مليون مبروك

[سلطان بن محسن]

بمناسبة زواج الأخ لويحق بن فنيس السهلي



يالويحق إبن فنيس مليون مبروك=شاعر عتيبي زفها لك وجالك
ولاهانوا اللي من عناء البعد قد جوك=اللي يمينك كان وإلا شمالك
ربعك على عزك في هاليوم هنوك=صاحبك إبن عمك وعمك وخالك
وأنا على عزك في هاليوم مشروك=جيت أحتفل بالشعر وأطري مجالك
يومن دعاني لك فهد قلت له دوك=صدق الوعود وخل عنك إنفعالك
بحضر وأبرفع وجه شعري عن الشوك=وبحمس الشعار يوم إحتفالك
واليوم أنا حاضر وشاعر ولي لوك=لوك الشعر واضح ولاهوب عالك
ولي الفخر لاشك وأفخر وأنا خوك=وأعيدها للناس وأقولها لك
في حفلكم يأهل الكرم جيت مع ذوك=أطرد سناء قافي ولو قيل فالك
يامدلهين النوق عن كل مشبوك=ويامزاحمين الغيم والقاع هالك
إسهول لاركبوا على الخيل سروك=ياللي تعاديهم ترى الموت جالك
كبيرهم في مقدم القوم متروك=وإصغيرهم لو تنشده قالها لك
حنا قبيلة عز وأمجاد وبنوك=ماهي بنوك أموال طيب ومهالك
والرجل دون الطيب لاشك صعلوك=لو كان ماله فوق مالي ومالك
وعلمن بليا فعل ماهوب محبوك=لو ورده رجلن على الطيب سالك

[بدور الهيلا]

(( سلـطان بن محـسن ))

صح لسانك وبيض الله وجهك ,,.

جميل ماخطت لنا اناملك العذبه ,..

وما هو الا ترجمة لاحساسك الذي صاغها لنا ,.,

سلمت وسلم لنا قلبك ,,.

تقبل تفحيطي ..,

ولك ارق التحايا واعذبهـــــــــا ,..

بـــــــدور الهيــــــــــــــلا ,,.

[فهيد مقعد الرويس]

كفو ياسلطان

صح لسانك مليون

ومليون مبروك لسهلي

تحيتي وتقديري

[قوت القلوب]

صح لسانك ياسلطان
والف مبروك لسهلي
تقبل مروري

[سعد نجد]

صح لسانك يالذيب

لاهنت