شلّتك بقعا وش تبا بالمشكله
وانته كما هندياً على سيْـكله
أقـرب مطبًّ ياكـله ويْشنكـله
من لايغبّر شــاربه مادسـمه


العزوه اللي في كنَفْها ضيف = محشوم مايلْطَم في خطروفه

ارحب تراحـــيبً بلا تكــليف = للشاعر اللي يشكي اظروفه

[برقآآآآوي]

صحة الــسنـتـكـم يا

( بن قوصع _ خليجي نت )




تقبلو مروري \ برقآآآآآوي

[ابن قوصع]

عدل بيوتك ياصبي لاتكسره
لا تحتري من ياخذه ويفسره
هذا يسمى في علومك قرقره
من لايغبر شاربه مادسمه

لا يابعد شوف المهاوي العيف... ويش اكلفك منتي بمكلوفه
اللي يسد العين طلعت نيف...طرقه سكنها جعله الشوفه