(( شوي شوي ))

[نادر النمر]

السلام عليكم ورحمة الله وبركاته


أبيآت متوآضعه .. لكم مع التحيه .


..

تمشي شوي شوي ,, والجو ممطور = ماكنها إلا أم ٍ .. تدآري ولدها
ثم قعدت والنور ماعاد به نور = إلاآ بطلتها .. ومفآتن جسدها
مهموم ضايق جد مآني بـ (مسرور)= إلا ليآ حطيت يدي بيدها
تعيشني أحسآس .. وأعيشهآ إشعور = تخفي على صدري بحزة وعدها
مغرم بها مبسوط ماني بـ (مجبور) = ياجعلني فدوة حلآها وشهدها
أنسآنه .. لاكن كنها باقة زهور = كل البنات بصوب وإهيآ وحدها
في وصفها صادق ولا إلف وأدور = فيها المزآيا .. مايوقف عددها
العنق ولا الصدر : والردف له دور = يثر على قلب ٍ ماعمره حسدها
الظاهر إني بحسنها صرت مسحور = يابخت عيني بشوفها ياسعدها


,,

[شيخ الشيوخـ]

صح لسانك يانادر ومبدع كالعاده

لاكن ليش في قسم الابداع القصيده مكانها في القصائد


وصح لسانك واعتلى شانك

[نادر النمر]

(( شيخ الشيوخ ))


ياهلابك هلا .. وصح بدنك .. وسعدت بمرورك وتشريفك .. والقصيده اللي تشوف مكانها مناسب نوديها له .

كل التقدير

..

[روقي قرم]

صح لسانك على هالابداع يانادر

لكن فيه (أنسآنه .. لاكن كنها باقة زهـور) مدري فيه لكـه بعد انسآنه والا يوم اغنيه انا مااتقنته
يعني لو بقول (الشكل بنت وكنها باقة زهور) يتغير عن شطرك وأقرب للبيت من بدايته سهل لكن انسانه احس فيه عجز

ومنك نتعلم

[المنتبه]

صح لسانك يانادر ومبدع كالعاده

لاكن ليش في قسم الابداع القصيده مكانها في القصائد


وصح لسانك واعتلى شانك
المنتبه فالمنتدى ياعتيبه .
يبحث عن اهل العرف واهل المعاني .

[عادل العصيمي]

نادر


صح لسانك


قصيدة تحرك المشاعر يالنمر


اعجابي


,

[ميااااح]

مبدع يالنمر كعادتك

قصيده تستحق الاشاده

كل التحايا لك

[عبدالله الشمري]

صح لسانك يابعدي بدايئه راااائعه وفالك التوفيق

[المستحيله]

وصح لسانك ملاااايين على هالنص الرااااائع


مودتي وتقديري

[فهيد مقعد الرويس]

الله الله

صح لسانك

يانادر

وكما قال شيخ الشيوخ

مكانها هنا في قصايد الاعضاء

تحيتي وتقديري

[فهيد مقعد الرويس]

المنتبه فالمنتدى ياعتيبه .
يبحث عن اهل العرف واهل المعاني .

ابشرك اهل المعرفه

ماعلى منتدانا منهم قل ولله الحمد

بس اكيد مانتبهة:23:

[المنتبه]

ماقلت انا فالمنتدى قل عراف .
يمدور الزلات دور بديلي

المنتبه

[قوت القلوب]

الله عليك
يارائع
صح لسانك ملايين
مبدع كاعادتك
تقبل مروري

[فهيد مقعد الرويس]

ماقلت انا فالمنتدى قل عراف .
يمدور الزلات دور بديلي

المنتبه

لامدور الزله ولاني بزهاف=ولاضاق من بعض السوالف صميلي

وانت تقول انا ابحث عن اهل المعرفه وانا قلت ابشرك انهم واجد

وتبقى يالمنتبه اخ عزيز وياهلابك بين اخوانك

تحيتي وتقديري

[البارع]

صح لساااانكــ يالنمر...قصيده جزلة المعاني .... اعجابي بمنظومتك الفكرية....تقبل مروري..

[رشة قلم]

صح لسانك نادر

[سويلم الخراص]

نادر صح لسانك


تحيتي