لغز .... محلول من ]مدهال[

[مدهـال]

هذا اللغز مني لكم ولاتبحثون عنه في القوقل

اقول فيه


ياويش رجّالٍ غفال الوسومي=واخوانه الباقين بالوسم تختال
هو اكبر اخوانه لعين الرسومي=ياخذ من اوصاف العرب وصف عذّال
يوم ان جداني تضدّ الخصومي=مامنهم اللي شاف فعله ولا سال

[شموخ النايفات]

السيف


وقواك الله يامدهال

[مدهـال]

السيف


وقواك الله يامدهال


حياك الله يالجادل

ومالك لوا

[ابوبتـــال]

مدهال

ممكن يكون قفش الرصاص الفارغ

واخوانه الباقين الرصاص الحي اوالكامل

[مدهـال]

هلا يا أبو بتال

ومالك لوا

[شيخ الشيوخـ]

ياهلا يامدهال وصح لسانك


القمر يامدهال !

[مدهـال]

ياهلا يامدهال وصح لسانك


القمر يامدهال !


القمر تواجدك في متصفّحي ياشيخ الشيوخ

ومالك لوا

[شيخ الشيوخـ]

<< انحرج

[روقي قرم]

يطري على الحكم..(حكم المباراهـ)

[إبن ثعلي]

الجبان

[مدهـال]

يطري على الحكم..(حكم المباراهـ)


روقي قرم هلا بك

الحكم مالك لوااا

[مدهـال]

الجبان


حيّاك الله يا إبن ثعلي

حاول مجدداّ ومالك لواااا

[ابوبتـــال]

مدهال

ممكن يكون

الرقم السري بطاقة الصراف او الرقم السري لجوال

[مدهـال]

مدهال

ممكن يكون

الرقم السري بطاقة الصراف او الرقم السري لجوال


هلا بأبو بتال


مالك لواااا يالغالي

[فواز الجوفي]

صح لسانك ماهوووووو البرق

[مدهـال]

فواز الجوفي مالك لوا

كلكم بعيدين مره

[روقي قرم]

التع ـداد السكني

[شيخ الشيوخـ]

روقي قرم
والله انك مع جنبها

[روقي قرم]

جوابي ان ماصار صح بأنه رجل التعداد..

فشي معقول..

الرود انت ورمعتك القمر.. مالها قآع

هههههههههههههههههههههههه

[شيخ الشيوخـ]

شررررررط ان القمر أقرب من التعداد

ومن حق ياروقي قرم
حططططط معدالك

[إبن ثعلي]

السلاح النووي

[مدهـال]

روقي قرم

شيخ الشيوخ

إبن ثعلي

مالك لوا

[شيخ الشيوخـ]

الرادار

[مدهـال]

ماهب الرادار ياشيخ الشيوخ

دور غيره وابعد الحوم

[روقي قرم]

الدرع أو الواقي..

[مدهـال]

هلا بروقي قرم

مالك لواا

يخوي انت المفروض تجيب الحل مادام انك تعرف ابو ضيف الله


دق على معيطين يامال الغنيمه والله مايروعني مثله احد

[روقي قرم]

ايه ماشاء الله عليه ابو عبدالله
لكن ودي انا الي اجاوبـه نتعلم
ومنها نشغل المخ..

وش رايك في الديزل يامدهال..

[مدهـال]

ايه ماشاء الله عليه ابو عبدالله
لكن ودي انا الي اجاوبـه نتعلم
ومنها نشغل المخ..

وش رايك في الديزل يامدهال..


مالك لوا

احس انك ترمع لين تحله بالصدفه

وش لون يصير الديزل هو الحل

الديزل ماله مدخال على اللغز نهائياً

[شيخ الشيوخـ]

معلمكم قايل لكم مع جنبها

[روقي قرم]

انا اعلمك ليه قلت الديزل..

الديزل طال عمرك ماهوب مثل البنزين لاجيت المحطه لاهذا البنزين مكتب عليه الي 91 والاحمر 95 اما الديزل بلحاله وفي مقدمة المحطه وماعليه كتابه

طرا علي قلـت يمكن

شيخ ماحاله الا انا ان شاء الله

[إبن ثعلي]

وزير الحربيه ماله رتبه وبقية ضباط الجيش عليهم نجوم

[مدهـال]

وزير الحربيه ماله رتبه وبقية ضباط الجيش عليهم نجوم


حياك الله يا ابن ثعلي ومالك لوا

الحل شي يقدر يملكه كل واحد منا والحل موجود في هذا الشي اللي نملكه

[مدهـال]

الأخ ابن ثعلي

انا اشوف ان رمعتك الأولى اخذت بمعنى البيت الأخير وأغفلت ماقبله


والرمعه الثانيه اخذت بالبيت الأول وأغفلت الباقي

[شيخ الشيوخـ]

كفو والله ياروقي قرم وكلها مزح ودعابه وميانة زايدة عليك طال عمرك

وبالتوفيق لك

[الايمن]

هذا اللغز مني لكم ولاتبحثون عنه في القوقل

اقول فيه


ياويش رجّالٍ غفال الوسومي=واخوانه الباقين بالوسم تختال
هو اكبر اخوانه لعين الرسومي=ياخذ من اوصاف العرب وصف عذّال
يوم ان جداني تضدّ الخصومي=مامنهم اللي شاف فعله ولا سال


السلام عليكم

ماشاء الله

جزاله وجمال

لى باذن الله عوده اذوفقت لرمعه مناسبه

تحياتى للجميع

[الايمن]

السلام عليكم


وش رايك

المؤشر

الاسهم

[مدهـال]

السلام عليكم


وش رايك

المؤشر

الاسهم

حيّاك الله يالأيمن

مع انها بعيد شوي لكن الحل له علاقه بالأسهم

يعني اقرب إجابه إلى الآن بالنسبه للرمعات السابقه

انتبهوا تراني علاقه من بعيد

[مدهـال]

تعديل للسطر الأخير في ردي السابق

(انتبهوا تراني قلت علاقه من بعيد)

[بنت شمرالطنايا]

اول رمعه

العصا

[مدهـال]

مالك لوا ماهيب العصا

[شيخ الشيوخـ]

تراه سهل ومابينكم وبينه مســافه قريب منكم بالحيل
كنت اتوقع انه مايطول هالمده

[روقي قرم]

المرور السري

[مدهـال]

مالك لوا ياروقي قرم

شيخ الشيوخ ممنوع التقريب نهائياً

[مدهـال]

مسّاكم الله بالخير

والله انا مستغرب ليه هاللغز مهجور

إذا كان السبب ان اللغز صعب هذا باب وله جواب وإذا كان شي ثاني فلكم الحل ولي منكم التعقيب على حلّه


























http://img144.imageshack.us/img144/1457/stsrthsfthhhhhhhhhhhhhh.png








الحل هو زر المسافه بدون وسم ووظيفته تفريق الحروف ولم يكن موجود في السابق يعني حديث
بإمكانكم العوده للغز ومراجعته ودايم قدامكم وانتم تردون على اللغز بالحلول

[وجودك يكفي]

صح لسانك يامدهال على اللغز الجزل وبيض الله وجهك واعذرنا وانا اخوك على قلت المشاركات الايام هذي

اللغز رائع والحل مطابق ولا فيها كلام وشي معروف للكل ولا احد يجهله

واشهد إنه ياخذ من اوصاف العرب وصف عذال
العذال يفرق بين الناس وهذا يفرق بين الحروف صح لسانك


احترامي

[شموخ النايفات]

مشالله عليك يامدهال
لغزكــ خلاني اروح بعيد والجواب بين ايديني^_^

[مدهـال]

وجودك يكفي شاكر مروك الكريم


الجادل حيّاك الله اختي

اسعدني تواجدكم

[شيخ الشيوخـ]

اقولكم مابينكم وبينه مســـافه

بس وين اللي يلقطها وهي طايرة :)

يامدهال لاتزعل علينا طال عمرك

[إبن ثعلي]

والله يامدهال اني فكرت فيه لكن ابعدتني عنه كلمة لعين الرسومي قلت انه شئ طبوعه شينه
وتحياتي لك

[مدهـال]

هلا يابن ثعلي

وهو طبوعه شينه الماخوذ وهي تفريق الحروف وشبّهته بوصف العاذل من الناس يعني شغلته التفريق


على العموم هذا حلاة اللغز يقربك ويبعدك وهو حول الحمى

تحياتي لك