قصيدة الشاعر/ضيف الله الاصعر الثعلي

[عبدالله الاصعر]

يالله من نـون مزونـه مراهيـش=يجي تـوال الليـل زاهـم خيالـه
ياطي عويقر ووامهات الروانيـش=نقبه جنوبـه والمحانـي شمالـه
نوج ً حقاق ونوج وبل ورشاريش=لين المغني ينشـرح ضيـق بالـه
ليا زما نابي زهرها مـع الريـش=في مرقبً ساله علـى درب سالـه
مدهال عربـن ماقنوهـا دراويـش=مامنهن الدرويـش قـرب اعقالـه
من اللساع ليا شفا تلعت الجيـش=مدهالهـا واللـي ورى ماتبـالـه
مدهال نقاض القـرون العكاريـش=الله يشيل اللي مـن الـدار شالـه
راعي ثمانً مثل شـرب النقاريـش=شرب القـراح اللـي بـرادً زلالـه
مع مبسمن يذهب عليها ليا نيـش=مـع ليـن عنـقً مالقينـا بدالـه
راعي نهودن مثل بيض الخرافيش=عليهـن الخمـري تطلـق حبالـه
معاد من يمـه يجينـي طراريـش=ابا انشد الطراش عن ويش حالـه
عن شبه وضحى ماقنوها قراريـش=تجنح ورى شول ً بعيـده رعالـه
تحوش قلبي حوش جمع ً بعد حيش=في ساعـةً ماعـاد عنهـا حيالـه
حاشوه مروين الرصاص المعاطيش=يـومً كـل عزوتـه مـن خوالـه
والود ماهو شرب مينً على عيـش=ميـدان فرسـانً تعاقـب سلالـه
فوساق قبـن يلحقـن المطاييـشليا قفى الوسيق وحال دونه قلالـه
ولد الوسيق وقال وين المداغيـش=ولحقو فـزوع معبسـات الشمالـه
اعيال فوق الروس مثل الطراربيش=كل ً يحـوش المرجلـة والشكالـه



قصيدة الشاعر الكبير/ضيف الله الاصعر الثعلي

[النجم الأصيل]

صح لسانك

وبيض الله وجهك

[ناصر بن سعدي]

إخوي الغالي

عبدالله الأصعر ..

أشكرك على النقل المميز .. والله يبيض وجهك ..

وصح لسان الشاعر الرائع/ ضيف الله الاصعر ,,

ولاتحرمنا نقل المميز ..

[ميااااح]

ونعم بالاد ثعلي الشعر هم مصدره مثل التمر من الاحساء

[ابــ عــتـب ــو]

http://farm3.static.flickr.com/2420/2250454064_bb996e2869.jpg


مشكور على النقل بيض الله وجهك