لغز’’’’’,, مني لكم.. توصل للحل ]فهيد الرويس[

[مدهـال]

بسم الله الرحمن الرحيم


السلام عليكم ورحمة الله وبركاته

اخواني @ أخواتي

هذا اللغز اول مره اطرحه

لافي منتديات ولافي مجالس

يعني الواحد يعتمد على نفسه في حل اللغز


واتمنى ان يحوز على رضاكم








انشدك عن رجلٍ مع الناس مشهور
رجلٍ يقود جموع وجمـوع تتـلاه


ويظم في جوفه بناتٍ كما الحـور
في جوف وحدتهن بنـاتٍ لعليـاه


واخته تظوّي فالليالـي بديجـور
وفيها رياجيلٍ تـورّد علـى مـاه

















وسيتم إبلاغ الأخ وجودك يكفي هاتفياً عن الحل ليحل محلي بالرد على الرمعات في حال عدم تواجدي والتمس منكم العذر

[غزال الرافدين]

نشاط حلو اليوم بقسم الألغاز أشوى على مود تطلعوني من مود الحزن

[مدهـال]

الله يبعد عنا وعنك وعن كل مسلم الهم والحزن

[الأدميرال]

لاهنت ياسلطان على طرحك للغز
وجاري التفكير

[الأدميرال]

ماجلان

[مدهـال]

حياك الله يالأدميرال

كان بودي اقول لك صح

حاول ودور غيره

[غزال الرافدين]

غريب لغزك

[وجودك يكفي]

صح لسانك ياسلطان الثبيتي ، على اللغز الحصري


وننتظر رمعات الاعضاء

بالتوفيق للجميع ،،

[غزال الرافدين]

تاج الملك العرش شي كذا ‏

[الأدميرال]

صح لسانك ياسلطان الثبيتي ، على اللغز الحصري


وننتظر رمعات الاعضاء

بالتوفيق للجميع ،،

لاتحله حاول تجي قريب منه

[الأدميرال]

القطار

[غزال الرافدين]

أنا حاسه أنه شي ثمين

[مدهـال]

بنت عز مالك لوا

[مدهـال]

الأدميرال ماااالك لوا

[مدهـال]

أنا حاسه أنه شي ثمين


وانا احس ان اللغز واضح


تبين تستدرجيني واقرب لكم

دوري غيرها

[الأدميرال]

هو جماد

[مدهـال]

نعم جماد يالأدميرال

[غزال الرافدين]

وأنا أقرأ لغزك أحس بفخامه يخوفي تطلع الأجابه بعيد عن الفخامه

[غزال الرافدين]

الحين ليش تقول للأدميرال وأنا لا طيب هو ثمين على وزن هو جماد

مثل ماكلت له قولي

[غزال الرافدين]

أخاف الشعر والله خربطت رفعو ضغطي

[مدهـال]

الحين ليش تقول للأدميرال وأنا لا طيب هو ثمين على وزن هو جماد

مثل ماكلت له قولي


بنت عز انا ماجاوبت على سؤالك لأن سؤالك يحصر اللغز

اعفيني من الإجابه

وإذا انحل اللغز تعرفين ليش ماجاوبت

اكرر عذري

[غزال الرافدين]

عرفنا عرفنا ياناس تراه ثمين لو ماهو ثمين كان قال لا بس بمأنه ثمين ماحب يحصر اللغز بدائره ضيقه ويموت بسرعه

فكروا بالأشيأ الثمينه

[مدهـال]

لاتغشش احد يا ابو خالد

[شيخ الشيوخـ]

لاهنت ياسلطان وبيض الله وجهك على هاللغز

بس ابي شرح لهالشطر
في جوف وحدتهن بنـاتٍ لعليـاه



منك والا ولد ثابت..

[شيخ الشيوخـ]

الجوال والشريحه !!

[وجودك يكفي]

الجوال والشريحه مالك لوا ... ياشيخ الشيوخ

[الأدميرال]

النجوم

[وجودك يكفي]

لاهنت ياسلطان وبيض الله وجهك على هاللغز

بس ابي شرح لهالشطر
في جوف وحدتهن بنـاتٍ لعليـاه



منك والا ولد ثابت..
ياشيخ الشيوخ إذا أنا شرحت اكيد بوضح


ننتظر شرح الأخ سلطان

[وجودك يكفي]

النجوم مالك لوا... يالادميرال

[الأدميرال]

المسباح السبحه

[عبدالله الحيص]

اشكرك اخوي سلطان على اللغز

إذا ما خاب ضني انه (( الكرم ))

[وجودك يكفي]

السبحه مالك لوا.. يالادميرال<<اللغز يسأل عن اسم مذكر


الكرم مالك لوا... ياعبدالله الحيص

[عبدالله الحيص]

جاري التفكير........................................... ......................

[الأدميرال]

الملك عبدالعزيز يمشي وراه جموع مراديف........مماتكسي البيدا تعيش الضعافي
عساني جبته

[عبدالله الحيص]

الرجم

[وجودك يكفي]

الملك عبدالعزيز يمشي وراه جموع مراديف........مماتكسي البيدا تعيش الضعافي
عساني جبته

الملك عبدالعزيز رحمة الله صحيح إنه يقود الجموع يالادميرال

8

8

8
8
8


8


8


8

8

8

8

8


8

8
بس اللغز يقول يضم في بطنه بنات<< يعني عبدالعزيز الله يرحمة ماله علاقة

مالك لوا .. يالادميرال

[وجودك يكفي]

الرجم مالك لوا.. ياعبدالله الحيص

[صقـر عتيبـة]

جيت يم الغز اول مادخلت المنتدى واتوقع والله اعلم

انه .... ( الساعه ) ... او .. ( الوقت ) ..

ننتظر الاجابه ومازال التفكير

صقر عتيبة

[شيخ الشيوخـ]

ماضنيته ياصقر عتيبة

وهاللغز يبي له تكه على قولتهم
واللي بيحله ابن ثعلي والا فهيد

وانا ماني بحلال الغاز لاكنه استعصى علي

[وجودك يكفي]

الساعة او الوقت مالك لوا... يابن العم



ياشيخ الشيوخ أنا عندي نفس احساسك واتوقع ابن ثعلي او فهيد بيفقعون عين اللغز من اول رمعه من دون قصور في باقي الاعضاء<<اعرفهم زين هالشيبان ماشاء الله عليهم

[مدهـال]

لاهنت ياسلطان وبيض الله وجهك على هاللغز

بس ابي شرح لهالشطر
في جوف وحدتهن بنـاتٍ لعليـاه



منك والا ولد ثابت..


هلا بك ياشيخ الشيوخ

المقصود ان هذا الرجل داخله بنات وفي البنات بنات والفعل للبنات اللي في داخل البنات,,

[شيخ الشيوخـ]

عطيتني عين ياولد ثابت قلت انك تبي تحله وماقدرت احله

اذكر الله

[تسنيم]

السلام عليكم
البحر صح

[وجودك يكفي]

عطيتني عين ياولد ثابت قلت انك تبي تحله وماقدرت احله

اذكر الله

ههههههه

لا إله الآ الله وماشاء الله تبارك الله

هذا انا ذكرت الله
ركز زين وافقع عين اللغز

[مدهـال]

السلام عليكم
البحر صح


مالك لوا ياتسنيم

[فهيد مقعد الرويس]

صح لسانك

ياسلطان

وشيخ الشيوخ هو وياولد ثابت ترشيحاتهم لشيبان قويه وعساهم مايخلفون الهقوه

بس لاترا ماني بحول ابن ثعلي الله يطول عمره جد عساهم يخدمونه احفاده ان شالله وابي افوضه في حل الغز>>>هين دور غيرها هه

التفكير جاري

[مدهـال]

الله يقوي الجميع على العز والطاعه يافهيد الرويس

وجاااااري الإنتظار

[فهيد مقعد الرويس]

وش رايك في القران الكريم

واخته السنه النبويه

[مدهـال]

وش رايك في القران الكريم

واخته السنه النبويه


بيّض الله وجهك يافهيد جبته

الرجل اللي مع الناس مشهور هو القرآن

ويقود امم لاحصر لها

وفي داخله صور القرآن

وفي داخل الصور نجد الآيات

واخته هي السنه النبويه وفي حال كثرة التأويلات في أي آيه او عدم فهمها تأتي سنة نبينا عليه السلام وتضي على هذه الآيه وتشرح للمسلمين ماخفي عليهم في القرآن
=========================================
والله ان وجودك يكفي محذرني منك انت وابن ثعلي

لكن انت وابن ثعلي لكم عندي لغز من العيااااار الثقيل بإذن الله


عافاك الله يافهيد

[وجودك يكفي]

صح لسانك وبيض الله وجهك يابومقعد
وماشاء الله عليك

اشكر الجميع على التفاعل والحماس الرائع واشكر الاخ سلطان الثبيتي، على اللغز الرائع والحصري
ونطلب منه المزيد في طرح الألغاز

احترامي للجميع

[فهيد مقعد الرويس]

الله يعافيك

ياسلطان

وبيض الله وجيهكم انت ولد ثابت على نشاطكم

ولايهون كل من شارك

وعندي وجهة نظر حول الغز صحيح انه وارد وله مدلولاته ولكن تركيبت الابيات لم تاتي بالدقه المطلوبه

وننتظر لغزك القادم ياسلطان وان شالله يقدرنا الله عليه

تحيتي وتقديري للجميع

[عبدالله الحيص]

مساكم الله بالخير

اعتقد والله اعلم انها النجوم

[غزال الرافدين]

وأنا أقول ليش أحس بلفخر يوم قريته مشكورين




عندي ملاحظه مو صوره ==< سوره

تحياتي مبروك يافهيد =< وعقبال ماصير ذكيه زيك وأبن ثعلي أنا دايم أغششه حتى أسألوه

[شيخ الشيوخـ]

بيض الله وجهك يابومعقد وانا متوقع ان محدن حاله الا انت او بن ثعلي

وبيض الله وجه سلطان على هاللغز ووجه ولد ثابت والجميع

ومتابعين لهالقسم الرائع..