ما الهدف من وجودك في منتديات عتيبة ؟؟؟

[شيخ الشيوخـ]

السلام عليكم
أسعد الله أوقاتكم بكل خير


الكثير منا له أسبابه ودوافعه للتواجد في الشبكة العنكبوتية سواء للمتعه أو للفائده أو حتى للتسلية

فـ ..ماهو الهدف أو ( الاهداف ) من وجودك في منتديات عتيبة ؟؟؟

لإجاباتكم الأثر البالغ وهي يتربت عليها أمور عدة فـ نرجو تحري الدقة في الإجابة ... مع الشكر

لكم التحية والتقدير ...

[خيّال الهيلا]

والله ماعندي هدف مقنع وواضح.. مزاجي وامشي على مزاجيتي..
بشكل دائم .. احس رغبتي في عتيبه مختلفه..
يعني ماعندي خط واضح امشي عليه..
شكرا لك ياشيخ الشيوخ ..

[°o.Oرﯾﻣ O.o°]

والله انا المنتدى اللي يعجبني مواضيعه اسجل فيه وبعدين منتدى عتيبه احسه بيتي الثاني

[صقـر عتيبـة]

شيخ الشيوخ

موضوع جميل ومميز الحقيقة

والحقيقة انا وجودي للنت لشغال وقتي اذا كنت فاضي

وصار ميول حاليا لمنتديات واطقطق عليهااا

وصرت اشارك في منتديات القبيلة ومنتداي الخاص

وهدفي في منتدى عتيبة كي اخدم منتدى القبيلة

ونخدمه بكل مايريد كي نصل للقمه بأذن الله

لكم تحياااااااااااااتي الخااااااااااصه

صقر عتيبة

[شيخ الشيوخـ]

اشكر اخوي خيال الهيلا واختي بنت العرب ريم وصقر على مشاركتهم وهم بلا شك ابناء القبيلة فوجودهم لوحده يكفي

[الأدميرال]

والله وجودي بمنتدي عتيبه افضل بكثير من وجودي بئي منتدي ثاني
منها طول الله عمرك افيد واستفيد ويكفى انك تحس نفسك بين ربعك وناسك
ومهما سويت او ضيعت وقتك فيه منت بخسران يكفي انه لعتيبه
ولاهنت ياشيخ الشيوخ

[خيّال الهيلا]

سؤال فضولي / لماذا شكرت صقر عتيبة شكر خاص ؟


أدري بأجابتك..
بس ودّي انك تعلنها بصراحة ..

[الجُمـــانه]

أول شي أشكرك

الانسان بفطرته يحب ان ينتمي إلى مجموعته أو قبيلته التي ينتمي إليها

فأعتبر هدفي هو ان أشبع غريزتي الفطريه ....... :)

[غزال الرافدين]

سبب وجودي بمنتدى ‏عتيبهمختلف عن كل الأسباب




أعشق عتيبه
أنا لو أسمع أن أكو عتيبيه وماهي بنفس مدرستي اروح من بكره أسوي زياره لمدرسته بس أبي أشوف وأعرف عتبان الرس
منتديات ‏عتيبهتشرف تحس أنك بين ربعك هذا ولد عم وهذا ولد خال
عتيبهقدمت لي العزه والكرامه فأنتمئي لها وحصر نفسي عند عتيبه حق من حقوق ‏عتيبهأنا موقعه معهم عقد احتكار لأفكاري وأنتمئ لصالح ‏عتيبه

عتيبهدمي اللي بالعروق فديت ربعيأبوي علمني أعتنق الأسلام وفتخر وستفزع بعتيبه
بمنتدى ‏عتيبهتحس أنك ترتبط بقبيلتك وخصوصا أذا بعدك الزمن عن ربعك كأنك تصل جزء منك ‏
أنا حصريه لصالح ‏عتيبهمأسجل غير بمنتديات عتيبه ‏

هنا كلكم مني وأنا منكم أحس بغلاكم وأحب كل فرد فيكم أموت ‏بعتيبهياناس عشت عمري أفتخر بعتيبه وأنا ماعمري صادفت أحد يكتب عتيبي غير عايلتي عشت غربه عن ربعي وكنت أنا بغربه وحسيت أن أسم ‏عتيبه€لي

هنا أحسن وأظمن لي كفتاه

بعلم الغربه مهما بعدتني ‏عتيبه وعن ديار ‏عتيبه ترى دم قلبي ‏عتيبه وأنا ‏عتيبيه


مأبي أنسى عادتني وجذوري وأصلي وأني من ‏عتيبه وأبي أفتخرفيهم كل لحظه وأقول ربعي عتيبه

[دمي عتيبي]

ماادري ليه عجزت اني اقدر اكتب السبب ... سبب انتمائي لهالمنتدى ..:34::34::34::34:

[بوح الخاطر]

~ صدقني غرضي شريف خخخ خخخ

.. الصرااحهـ الصرآاحهـ .. بدوون هدف .. بس تكملة عدد هع

[شموخ النايفات]

بنت عز كلمتها تهز
كتبتي كل الي بخاطرري
انا نفس وضعج جتني فتره بكيت لان ماحولي عتبان فقدتهم باخر المتوسط والثانوي
درست بمدرسه فيها اربع الف طالبه من جميع قبايل الشمال والجنوب
ماتتخيلوون شكثر كانو البنات يفتخرون بكثترهم وبقبايلهم
مريت على صف صف ادور اسم عتيبه بينهم ماحصلت
ومافيه عتيبيه بالمدرسه الا انـــــا كنت افرح لمــا تقولي وحده جدت ابوي عتيبيه:13: جنها تقول تصيرلي
مارتحت الا لين تعرفت على رفجتي العضوه فزولها:34:
وماكنت قول هذي رفيجتي
اقول بنت عمي
والحمد لله الله عوضني هالحرمان بالجامعه الحين كل عتيبيات الجامعه اعرفهن^_^
عاد بذيك الفتره سويت ايميل مخصوص بس عشان اسجل بعتيبه
وتعرفت اول يوم على قبلة عتيبه فديت عتيبه واحمد الله اني عرفتها :24:

عاد انا حبي لعتيبه ماحد يتخيله او يفكر يقيسه
قبيلتي كل عرق فيني ينبض باسممها:34:
انا من كثر ماحب قبيلتي متحلفه بالعلم العربي
اقوول مايحكمه االا روق وبرق الي هم عيالي <<-- في اكثر من هيك عنصريه http://www.otaiby.com/vb/images/ehdaa_smilies/eh_s%283%29.gif
حتى مسميه بنتي هيلا عشان لاتعزوو اخونها يقولون احنا اخونا هيلااا
<<--على هالسالفه ولعت لي بناس وانا ان شالله من الي اذا قالو واوفو:de:

والهدف من وجودي بمنتديات عتيبه اخدمها واحبها
وان شالله اصيرعجيز وانا ماسكه هالمنتدى

وسلاااام<<-- تضرب تحيه للعتبان

[شيخ الشيوخـ]

اشكر الجميع على التفاعل وهذا فعلاً يبين مدى حب القبيلة في نفوس ابنائها

سؤال فضولي / لماذا شكرت صقر عتيبة شكر خاص ؟


أدري بأجابتك..
بس ودّي انك تعلنها بصراحة ..
ماعندي شي اخبيه ياخيال ...

كان قصدي ان العباره الي كتبها صقر فيها دافع اكبر من العباره اللي كبتها لا اكثر ولا اقل

وتم التعديل ياخيال عتيبه الغالي

[غزال الرافدين]

الجادل

أحبك

أنتي نفسي تماما تماما مره جتنا مدرسه أنتداب من الدوادمي أنا طق عرقي أكيد عتيبيه والله من غلاة عتيبه بقلبي أني ذاك اليوم لو ماشفت المدرسه كان شيليني للمستشفى من القهر قعدت أدعي يارب تدرسنا يارب المهم جتنا أحتياط وأنا أنقز بوجه البنت قلت عتيبيه كنت بسألها ايش أسمك طلعت معي عتيبيه غصب عني أضحكت وقالت أيه شوفي بغيت أسجد سجود شكر لله قدام الناس قلت ياحظي قالت أنا محظوظه فيك أنتي عتيبيه قلت أيه وأنا طايره من الفرح


المهم بعد أسبوعين درستنا كيميا شوفي الشطاره وخلني أسمع بنت أبوها تجيب أسمها بالشينه قدام عاد أنا كلش ولا عتيبه أسمح تغلطون فيني ولا تغلطون بأسم أي كائن يقول أنا عتيبي حتى لو يجي طير يقول أنا عتيبي ماسمح أحد يغلط فيه يكفي أنه يقول أنا عتيبي المهم وتجي تطلع ست بنات وتقسم البنات ست مجموعات الست بنات اللي طلعتهم يترأسون الست مجموعات أنا من ظمن السته وقالت بعطيكم ميزان حراره وأجهزه أذا أنكسر الجهاز اللي تكسره بتدفع القيمه وبكسر راسه عاد ونبدا الشغل وتجي بنت صديقتي قالت توتى أنتي أكسري الميزان قلت ليش قالت بشوف قد كلمتها يوم تقول بكسر راسها قلت لا يأمي أنا أخاف منها أنتي ماتعرفينا يالعتبان لاقلنا سوينا عاد البنت أنقهرت من كلمتي أشوي وبنت يطيح منها الميزان وينكسر ‏"شوي وتبكي البنت أستاذه وربي مادريت وصار وجه البنت أحمر" قالت خلاص حصل خير وأنا منزله راسي وأناظر بالميزان ألا أسمع البنت اللي قالتي لي أكسر الميزان تقول بلحيل كسرت راسها حنا عتبان وحناعتبان كلمتنا ماتجي الأرض عتبان طل وربي يالجادل أمسك أعصابي ألا أن أحد يسب العتبان وربي مالقيت نفسي غير صفقتها كف وأنا ماحسيت بعمري وأنا أقف وأقول نوره روحي عن وجهي ماودي بشر لك وربي أنتي صديقتي اطلعي من قدامي لأني مو قادره أتذكر كلمتك وأسكت قالت لا بعد بتسوين شي غير الكف ونبدا سيل سب وماحسيت ألا المدرسه تفرقنا وحنا عند الأداره عاد أنا هاديه والأداره مايصدقون أني أنا اللي بديت صارو يهاوشون نوره وتهزء يسمعون فيه كف يحسبونها هي اللي معطتني كف قالت أستاذه هي المعطتني كف قالوا أنتي تعطين هاذي كف كيف طلتيها وأنا بجد مالي وجه قلت أستاذه سبتني عاد مسميني الفار ياكل عشاها حتى جدتي دايم تناديني أتعشى عندها تخاف ياكلون وأنا ماكل ويرحموني بس بعتيبه ماني هينه جبت العيد وبعدين قلت لنوره ننهي السالفه من صالحك ننهيها وظلينا فتره ساكتين والمديره تسألني بأيش سبتكي وأنا ساكته ونوره ساكته بعدين قالت نوره بقول السالفه ألتفت وقلت مو من صلحك أنا عشان صديقتك بسكت وأذا حولتي تقولينها لصالحك بقول كل شي بعدين أسكتت وبعد محاولات الأداره ليعرفون أيش السبه اللي تنرفزني وهم أكيد قايله شي قوي قلت لا بس "أتق شر الحليم اذا غضب" ألا الخبله تكلم قالت أستاذه أنا سبيت أستاذة الكيميا عشانها دايم تقول لنا بقر ألتفت قلت عادي هي مدرسه وأنتي طالبه‏ =أنا قبل لاقالت الستاذه لي سبه أغيب أسبوع وبعدها أجي معي أمي وتناقشون شهر في السبه مثل ياحيوانه= لما قلت الكلمه ضحكوا أنتي ياتوتى ماتحبين أحد يقول أسكتي ‏ قالت أستاذه عشانها تحبها قالوا أه كذا الموضوع وبدوا يقلبون علي قلت خلصتي نوره قالت أيه قلت أقول سالفة الميزان أو أقولها والبنت تنصدم قلت أقولها أحسن وأقول القصه كلها كامله وشوي شوي عرفوا أن المشكله عشان كلمة العتيبي وأستاذة الكيمياء تسمع وبدت تحقد عليها وطبعا هاوشوها هي وخلوني هاوشوها عشان الميزان اللي تفكر تكسره وأنا خلوني لأني دارين أني بغيب أسبوع أذا هاوشوني بس مسكتني المديره قالت من حين أقرا دفترك وأشعار عن العتبان وخطك لأسم العتيبي نعرف قد أيش تعشقينه قالت خلي العصبيه القبليه عنك ومحاظره عن العصبيه القبليه وأنا أقول وأنا طالعه تبطون مامحيتوا غلاهم من قلبي


المدرسه صارت ماعاد تشوف غير تهاني لدرجة أنا صرنا بنقل واحد من قو غلانا لبعض بس عشان عتيبه

ودعتها بصعوبه يوم تخرجي وأنا أروح للجامعه ماخليت عتيبيه مأخذت رقمها وتعرفت عليه وأناديهم بنات عمي وفزعات الله لايوريكم


الرس كلهم حروب ومطران وحظر كنت أتصادق مع الحظر وأعلمهم حب العتيبي لدرجة وحده من الصويان ناقشه بالنار على صدره 511 لما تفرقنا والبنات يسولفون لي عنها أنها أنجنت لما تفرقنا أنا بالأقسام العلميه بمبنى مستقل عن الاقسام الأدبيه والبنات يقولون أنا الحين تو تصادقت مع عتيبيه سنه تحظريه وحنا مستوى ثاني بس تعلمت تحب العتبان فديت ربعي عتيبهبس ياناس كنت أساس المفارقه عندي أنت عتيبهتمام الروس متساويه أذا مو عتيبيأحس أني بينهم مثل الكنق بين الشعب


الموت له هيبه والعز لعتيبه

[°o.Oرﯾﻣ O.o°]

اشكر الجميع على التفاعل وهذا فعلاً يبين مدى حب القبيلة في نفوس ابنائها


ماعندي شي اخبيه ياخيال ...

راح اجاوبك بسؤال ولانت مجبور أنك تجاوب..

هل تعقتد أن هدفك مثل هدف صقر عتيبة ؟؟
إذن من الظلم أن يتساوى شكرك مع شكره
مع احترامي لك وللجميع .
لا اخوي حنا قلنا ان دخولنا حب وانتماء لعتيبه وهذا مو معناتها انه ماراح نفيد قبيلة عتيبه ماتدري يمكن يكون استفادة المنتدى اكثر شي منا ويعني الواحد وش بيسوي افاده بسوي نووي مثلا :6:

[الدَعْجَانِـيـْةِ]

يعطيك العافية



شيخ الشيوخـ



بالنسبة لي بدايات التواجد كانت للإنتماء لهذا المكان الذي يجمع أبناء وبنات القبيلة ..



ثم بعد ذلك أضيف للإنتماء حب المكان وحب العطاء فيه بما قد يعود إليه وإلى أفراد القبيلة بالنفع



والفائدة والاستفادة هي المأمولة من التواجد هنا



نفعنا الله وإياكم بما نكتب ونقرأ وبكل ما نعمل .



دمت بـ خير


لاهنت


.

[خيّال الهيلا]

طيب وش رأيك صقر عتيبه بنفسه انا من دعاه لهنا ..
ودعيت غيره اثنين .. بس ما علينا..

المرات الجايه لو بنخدم عتيبه.. لازم نعلق شعارات مثاليه ..
رغم ان عمل الطيب بالأفضل دائماً يتخبئ.. لكن ابشر بالمدح في كل المحافل ..


على فكرة عتابي .. يوم تشكر كأنك من يمثل عتيبه..ومنتدى عتيبه
وايضاً عتابي يوم همّشت ماقدمت..
مع اني كنت اقدم لعتيبه في وقت انت ماكنت متواجد فيه

[صقـر عتيبـة]

خيال الهيلا و شيخ الشيوخ

وشبكم قالبين عليه وانت وشبك يا خيال قالب عليه عشان كلمتين مدحني فيهاا زعلت

ادري عنك ولد عمي وتغار عليه هههههههههههههههههههههههههههههههه

لا احد يزعل ولا ابغى احد يزعل ويكون انا السبب

ابشرو بلي يرضيكم والي يدسم شاربكم :12:

ماارضى احد يزعلكم ولا واقدر ازعلكم

مع اني ما سويت شي :12:

لكم تحياااااااااااااااااااااااااتي الخاصه

وبوسه لكم على الخشم

صقر عتيبة

[&ابن روق&]

لني عتيبي

[شيخ الشيوخـ]

طيب وش رأيك صقر عتيبه بنفسه انا من دعاه لهنا ..
ودعيت غيره اثنين .. بس ما علينا..

المرات الجايه لو بنخدم عتيبه.. لازم نعلق شعارات مثاليه ..
رغم ان عمل الطيب بالأفضل دائماً يتخبئ.. لكن ابشر بالمدح في كل المحافل ..


على فكرة عتابي .. يوم تشكر كأنك من يمثل عتيبه..ومنتدى عتيبه
وايضاً عتابي يوم همّشت ماقدمت..
مع اني كنت اقدم لعتيبه في وقت انت ماكنت متواجد فيه

من قال اني همشتك ياخيال!!! كله عشان قلت شكر خاص صرت اهمشك بهالطريقة ؟؟وانت تدري باحترامي لك وتقديري لك ولأسرتك بعد
ياخيال الهيلا وش فيك خذت الموضوع بحساسيه زايده

كل اللي قلته شكر خاص لان رده اعجبني واقسم لك بالله اني اتعامل مع رد الشخص ما اتعامل مع انجازه

وخيرك سابق ياخيال عتيبه وانت المقدم علي وانت قبلي وانا اجي من بعدك طال عمرك وانجازك ملحوظ ومشهود وانا ادري اني ما اصل لمستواك وفكرك وحبك لعتيبه

اما شغلة اني امثل عتيبه انا ما امثل الا نفسي واشكر على المرور ما اشكر على الانجاز ياخيال الهيلا
واذا شكرت فلان شكر خاص او شكر عام (هذا لأنه مر على موضوع لي منزله ) يعني امثل نفسي وامثل موضوعي ما امثل عتيبة


وعدلت الشكر ياخيال الهيلا واعتذر منك طال عمرك ومن بنت العرب ريم كذلك

[خيّال الهيلا]

مازعلت ولا خذت الموضوع بحساسية ..
انا بالأول سألتك علشان اتأكد . يمكن بس عل سالفة المرور ..

رديت انت وقلت فيه فرق بين هدف صقر وهدفكم ..
عاد جاء بعدها ردي الأخير

عالعموم ماحصل الا كل خير .. وان حصل فاللي حصل هو عتاب لا أكثر ..
والعتاب بين المحبين ..شيء يثبت عمق العلاقه ..


وعلى فكرة مافيه افضلية بالمنتدى .. كل واحد له قدره ومكانته
لا هذا مقدم عل ذا ولا ذا عل هذا ..
مابين الاخوة افضلية طال عمرك.. شاكرلك كلامك الغير مستغرب من شخص بمقامك ..



يئصف عمري كان زعلتك حبيب البي ..

[وجودك يكفي]

لآ هنت ياشيخ الشيوخ على الموضوع

الهدف من وجودي في المنتدى

هو المشاركة مع عيال عمي وهذا شرف لي واستفيد منك ياشيخ الشيوخ ومن صقر عتيبه والناس إللي مثلكم الاسلوب الراقي والأخلاق العاليه

معاد يمديني أقول
أقدر أفيد منتدى عتيبه مدام إن فيه اعضاء قاموا بالواجب على اكمل وجه حسب اعتقادهم وحسب وجة نظرهم واكون هضمت حق غيري وهو أقدم مني


وجودي في المنتدى عشان اتابع مواضيع الاعضاء القداما
وفي اغلب الأحيان أتابع الردود والمشاركات واستفيد من اساليب البشر

[الماجــد]

لم كنتُ هُنا

لثلاثة اساب : -

1- لدعوة كريمة تلقيتها من أديبنا وقد سبقني في التسجيل هنا 0

2- كنتُ متابعاً قبل التسجيل لقسمي الفكر والأدبي فراعني جمال ما يكتب فيهما 0

3- لـ الإنتماء الفطري لـ عتيبة فأنا واحد منهم 0

شيخنا الفاضل نبوح بهذه الأسرار لأول مرة هههههه جل تقديري واحترامي

[سيوف]

ابد شيخ الشيوخ كنت في منتدى قبل مااجيكم وقبعت هوشه http://www.otaiby.com/vb/images/icons/icon10.gifوتركتهم؟

ثم انتم خوالي مو حيله اي احد وخوالي يرفعون الراس:rose:


،،،،،،،،،،،،

[سيوف]

ابد شيخ الشيوخ اقبعت هوشه في المنتدى الي كنت فيه http://www.otaiby.com/vb/images/icons/icon10.gif وتركتهم ؟


وبعدين انتم خوالي وخوالي يرفعون الراس:)

،،،،،،،،،

[م الرويس]

اخوي شيخ الشيوخ اشكر على الموضوع

بس يكفي لها المنتدى انه يحمل اسم عتيبة لكي انتمي له ....

تحياتي

[سداوية قطر]

منتدى عتيبه منتدى راقي

مواضيع وأعضاء

ومشاركتي لسببين

الأول إنتمائي لهذه القبيله العريقه

الثاني لكتابة قصايدي بما أني شاعره

[شموخ النايفات]

8
8
حي الله بنت عمنا عتيبية قطر
>>اول مره تسجل عندنا عتيبيه من قطر
حياج ربي وبياج في محلج يالغلا

[إبن ثعلي]

كان يفترض ياشيخ الشيوخ انك بدأت الإجابه لتكون قدوة لغيرك
وبالنسبه لي اناكنت متابع للمنتدى في فكرته قبل نشأته مع شاب من ربعنا
متحمس انشأه وابعدته ظروفه العمليه عنه واكملت مسيرته وكان هدفنا رفع
اسم عتيبه عالياً بكل مانستطيع,والحمد لله ان راينا مثلك وشرواك من ابناء قبيلة عتيبه
يساهمون بقوة في رفع اسم قبيلتنا عاليا وكذلك اخواتنا اللاتي لايقل شأنهن في تحقيق
هذا الهدف عن اخوانهن منسوبي المنتدى0
وتحياتي للجميع

[آلشموخ]

هدفي من وجودي في عتيبة
يكفي انه يحمل اسم عتيبة
واني اكون موجوده بين عيال عمي وبنات عمي

وشكرا لك ياشيخـ الشيوخ على الموضوع

لاهنت

[قلب الذهب]

السبب انو العائله عندي تكتفي بقوله احنا عتبان وبس .. وكل ماجيت اسأل احد فيهم عن شي
قالي وش ذا التفكييير ؟؟؟ >> وماادري ليش اتهزأ مع العلم انو احنا من العوائل العتيبيه المعروفه
فـ رحت مره وكتبت اسم عائلتي بقوقل وطلع لي بحث عنهم عن اصلنا من وين وبعدين وين رحل
جدي و,,, و,,,, كلام عن عائلتنا وحصلته مكتوب بالمنتدى هينا فقلت ليه مااسجل فيه وبدال
مااغث اهلي وازعجوهم الاقي كل الاجوبه هينا بالمنتدى >> هذا اول سبب
والثاني كنت حابه اتعلم لهجتنا العتيبه عشان اتكلمها
والثالثه انو ارتحت هينا بتواجدي بالرغم من انه حصلت لي مواقف تسد النفس >> والله من لقافتي انا ادري :18:
بس جد فيه حاجه تبسطك وتريح نفسك لمن تفتح المنتدى يمكن لانو جد تحس انك بين اهلك وربعك

[الأدميرال]

والثاني كنت حابه اتعلم لهجتنا العتيبه عشان اتكلمها
والثالثه انو ارتحت هينا بتواجدي بالرغم من انه حصلت لي مواقف تسد النفس >> والله من لقافتي انا ادري :18:
بس جد فيه حاجه تبسطك وتريح نفسك لمن تفتح المنتدى يمكن لانو جد تحس انك بين اهلك وربعك

عتيبه افصح العرب
استرضاع النبي صلى الله عليه وسلم في بني ( سعد ) وهم من قبيلة هوازن وكانت قريش تحرص على الا ترسل ابنائها للاسترضاع الا من تعلم انهم من فصحاء العرب لكي يكتسبوا منهم الفصاحة والبيان ونعلم ان قريش هم من أفصح العرب ولقد نزل القران الكريم على لسانهم وهوازن من اشتهروا في الفصاحة والبيان بكثرة زد عل ذلك مكارم الاخلاق التي يتصف بها العرب فلذلك السبب استرضع النبي صلى الله عليه وسلم في بني سعد واصبح افصحهم لساناً.وقد ورد استرضاعه في بني سعد بسند جيد من طريق ابن إسحاق، قال صلى الله عليه وسلم: ( يقول لأصحابه أنا أعربكم أنا قرشي ، واسترضعت في بني سعد بن بكر ) .
اللهم صلي وسلم على نبينا محمد صلى الله عليه وسلم

[قلب الذهب]

الادميرال ,, الله يسعدك على ذا التعقييب ~ـ

[اخر رجل]

اول تواجدي بالمنتدى هذا يشرفني والى انا ماني عتيبي وصيت القبيلة هو الى خلاني انضم لهم
لاني عاشرتهم وعاشرت جميع فخوذ قبيلة عتيبة واللة والف نعم.
ولى الشرف بتواجدي بينهم لاني ماحس بالوحدة لاصرت معهم احس باني مشرف في منتدى قبيلتي
وهذا الشي الى خلاني متواجد بينكم ,,,,
مشكور على الفكرة لاكثر من رائعة وتقبل ردى البسيط
اخــــــــــــــر رجـــــــــــــــل

[ملكةالليل]

السلام عليكم

هذي أول مشاركه لي هنا

والهدف من وجودي هنا إنني أحب عتيبه لطيبهم ولشهامتهم ونخوتهم

أنا لست من عتيبه ولكني أفتخربوجودي هنا

تقبلوني

[روقي قرم]

للرقي مع أبنـاء القبيلـه..ولخدمة القبيـله على أكمل وج ـه..
ولـ أخبارهم أن..
ماعليهم علينـا , وماعلينـا عليهـم..
فنكن يد واحدهـ نحو المستقبل..