قصيده الضب للشاعر رويفع بن دبسي

[غليص الشيباني]

الشاعر المبدع بيوته قويه
فيها من ابيات الاخلاوي مواري

وسطورها حلوه نظيفه عذيه
من حلوها كن العسل فيه جاري

شاعر كبير وعلته باطنيه
ومن الجفا عينه تهل العباري

جوه الشباب فزوع واخلف نويه
وعود سكن بالدخل عقب البراري

عقب الزهر والعرفجه والنصيه
يلعب به الجاهل بوسط الحواري

والي بقو بنار صارو شويه
ماتاجد الا سلبهم والسماري

وين الحماه وين اهل الحميه
وين المدير يزور بعض الصحاري

الضب صاح وقال كلمه جريه
من سمعها لابد يطريه طاري

وين القبايل كيف يهجم عليه
الجار يوخذ كيف والجار داري

كل(ن) رضا ياحامي الصيد فيه
وارواح ضبان الصحاري عواري

لو ان كل(ن) قام دون دخليه
والله مانحتاج فرقه طواري

ونعيش بالصمان عيشه هنيه
مثل السنين الماضيه واللواري


وسلامتكم
للشاعر / رويفع بن دبسي الثقفِـي

[برقآآآآوي]

ونعيش بالصمان عيشه هنيه
مثل السنين الماضيه واللواري


مشكـــور أخوي (غليص الشيباني )
على النقل


تحياتي \ برقآآآآوي

[غليص الشيباني]

العفواخوي ولاهنت على مرورك