الدمعه

[فواز الحبردى]

بســـم الله الرحمن الرحيم
الســــلام عليـكم ورحمة الله
يسعد مساكم بكل خير








الدمعه الى داخل العين وتويـق =على جراهيد الصحارى المخيفه
من وقتها فى وقتها صابها ضيق =تشكى على جفون العيون الكسيفه
الله ياجـروحٍ شكتهـا المعاليـق =بين الحنايا خلـت القلـب ليفـه
حسبى على الى فرقوا للعشاشيق =ناسٍ سعوا بين الوليـف وليفـه
ياطير يالى ماكـرك بالشواهيـق =نادر حرار وماكـرك بالمنيفـه
اتلاعب الغيمه ومعـه مواثيـق =تكشف عيونك كل ارضٍ نظيفـه
تفتح لك الابواب لو هى مغاليـق =صيدك من الجزلات لا للضعيفه
طلـع وعانـق للثريـا بتحليـق =اطلع على متن الريـاح العنيفـه
افرد جناحك بالفضاء مالك معيق =عشاك من كفك سنـام وصيفـه
شين يليق وشى مثل المساحيـق =يلمع اشـوى ويختفـى بتعريفـه
ياعود موزٍ تو طلعـه مواريـق =على نهر دجله ورضـه مريفـه
يانخلةٍ وشوف طلـع المعاذيـق =ولاحدٍ قدع من طارفتهـا عفيفـه
يازهرةٍ منها النحل يطلق الريـقفيها شفاء للنـاس منهـا رقيفـه
يامهـرةٍ مادربوهـا المخلـيـق =ولا دربت بعنان ولا هى عسيفه
ياوردة البستـان دونـك مطاليق =ياسعد من يقطفك وصرتى وليفه
اليانمت ساعه زارنى طيف وفيق =وصحى على واقع حياةٍ مخيفـه




وسلمتكم

فـــــــ(الأسير الحبردى)ــــــــواز

[ابن مسلم]

فواز الحبردي


صح لسانك

وبيض الله وجهك

قصيدة في غاية الجمال

تقبل تقديري واحترامي

[فواز الحبردى]

بسم الله الرحمن الرحيم

هلاااا و غلاااا

اخوى العزيز

ابن مسلم

صح بدنك ولا هنت

وجهك ابيض

والاجمل هو حضورك وتشريفك


لك كل الشكر والتقدير

دمت بخير وعافيه

[فهيد مقعد الرويس]

صح لسانك

يافواز

ننتظر المزيد من الابداع

تحيتي وتقديري

[رشة قلم]

صح لسانك فواز
قصيده رائعه وبحرها من البحور اللي اميل لها بشكل كبير خاصه والطير ..
سلم قلمك والقريحه التي افضت لنا هذا ..
كل الاحترام لك .

[نادر النمر]

اليانمت ساعه زارنى طيف وفيق
وصحى على واقع حياةٍ مخيفـه

ااالله الله الله قفله جميله وقصيده جميله يافواز .. والقادم أحلى ان شاء الله ..

كل التقدير

..

[ذيب الروقه]

مبدع صح السانك قصيده جميله

[اصايل]

صح لسانك



لاهنت