الهواوي000
10-16-2005, 03:21 AM
بسم الله الرحمن الرحيم
عسى السحاب اللي على (كان) يافهيد ** من غرب يجتاحه رياحٍ بشده
وأليا تقافا كنه الريم شريد ** مايعترض ممشاه ريحٍ تصده
أبيه يطمن يم دار الأجاويد ** وأول هماليله على سيف جده
ويتمدله من سيف جده تماديد ** ويركد هواه اليا قرب من مصده
شمال من جده لحزم الجلاميد ** وجنوب من جده شرورة تحده
مدة كريمٍ مال جوده تحاديد ** واليا عطى مايقدر احدٍ يرده
وابيه يسقي نجد من غير تفنيد ** ماكفته ريدا إلى المستجده
واليا غدا لأرقاب نبته عناقيد ** مافيه الذ من الرخا عقب شده
يطيب كيف مخازرات المفاريد ** اللي لها بقلوب أهلها موده
وضحٍ ليا اوحت للمودة زغاريد ** قامت تعوج ارقباها للموده
وأن صادفت محدار والا مسانيد ** دايم وهي للأوله مستعده
وان صارمحش جنوب والا تواعيد ** والا هجيجٍ يتبعه طول شده
محصان عندي سبقته كنها العيد ** ونبا نعد الها من اليوم عده
بوضحٍ تباري كنها ذاير الصيد ** ماتقضب المقطاره المسمهده
اللي يجيك مزايده فيه تزويد ** ان زاد زدله وأن تراجع تعده
واللي يوسد حامض العلم توسيد ** ماعاد اله مشروة لو جاه ضده
الله على قدام بعد وتباعيد ** من يقضبه في سهلةٍ مجرهده
لـــلـــشـــاعـــر الـــكـــبـــيـــر/ عبدالله بن نايف بن عون
ولكم تحياتي
عسى السحاب اللي على (كان) يافهيد ** من غرب يجتاحه رياحٍ بشده
وأليا تقافا كنه الريم شريد ** مايعترض ممشاه ريحٍ تصده
أبيه يطمن يم دار الأجاويد ** وأول هماليله على سيف جده
ويتمدله من سيف جده تماديد ** ويركد هواه اليا قرب من مصده
شمال من جده لحزم الجلاميد ** وجنوب من جده شرورة تحده
مدة كريمٍ مال جوده تحاديد ** واليا عطى مايقدر احدٍ يرده
وابيه يسقي نجد من غير تفنيد ** ماكفته ريدا إلى المستجده
واليا غدا لأرقاب نبته عناقيد ** مافيه الذ من الرخا عقب شده
يطيب كيف مخازرات المفاريد ** اللي لها بقلوب أهلها موده
وضحٍ ليا اوحت للمودة زغاريد ** قامت تعوج ارقباها للموده
وأن صادفت محدار والا مسانيد ** دايم وهي للأوله مستعده
وان صارمحش جنوب والا تواعيد ** والا هجيجٍ يتبعه طول شده
محصان عندي سبقته كنها العيد ** ونبا نعد الها من اليوم عده
بوضحٍ تباري كنها ذاير الصيد ** ماتقضب المقطاره المسمهده
اللي يجيك مزايده فيه تزويد ** ان زاد زدله وأن تراجع تعده
واللي يوسد حامض العلم توسيد ** ماعاد اله مشروة لو جاه ضده
الله على قدام بعد وتباعيد ** من يقضبه في سهلةٍ مجرهده
لـــلـــشـــاعـــر الـــكـــبـــيـــر/ عبدالله بن نايف بن عون
ولكم تحياتي