اخر زمن فيه المراة تطلب تسوق !!!!!

[طلال بن نشار]

اخر زمن فيه المراة تطلب تسـوق = مـا باقـى الا يجلـسن بقهـاوى ؟
بكرة تجيك تقول بعيونـى بـروق = ان كنت خالد شف ترانى مضاوى ؟
نورة وسلطانـه وبدريـه وشـوق = يبغن بالطرقه تـذب الغطـاوى ؟؟
لافرعت ثم مشطت راسهـا فـوق = علـى فياقـرا او ب ي م سمـاوى
من يمسك اللى صايرن قلبه فتـوق = اليا طردهن فوق وارد عـراوى ؟
مسكين رجل اشبكت حوله الطـوق = تاخـرت قالـو صدمهـا هـواوى
ولا المرور ان خا لفت عوقها عوق = لو يسجن المزيون صارت دعاوى ؟
ياجعل من يرضا على عارة البوق = من المرض ماله طبيـب مـداوى
ولا الرجى بسيوفنـا دايـم فـوق = حكامنا اللـى يجبـرون العـزاوى
قلته وان اللى عزوتى بالعرب روق = لاساقت الحرمه تضيع الهقـاوى ؟

[فهيد مقعد الرويس]

صح لسانك

ياطلال

ولاهنت

ولكن عجز البيت الاول اعتقد ان فيه خطاء املائي

تحيتي وتقديري

[ادفا قلب]

ههههههههه
قصيدة رائعة
انا عن نفسي مأيد ابدا لسواقة

اصفق لك على هاالقصيدة
اشكرك

[تربيتك يابوي]

صح لسانك ومابعد كلامك كلاااام

[فواز الحبردى]

بسم الله الرحمن الرحيم

صح لسانك وعلا شانك


اصبر وتشوف ان ماساقن

ملاحظة الاستاذ فهيد عجز البيت الاول فى مكانها


اخر زمن فيه المراة تطلب تسـوق =(مـا باقـى الا يجلـس بقهـاوى )؟

اعتقد التنوين(الا يجلس)ناقص


تقبل احترامى وتقديرى

دمت بخير وعافيه

[طلال بن نشار]

الاخ فهيد الرويس


صح بدنك 0000 وجزاك الله خيرا على التنبيه 0000


ومشكور على مرورك المميز تقبل تحياااتي وتقديري

[طلال بن نشار]

ادفا قلب


صح بدنك 000 ومشكورة على مرورك وانشاء الله ماتجلس المراة خلف المقود 000

تحياتي وتقديري

[طلال بن نشار]

تربيتك يابوي


صح بدنك 000 ومشكورة على مرورك 00000 تحياتي

[طلال بن نشار]

الاخ فواز الحبردي



صح بدنك 000 وانشاء الله مايسوقن واملنا باهل العوجاء وان جت للقبيلة والله مايسوقن وروسنا يهب عليها الهواء

تقبل تحياتي وتقديري

[فرفوش]

طلال بن نشار قصيدة جميلة


وموضوعها أجمل


تقبل تحياتي



محبك

[وجودك يكفي]

صح لسانك يابن نشار

وبيض الله وجهك على القصيدة

احترامي

[طلال بن نشار]

الاخ فرفوش


صح بدنك 000 ومشكور على مرورك 000 تقبل تحياااتي وتقديري

[طلال بن نشار]

الاخ وجودك يكفيني



صح بدنك 000 وجهك ابيض ياولد ثابت 0000 ومشكور على مرورك 000 تقبل تحياتي وتقديري

[اسوار]

صح لسانكـ قصيده رائعه
ونشاءالله يموتن ماساقن عندنا
حنا بدون سواقه ماسلمنا عاد كيف لو
نسوق وتسلم

[طلال بن نشار]

الاخت اسوار



صح بدنك000 وكثر الله من مثالك وانتى مثال لجميع بناتنا الرافضات وبكل شدة قيادة المراة للسيارة

بعكس دعات التحرر والانفتاح الغير مبرر 000

مشكورة على مرورك 000 تقبلى تحياتي وتقديري