مستور العصيمي : ينفي قصة البلوتوث < بقصيده >.

[منصور الشيباني]

مساكم الله بالخير

هذه قصيدة الشاعر المعلم : مستور العصيمي ينفي قصة البلوتوث واللتي نسبت اليه اثناء محاورته مع الشاعر فيصل الرياحي في حلبان :



سلام منـي عـد مايطلـع النـور = واعداد ماتمطر من الغيـث غيمـه
سلام من شاعـر محنـك ودكتـور = دكتور في بدع اللحـن والوسيمـه
بابور فكري يطرب امواج وبحـور = ويزفنـي بيـن البحـور الطيـمـه
يابن فهد يامحكم الـراي والشـور = حكيم من روس الرجـال الحكيمـه
عبد العزيز بطيب الفعـل مذكـور = الكل يدعى لـه عسـى الله يديمـه
عد الروى يصلونه ورود وصـدور = يروي الكبود الضاميـات المحيمـه
له مع رجال المعرفه والكـرم دور = الاصل طيب والمواقـف عظيمـه
يامير لك في مهجتي قصر معمـور = من دونكم ماشـوف للعمـر قيمـه
واخلاصنا من ماضي الوقت مخبور = مخبور من ماضي العصور القديمه
يامير انا من فعل الانـذال مقهـور = تحريفهـم للقـول احسـه جريمـه
سمعت بين الاجهزه علـم منكـور = مايفعله مـن فيـه غيـره وشيمـه
محرفين الصدق بالكـذب والـزور = اهـل الحكايـا والحقـد والنميمـه
يقلون شوفوا واسمعوا قول مستور = وهي علـى مـن الظلايـم ظليمـه
احلف وانا ماني على الحلف مجبور = اني لكـم مخلـص بنيـه سليمـه
ياعل من خلفك في جنـه الحـور = في جنـه الفـردوس ينعـم نعيمـه


تحياتي للجميع

[فهد العايضي]

أخي الغالي ابوفيصل

الف لاهنت على نقل هذه الرائعه واللتي

تثبت براءة شاعرنا الكبير مستور .. فهو برئ منها براءة

الذئب من دم سيدنا يوسف عليه السلام

وفعلاً هذه الكذبه لفقت للشاعر مستور العصيمي

والعاقل منا ومن يعرف مستور لايصدق مالفق عليه

فهو أكبر من هذه الأمور وهذه التفاهات ...


ويعطيك العافيه يابوفيصل

مشكور وماقصرت

[ابن عدوس]

اخي سلطان ابوفيصل السلام عليكم ،،،
قصيده رائعه للشاعر مستور تعبر عن ما يكنه حقيقة لولات الأمر، واعتقد
انه لا يمكن لعاقل ان يصدق ما اشيع عن مستور في هذا البلوتوث.

[** راس حربه **]

لاهنت يابو فيصل وصح السان شاعرها الكبير مستور

وتسلم يمينك

دمت كما تحب

[ابوسـعد]

مششششششششششششششششكور على النقل الرائع ياابافيصلا

[منصور الشيباني]

الاخوه الكرام

ابو غريب
ابو عدوس
راس حربه
ابو سعد

كل الشكر لكم على حضوركم وتواصلكم

تحياتي

[نوف]

مشكور ابوفيصل ولاهنت نقل جميل ورائع من شخص أورع لاعدمتك


تحياتي لك

[منصور الشيباني]

ياهلابك يانوف

اسعدني حضورك وتشريفك

وتسلمين على اطرائك العذب

وعسالله لايورينا مكروه انشالله

تقبلي خالص وازكى تحياتي

[النـايــــــف]

مشكور اخوي سلطان


وبيض الله وجهك


على هذا الاختيار


تحياتي لك ،،،،،،

[منصور الشيباني]

ياهلابك اخوي النايف

شرفني حضورك ومازادني تشريف هو اطرائك

كل الشكر لك عزيزي على حضورك وتشريفك

تقبل خالص وارق تحياتي

[إبن ثعلي]

لاهنت يابو فيصل ومستور ارفع من ا ن يقول مانسب اليه من كذبه والكل يعرف هذا حتى لولم يعتذر بهذه القصيده الرائعه
تحياتي

[منصور الشيباني]

ياهلابك يابن ثعلي

وشاكرلك حضورك وتواصلك

تحياتي

[أبونواف]

أبو فيصل لاهنت ولاهان مستور

وأختصر القول هنا وأقول لأبو تركي

( ياجبل مايهزك ريح)

(القافله تسير والكلاب تنبح )

(وإذا أتتك رفسة من الخلف فإعلم أنك في المقدمه)