لغز....شامة العبد ... )حصري( .. توصل للحل ]فهيد الرويس[

[وجودك يكفي]

مساء الخير


كتبت لكم لغز بسيط جدآ ومايحتاج تفكير واجد


يقول:


بنت تشب النار فيها وتثبت=ويصبح لها عجه وغيمه صغيره

تقطع طريق النود من وين هبت=تقول شامة عبد ماهي كبيره



))عجه(( الجيم عليها شده





وجودك يكفي

الحقوق محفوظه لمنتدى عتيبه

[» عبدالعزيز «]

لي بـآك بعد التفكير ..

.
.


:34::rose:

[وجودك يكفي]

هلا يا عبدالعزيز وبإنتظارك يالغالي

[شموخ النايفات]

المعمول او البخور


وقواك الله ياولد ثابت

[غزال الرافدين]

هاي وجودك توني مخلصه من مطاققه بس الأداره أحذفوا الموضوع ولا كان أعزمك وبالمره تدخل الهوشه 56 وتحصل العلى الفلقه 56

وجودك أيش رايك باللي يشبون الفحم فيه

[وجودك يكفي]

المعمول او البخور


وقواك الله ياولد ثابت

هلا يالجادل والله يقويتس وانا اخوتس


المعمول او البخور .. مالك لوا

[وجودك يكفي]

هاي وجودك توني مخلصه من مطاققه بس الأداره أحذفوا الموضوع ولا كان أعزمك وبالمره تدخل الهوشه 56 وتحصل العلى الفلقه 56

وجودك أيش رايك باللي يشبون الفحم فيه



هلا بنت عز فكري باللغز ومالنا ومال المشاكل والفلوق

إللي يشبون الفحم فيه مالك لوا ...

[غزال الرافدين]

تذكر مسلسل طارق بن زياد أذا راحوا يمشون بالليل أكو جنود تشيل شي بوسطه نار تشتعل عشان يدلون الطريق هذا هو الأجابه أو لا

[غزال الرافدين]

والله شكل لغزك سهل بس أنا أحس بتعب وصداع مصدومه وأحس لسى مأخذت بحقي آخ يالقهر

يالعنك يالغربه اللي خلت حثاله يتطاولون على أسيادهم

باي ‏

[وجودك يكفي]

إللي يشبون فيها عشان يدلون الطريق مالك لوا يابنت عز


إن شاء الله مافيه غربه ولا فيه قهر
روووقي المنقا يابنت عز روووقي المنقا

[صقـر عتيبـة]

هلا والله بولد عمي وبلغزك الجديد

اول رمعه على الطاير ماهو الفحم

وشي اكيد غلط

ههههههه

تقبل تحياااتي الخااااصه

صقر عتيبة

[وجودك يكفي]

هلا بك ياصقر عتيبه وحياك الله يالغالي

الفحم ... مالك لوا وانا اخوك

[غزال الرافدين]

القاز الصلب

[وجودك يكفي]

القاز الصلب
مالك لوا ... يابنت عز

[غزال الرافدين]

ياخي عبد وفيه شامه كيف تشفون الشامه

[شموخ النايفات]

عود الكبريت

او

الشمعه

[وجودك يكفي]

ياخي عبد وفيه شامه كيف تشفون الشامه
ههههههههه حلوه

يابنت عز وجهه الشبه ماهو شرط يكون في اللون

والشامه معناها علامه واضحه ومميزه عن باقي الجسم

[وجودك يكفي]

عود الكبريت

او

الشمعه
مالك لوا ... يالجادل

[غزال الرافدين]

طيب‏>‏‏>‏‏>‏‏> الجمره ‏

[وجودك يكفي]

الجمره مالك لوا ... يابنت عز

[غزال الرافدين]

طيب الولاعه حقت الدخان

[وجودك يكفي]

طيب الولاعه حقت الدخان
مالك لوا ... يابنت عز

[غزال الرافدين]

فوهة البركان

[وجودك يكفي]

فوهة البركان

هههههههه فوهة البركان مره وحده

الله يكفينا الشر يابنت عز


مالك لوا...

[غزال الرافدين]

طيب الفحم بس فحم الألعاب الناريه

[غزال الرافدين]

وجودك فين الأدميرال

[وجودك يكفي]

مالك لوا يابنت عز


الادميرال شفته اليوم في الدكة وبعدها اختفى

ان شاء الله يجي


حآن وقت النوم

آستأذنكم الآن

[غزال الرافدين]

بنخرب لغزك أذا رحت

[乂صـواعب乂]

مساء الخير


وجودك يكفي..لاهنت ويعطيك العافيه على هاللغز


دقايق وأييب لك شامة العبد http://otaiby-up.com/download.php?img=1668

[乂صـواعب乂]

بنت تشب النار فيها وتثبت=ويصبح لها عجه وغيمه صغيره

تقطع طريق النود من وين هبت=تقول شامة عبد ماهي كبيره

المدخن << المبخره

او

حبة القهوه

[» عبدالعزيز «]

^
^


يمكن قصصدك المعمول ( الدخون ) http://otaiby-up.com/download.php?img=1668

[وجودك يكفي]

هلا ياصواعب ولآ هنتي

المدخن ،، المبخره ،، حبة القهوه

مالك لوا..

[وجودك يكفي]

هلا بك ياعبدالعزيز

المعمول مالك لوا

[مآتبآدلنآ آلعطآ]

وجودك

اللغز شكله شي سهل وبنفس الوقت مايخطر ع البال

>> بتفكر ولها بااك ..

*

[وجودك يكفي]

مآ تبآدلنآ آلعطآ

بإنتظارك

،،،

[غزال الرافدين]

قاعده أكتب موضوع عن العراق متحمسه له

[مآتبآدلنآ آلعطآ]

>>> رمعه ومو متاكده منها ..


العطــر

[» عبدالعزيز «]

النود

ياليت توضح وش معناه

هو برنامج الحمايه فاحص الفيروسات ولا وش . ؟

< هههههه

[بنت شمرالطنايا]

لا يكون الطايره النفاثه

[乂صـواعب乂]

العطا..انا شراتج يايه ابقول غرشة العطر

ونتريا راعي اللغز

[مآتبآدلنآ آلعطآ]

عزوز ... النود نوع من انواع الهبووب ..>> ترى محد علمني ابدآآ ..



صواعب .. يارب صح >> خاطري احل لغز في حياتي ..

*

[وجودك يكفي]

مآتبآدلنآ آلعطآ

العطر مالك لوا..


عبدالعزيز

المقصود بالنود= الهوى


بنت شمر الطنآيآ

الطائرة النفاثه مالك لوا


صواعب

غرشة العطر مالك لوا

[دمي عتيبي]

احم احم


< داخله تباركـ للفايزاللي حل اللغز
< مالك لوى ماحد حله http://www.otaiby.com/vb/images/icons/icon10.gif

ولد ثابت كثر الله من امثالك شعله من النشاط لاهنت ..

[وجودك يكفي]

دمي عتيبي مشكوره على مرورك الرائع

ولآ هنتي وانا اخوتس

[شيخ الشيوخـ]

من يبيني اعلمه ؟؟؟

[صقـر عتيبـة]

ما حد حل

اللغز هههههههههههه

[صقـر عتيبـة]

رمعه على السريع

مهي الكيه

[وجودك يكفي]

الكييه مالك لوا ياصقر عتيبه

[صقـر عتيبـة]

شيخ الشيوخ

متواجد تحت شكله جابهااا والرمعه صايبه ان شاء الله

[صقـر عتيبـة]

ماهو البخور العود

[وجودك يكفي]

البخور والعود

مالك لوا ياصقر عتيبه

[روقي قرم]

ماهيب الزقاره؟

[وجودك يكفي]

هلا بك يالروقي القرم ومالك لوا... وانا اخوك

[فهد الروقي]

السلام عليكم ورحمة الله وبركاته

الله لا يصبحكم إلا بالخير والرضى من عنده

يوم ممطر جميل ودائما حضورك ياولد ثابت كذلك جميل

تحياتي للجميع ...

وجودك يكفي ... وش رايك في ( مصفاة راس تنورة )

أتمنى للجميع التوفيق في الدارين

[روقي قرم]

كانها ماهيب الندهـ

فهو وصف ليست بنار حقيقيه

[روقي قرم]

عندي حليــن

لكن بقول الاول اذا طلع خطأ جبت الثاني


ماهيب المخطر( الحديده الحاميه) الي تكوي بها الناقه لوسمها

[وجودك يكفي]

السلام عليكم ورحمة الله وبركاته

الله لا يصبحكم إلا بالخير والرضى من عنده

يوم ممطر جميل ودائما حضورك ياولد ثابت كذلك جميل

تحياتي للجميع ...

وجودك يكفي ... وش رايك في ( مصفاة راس تنورة )

أتمنى للجميع التوفيق في الدارين
عليكم السلام ورحمة الله وبركاته

الأجمل هو تواجدك وحضورك يافهد


مصفاة راس تنوره مالك لوا... وانا اخوك

[وجودك يكفي]

الندهـ ،،، المخطر
مالك لوا... يالروقي القرم

[وجودك يكفي]

من يشرح الابيات شرح وافي واكون شاكر له


ومن شرحه أصحح المعنى اللغير صحيح وتسهل عليكم الإجابه

وإذا كان الشرح صحيح100% أقول لكم مابقى غير الإجابه



بنت تشب النار فيها وتثبت=ويصبح لها عجه وغيمه صغيره

تقطع طريق النود من وين هبت=تقول شامة عبد ماهي كبيره

[فهيد مقعد الرويس]

صح لسانك

ياولد ثابت

وش رايك في رقعة الاستك

رمعه على الطائر ولي عوده

تحيتي وتقديري

[روقي قرم]

الشايب يقـول

الجواب رقعة اللستك (الكفر)

أتحداك تقول غلط:20:

[وجودك يكفي]

صح لسانك

ياولد ثابت

وش رايك في رقعة الاستك

رمعه على الطائر ولي عوده

تحيتي وتقديري
صح بدنك يابو مقعد وبيض الله وجهك على الإجابه الصحيحه

هذي وهي رمعه على الطاير اصابت الهدف 100%
ماشاء الله عليك وانا اخوك ذبحته من اول رمعه


الجواب هو
))رقعة اللستك((

لستك الكفرات طبعآ للي مايعرف اللستك


الشرح<<<



بنت تشب النار فيها وتثبت
** رقعة اللستك تثبت على اللستك بعد ما تشب النار فيها ولوما تشب النار فيها مافي أمل تثبت

ويصبح لها عجه وغيمه صغيره
** في حال شبت النار في الرقعة يطلع لها عجه وسحابه صغيره من الدخان


تقطع طريق النود من وين هبت
**النود هو الهوى
الرقعة تمنع خروج الهوى من اللستك وتوضع على أي فتحه يخرج منها الهوى وتمنعه من الخروج

تقول شامة عبد ماهي كبيره
** العبد هو اللستك
والرقعه علامة على اللستك مثل الشامه على الجسم


انتهى الشرح،،،


أشكر جميع من شارك في اللغز وأقول الله يعطيكم العافيه على التفاعل والحماس


لكم ودي واحترامي

[روقي قرم]

ماشاء الله فهيد سابقني
< فرح يحسب ان محد سبقـه من اول ماقال الجواب الشايب كتب

يالله صح لسان راع اللغز ومجاوبـه

[فهيد مقعد الرويس]

ماشاء الله فهيد سابقني
< فرح يحسب ان محد سبقـه من اول ماقال الجواب الشايب كتب

يالله صح لسان راع اللغز ومجاوبـه

ههههه

صح بدنك

سبوق الشايب ماينطرح ههه

لاهنت ولاهان ولدثابت

اشكركم جميع

[وجودك يكفي]

الشايب يقـول

الجواب رقعة اللستك (الكفر)

أتحداك تقول غلط:20:
مستحيل أقول عن الرمعه هذي غلط


صح بدنك ولآ هنت وانا اخوك

احترامي

[دمي عتيبي]

ماشاء الله فهيد الرويس جبتها صح

والف مبروكـ
وحظ اوفر للي شاركو وماجابوها ^ _ ^

ولاهنت ولد ثابت

[مآتبآدلنآ آلعطآ]

الف الف مبرووك رووقي قرم ..