الليل يا نايف العتيبي جا دورك

[الميسم الحامي]

سلام للجميع و سلام يخص نايف العتيبي , حسب طلبك ليا انتهيت من عادل يجي دورك , تفضل يا القرم
ســلام ردة مثـــل بــــرق يتـــلالا
الخير و النعمه بعــدها اتّـــــوالا
تضفي عليكم من جنوب وشمالا
و النار شبوها و زيدوا حطبــها

قوم يا نايف و لا ظنتي تظهـــر سليم
العصيمي كسرة الخبز و انت يدامها

[الميسم الحامي]

يا راعي الهيلا وصلت الثــريّـا
يا اللي خذيت الجايزه بالحمـيّـا
تستاهلون المدح ميتٍ و حيـّــا
النار شبوها و زيـدوا حطبهــا

اقضوا الاوقات ما بين زمزم و الحطيم
ما يغرّ اهل المطـــاميع غيــر احلامها

[نايف تراحيب]

هلا وغلا بالميسم الحامي يامرحباء مليون


اذا كان حسب طلبي يالغالي اذكر اني قلت ألياء خلص منكـ عآدل عطني خبر


وابو دارين الله يعطيه العافيه ما بقى شي :)


لاكن ابشر


بس اتعشى واجييكـ




: )

[نايف تراحيب]

يا مرحبا ترحيبتن كلهآ نور
من شآعرن بالحيل مسرور مسرور
وانته ترآك اليوم منهي وما مور
والنار شبوها وزيدو حطبها


العصيمي يوم جا داسكم مثل الصريم
كل دارن عآذله كاسرين اعلامها



:)

[نايف تراحيب]

ثم راعي الهيلا وصل بل بلآغه
ماهوب مثلك كنك الببغاغه
ولا الذهب ماينحفض وسط بآغه
النار شبوها وزيدو حطبها


نقضي الأوقات في مسجد الله العضيم
وانت خلك في خيامٍ كثر حوامها


:)

[الميسم الحامي]

طيب طيب يا نايف , اسمع الرد :

الميت اللي جفّ من حلقه الريق
تبغون تحيونه بكثـــر التصافيق
لكنها ما تفـرج الهــم و الضيق
النار شبــوها و زيدوا حطبــها

امس صفقتوله و طاح في نار الحجيم
يا وجيه في الملاقا دعست اخشامهـا

[الميسم الحامي]

اليا دخلتوا في الحرم يا عتيبه
لازم نفتشكـــم شبـابٍ و شيبـه
يمكن مهرب قنبله وسط جيبه
النار شبوها و زيدوا حطبهـا

ابرهه يالربع مـــا فارق الدنيا عقيـم
دقّ خشمه في طميه و طاح انخامها

[عادل العصيمي]

الله الله


يالربع الميسم لا أحد يزعله وكان مزعل احد تراني كفيله :)


صحت السنتكم وانا متابع


,

[عادل العصيمي]

يا مرحبا ترحيبتن كلهآ نور
من شآعرن بالحيل مسرور مسرور
وانته ترآك اليوم منهي وما مور
والنار شبوها وزيدو حطبها


العصيمي يوم جا داسكم مثل الصريم
كل دارن عآذله كاسرين اعلامها



ثم راعي الهيلا وصل بل بلآغه
ماهوب مثلك كنك الببغاغه
ولا الذهب ماينحفض وسط بآغه
النار شبوها وزيدو حطبها


نقضي الأوقات في مسجد الله العضيم
وانت خلك في خيامٍ كثر حوامها



ياسلام ياسلام


صح لسانك يانايف وبيض الله وجهك


وتراني في صفك


الليل الليل


,

[الميسم الحامي]

اخوي عادل العصيمي , الله لا يجيب زعل بين الاحباب و هذي طواريق شعر تجي و تروح و تبقى المعزة بيننا راس مال و معرفتكم مكسب , و الشاعر نايف العتيبي يعرف كيف يخلص و ان عودت للشعر كل شاعر لا يذخر ما عنده و السلام ..

[نايف تراحيب]

الحي حي ولو ربعه يوصون
يبقى لكم عله وتبقون تبقون
خدآم لعتيبه وريح يامغبون
النار شبوها وزيدو حطبها


انتبه عمك هذا لا تفلسف يا غشـيم
فكك من الترك يوم الوغا واحلامها



:)

[نايف تراحيب]

يا داعـسن جنسـيتك ليش ذا ليـش
فالحآضر المشهود يا جآحد العيش
خلك مع الآفغآن محشي وتحشيش
النآر شبوها وزيدو حطبها


ابرهه يا صاحبي ماتشبه بالحريم
هـب ياقـومٍ تخـفى بلـبس لثآمـهآ


:)

[نايف تراحيب]

ارحب مليون يا عآدل والصف يزهآبكـ يالذيب


ولاهنت


*_^

[نايف تراحيب]

ارحب بصديقي الميسم الحآمي :)


الدعوى طواريق ولعب زي ما قلت


ومافي الخاطر شي


واصل بس ولا تذخر على نفسكـ شي



:)

[شيخ الشيوخـ]

الله ولي :)

صحت السنتكم
والله يكفينا شركم

[الميسم الحامي]

ياما حفـــرتم في الخبـوت و دفنتم
لـــولاه يا عمي البصاير وش انتم
وان كافحوكم في المساجد خزنتم
النار شبــــوها و زيـــــدوا حطبها

عندكم غمزات الاصطب يعرفها الفطيم
كـــل ليل الـــددسن تغيـــرون ارقامهـا

[الميسم الحامي]

يقــول عنتـر حكمـةٍ فـــي الكتابي
وش فــهّـم الثـور ان عنتـر جنابي
ما هــزّ ضلع طويق خبط الجرادي
و النار شبــوها و زيـــدوا حطبها

كانوا الافغان ناسٍ على النهج القويم
مير جات عتيبه و غيرت في احكامها

[عادل العصيمي]

ياما حفـــرتم في الخبـوت و دفنتم


ههههههههههههه


أكيد اكرام الميت دفنه :)


يقــول عنتـر حكمـةٍ فـــي الكتابي
وش فــهّـم الثـور ان عنتـر جنابي
ما هــزّ ضلع طويق خبط الجرادي
و النار شبــوها و زيـــدوا حطبها


فتّح عيونك يالميسم :)


والليل الليل


,

[الميسم الحامي]

مشكور يا شاعرنا على التنبيه و الله يقطع العجله ,, و هذه الاعادة بعد التعديل

يقــول عنتـر حكمـةٍ فـــي الكتابي
وش فــهّـم الثـور ان عنتـر جنابي
ما هــزّ ضلع طويق كثح الترابي
و النار شبــوها و زيـــدوا حطبها

كانوا الافغان ناسٍ على النهج القويم
مير جات عتيبه و غيرت في احكامها

[نايف تراحيب]

الميت الله يرحمه يا مجآنين
ومسآجد الله ماتجيها الشيآطين
يامسفره ردي لحرب البعآرين
النار شبوها وزيدو حطبها

موترن وطآك لازم نجيبه يافهيم
ثم ضلوعك من بعد جرته علآمها


: )

[نايف تراحيب]

ماني وانا نايف براعي خرابيط
خلك مع السودآن دفتر شخاميط
والضلع ينهد بالدناميت والخيط
النار شبوها وزيدو حطبها

من طلع من ديرت اهله ترى عقله سقيم
حرب خربو يا جمـآعه وخـرب إسـلامها


:)

[نايف تراحيب]

يالله حي عآدل ايه عندك ايآه


:)

[الميسم الحامي]

معك الفشق مالي حزام الذخيــره
لكنك اعمى عين و اعمى بصيره
الشاح في ديره و رميك في ديـره
النار شبــــوها و زيدوا حطبــــها

يا ولد ما كل من يلبس المشلح زعيــم
تلبسون ثياب ضعتوا في نص اكمامها

[الميسم الحامي]

يا الحاشي اللـي قام ياكل سنامه
من هزلتك يطرحك ثقل المسامه
مدري بلاه العرق و لا طعــــامـه
و النار شبوها و زيدوا حطبهــــا

من خلط روثانة ارهاط مع تمر القصيم
يا خشـــوم من فخرنا يثــــــور عرامها

[نايف تراحيب]

الرميه اللي ماتصيبك تنيرك
يا الآجودي مغصوب محدن مخيرك
ما دام عادل جا معك مانحيرك
النار شبوها وزيدو حطبها

الزعامه مالها كود رجالن حكيم
وانت قيّس فالملابس وفصل خآم


:)

[نايف تراحيب]

مايرتكي للحمل غير البعارين
اللي على شيل الثقيلات ضارين
وافطن لدوباحك بدرب السلاطين
النار شبوها وزيدو حطبها


لوّ تسكن فالعلياء وكبيت النضيم
واضحن للناس عملاقها واقزامها


:)

[شيخ الشيوخـ]

انا اشهد انكم شعار
ومحاوره ممتعه بدون مجاملة
لاهنتو

[الميسم الحامي]

ما دام رميك ما يصيب الضريبه
اقعد مكـــــانك لا تخسّـــر عتيبه
منته بخصمي في نهار الحريبه
النار شبـــوها و زيـدوا حطبها

قام دلوك يصفق الجال و الاذواد هيم
لو توردها على الما تذوب اقدامـــها

[الميسم الحامي]

ضيعت وقتي مع قليــــل الفهامه
وانا احسبنه من رجال الفخامـه
اثره مخه كبر مـــــــخ الحمامه
النار شبــــــوها و زيدوا حطبها

وصلت الناس القمر و انت حطاب الهشيم
يالحلوق اللي بكلمــــــه عقدت لجـــــامها

[نايف تراحيب]

صح لسسآنك يالميسم ولاهنت

تقبل احترامي وتقديري


:)



الرميه اللي ماتصيبك تنيرك
يا الآجودي مغصوب محدن مخيرك
ما دام عادل جا معك مانحيرك


:)

[تركي شجعان]

;934446']الرميه اللي ماتصيبك تنيرك
يا الآجودي مغصوب محدن مخيرك
ما دام عادل جا معك مانحيرك
النار شبوها وزيدو حطبها




:)


رحت فيها يالميسم

اكلت المطب ولا انتبهتله

صحة السنتكم وقلوبكم

[الميسم الحامي]

صح لسانك يا نايف العتيبي و على القوة دايم

و انت يا تركي بن شجعان شي طبيعي تقف مع نايف و الزين من عندي شين و الشين من عنده زين ,,,, و لله الحمد واثق من نفسي و عارف اني خلصت و اللي اكل المطبات عارف نفسه يا تركي يقول مستور العصيمي في محاروة له مع ابو مشعاب بيت ينطبق عليكم الآن :
تبى تصبر عليها لين تزداد الغبون غبون &&&& تون قلوبكم ما الومها والغيظ ماليها

يا تركي بن شجعان انا لم اجد انصاف في هذا المنتدى و هذا ما يهمني و ادري ان اهل المعاني يميزون و يعرفون من اللي مرّته شلفا ذياب ما درى بها و بالنسبة لتقييمك فلا يعنيني لانه كما يقول المثل : من متى يوجد المسك في مراح الغنم !!
و اذا في راسك شي الميدان يا حميدان !!

[تركي شجعان]

صح لسانك يا نايف العتيبي و على القوة دايم

و انت يا تركي بن شجعان شي طبيعي تقف مع نايف و الزين من عندي شين و الشين من عنده زين ,,,, و لله الحمد واثق من نفسي و عارف اني خلصت و اللي اكل المطبات عارف نفسه يا تركي يقول مستور العصيمي في محاروة له مع ابو مشعاب بيت ينطبق عليكم الآن :
تبى تصبر عليها لين تزداد الغبون غبون &&&& تون قلوبكم ما الومها والغيظ ماليها

يا تركي بن شجعان انا لم اجد انصاف في هذا المنتدى و هذا ما يهمني و ادري ان اهل المعاني يميزون و يعرفون من اللي مرّته شلفا ذياب ما درى بها و بالنسبة لتقييمك فلا يعنيني لانه كما يقول المثل : من متى يوجد المسك في مراح الغنم !!
و اذا في راسك شي الميدان يا حميدان !!




ضلمت نفسك يالميسم في كلامك هذا

والله انك ضيف عزيز وغالي ومن قبيلة لها تاريخها ووزنها بين القبايل

هذا اولاً

ثانياً المحاورة فيها مقالب وفيها مطبات وفيها معاني وهذي ميزتها

ومادام لعبت المحاورة فانت معرض لهذي المقالب

وقولك اني واقف مع نايف فانت غلطان في كلامك

انا علقت على الموال فقط ولو وقفت مع نايف اعتقد ماهو عيب وقوفي مع ابن عم

وبالنسبة لكلامك اللي قلته في الاخير فانا مسامحك عليه

وتكرم بها يالميسم

والمحاورة ترى ماهي هوشة وتحدي وكلام فاضي وبذيء وانا اخوك

المحاورة فن وابداع ومعنى وكلام جزل ومقارعة الحجة بالحجة

اذا عندك هذي المواصفات فانا اول من يتحداك

ولك فائق احترامي وتقديري

[الميسم الحامي]

الله يكرمك بالجنة يوم اكرمتني يا تركي , لكني ما اخطيت
و بالنسبة لمواصفات شاعر المحاورة ماني مادح نفسي , راجع محاوراتي و يتبين لك الامر
و بالنسبة للموال اللي علقت عليه ماني شايف اي ابداع او مطب الا اذا كان شي ينسد عنه الخشم و من طبعي اقفز عن مثل هذي الامور ماهو ضعافه و لكن شومة عزيز نفس رفيع جناب

و بعدين يا سبحان الله , المحاروة مليانه موالات مبدعه و جميله ليش ما اعجبك الا هذا !!
لان راعيه افتخر به في الاخير و ما ادري ايش داير حوله من هروج !!

و انت يا تركي عزيز و غالي و ابن قبيلة غالية لها تاريخها و هيبتها بس العنصيرية مشكلة و الحمية الجاهلية داء عظيم !!

سلام يا كرام

[شيخ الشيوخـ]

الميسم الحامي انت شاعر كبير ولايهونون الحاظرين
والجميع يشهد لك بذلك وابرك الساعات وجودك

وترانا ماشبعنا منك نبي محاورات اكثر واكثر
والله يحييك على العز والمعزة
اما بالنسبه للمطبات والمقالب وماشابه فهذي ماتتجاوز المتندى والقلوب مافيها الا كل خير وانا اخوك
وخذ راحتك بس لاتنوش العضم هههههههه


وياهلابك

[نايف تراحيب]

!!!!!



:)

[الميسم الحامي]

تسلم يا شيخ الشيوخ و الله يبارك فيك و يديمك على العز و المجد
و الله لا يجيب شي في الخواطر و انما هي خواطر لا اكثر و لا اقل

و انا اتشرف كثيرا بهذا المنتدى , و لقد مررت على منتديات كثيرة لقبائل من خندف و شبابة لكني لم اجد وفرة شعر و شعراء كما في هذا المنتدى الله يديم عليه الجزالة و الاخلاق الطيبة

اخوكم: الميسم الحامي

[شيخ الشيوخـ]

اجل نبي محاورة بينكم ثانية تثبتون فيها ان القلوب مافيها شي

وتراني من الصفوف يانايف انت والميسم
وعساكم على القوة

[الميسم الحامي]

بالنسبة لمحاورة جديدة ما عندي مانع بس تكون البداية من اللي يرغب في محاورتي ماهي من عندي , لان المرات الماضية لو رجعت للمحاروات السابقة تجد معظمها البداية من عندي و فيه اكثر من واسمة تركت ما احد رد عليها ما ادري عن السبب ؟؟
قلت يمكن الجماعة ما يرغبون في محاروتي لسبب من الاسباب و انا اقدر و احترم رغبات الناس .
عساك على القوة و العز يا شيخ الشيوخ انت و كل من حولك من النشاما

اخوك/الميسم الحامي

[شيخ الشيوخـ]

بالعكس وانا اخوك الاسباب واضحة جداً وهو الركود الي في قسم المحاورات وهي حالات تمر بين فترة وفترة
وانا بنفسي امر على سلة المحذوفات واجد محاورات كثيرة ماحد تقدم لها والسبب مثل ماذكرت

ننتظر من يعلن المشاركة معك من الشعار وعساكم على القوة