أبكي على شيخن رحل يوم الأثنين

[سلطان الوجعان]

http://alaslam.org/mlffat/index.php?action=getfile&id=481
الشيخ نايف بن ثامر الوجعان " رحمه الله "

السلام عليكم ورحمة الله وبركاته

أحبتي أعضاء منتديات قبيلة عتيبة الهيلا أضع بين أيديكم هذه القصيدة وهي رثاء لوالدي الغالي الشيخ نايف بن ثامر الوجعان " رحمه الله"



ياعين هلي دمعك اليوم ياعين=تكفين هلي الدمع لاتحبسينه

أبكي على شيخن رحل يوم الاثنين=أبكي على راع الخصال الحسينه

أبكي على راس الرجال الميامين=اللي عليه شيوخ شمر حزينه

ولو البكاء كثره يرد العزيزين=نبكيك مع طول الزمان وسنينه

ولو البشر تفدي بعضها عن الشين=كم من عزيزن ساق عمره رهينه

ابوردن ريف الضعوف المساكين=عساه بالفردوس مع ساكنينه

راس القروم اللي على المجد ضارين=ونسل الشيوخ اهل الفعول السمينه

راع الكرم والطيب والعز والدين=وراع العلوم الصايبات الرزينه

كم من ضعيف يشكي الهم والدين=جالك وكرمته وسددت دينه

يالله عسى قبرك ورود وبساتين=وتنعم بجنات ونعيم وسكينه

وعسى الحيا ياخذ له سنين وسنين=يسقي ثرى قبرك ويبتل طينه

مثلك فقيده في عيون العريبين=وموتك على كل القبايل غبينه





اخوكم الشاعر / سلطان بن ردن بن نايف الوجعان

[ميااااح]

الله يرحم الشيخ نايف الوجعان

ويسكنه فسيح جناته

وشكرا سلطان على هالقصيده

[ذبــاح]

سلطان الوجعان الله يرحم لميتكم ويغفرله ويجعل مثواه للجنه ان شالله

وعظم الله اجركم واسأل الله ان يلهمكم الصبر والسلوان وانا لله وانا اليه راجعون

[عالي الهمة]

اللهم اغفر له وارحمه وأسكنه فسيح جناتك

اللهم أكرم نزله وأحسن مثواه
اللهم اغسله بالماء والثلج والبرد ونقه من الذنوب والخطايا
اللهم جازة بالحسنات احسانا وبالسيئات عفوا وغفرانا
اللهم احسن عزاء اهله وذويه والهمهم الصبر والسلوان واجرهم في مصيبتهم