لغز ماهو حصري... توصل للحل ]فهد الروقي[

[غزال الرافدين]

انشدك عن رجلن مع الناس معروف=يحمل هنوف تنقل عيالها اثنين

اسمه مسجل فيه واضح ومكشوف=ماينمحي لو ياخذ اشهور وسنين



منقول ‏

[غزال الرافدين]

ممنوع الرمعات ألا أذا كنت موجوده وأذا أنا مو موجده أذا أتواجد مدير أعمالي

الأستاذ ‏//وجودك

عاد بما أني مشغوله لازم حظور مدير أعمالي

[وجودك يكفي]

لآهنتي يابنت عز وصح لسانك على اللغز<<وبما إني اعرف الحل بكون متابع

وبالتوفيق للجميع

[غزال الرافدين]

ومن قال لاهنت

[وجودك يكفي]

معقوله ولا رمعه لحد الحين<< شكل اللغز هذا بعيد المدى يابنت عز
ياترى من يحسمه؟؟

[مدهـال]

تفكير سريع لم ينتج عنه شيء


جاري التفكير ولي عودهـ

[شموخ النايفات]

جواز السفر يحمل اسم الام والاب

[مدهـال]

الأخت بنت عز كلمتها تهز

وش رايك في علَم السعوديه وهو الرجل

يحمل البنت وهي لفظ الشهاده

وعيالها هم (لا إله إلا الله محمد رسول الله)

[صقـر عتيبـة]

بنت عز كلمتها تهز

ماشاء الله تبارك الله صرتي تنزلين الغاز

والله بفكر وان شاء الله نلقى له حل

تقبلي تحيااااااااااتي

صقر عتيبة

[الايمن]

الأخت بنت عز كلمتها تهز

وش رايك في علَم السعوديه وهو الرجل

يحمل البنت وهي لفظ الشهاده

وعيالها هم (لا إله إلا الله محمد رسول الله)
00000

السلام عليكم

ما شاء الله


صح لسانك


لا هنت
سجلنى معك

000
رمعه جميله

مناسبه ومطابقه

فى نظرى



تحياتى

[وجودك يكفي]

نشوف وش تقول بنت عز

اتوقع عندها كلام ثاني!!

[إبن ثعلي]

اللي قال علم الدوله قرب من الحل
لكن اعتقد الصحيح هو شعار الدوله والبنت النخله وعيالها السيفين
وهذا الحل مغششتني به بنت عز
وتحياتي لكم

[وجودك يكفي]

اللي قال علم الدوله قرب من الحل
لكن اعتقد الصحيح هو شعار الدوله والبنت النخله وعيالها السيفين
وهذا الحل مغششتني به بنت عز
وتحياتي لكم
ماضنتي غششتك لأن اللغز يقول::

اسمه مسجل فيه واضح ومكشوف=ماينمحي لو ياخذ اشهور وسنين

اسمه مسجل فيه واضح ومكشوف!!!!!!!!
لو نقول العلم وين اسمه<<هل لفظ الاسم وكلمة ))علم(( مسجله ومكتوبه؟؟؟طبعا ماهي مكتوبه!!!

والشطر الأخير مايركب على رمعاتكم!!!


ونشوف بنت عز!! وش تقول؟؟

[روقي قرم]

سلام عليكم

اللغز واجد الحلول اللي تنطبق عليـه

منهـا
رقم البطاقه
أو
البوك=البنت البطاقه

مجرد رمعـه

[وجودك يكفي]

هلا بك يالروقي القرم

وبصراحه وانا اخوك بما إني اعرف الحل أشوف إن مايركب على اللغز إلآ جواب واحد فقط

واللغز له مربط لحد الحين أشوف ماأحد توصل لمعناه إلآ الجادل لأنها قالت جواز السفر
نلاحظ إن اسمه مكتوب عليه
اسمه جواز السفر ومكتوب عليه جواز السفر ولكن آخر شطر مايركب على الجواز لأنه ممكن ينمحي هذا الاسم بالغسيل أو أي طريقة أخرى




انت تقول رقم البطاقة
تقصد إن الرجل هو الرقم
والبنت هي البطاقة

رمعتك هذي ماتركب إلآ على الشطر الأول من البيت الأول فقط لاغير

وتراك عكست الشغله كلها

اللغز يسأل عن رجل يحمل بنت

وانت تقول البطاقة
والبطاقة وانا اخوك هي إللي تحمل الرقم

يعني بنت تحمل رجل
وبعدين وين عيال البنت الثنين


يقول اللغز


انشدك عن رجلن مع الناس معروف=يحمل هنوف تنقل عيالها اثنين

اسمه مسجل فيه واضح ومكشوف=ماينمحي لو ياخذ اشهور وسنين


وننتظر صاحبة اللغز ونشوف وش تقول!!

يمكن عندها كلام ثاني


على فكرة ترى اللغز وارد100% ولا يقبل إلآ جواب واحد فقط


بالتوفيق يالغالي،،

[غزال الرافدين]

بنت عز كلمتها تهز

ماشاء الله تبارك الله صرتي تنزلين الغاز

والله بفكر وان شاء الله نلقى له حل

تقبلي تحيااااااااااتي

صقر عتيبة


ليش قاصره أيد أو رجل عشان مأنزل أحسن شي قل أنك تقلدين وجودك-

تشرفت بك ياصقر من بكرا كل شوي بنزل لغز

وجودك للحصريات وأنا للي ماهو حصري

[غزال الرافدين]

اللي قال علم الدوله قرب من الحل
لكن اعتقد الصحيح هو شعار الدوله والبنت النخله وعيالها السيفين
وهذا الحل مغششتني به بنت عز
وتحياتي لكم

إبن ثعلي يسلم راسك ...

ودي أغششك بس هذا لغز بعيد المدى أغششك بألغاز قصيرة المدى


بس بعيدة المدى مأقدر

أنت أنسان ذكي وينخاف على لغزي منك

[غزال الرافدين]

وجودك يسلم على تواجدك بلغزي...

أعتبره لغزك كأنك أنت اللي معطيني اللغز على الخاص ولا معلمني الأجابه بعد ماهو أنا معلمتك الأجابه

ومشكور لتواجد بلغزي عشان أنا أنشغلت بلوحتي رحت أكملها

[غزال الرافدين]

يالله ياعتيبه

مأضن يصعب عليكم يالشواحيف==< لاقطتها من وجودك

[وجودك يكفي]

يجونك يجونك يابنت عز لاتستعجلين!!

[روقي قرم]

لحسنا لغزكم هذا ناقصه شي

طرا علي الشخط
والهنوف العلبـه وعيالها الثنين الي تقدر تولع العود منه الجهه اليمين واليسار

وطرا علي الكشاف
والبنت اللمبه وعيالها الحجارتين

[غزال الرافدين]

O.k

جاري الأنتظار<<<<<

[غزال الرافدين]

لحسنا لغزكم هذا ناقصه شي

طرا علي الشخط
والهنوف العلبـه وعيالها الثنين الي تقدر تولع العود منه الجهه اليمين واليسار

وطرا علي الكشاف
والبنت اللمبه وعيالها الحجارتين


هلابك ياروقي ===< مالك لوا

[وجودك يكفي]

لحسنا لغزكم هذا ناقصه شي

طرا علي الشخط
والهنوف العلبـه وعيالها الثنين الي تقدر تولع العود منه الجهه اليمين واليسار

وطرا علي الكشاف
والبنت اللمبه وعيالها الحجارتين
بعد أذنك يابو خالد الشاحوف

8

8


الشخط والعلبه رمعه سماوية يالروقي القرم


الكشاف والبنت هي اللمبه وعيالها الحجارتين
‏<‏<<<< قصدك بناتها <<< لأن الحجارتين مؤنث وإن قلنا البطاريتين نفس الكلام مؤنث بعد

لا تستعجل وانا اخوك

[غزال الرافدين]

خذ راحتك يابو ثابت

[وجودك يكفي]

لحد الحين عيون اللغز يابنت العز<<سليييمه

يعطيك العافيه يابو خالد
هذا اللغز المحييير ماهو لغز الدخان ولغز الخيار

[غزال الرافدين]

مداح نفسه كذاب


بلعكس لغزي هذا محبوك عدل لي شهر مخططه عليه

عاد أنا متعاقده مع شاحوف يكتب لي ألغاز بس قلت أعلمك الأجابه عشانك مشرف القسم

[غزال الرافدين]

http://alfaris.net/up/48/alfaris_net_1263478996.gif (http://alfaris.net/up/v.php?p=48/alfaris_net_1263478996.gif)

[غزال الرافدين]

http://alfaris.net/up/48/alfaris_net_1263480282.jpg (http://alfaris.net/up/v.php?p=48/alfaris_net_1263480282.jpg)


جايزه لي الصوره هاذي بقوه

وين عتيبه هل الخيل وهل السيف الشطير

[غزال الرافدين]

It's high time to go.

[مدهـال]

We hope to solve this puzzle long-term

[وجودك يكفي]

we hope to solve this puzzle long-term
سلطان
تتمنى أن ينحل هذا اللغز بعيد المدى


إذا قربت لكم بنت عز بتحلونه على طول

وإذا ماقربت شكله يبي يطول شوي

وأمور التقريب والتوضيح كلها عند بنت عز<<انا متابع فقط

[غزال الرافدين]

بقرب بس مش عارفه كيف شكلي بخليه بالأنكلش

[غزال الرافدين]

وجودك ساعات أحس أني غبيه جدا

مأعرف أشلون اوضح مثلا أيش أقول

[وجودك يكفي]

لا تقولين شي !!

اللغز واضح،،،،


إللي يجيب الجواب الصحيح قولي صح لسانك


وإذا كان الجواب غلط قولي مالك لوا

[غزال الرافدين]

ماتلاحظ أنك تصرفني على كيفك وانا دجاجه بس أسمع كلامك كأنه لغزك ماهو لغزي ولله لو هو لغزك و مرسله لي اللغز على الخاص كان ماتحكمت فيني هالتحكم مره يمين ومره يسار هذا وهو ماهو لغزك أجل لو هو لغزك وأنا بس كاتبته أيش أتسوي:beated:

[وجودك يكفي]

هههههههه

يابو خالد انا ماقلت شي!!

اللغز لغزك وانت بكيفك


بس انت سألتني كيف أقرب لهم؟؟


قلتلك لا تقرب لأن اللغز واضح سواء بمفرداته أو بمعناه

والامر لك أولآ وأخيرآ

[غزال الرافدين]

لاخلاص أعتبره لغزك ياولد ثابت حل وأربط فيه على كيفك
==<
أخاف ينطبق علي المثل اللي يقول الحلال حلال ابونا والقوم شاركونا...

[وجودك يكفي]

ههههههههههههه

متابع يابنت عز متابع

مالي علاقة بأي شي!!

[الايمن]

السلام عليكم


رمعتين


والثالثه فالطريق

ان شاء الله


00

التقويم0

الوسم

تحياتى

[غزال الرافدين]

مالك لوا يالأيمن

[فهد الروقي]

السلام عليكم ورحمة الله وبركاته

مساكم الله بالخير والرضى ياعتابه

وش رايكم بـــ ( الريال العملة المعدنية )

والهنوف النخله وعيالها السيفين - إذا صح مجازا تسميتهم عيالها -

تحياتي لكم

[غزال الرافدين]

فهد الروقي ==< صح لسانك الريال العمله المعدنيه

[وجودك يكفي]

صح لسانك يافهد الروقي وبيض الله وجهك
مافيك حيله ما شاء الله تبارك الله


لا هنتي يابنت عز على اللغز الرائع والله يعطيك العافيه

[الايمن]

السلام عليكم

صح لسانك

ما شاء الله


تحياتى

[فهد الروقي]

صح بدنك يابنت عز

وكل الشكر على هذا اللغز الرائع

دمتم بخير

[غزال الرافدين]

ولاهنت ياولد ثابت

تشرفت بحضورك

[فهد الروقي]

صح بدنك ياولد ثابت ووجهك أبيض

وما عليك زود يالذيب

ولا اعتبر نفسي الا من تلاميذك أيها الاستاذ الفاضل

دمت بحفظ الرحمن

[غزال الرافدين]

الأيمن‏=‏‏=‏‏< اللغز فك شفرته فهد الروقي ‏

فهد ==< تسلم ‏

[وجودك يكفي]

بالعكس يافهد أنت من الاساتذه ونستفيد منك في طريقتك الرائعه والنادره في مجال الألغاز والكل يشهد على كلامي


لآ هنت يابن العم

[إبن ثعلي]

هذا هو شعار الدوله سيفين ونخله واسمه مكتوب عليه المملكه العربيه السعوديه ويركب على البريه العسكري ويكتب عليه اسم الوحده العسكريه ااحيانا ويوضع على الريال المعدني ايضا وسبق وان حليت اللغز تقولون والا ماتقولون

[غزال الرافدين]

إبن ثعلي تامر على أرقبنا مو لغز

بس كذا قريت الجواب وأنا ماصار لي شهرين في هالمجال بس مثل ماقريته كتبته ومثل ماكتبت اللغز كتبت الأجابه

[غزال الرافدين]

إبن ثعلي أنت أكبر من أنك تراهن على لغز اللألغاز هي اللي تراهن عليك...

وجودك مشكور مليون على تواجدك في فترة غيابي لعديت أخواني عديتك معهم...

[وجودك يكفي]

هذا هو شعار الدوله سيفين ونخله واسمه مكتوب عليه المملكه العربيه السعوديه ويركب على البريه العسكري ويكتب عليه اسم الوحده العسكريه ااحيانا ويوضع على الريال المعدني ايضا وسبق وان حليت اللغز تقولون والا ماتقولون


خلك معي يالقاضي دقيقة لآهنت

النخله والسيفين ماعليها اختلاف فلذلك ماني موضح شي يخصها

نتكلم عن الرجل فقط ونشوف الفرق يالقاضي

انت تقول شعار الدوله هو الرجال
انتبه الرجل)شعار الدوله( طيب قلت يالقاضي إن البدله العسكريه مكتوب عليها المملكة العربيه السعودية وين لفظ كلمة شعار الدوله<< هذي نقطه
والنقطه الثانيه إن سم الدولة مؤنث واسم الوحده العسكرية مؤنث

والنقطه الثالثه إن الاسماء إللي تذكرها تجي مكتوبه جنب النخله والسيفين ماهو مثل طريقة ريال المعدن
رجل ويحمل البنت والولدين في داخله

هذا توضيح لكلامك المقتبس

وبما إنك تقول حليت اللغز من أول رمعه


فرمعتك كانت العلم يحمل البنت وعيالها
‏
لفظ كلمة العلم مكتوب عليه<<لا

افضل رمعه كانت رمعة الجادل
قالت جواز السفر وكانت رمعتها افضل من رمعتك بخصوص الرجل
حتى لو كانت رمعة الجادل
كالآتي:
جواز السفر مع الناس معروف
ويحمل النخله والسيفين

دقق على الجاي يالقاضي
واسمه جواز سفر ومسجل عليه الأسم لفظآ وكتابتآ )جواز سفر(

إلى هنا رمعة الجادل 100%

ولكن الشطر الأخير يركب على الريال المعدني

لأن جواز السفر لو تصفقه الشمس اختلف اسمه المكتوب ولو حكيت الأسم بصنفره طييرته ويبقى دفتر الجواز بدون اسمه إللي اللغز يقصده


يمكن تقول يالقاضي حتى الريال المعدني لو نذوبه ونصهره راح اسمه<<صدقت يالقاضي ولكن يروح الأسم والريال المعدني سوى ويصيرون سائل
يعني الرجل راح قبل يروح اسمه


الريال المعدني

مكتوب عليه

ريال ،،، واسمة ريال

وهذا هو المعنى إللي حاولت إني أوضحه لك


احترامي يالقاضي

[وجودك يكفي]

على فكرة ترى الجادل قالت جواز السفر واسم الاب والام في داخله

ولكن أنا قلت في شرحي عشان اوضح حتى لو أنها جابت النخله والسيفين كانت اجابتها خاطئه ولكن هي الافضل

[شموخ النايفات]

وجودكــ يكفي تحليلكـ للغز حدهـ منطقي
مشالله عليكــ

وفهد الروقي صح لسانك

وبنت العز لاهنتي وبنتظار لغزج الجاي يابعدي


وانا السمله علي بغيت اجيب هدف بس ضربت العارضه ^_^

[روقي قرم]

اعطي اللغز 70 % ماهوب هاك الوارد

[غزال الرافدين]

يعني لغزي مو حلو

أفا يالقرم بس مقبوله منك...

عاد أنا أقول لغز محبوك100%

[روقي قرم]

ماهو على ان اللغز ماهوب حلو بالعكس ممتاز

لكن هل من اللغز نعرف انه يركب فقط على الريال المعدني هذا معنى كلمة وارد انه موصل لـه تقريبا 70 %

هذي وجهة نظري ويعطيك العافيه

[غزال الرافدين]

الله يعافيك يالقرم وتواجدك تشريف

[إبن ثعلي]

وجودك يكفي
العلم رمعة واحد قبلي ماهو انا اللي قال العلم انا قلت شعار الدوله والهنوف النخله وعيالها السيفين والاسم يتغير حسب موقع الشعار لكن انت ماقرأت كلامي زين
وتحياتي لك

[وجودك يكفي]

ماهي مشكلة يابو عبدالرحمن إن قلت شعار الدوله أو قلت العلم

بالعكس العلم اقرب لأنه رجل يحمل السيفين والنخله
ولكن شعار الدوله عباره عن سيفين ونخله والسيفين والنخله عباره عن شعار الدوله
من الحامل ومن المحمول يابن ثعلي؟؟



ركب رمعتك إللي في ص2 على اللغز شطر شطر
وركز على الشطر ماقبل الأخير شف رمعتك تضبط أو لا


لك ودي واحترامي

[إبن ثعلي]

الشعار يوضع على حامل معدني والا خشبي والا ورقي او حتى قماش ويكتب اسمه عليه حسب الغرض الذي اوجد من اجله واهم شئ في اللغزالهنوف وعيالها

[وجودك يكفي]

الشعار يوضع على حامل معدني والا خشبي والا ورقي او حتى قماش ويكتب اسمه عليه حسب الغرض الذي اوجد من اجله واهم شئ في اللغزالهنوف وعيالها

من قال أهم شي في اللغز الهنوف وعيالها

اللغز يقول انشدك عن رجل !!!!

اسمح لي يابو عبدالرحمن اسوي مقارنة بين إجابتك وإجابة فهد الروقي

اجابتك مع شرحك مقتبسه فلا داعي للإعادة

وهذي إجابة فهد الروقي مع الشرح

انشدك عن رجلن مع الناس معروف=يحمل هنوف تنقل عيالها اثنين

http://dc01.arabsh.com/i/01002/gckmj0a0qbh9.jpg (http://arabsh.com)


اسمه مسجل فيه واضح ومكشوف=ماينمحي لو ياخذ اشهور وسنين

http://dc01.arabsh.com/i/01002/1tbyueglglwo.jpg (http://arabsh.com)

اسمه ريال ومكتوب عليه ريال هنا الكلام
ولا تنسى إن اسمه مذكر مالنا ومال اسم الوحده او اسم الدوله

الفرق واضح ياحضرت القاضي

أحترامي لك

[إبن ثعلي]

ماودك تعترف بالحق لااقل ولا اكثر
شعار الدوله مكتوب فوقه المملكة العربيه السعوديه وبعضه فوقه الجيش العربي السعودي وبعضه مكتوب فوقه ريال واحد ولا تمحي الكتابه الى الأبد في قطعة نحاسية او قطعة نيكل او فضيه او حتى ذهبيه مثل الريال لاتفرق عنه باي شئ سوى حروف الأسم

[وجودك يكفي]

ههههههه يابن ثعلي
انت بعد ماودك تقتنع

انا حطيت لك صور عشان تدقق فيها على راحتك


يابو عبدالرحمن الله يرضى عليك رمعتك كانت

شعار الدولة
يعني لازم يكون مكتوب شعار دوله في شعار دوله فهمت وانا اخوك

اسمه مسجل فيه
دقق على ))فييييييه((


بجيب شي من معنا كلامك

وزارة الدفاع والطيران
أو
رئاسة الحرس الوطني
تحمل شعار الدوله

شعاراتهم فيها سيفين ونخله.. طيب وبعدين...

من الرجل إللي يشيل السيفين والنخله
بتقول شعار الدولة
والمكتوب وزارة الدفاع والطيران او رئاسة الحرس الوطني

لازم تمسح الاسماء وتحط بدالها كلمة شعار دوله


وبعدين خلنا مع رمعتك الأولى في ص2 قلت شعار الدولة يحمل السيفين والنخلة

وانا اقول شعار الدوله عبارة عن سيفين ونخله

والسيفين والنخلة ترمز لشعار الدولة

ورمعتك في ص 2 ماتركب على اللغز حتى لو ودي أركبها ماقدرت أركبها كيف عاد إذا ماكان ودي اركبها على قولتك هههههه أكيد ماراح تركب

الرمعه رمعتك واللغز قدامك حاول تركبها على اقل من مهلك ولاتنسى تشيك على صورة ريال الهلل

ترى الريال يابن ثعلي شايل شعار الدولة إللي أنت تقول إنه الجواب

يعني جواب فهد شايل جوابك يابن ثعلي


احترامي

[غزال الرافدين]

تراي مقهوره جدا جدا ‏


أنا مدينه لزيادي وإبن ثعلي،،،

والبنات مدينه للجادل وملاك وبنت العتيبي

ولأنسى صديقيني عبرود والأدميرال وجودك والعطا وريمتنا

ودي أقول صح لإبن ثعلي ولا ليش ودي إبن ثعلي صح==< ماهو لغزي كيفي ودي أخليه صح

بس الريال المعدني صح ‏%100

وترى ماصارت قضيه خلاص ==< وربي يابن ثعلي حاسه بتأنيب الضمير دايم تجاملني وأنا ماقدرت أجاملك...

[وجودك يكفي]

يابنت عز مافيه شي يسبب الضيقه والزعل

ابن ثعلي اخوي الكبير ونتناقش بخصوص معاني لغز لا أكثر ولا أقل

والاختلاف تراه بين إجابات اللغز ولاهو اختلاف بين شخاص

[إبن ثعلي]

ياخوي اللي يشيل الريال هو اللي يشيل الشعار

[وجودك يكفي]

الريال
8
8
ريال محسوس وملومس ومتداول بين الناس+ريال مكتوب في داخل الريال المحسوس+ريال لفظآ ومعنى
صاروا ريال+ريال+ريال والريال المحسوس يحمل شعار الدوله المكون من سيفين ونخله

وشعار الدوله دائما محمول ولا يحمل شي ولو قلت على بوابة الوحدات العسكرية صارت البوابه هي إللي تحمل الشعار ماهو الشعار إللي يحمل البوابه ولو قلت على البدله العسكرية كذلك صارت البدله هي إللي تحمل الشعار

ماعندك إلآ طريقة واحده وهي أن
تصنع شعار وتكتب في داخله )شعار الدولة(
ومن الجهه الأخرى تضع رمز الشعار سيفين+نخله

وإذا انتهيت من صنعه

نتناقش في معنى جديد ماجبنا له طاري
والمعنى الجديد للتفضيل بين جواب الريال وجواب الشعار وليس لنفي الشعار تمامآ ولكن نشوف الأفضل بين الاثنين

الشعار في الوحدات والألوية والأعلام وفي جميع الأماكن العامة يركب على الشطر الأول ولكن الريال افضل بنسبه كبيره

؟؟

يقول الشطر الاول


انشدك عن رجلن مع الناس معروف=يحمل هنوف تنقل عيالها اثنين

يقول رجل ))مع(( الناس معروف
ولم يقل رجل عند الناس معروف
وهذا يركب على الريال لأن الريال مع الناس وفي مخابيها بعد... والوحدات العسكرية مستحيل تكون مع الناس مثل الريال

لو قال انشدك عن رجلن )عند( الناس معروف
تركب على شعار الدوله لأنه معروف عند الناس وليس مع الناس

يمكن تقول الشعار في بطاقة الأحوال وبطاقة الأحوال تحمل الشعار وليس الشعار من يحمل البطاقة وبطاقة الأحوال لولآ أسمها المؤنث تكون رمعة طيبه لأنها ليست مثل الريال اسمه مذكر وماينمحي لو ياخذ اشهور واسنين


الريال متداول بين الناس وهو مستقل بنفسه واسمه.. ويحمل شعار الدوله

والشعار ليس متداول بين الناس وإذا كان متداول فسوف يكون محمول في داخل شي أو على شي
في داخل شي مثل كرت العائله وبطاقة الاحوال والجواز أو يكون محمول على شي مثل البدله العسكرية
وماسمعنا شخص يقول لآخر عطني شعار الدوله..خذ شعار الدوله..
لاحظ إن كل شي يحمل الشعار له اسم يختلف عن الشعار ويعرف به بين الناس

والريال لاتعليق



الشعار اسمه يكون متداول عند فئه معينه من الناس
على سبيل المثال
افراد الفوج في الحرس الوطني
لأنهم يضعون الشعار على العقال
وإذا واحد ضييع شعاره يقول لزميله عندك شعار

حليت لك طريقة البيت الاول
ولكن لو قال كاتب اللغز

انشدك عن رجلن مع هل الفوج معروف

كان صار اللغز مليان هذا إذا كان حل اللغز هو الشعار

ولو قال كذا

نرجع لمشكلة البيت ماقبل الأخير

شعار واسمه مسجل فيه))شعار((
ويكون قائم بنفسه لا بغيره



هلي يابن ثعلي بغت تركب رمعتك إلا شي بسيط


والله إن الشعار على العقال فكرة جميلة لكتابة لغز

بس يمكن نكتب لغز حله الشعار وتجي يابن ثعلي وتقول،،، الحل الصحيح الريال ماهو الشعار


لك ودي واحترامي ودمت بخير يالغالي

[إبن ثعلي]

يااخي الشعار اللي اقصده قطعه كامله مثلها مثل الريال وتلصق على البريه العسكري مافيه فرق بينها وبين الريال ويرتديها كافة العسكريين واللي خلاني اهتدي للحل كان امامي عسكري وشعاره على جبهته

[وجودك يكفي]

طيب يابو عبدالرحمن

هل الشعار إللي كان مرتديه العسكري مكتوب عليه كلمة ))شعار((

[乂صـواعب乂]

<< كالعاده يايه آخر الناس ههههههههه

واول ماقريته طرى عبالي جواز السفر

بنت عز لاهنتي على هاللغز الطيب ويعطيج العافيه

وصح لسانه الاخ فهد الروقي ..الف مبرووك