تقول لذة الثبيتيه في رثاء اخوها ..

[خيّال الهيلا]

السلام عليكم ورحمة الله


عندما رحل أخوها ، وتركها فلم تطق صبرا على فراقه

وقالت:



كلن رقد وانا دموعي شخــاتير = عيت اعيوني عن لذيذ المباتِ
اقفوا عرب دارع عساهم مسافير = لعلها سفــرة لكــم يا شفــاتِ
ما عـاد تلحقهم ردوم المعاشــير = من دونهم تشكي عطيب الحفاةِ
خايلتهم لــين انتحن المظـاهيــر = من دونهم تزمـي لنا النايفاتــي
اخــوي نطــاح الوجيه المسافير = يفــز بالترحــيــــب للمقبــلاتي
راعي ادلالن فوق ناره مناحير = ونجرن على دب الدهر ما يباتِ
يفرح اليا كثروا عليه المسـايير = سوالفه مــا هي من الخايعــاتــي
اخوي شوق اللي اقرونه دعاثير = انحاز الحريب وينطح الموجباتي




توضيح /



المعاشير : الابل
ردوم : كثيرة الشحم
خايلتهم : نظرت اليهم عن بعد
انتحن : ابعدن
المظاهير : رحائل الحي
للمقبلاتي : الركائب التي تحمل الضيوف
مناحير : مهيئات
دب دائم : ما يبات : أي دائم الاستعمال ويدعو بطنين صوته الزوار
المسايير : الزوار
دعاثير : كثير
الخايعاتي : هجين الكلام
الموجباتي : عظائم الأمور كالكرم والشجاعة

[اصايل]

الله عليها


رائعه


صح ايرادك خيال


انتقاء قمه


لاهنت

[خيّال الهيلا]

صح وجودك الرائع يا أصايل ..
كل الشكر لك ..

[khalid"AL:mokaty]

الله يرحم اخوها ويرحم اخواني المسلمييين ...

... تسلم اناملك على ايرادها لنا

مبدع ياخيال ودائم في قمة الابداع متـّـكي...

لاهنت...

[ابوسـعد]

لاهنت خيال وقد اجادت في مدح من يستاهل المدح اخوها شكرا لك وياهلااوغلاااء

[وجودك يكفي]

قصيدة رائعة

لا هنت ياخيال على النقل والله يعطيك العافيه

[خيّال الهيلا]

مقاطي قلبه ساطي..
وقت القصيدة كان اخوها في رحلة
عالعموم شكرا لك على التواجد ..


ابو سعد ..
لا هان من قال ..
تسلم على وجودك أستاذنا ..


ولد ثابت ..
الله يعافيك ويسلمك .. شكرا على التواجد ..