لغز استوفا شروطه من قديم .. توصل للحل ]ابن فريح[

[{ أبوفيصل }]

أنشدك عن رجّال رجله كسيره = الْيا حكم حكمه جنوب وشمــالي

انا اشهد انّه حــاكمٍ كـل ديــره = والناس لوهي تحكمه مــا يبالي


موفقين

[غزال الرافدين]

تسجيل حظور ولي عوده

[الأدميرال]

تسلم ياخليجي نت على طرحك للغز

يمكن يكون الحاجون

[وجودك يكفي]

لآ هنت ياخليجي نت على اللغز والله يعطيك العافيه يالغالي

وش تقول في عقرب الساعة

[{ أبوفيصل }]

عذراً أخوتي الكرام : اللغز كان نثراً وقد قمت بصياغته شعراً

[وجودك يكفي]

وش تقول في الفرجار أو القلم ياخليجي نت

[إبن ثعلي]

الميزان

[شموخ النايفات]

مع بن ثعلي اقول الميزان

^_^

[{ أبوفيصل }]

وجودك يكفي .. ماهي عوايدك وانت راعي الصعبات تزري بالسهلات
مالك لوا يابعدي

اخوي ابن ثعلي ـ ـ رمعتك طيبه بالحيل .. لكن مالك لوا حاول

الجادل ـ ـ كذلك مالك لوا

[الأدميرال]

خليجي نت انت تجاهلت رمعتي للغز؟؟؟

[{ أبوفيصل }]

حياك الله يا أدميرال ــ ماتجاهلت رمعتك بالعكس
قمت بتعديل كلمه باللغزعلى أن تعيدون النظر على ضوء التعديل
وسلمت لي على مشاركتك وصح لسانك ياأدميرال ورمعتك سماوية مالك لوا يابعدي

[ابوخديجة]

اقول حياك يا الخليجي

والجواب هو اتجاه القبلة

[{ أبوفيصل }]

شاكر لك مشاركتك الرائعه وحاول يابوخديجه
رمعتك مالك لوا

[الأدميرال]

هلابك خليجي نت والشك زايل

ماجلان

[{ أبوفيصل }]

أدميرال ـ ـ أبد مالك لوا

[وجودك يكفي]

وش رايك يالخليجي في مثلث المرور إللي مرسوم بداخله رجال رجله مكسوره ومعه عكاز

والمثلث يجبر السائق بالوقوف من اجل عبور المشاه

ومثلث المرور موجود في كل ديره

[{ أبوفيصل }]

وجودك يكفي ابد مالك لوا ـ ـ لاينبغي ان يكون رجل المرور مكسور
وذا كانت صورة الرجل بالمثلث فهذا لايحكم العالم بحكم انه جماد

امل من المشرف تعديل الكلمه التي تم تغييرها باللغز بعالي الصفحه للأهمية

[شيخ الشيوخـ]

تم التعديل

واعتقد انه (الوقت) لانه يمشي في جهه وحده

[وجودك يكفي]

وجودك يكفي ابد مالك لوا ـ ـ لاينبغي ان يكون رجل المرور مكسور
وذا كانت صورة الرجل بالمثلث فهذا لايحكم العالم بحكم انه جماد


الله يجزاك خير ويرضى عليك ياخليجي نت

من جاب طاري شرطي المرور أو رجل المرور

حاول ترجع لرمعتي وتقراها زين

وبعدين تقول إن الجماد مايحكم أحد

كلنا ندري أشارة المرور جماد وتحكم الناس بالوقوف وتحكمهم بالمسير وأزيدك من الشعر بيت تحكمهم وتأمر عليهم بعد

هذي وهي جماد ونشمي على أمرها ومن يخالف أمرها يصبح مخالف للنظام وعرضه للجزاء

وعندك الميزان جماد ويحكم بين الناس


مدري وشلون قلت الجماد مايحكم؟؟


من الواضح إن جواب لغزك كائن حي مدام إنك تقول الجماد مايحكم أحد

[{ أبوفيصل }]

رمعتك ياشيخ الشيوخ طيبه بس مالك لوا
واشكرك على التعديل

[{ أبوفيصل }]

العفو ياوجودك ،، لم أنتبه ،، وكلامك واقعي فيما ذكرت بأن بعض الجماد
مثل الأشاره والميزان وكل ما في حكم ذلك صحيح
ولكن الهدف ماهو حولها ياوجودك يعطيك ألف عافيه

[{ أبوفيصل }]

على طاري اشارة المرور بس ترى ماحولها كلام انتبهو لاتقولون اني ألمّح

نكته : يقول واحد من المزارعين طب البلد وقطع أول أشاره ومسكه المرور قال ليش تقطعها قال المزارع والله ياخوك خبري بالناس اذا صار ربيع واخضرّ الأرض يقيمون وهم في ربيع وخير حتى الشاه وهي شاه ماتحرك مطمبسه أبد ماترفع راسها من خضار العشب والمزارع اذا شاف الطماطه استوت واحمر لونها قطعها واكلها
هههههههههه اوجودك يكفي وسع صدرك

ملاحظه :
صحيح الأشارة تحكم مثل ماقلت ولكنها مؤنث
وصحيح الميزان يحكم مثل ماقال ابن ثعلي ولكن الهدف أحكَم
وصحيح الوقت يحكم مثل ماقال شيخ الشيوخ ولكن الهف أحكَم
صح أبدانكم

[الأدميرال]

[quote=خليجي نت
مطمبسه أبد ماترفع راسها

ههههههه احلا مافي النكته

الحظ او القدر

[وجودك يكفي]

مدام رمعة شيخ الشيوخ قريبه وش رايك في جرنتش أو القمر
وعن الشكه وانا اخوك
الليل والنهار

[وجودك يكفي]

على طاري اشارة المرور بس ترى ماحولها كلام انتبهو لاتقولون اني ألمّح

نكته : يقول واحد من المزارعين طب البلد وقطع أول أشاره ومسكه المرور قال ليش تقطعها قال المزارع والله ياخوك خبري بالناس اذا صار ربيع واخضرّ الأرض يقيمون وهم في ربيع وخير حتى الشاه وهي شاه ماتحرك مطمبسه أبد ماترفع راسها من خضار العشب والمزارع اذا شاف الطماطه استوت واحمر لونها قطعها واكلها
هههههههههه اوجودك يكفي وسع صدرك


هههههههههههههه

المفروض رجل المرور مايعطيه قسيمه ويخليه يروووووح

[إبن ثعلي]

مقص الأشناب يحكم عليها بالقص في كل ديره

[{ أبوفيصل }]

الله يسعدكم دووووووووووووم

صح ألسانك يالأدميرال
وجودك يكفي صح لسانك
اقول ياطيب رمعاتكم لكن ماهي عند هدف مالكم لوا
صح لسانك اخوي ابن ثعلي تراك شطحت مالك لوا

[شيخ الشيوخـ]

النظام !

[بن فريح]

أنشدك عن رجّال رجله كسيره = يحكــــم العالم جنوب وشمــالي

اشهد انّه حــاكمً في كـل ديــره = والأوادم لو تحَـكْمـــه مــا يبالي


موفقين


صح لسانك وفكرك ياخليجي
وش رايك بالقدر
او
الزمن
او
العمر
اوالوقت
دمت والجميع بحفظ الله

[بن فريح]

او
العدل
والحق
او
الموت
والاجل

دمتم بحفظ الله

[بن فريح]

السيف
او شرع الاسلام
كسيرة خاتم الانبياء والمرسلين
صلى الله عليه وسلم

[{ أبوفيصل }]

صباح الخيرات على طلتكم ياحبايبنا

شيخ الشيوخ صح لسانك مالك لوا يابعدي

ابن فريح صح لسانك على هالرمعات اللي جبتها بالكميّه

كريم من قصور فالكرام بس ليتني اقدر اقول ميّه بالميّه

مالك لوا يابعدي لوكان ما خليت شي ـ ـ لكن تراكم وصلتو قريبين

بس المشكله











المشكله






















المشكله































ابعاد ابعاد مهما كنتو قريبين :20:

مداعبه :28: هههههه

الله يطول بأعماركم مدد مدد من غير حساب وعدد

[بن فريح]

قدرة خالق الكون
سبحانه وتعالى
الحق
ولله في خلقه شؤون
وقرآنه الكريم
شريعته الاسلاميه
وسنة نبيه خاتم الانبياء
والمرسلين وصلى الله عليه وسلم

[بن فريح]

او
وبقدرة الخالق سبحانه
يحكم عيسى بن مريم
حكمه العادل
في الأرض

[{ أبوفيصل }]

علامكم تمرونه من يمين ويسار محد جاب له سيره
ابن فريح شطحت ـ ـ مالك لوا

تحيتي محبه وتقدير

[بن فريح]

أنشدك عن رجّال رجله كسيره = يحكــــم العالم جنوب وشمــالي

اشهد انّه حــاكمً في كـل ديــره = والأوادم لو تحَـكْمـــه مــا يبالي


موفقين


رمعه اخرى
وإن العلماء ورثة الأنبياء
ويحكمون بالعدل ويدعو خلقه الهداية إلىٰ كتابه
الكريم وسنة نبيه محمد صلىٰ الله عليه وسلم

[بن فريح]

علامة خروج المهدي ألوية تقبل
من المغرب عليها رجل أعرج
هم الذين يحكمون
الأرض ويتصرفون
كيفما يشاءون
تحت مشيئة الله

[{ أبوفيصل }]

مالك لوا يابن فريح ركّز وتلقا الحل ماهو بعيدً منك
علشان ترتاح ترى ماله علاقة بالدين
ومن شان ما أتوّهك تراك في أمسّ الحاجه له ،، . انتهى

[{ أبوفيصل }]

اللغز اصبح في خطر من ثلاثه أو أربعة أعضاء ولا يهون الباقين
الله يستر لاينتحر قبل يجهز عليه ذبّاحه هههههه

[بن فريح]

والهواء
الجاذبيه
الاوزون
العلم
الذكاء

[بن فريح]

الذهب
الكنز
خاتم سليمان
عليه السلام

[مستشعر]

يا بن فريج ما صارت الله يحييك

فكر ونزل الحل الصحيح ترى لي يومين وأنا أفكر لكن ما جات معااااي رمعة قوية حتى أنزلها

فكر ولا تخرب اللغز

الله يعطيه العافية‘‘ وجودك ‘‘ رمعااااته قووووية وجميعها تصلح لحل الخبوة بارك الله فيكم

دمتم بحفظ الله

[{ أبوفيصل }]

هههههههههههههههههه

الله لايهينك يابن فريح على رسْلك ماخلّيت ولا بقّيت ،، انت قريت اللغز زين
اذا قرأته بتمعّن فاعلم ان اللغز لايحتمل اكثر من حل
بس لاتروح بعيد وعطنا مافي جعبتك الهمام

[{ أبوفيصل }]

أنشدك عن رجّال رجله كسيره = يحكم العالم في جنوب وشمــالي

اشهد انّه حــاكمً في كـل ديــره = والأوادم لو تحَـكْمــــه مــا يبالي



اللغز في خطر معرّض للأغتيال من ثلاثة أعضاء
الله يستر لاينتحر قبل يجهز عليه ذبّاحه هههه

[بن فريح]

[quote=خليجي نت;959934]أنشدك عن رجّال رجله كسيره = يحكم العالم في جنوب وشمــالي

اشهد انّه حــاكمً في كـل ديــره = والأوادم لو تحَـكْمــــه مــا يبالي



اللغز في خطر معرّض للأغتيال من ثلاثة أعضاء

الله يستر لاينتحر قبل يجهز عليه ذبّاحه هههه



الله يعطيك العافيه اخوي خليجي

على اللغز العدل والاسلوب الراقي
( وش رايك بالنظام )
او النــــوم والنوم سلطان
والنظام يمشي على الجميع

الا اذا كان فيه واسطه ..

[إبن ثعلي]

خط الإستواء يقسم العالم الى قسمين شمال وجنوب؟

[بن فريح]

اذا ماهو النظام والنوم
وش رايك بالاحوال الجويه
ومثلث برمودا
والماء والغذاء
الكون ونظامه
الليل والنهار
والغلاف الجوي
بقدرة الخالق

[{ أبوفيصل }]

مالك لوا يابن ثعلي ليس بـ خط الأستواء
يعطيك العافية ومشاركه رائعه

[{ أبوفيصل }]

اذا ماهو النظام والنوم
وش رايك بالاحوال الجويه
ومثلث برمودا
والماء والغذاء
الكون ونظامه
الليل والنهار
والغلاف الجوي
بقدرة الخالق

ــــــــــــــــــــــ ــــــــــــــــــــــــ ـــــــــــــــــــ ــــــــــــــــــ







عذراً أخي ابن فريـح

للعلم أنت أصبت بأحد رمعاتك في اجاباتك الأخيره بعاليه

ولكن حدد لنا اجابه واحده فقط أريد منك تأكيدها حتى يتم أعتمادها ، ،

ولعلك تؤيّدني والأخوة يؤيّدوني بذلك

تحيتي لكم تحية محبه وتقدير

[{ أبوفيصل }]

ندع لك الأختيار والقرار لك يابن فريح هههههههه
شاكر لك ومقدر

[بن فريح]

[quote=خليجي نت;961787]اذا ماهو النظام والنوم
وش رايك بالاحوال الجويه
ومثلث برمودا
والماء والغذاء
الكون ونظامه
الليل والنهار
والغلاف الجوي
بقدرة الخالق

ــــــــــــــــــــــ ــــــــــــــــــــــــ ـــــــــــــــــــ ــــــــــــــــــ







عذراً أخي ابن فريـح

للعلم أنت أصبت بأحد رمعاتك في اجاباتك الأخيره بعاليه

ولكن حدد لنا اجابه واحده فقط أريد منك تأكيدها حتى يتم أعتمادها ، ،

ولعلك تؤيّدني والأخوة يؤيّدوني بذلك

تحيتي لكم تحية محبه وتقدير]

صباح الخير الجميع
اخوي خليجي نت الله يسعدك
ويعطيك العافيه على المتابعه الصراحه حيرتني
لكن اظن والله ياخوك العزيز
ان مافيه بعد الماء والطعام حياة
ويجي بعده نظام الكون وغلافه
واذا ماصبت ماهي مشكله
احط كل رمعه بردلحاله
وانت تختار مثل الردود الاخرى
دمت والجميع بحفظ الله

[إبن ثعلي]

خلاص حله بن فريج حينما قال الذهب

[بن فريح]

خلاص حله بن فريج حينما قال الذهب

اخوي ومديرنا العزيز ابن ثعلي
اسعد الله اوقاتكم بكل خير
بارك الله فيك واشكرك طال عمرك
على هذا التأييد واعتبره اكبر من
حل اللغز وكأني بالفعل حليته عزالله
ان الماء هو الذهب الحقيقي
لحياة الارض ومن عليها
دمتم بحفظ الله
ورعايتـــــــه

[وجودك يكفي]

اذا ماهو النظام والنوم
وش رايك بالاحوال الجويه
ومثلث برمودا
والماء والغذاء
الكون ونظامه
الليل والنهار
والغلاف الجوي
بقدرة الخالق

ــــــــــــــــــــــ ــــــــــــــــــــــــ ـــــــــــــــــــ ــــــــــــــــــ







عذراً أخي ابن فريـح

للعلم أنت أصبت بأحد رمعاتك في اجاباتك الأخيره بعاليه

ولكن حدد لنا اجابه واحده فقط أريد منك تأكيدها حتى يتم أعتمادها ، ،

ولعلك تؤيّدني والأخوة يؤيّدوني بذلك

تحيتي لكم تحية محبه وتقدير

‏ ‏ ‏
ههههههههههه

الله يرضى عليك يابن فريح حشرت خليجي نت بهالرمعات

خليجي نت أنت إللي قلت لأبن فريح هااات مافي جعبتك

والرجال ماقصر عطاك كل مافي جعبته في رد واحد

وترى من حق ابن فريح إنك تقول اجابتك الفلانيه صحيحه

بيض الله وجهك يابن فريح وبيض الله وجهك ياخليجي نت

وبإنتظار ردك على ابن فريح علشان يسجل الحل بأسمه
والرأي لك طال عمرك
واحترامي للجميع

[{ أبوفيصل }]

صح لسانكم

بارك الله فيكم وبيض الله وجيهكم

وجودك يكفي مامقصدي ابن فريح يجيب كل مافي جعبته ويهلّها هل ،،

ابن فريح شرّق وغرّب ماخلاّ ديره وقام يصاغيها جنوب وشمـــال

لين أظهرها من جعبته وجابها بيض الله وجهه

وانا والله مالي منّه في قبول الحل وأبا أعتمد حله الوارد بكلّ صدرً رحـب

واقول يابن فريح بصوت عالي صح لسانك ذبحت اللغـز ذبحاً مبرحاً هههه

تحيتي لأحبتي تحية محبه وتقدير

في أمان الله

[{ أبوفيصل }]

نسيت اقـــــــــــــوله

(( النوم ))

صح لسانك يابن فريح ،، الله يعطيك الف عافيه

ولجميع من مر وشارك شاكر له مروره الكريم




:17:

[وجودك يكفي]

صح لسانك يابن فريح وبيض الله وجهك على الحل الذابح

وصح لسانك ياخليجي نت وبيض الله وجهك على اللغز وانا اخوك



احترامي

[بن فريح]

نسيت اقـــــــــــــوله





(( النوم ))

صح لسانك يابن فريح ،، الله يعطيك الف عافيه

ولجميع من مر وشارك شاكر له مروره الكريم




:17:



صح لسانك وفكرك اخوي خليجي
واشكر اخوي وجودك يكفي
على التشجيع والكلمات
الراقيه
والمكسب الاساسي هو التفاعل
المرح والمعرفه بحضوركم وكل من شارك
وحضر
وبعدين هو الله يهديه
خليجي رفض المهله
وجبرني ادفعها كاش
وادري انه اعتمد الحل
من اول رد على النشره
وهذا اول لغز احله بهذا
الموقع الشامخ باهله ورواده
وكلنا نفتخر ونسعد به
دمتم
الجميع بتوفيق الله

[{ أبوفيصل }]

تسلم ولايسلم ردي العزومي
اشكرك على تفاعلك ومشاركتك الرائعه
كما لايفوتني ان اشكر جميع من شارك وحضر فرداً فردا بما فيهم وجودك وابن ثعلي
والشكر موصول لكل الأحبه هنا في منتدى الأبطال البواسل عتيبه دون تحديد
سلمتم ودمتم بود وعلى طريق الخير نلتقي

اخوكم ومحبكم
خليجي نت يحيّيكم




:17:

[إبن ثعلي]

كيف النوم رجله كسيره؟وكيف لو تحكمه الناس مايبالي؟
في نظري ان الذهب اقرب لصحة الحل

[{ أبوفيصل }]

حياالله ابن ثعلي ( المدير العام ) اللي يدير الفكر مايندار

الله يحّفظك ويصونك يارب ،، ،، خلك قريّب يا وجودك يكفي لاتخليني تكفا دخيلك من ابن ثعلي

من شروط اللغز تكامل جميع أركانه من حيث الأيحاء والترميز والتمويه بصوره شعرية ذات معنى
بأساليب وتراكيب رمزية ايحائيّة وعدم الغموض بحيث يستطيع المتلقي فك الطلاسم الرمزيّه :(اصلح محاضر وفيلسوف :16:
من هنا يابن ثعلي اتّبعت اسلوب التمويه بصوره مقبوله وعدم الأشارة المباشره للمعنى الصريح وهذه ركائز مهمه لأنجاح اللغز بالصورة التي لاتخرج عن نطاق المألوف مثلاً ان اقول رجلً رجله كسيره اي بمعنى ان الرجل مذكر والمعنى هنا يشير بانه حسي لا ملموس ،، وعند القول بأنه لايبالي أي ان النوم كما هو معروف سلطان يغلب أياً من كان بالنعاس مهما قاوم .
ارجو ان وصلت الصوره ... شكراً لك يابن ثعلي وانت معلم ماتحتاج تعليم يابعدي

تحيتي لكم محبه وتقدير

[وجودك يكفي]

ههههههههه ياخليجي نت
ماشاء الله عليك انت فكيت نفسك بنفسك من ابن ثعلي وماعاد لي كلام


وبالنسبه لي وانا اخوك أهم شي عندي في مجال الالغاز المشاركة بين الاخوان والمتعه والفائدة وسعة الصدر

ولو ندخل في مجال النقد صدقني وانا اخوك ما أحد يطرح لغز أبد

إلآ إذا كان جميع المتواجدين والمشاركين في فن الالغاز يرغبون في ذلك من اجل الفائدة وتطور مستواهم

وبصدقك القول ياخليجي نت وأقولك إني أشارك مع مجموعه وكلهم من كبار شعار الالغاز وصاحب اللغز يطلب النقد من الجميع ومستحيل أحد منهم ينقد اللغز قبل يعرف الحل
وفي نفس الوقت مستحيل أحد منهم يزعل إذا أحد نقد لغزه




وبصراحه لو أنقد لغزك خليتك تتبرأ من اللغز ههههههههههه
وإذا فكيت نفسك من أبن ثعلي ماتقدر تفك نفسك مني ههههه

على سبيل المثال وانا اخوك
والكلام يعلم الله للفائدة لا أكثر ولا أقل ولا يجي في خاطرك شي وانا اخوك

أول شي وين مربط اللغز
والمقصود بالمربط شطر أو بيت ينفي الإجابات غير الإجابه الوحيده للغز

ولغزك ماكان فيه مربط
يعني لو قلنا الجواب الموت وش فرقه عن النوم
وانت تدري إن النوم يعتبر موته صغرى

ونصيحه لكل كاتب ألغاز لابد أول شطر في اللغز يكون فيه الصفه الداله على الجواب والصفه الاساسيه لنفس الجواب وبعدها يبني باقي الأشطر بناءا على الشطر الأول ويتفنن في إخفاء الحل وتغطيته بأسلوب يشد أنتباه القارئ

وانت واخوك اصبت في إنك حددت نوع الجواب بأنه مذكر وأخفقت في الصفه لأنك ذكرت الرجل رجله كسيره
ولو قلت
انشدك عن رجل)ن( يجيلك بلا رجول
كان أفضل
لأن المعنى بيدل على شي غير محسوس


شكلي مسكت خط هههه

هذا كله على سبيل المثال ومادخلنا في العميق هههههه


لآ هنت ياخليجي نت

والله يعطيك العافيه وانا اخوك وانتبه لاتزعل من تعليقي لأن تعليقي يعتبر وجهة نظر لا أكثر ولا أقل وقابله للخطأ والصواب

احترامي

[{ أبوفيصل }]

حياك وبياك ياملك الالغاز ( وجودك يكفي ) بكل صدرً رحب أتقبل نقدك البناء

فـ تلك هي وجهة نظرك التي تراها من زاويه فكريه مقبوله نوعاً ما

كما أن الرأي لايفسد للود قضية وطالما ذكرت مربط اللغز في بداية شطرالبيت

اعتقد اني لم أغفل عن ذلك وقد تم التلميح به بصياغةً سهله

دون أن ألجأ للغموض والتعقيد وهذه هي الصفه السائده والمتعارف عليها

ولطالما ان الحل الصحيح هو النوم وبصفته المطابقه للمعنى الصريح ،،

لابد انّي أتعمّد بكلمة (رجله كسيره ) بهدف تشتيت فكر المتلقي قليلاً بمعاني شبه مطابقه

مع العلم ياوجودك انت أوردت مثال (الموت) والموت يتمثل بملك الموت

والملك عليه السلام منزّه من رب العالمين عن كل عيب وكسور بينما النوم جعله الله

بحكمته راحة وسبات للأنسان فلا حرج من أن أسمّيه كما أشاء ولا أرى ضير في ذلك .

يالله لك الحمد تخارجت بالعافيه هههه بشق الأنفس:578:

تحيتي لك تحية محبه وتقدير
اخوكم خليجي نت