تقديــم مبــآرآهـ آلهـلآل vs آلنصــر ضمن مبــآريــآت كــآس ولي آلعهــد ...

[..{غ ـير البشـ}ـر..]

http://www.7mmlbs.com/img/a1E02287.gif (http://www.7mmlbs.com/)

-:: بطاقة اللقاء::-

http://www.7mmlbs.com/img/V8Q02287.gif (http://www.7mmlbs.com/)

-::القنوات الناقلة ::-
الجزيرة الرياضية
ارتي 7
السعودية الرياضية

-:: أوضاع الفريقين::-

http://www.7mmlbs.com/img/Bhs02287.png (http://www.7mmlbs.com/)

الفريق الهلالي بطل دوري زين للمحترفين السعودي لهذا الموسم, و وصيف كأس الأمير فيصل بن فهد لهذا الموسم, يدخل اللقاء بعد أن تغلب على نادي الفيصلي في مباراة دور الـ16 يوم الخميس الماضي بهدفين مقابل هدف سجل للهلال كريستيان ويلهامسون وعقيل بلغيث ( محولاً تمريرة نواف العابد إلى هدف في مرماه) بينما سجل للفيصلي اللاعب عبدالعزيز فلاتة .

مر الفريق الهلالي بالعديد من الظروف خاصة من الجانب الإعلامي حيث أشاع هذا الجانب عن وجود خلافات لا صحة لها بين مدرب الفريق واللاعب محمد الدعيع قائد الفريق, وأيضاً غاب في تمرين الأحد لاعب خط الوسط وهداف الفريق في دوري زين للمحترفين السعودي محمد الشلهوب, إلا أنه عاد يوم الإثنين للمشاركة, ويتوقع أن يبدء مدربه اللقاء بالحذر فيبدء بمحوري ارتكاز يتوقع أن يتمثلان باللاعبين خالد عزيز وميريل رادوي .


http://www.7mmlbs.com/img/a1E02287.gif (http://www.7mmlbs.com/)

http://www.7mmlbs.com/img/hjG02287.gif (http://www.7mmlbs.com/)

نادي النصر يدخل اللقاء بعد أن تغلب على نادي الرائد في دور الـ16 بهدفين دون رد سجلهما حسام غالي العائد لمشاركة الفريق بعد فراغه من تمثيل المنتخب المصري الفائز ببطولة أمم افريقيا.
والنصر يضم في صفوفه المحترف الجديد الغيني باسكال فيندونو الذي حل بديلاً عن البرازيلي ايدير مؤخراً, كما ستشهد المباراة عودة لاعب الفريق حسين عبدالغني للمشاركة بعد الاصابة التي غيبته في الفترة الماضية.

http://www.7mmlbs.com/img/a1E02287.gif (http://www.7mmlbs.com/)

http://www.7mmlbs.com/img/Bhs02287.png (http://www.7mmlbs.com/)

-:: التشكيل المتوقع للفريقين::-

محمد الدعيع
عبدالله الزوري - ماجد المرشدي - أسامة هوساوي - لي يونغ
ميريل رادوي - خالد عزيز
كريستيان ويلهامسون - تياقو نيفيز - محمد الشلهوب
ياسر القحطاني



http://www.7mmlbs.com/img/a1E02287.gif (http://www.7mmlbs.com/)

http://www.7mmlbs.com/img/hjG02287.gif (http://www.7mmlbs.com/)

خالد راضي
عبده برناوي - عبدالله القرني - صالح صديق - أحمد الدوخي
أحمد عباس - إبراهيم غالب
حسام غالي - باسكال فيندونو
محمد السهلاوي - ريان بلال

توقعاتكم للمباراة؟

[ރالزيــاديރ]

مباراة قويه

وأتمناها هلاليه

http://otaiby-up.com/download.php?img=1739

جمهور الهلال يواصل إنجازاته الرياضيه والسياسيه

في كل مجال له بطوله

لبيه يالحد الهلالي:16:


:17:
:a2:


لاهنت غير البشر

[الأدميرال]

الله يسلمك يا غير
انا اتوقع الهلال 2 والفريق الثاني صفر
ونصح النجم الاصيل انه مايتابع المباراه نحبه ولانبي يصير فيه شي لاسمح الله

[خيّال الهيلا]

طفشنا من سالفة توقع ..
التحدي على كم ؟

[الأدميرال]

طفشنا من سالفة توقع ..
التحدي على كم ؟
ماش على كم
التحدي على عشاء حاشي وتمها ياخيال ان كانك صادق وسوى عزيمه لربع اللي هنا كلهم

[خيّال الهيلا]

والله وهقه كذا السفر .. ومشوار نجي للرياض علشان عشاء حاشي:)
لكن على التحدي يالادميرال ..

لو فاز النصر متصدق عن الحاشي لوجه الله ..
ولو فاز الهلال حياكم على عشاء الحاشي .. بس بالطائف ...

[ރالزيــاديރ]

حلو ياخيّال الهيلا

جنبي ترى جايك يابعدي من الحين تولم

[الأدميرال]

منول احسبك قريب يالخيال صعبه يفوز الهلال فالرياض ونجيك الطايف نبي نفرح مع الهلال هنا
ونبي نخلي عشانا فيكم يالنصر

[الأدميرال]

حلو ياخيّال الهيلا

جنبي ترى جايك يابعدي من الحين تولم

الزيادي ماصدق عشانه قريب
وين 900ك وهذا غير الدوام

[خيّال الهيلا]

زين.. اجل انت شوف الميزانيه يالزيادي .. وزهب للوليمة ورتب مواعيدك من بدري ..


ويالادميرال .. يوم شفتك جبت التحدي ..
قلت الظاهر لو نخليها بالمريخ .. مايعوقه شي انه يكسب التحدي ..



ان شاءالله بعد المباراة لنا وجود هنا ..
يلا تتمسون على خير ..

[الأدميرال]

ههههههههه
لا يعوق التحدي بحدود انا احسبك فالرياض وانا عند الوعد ماتوقعت انك هناك ولا كان شفنا تحدي غيره
بس لاتشيل هم تجيك قيمة الحاشي
اما تبغاني امغط الطايف عشان هلال ونصر والله لويقولون مدري وش يقولون
يالله حيهم

[شيخ الشيوخـ]

صعب التوقع مباراة ديربي والنصر عائد بقوة على الرغم من ان الهلال وضعه قوي

وان كان فيه حاشي علموني اجي للطايف

[.*إنـْسَـآن عَـآدِي*.]

0000000000000000000000000000

[.*إنـْسَـآن عَـآدِي*.]

مدخل :

فوز النصر مؤكد يالهلالين اذا تطلعون شي على النصر خلوني ساكت يا فيصل بن مساعد ـــــــــــ>الي يبي يفهمها يفهمها

مخرج:ممكن تحذفون الرد الي قبلي
ودي لكم
الوآصل

[سلمان]

ان شاء الله النصر

والتوفيق للجميع

وان شاء الله يتفوق النصر على الفريق الاخر يقلد الادميرال هههههههههههههههههه


مير يا الربع ان كان فيه عشاء حاشي تبوني اشجع من

بكره انا ماني مداوم



وان كان العشاء في الطايف عادي موب مشكله نحظر

والي عجزان يمسك الخط من الرياض نوصله معنا والنفر بـ100 ريال يا الله

ابي خمس ركاب ونمشي

[روقي قرم]

http://img706.imageshack.us/img706/2253/16933158.gif

[..{غ ـير البشـ}ـر..]

مآشآء الله الدعوه فيها تحدي

عسآكم ع القوه

محمد ان شاء الله اللي مكتوب عليها ستقآم قريبآ

ان شاء الله انه تسجل للهلال بآذن الله

[روقي قرم]

ان شاء الله..

[محمدالمقاطي]

باذن الله الفوز اليوم للزعيم

[قلب الذهب]

اتوقع النتيجه اتثين للنصر واحد للهلال >> قصدي اتمنى :18:
بس انشالله الليله نصروايــه :18:

[الأدميرال]

ياسلام ولا وصرتو تتوقعون يالنصراويه
شفتو الاتهاد يوم راح شربه عقب الخمسه
انتم ان شالله خليكم مرقه اليله
مبروك للهلالين مقدماا

[قلب الذهب]

الله مير يصلحك .. وش اقول بعد هلالي وش تبي تقول يعني ؟؟
وبعدين وشو له مانتوقع وش ناقصنا يعني ؟؟ صفيره حكم والا شبتسه مرمى>> لايكثر وتوكلي :18:

[الأدميرال]

الله مير يشفيك من داء النصر واحلامه

[قلب الذهب]

شف انا النصر بدمي ف مرضي مستعصي .. والشفاء امرره صعب ..

[الأدميرال]

خاطره جميله

استمتعي بمشاهدةالهلال

[الأدميرال]

الهلال

مبروووك لكل الهلالين

وحظ اوفر للنصر

خيال الهيلا شلونك هههههههههههههه
جود هههههههههه
كل النصراويه هههههههههه
ادري لونكم اصفررر
راحت ميتين وخمسين الف ياعليك يابرناوي ولا كان تسوي تسريحه جديده لشعرك
وتشترون مشط لبسكال يكد شعره بدل الرجوم الي حاطها فوق راسه





مبروووووووك مبروووووووووووووك للهلال

[خيّال الهيلا]

مبروك للهلاليه ويستاهلون الفوز ... ولكل مجتهد نصيب ..
اللي ودّهم بالحاشي .. ياخذون رقم الجوال من الادارة .. وتستاهلون في الحالتين ..
كانها عزيمة بمناسبة الاجازة ولا كانها على التحدي اللي صار ..

:)

[..{غ ـير البشـ}ـر..]

<<والله قهر ماشفت الا نص المباراه <<بغيت اسحب ع الدوآم بس متودعين فيني http://www.otaiby.com/vb/images/icons/icon10.gif



مبرررررروك للكل جمهور الزعيم


وهار لك لجمهور اللي مدري وش اسمه:20:

[ރالزيــاديރ]

مبروك للهلال هذا الفوز

وبصراحه النصر كان ند قووي أثبت وجوده

بس كان ناقصه السهلاوي يصحصح لأنه كان نائم

وعتبي على ياسر فأثبت أن عاجز عن التهديف

نيفز هو الفائز بهذه المباراه

[الأدميرال]

الله يبارك فيك ياخيال الهيلا
وحظ اوفر والجيات احسن ان شالله
والعشاء تقول وطول وانا اخوك
وحنا نمزح معك
بس انت قلي كيفك

[خيّال الهيلا]

هلا يالادميرال .. حالي يسرك ..
والعشاء والله تستاهلونه.. ماهو بس على المباراة ..

[الأدميرال]

هذا من طيبك اصلك ياخيال والله يسلمك
انا كنت واثق ان الهلال بيفوز
لأن الفرق واضح لاتقول متساوين

[روقي قرم]

كما توقع ـت 2-1 للهلال بسم الله علي

لاتسئلون ليش ووين مع ان قبل المباراه بيوم قلت الهلال مافيه شك والحمد لله

اوما السالفه هونت معادني قايل شي :)

مبروك يازعمـاء

[الأميره الناعسه]

كل زرع له مطر يسقيه..
وكل نهار له ليل يغطيه..
وكل متحدي له هلالي يربيه

ياهلال النوادي أنت بدر التمام
لعب ماهوب عادي من يحبك مايلام



الف مبروووك يازعماء
وعمر الزعيم ماخيب جمهوووره

[ابوسـعد]

مبروك للهلال ولكن "عمر الزعيم ماخيب جمهوووره" هذي يبا لها وقفه...وياهلاوغلا

[روقي قرم]

كل زرع له مطر يسقيه..
وكل نهار له ليل يغطيه..
وكل متحدي له هلالي يربيه

ياهلال النوادي أنت بدر التمام
لعب ماهوب عادي من يحبك مايلام


صح لسانها :)

[شيخ الشيوخـ]

مبروك للهلاليه ويستاهلون الفوز ... ولكل مجتهد نصيب ..
اللي ودّهم بالحاشي .. ياخذون رقم الجوال من الادارة .. وتستاهلون في الحالتين ..
كانها عزيمة بمناسبة الاجازة ولا كانها على التحدي اللي صار ..

:)


ههههههههااااااااي


ياشباب اللي يبي رقم جوال خيال الهيلا يراسلني عشان نرتب موعد العشا ان شالله

والي ساكن في نجد ترا فيه باص بيتحرك ان شالله بإتجاه الغرب للطائف احلى
وضبط الحاشي ياخيال الهيلا واهم شي الحلا نبي كريم كراميل وفستق

http://www.4msk.com/up/hilal2.jpg
مبروووووووووووووووووك يالهلال يازعيم نصف الارض

[مطنوخ‌]

مدخل :

فوز النصر مؤكد يالهلالين اذا تطلعون شي على النصر خلوني ساكت يا فيصل بن مساعد ـــــــــــ>الي يبي يفهمها يفهمها

مخرج:ممكن تحذفون الرد الي قبلي
ودي لكم
الوآصل

كيف الحال....؟

يأخي اقسم بالله انكم معطين نصركم وخبلانكم مدري كحيلانكم اكبر من حجمه

انصحكم نصيحه انسو شيء اسمه فقر كح اقصد نصر

ثاني شيء شوف الهلال فاز ولله الحمد ماقلبنا الدنيا فووق تحت وفرحه ومدري وين

ثالثاً اخوي شوف الرجل الفكاهي تبعكم دغيثركم قولو له ان الهلاليين بيروحون لثمامه

مو منشان كلامك لا منشان انهم عارفين فريقهم وقت مباريات الحسم:13:

[روقي قرم]

^

بعد تسبدي واللـه

[سلمان]

كيف الحال....؟

يأخي اقسم بالله انكم معطين نصركم وخبلانكم مدري كحيلانكم اكبر من حجمه

انصحكم نصيحه انسو شيء اسمه فقر كح اقصد نصر

ثاني شيء شوف الهلال فاز ولله الحمد ماقلبنا الدنيا فووق تحت وفرحه ومدري وين

ثالثاً اخوي شوف الرجل الفكاهي تبعكم دغيثركم قولو له ان الهلاليين بيروحون لثمامه

مو منشان كلامك لا منشان انهم عارفين فريقهم وقت مباريات الحسم:13:


خل نصيحتك عندك ونبي نشجع النصر حتى لو انهزم

ياخي كيفنا مجانين ونحب الجنون عندكم شي :12:

وياحبيبي المباره انتهت وخلاص فاز الهلال مبروك
موب تزعجونا النصر والنصر

[سلمان]

ههههههههااااااااي


ياشباب اللي يبي رقم جوال خيال الهيلا يراسلني عشان نرتب موعد العشا ان شالله

والي ساكن في نجد ترا فيه باص بيتحرك ان شالله بإتجاه الغرب للطائف احلى
وضبط الحاشي ياخيال الهيلا واهم شي الحلا نبي كريم كراميل وفستق

http://www.4msk.com/up/hilal2.jpg
مبروووووووووووووووووك يالهلال يازعيم نصف الارض


شيخ الشيوخ ياخوي وش الحركات ذي تقطع رزقنا ليش وش له الباص
الي يبي الطايف الرياض الرياض الطايف بـ100 النفر



وصح مبروك للهلال ويستاهل الفوز قدم مستوى
موب عيب ان الواحد يخسر وذي كوره فوز وخساره

[همس]

^ ^ مافيك حيله ياسلمان
تكفى علمهم الا يحطمونآ
ويكسرون مجاديفنا !

مبروك الفووووز http://www.otaiby.com/vb/images/icons/icon6.gif
وهارد لك لنآ
صرآحه كل الفريقين بدعوا
ماقصروووا

[خيّال الهيلا]

التوصيله على سلمان .. لاني ادري ماراح يجيب زحمه ..
اما انت ياشيخ وراك باص .. لا وبرضو بتكسب على عشاي .. يعني استغلال ..

[الأدميرال]

8
8
8
المهم خلك على التوقعات
وجنب عن التحدي بكم ماراح يكون من صالحك

[الالماسه]

ياسلام ولا وصرتو تتوقعون يالنصراويه
شفتو الاتهاد يوم راح شربه عقب الخمسه
انتم ان شالله خليكم مرقه اليله
مبروك للهلالين مقدماا
الدميرال وش دخل الاتحاد الحين وبعدين اسمه فريق الاتحاد ماهو بتهاد
المفروض نحترم جميع الاانديه وعدم الاستهاون فيهم وان شالله تزول هالغيمه عن الاتحاد ويرجع
مونافس قوي مثل اول واحسن بكثير وبتشوف( يالادميرال):14:
والفريق المرعب لكم ياهلالين مع احترامي لهم
حبيت اذكرك يالادميرال نسيت لمن ام صلال طلعكم من بطوله اسياء وهو اضعف بكثير
هذا هو حال الكوره مره معك ومره ضدك
والف مبروك للهلال وحظ اوفر للنصر
واسفه على اني طولت عليكم
بس بالاخير اتمنى الاحترام وعدم التقليل بالاخرين والاستهزاء فهمت قصدي

[الالماسه]

*·~-.¸¸,.-~*قوانين قسم الرياضة............



1 / عدم تجريح العضو أو الفريق الذي يشجعه 00
اعتقد قرات هالشروط ياللي في بالي

[الأدميرال]

8
8
8
وش تحسين فيه
ماعمرك سمعتي منتشري ولا نور وهوساوي وهم يسوون لقاء يقولون الاتهاد بيهصل الا الدوري
عادي تشاديه باالاصل وهذي لهجتهم مافيها شي محد عيب على لهجتك يا الالماسه هدي الله يصلحك

[الالماسه]

انا ماتكلم عن نور والمنتشري
وعن لهجتهم
انا اتكلم عنك انت
انت مثلهم لمن تقول اتهاد
صحيح وبعدين في غيرهم من مشجعي نادي الاتحاد مش شرط هم
واحب اقول شي محمد نور والمنتشري وغيرهم اللي تطنز عليهم
هذولا هم وصلو منتخبنا وعرفه العالم وصل لااعلى البطولات والواجب علينا شكرهم ماهو التجريح بهم
ماهو كبتنكم اللي ظيع فرص كثيره بمبارة امس ماهو بكلامي
كلام اغلب الهلالين اللي ماهم براظين عن مستواه اللي قاعد يقدمه
وانا اعصابي هاديه يالادميرال بس بعض الكلام ينرفز

[الأدميرال]

وانا اعصابي هاديه يالادميرال بس بعض الكلام ينرفز ..هذا كلامك
اشكريهم انتي
لاحقتك الحميا في نور ومنتشري عشان تتنرفز
ماعندي كلام اقوله غير اني بروح اصلي
وانتي قومي صلي خلي الكوره عنك دامها بتنرفزك وتلعب في اعصابك بطلي منها

[الأدميرال]

كتب - محمد الدعجاني

وضع المهاجم الهلالي عيسى المحياني بصمته الأولى في لقاءات الديربي بين الهلال والنصر عندما ظهر وبان في الأوقات الصعبة والحاسمة بتمريرة ذهبية للسويدي المتألق ويلهامسون الذي لم يجد صعوبة في ركن الكرة على يمين الحارس النصراوي خالد راضي ليحسم بها الأمور لمصلحة الفريق الهلالي، ليساهم المحياني وبشكل كبير في تأهل فريقه إلى نصف نهائي كأس ولي العهد بعد أن ساهم أيضاً في حسم بطولة دوري زين لفريقه ب (الكعب) الشهير في مرمى الحزم.

المحياني أكد مجدداً أنه صفقة رابحة للهلال وأثبت بعد وحنكة الإدارة الهلالية في اختياره، كما أن لم يخيب ظن الجماهير الهلالية فيه التي وقفت معه كثيراً منذ أن وطأت قدماه مقر نادي الهلال في العريجاء

[الأدميرال]

ياســـــــــــــر : أنت أبدعت ياسر أنت أربكت ياسر أنت هدفت ياسر أنت قهرت ياسر أنت رجعت ياسر عام 2007 اللي بيلوووم ياسر بعد مباراهـ نادي الفقر هذا ماعنده ماعند جدتي !! ياسر البارح صدقوني أنا تفاجئت بمستووواهـ صدقوني قلت مو صحيح ياولد تأكد من هاللي يلعب ياسر ولا ميييييين والله وبصراحه ياياسر أنت ماعلييييك ملام وتفداك مليار فرصه ضائعه يالكاسر نبيك قدام نجران نبيك قدام الاهلي او الشباب نبيك بكأس الابطال نبيك بالاسيويه نبيك بالعالميه إن شاء الله نبيك نبيك نبيك ياياسر والله يوفقك ياكبتنا

[الأدميرال]

.,. الله خـلـق فــي يـاسـر الابـــداع.,.
.,. مـدري خلـق الابـداع فـي ياسـر.,.
.,. بـس الاكـيـد الـنـاس بالاجـمـاع.,.
.,. تشـوفـه : المتـفـرد .. الـكـاسـر.,.
.,. سبع ٍ ترعرع في عرين سباع.,.
.,. دك الحـصـون وهـيّـب الجـاسـر.,.
.,. علـى الـرقـي والـفـن والامـتـاع.,.
.,. مـاهــوب متـيـامـن ومـتـيـاسـر.,.
.,. لـو ماهـو الابـرز فعـل واطـبـاع.,.
.,. ماصـار لقلـوب البشـر .. آســر.,.
.,. ياسر .. ملـك رباعـي الاضـلاع.,.
.,. واللي وقـف ضـد الملـك خاسـر.,.
.,. اقــول لــه مــن مـبـدأ الاقـنــاع.,.
.,. ونصيحـتـي مــا تقـبـل مكـاسـر.,.

[الأدميرال]

يكفي اني هلالي وهذا ميولي *** من جيت على ها الدنيا وانا هلالي


عشت بحبه كثير من يوم طفولي ***من يوم كنت اخذ شاله لي ظلالي


دام رجاله كلهم طيبين الفعولي *** وعمر افعالهم ابدا ماراحت عن بالي


وفاء واخلاص وكل حزه موقف بطولي***وعمر قلبك ما يضيق ولا يصبح ابد سالي

[..{غ ـير البشـ}ـر..]

ياليت تصير روحكم ريآضيه

ومآتوصل لهدرجه

[الأدميرال]

اللهم وفق الزعيم فوق كل ارض وتحت كل سماء
هلا غير
ما حصل شي عادي كل الامور تساهيل

[الالماسه]

بس اللي اشوفه ان مشاركتي انحذفت
على العموم شكر يالادميرل
واتمنالكم التوفيق
دام وصلت لحذف انا طالعه

[..{غ ـير البشـ}ـر..]

المبآرآه انتهت بحلوها وبمرها


جمهور الزعيم ولا عليكم امر الاحتفالات برآبطه الزعيم


جمهور النصر

اذا عندكم منآقشآت بينكم برآبطه النصر



يغلق الموضوع

[..{غ ـير البشـ}ـر..]

الالمآسه

التعصب الزآيد يكون بوقت المبآرآه مالوم احد

بعد وقت المبآرآه

تنآقشو بالرآبطه

وكل له حريته مع فريقه

بموآضيع التقديم

اتمنى ماتخربون الموضوع وتوصل فوق الشحنآت الزآيده

ولكم كل الود والتقدير