الغراب ...

[رشة قلم]

كنت أحسبن المسأله سهله ولافيها صعاب ..
رميت نفسي في مهالكها ولانلت الحصيل ...

أواه من شي (ن)علق وصاحبه مثل الضباب ..
لانظرته تقدر تصيب ولو عملت المستحيل ...

سجدت لأن المسأله تحتاج سجده وإطلاب ..
وأجمل من الدمعه لاسالت من خشوع ومن ذليل ..

شفت السماء زرقا وهي تمطر وعيني للسحاب ..
أخايل اللي صار في بعضه و هتانه يسيل ....

سبحان من جمع مخاليقه على حضن وزهاب ...
وأختار له بيت(ن) وخص الناس وأختار الخليل...

ترفع له أيدين (ن) وتحنى له جباه ولا يعاب ...
لن الركوع أصدق وأقرب حب (ن) لشخص عليل ..

اشعورنا .. يوم المناجا والدعاء والاستجاب ...
اشعور مايوصف ولو جبنا لهم بأكبر دليل ...

حبيبنا سيد مخاليقه لنا ... أعظم كتاب .....
وأصدق تعاليمه لنا قدوه وهو كله جميل ...

شفني على متنه أسابق ساعة قبل الغياب .
وأجمع لي أحمول(ن) تزيد القدر وأكبر ماتشيل ..

مبني خيال (ن) منتهي لكن فالغصه عتاب ...
أمي ! عيني ! والدي ! كفين لا صعبه تميل ..

أحكي لكم عن شي في قلبي توسده التراب ..
أحجابه.... اللي حال من بيني وبيناته ثقيل ...

اسعى علشان القلوب اتكف من نزف العذاب ..
واخطف بقايا الجوهره لوشي واطراف الشليل ..

أحس بأطهرها قدم والمس حنايا اللعاب ...
وألم الاشلا للقتيل لي من احزانه قتيل ...

حظي وأنا أقول ياحظي كريم (ن) أو مصاب ..
ساعه تجي مر(ن) وساعه نشربه مثل السبيل ..

إن كان للجمره فعل ! جمري بدء عمره شباب ..
أشد و أرحل محتوي صدري ولا وده يفيل ...

ياعالمي شفني غزاني الشيب وأتعبني الغراب ..
قصه تعيد الموت وأحداث المسافر والرحيل ...

بقلمي /رشة قلم

[سويلم الخراص]

صح لسانك مدد بلا عدد

اعجابي

[إبن ثعلي]

صح السانك يارشة قلم ولاهنتي قصيدة جزيله

[عبدالله المرشدي]

صح لسانك

يارشة قلم

وعلى شانك

تحيتي

[ميااااح]

صح لسانك

مبدعه

تحيتي لك

[ابوسـعد]

الساجدة (رشة قلم) قول فريد ..صح لسانك على هذه الرائعة وياهلاوغلا

[وجودك يكفي]

صح لسانك يارشة قلم

إبداع وقصيدة رائعه

احترامي

[الأدميرال]

صح لسانك رشة قلم على القصيده الرائعه

[فهيد مقعد الرويس]

صح لسانك يارشة قلم

ننتظر ابداعك القادم

تحيتي وتقديري

[乂صـواعب乂]

الشاعره/ رشة قلم

صح لسانج

وقصيده رائعه بمعنى الكلمه

ربي لاهانج..

[فواز المطيري]

صح لسانك ويعطيك الف عافيه

[فواز الحبردى]

بـــســم الله الرحمن الرحيم

الشاعره

رشة قلم

صح لسانك وعلا شانك

سلم اناملك

كتبتى فابدعتى وامتعتى


تقبلى احترامى وتقديرى

[رشة قلم]

شكر لكل من عطر هذه الصفحات بنفحات قلمه الرائع
فواز المطيري فوازو فهيد وصواعب وعبدالله الادميرال ابن ثعلي ابو سعد وجودك ومياح وسويلم
شكرا جزيلا

[ذبــاح]

قصيده وجدت بها رشه ابداع
صح لسانك على القصيده جميله

تقديري~