لغز مسابقة التحدي والوسام... توصل للحل ]فهد الروقي[

[وجودك يكفي]

بسم الله الرحمن الرحيم



السلام عليكم ورحمة الله وبركاته

نبدأ في هذه الليله مسابقة لغز التحدي والوسام والفائز سوف يحصل على وسام قبيلة عتيبه للألغاز+ 500 مشاركة


وبما أن المسابقة عامه ومن حق الجميع التنافس على تحقيق الجائزه
فسوف تكون الإجابات محدده من الآن
واعتذر عن التوضيح والشرح في أي رد من الردود

والاجابات كالآتي:

بيض الله وجهك... اجابه صحيحه
أو
مالك لوا... اجابه غير صحيحه

واللغز واضح.....


وفي حالة عدم تواجدي لأي ظرف طارئ يقوم بالرد على إجاباتكم كلآ من:

المدير العام
إبن ثعلي

مدير المنتديات
ناصر بن سعدي

عضو الإداره/ رئيس اللجان
شيخ الشيوخ

رئيس اللجنة الشعرية
فهيد الرويس






يقول اللغز:

من منتدى عتيبه على ساحة النت
المنتدى إللي كل حي)ن( يشوفه

انشدك عن رجال محجور في بنت
والرجل حاجر بنت في وسط جوفه

ماهوب أنا إللي قرر الحجر ولا انت
والله ذكر اسمه ونعرف وصوفه

حاول تجيب الحل ياذيب لآهنت
وافطن ترى الرجال مابه حسوفه




وجودك يكفي


اتمنى للجميع التوفيق،،،،















الحقوق محفوظه لمنتدى عتيبه

[الأدميرال]

هلابك وجودك
لي عوده

[وجودك يكفي]

هلا بك الادميرال
وبالتوفيق،،،،

[فهد الروقي]

السلام عليكم

أرحبووووو ياعتابه

لي عوده

انتظروني

[غزال الرافدين]

بسم الله الرحمن الرحيم

لو مافزت 500 راح أرمع لحد مأوصل 1500 وأكون فزت

الرحم محجور بأنثى وحاجز داخله المشيمه

يارب صح

[وجودك يكفي]

عليكم السلام

هلا بك يافهد الروقي

بإنتظارك وبالتوفيق،،،

[شيخ الشيوخـ]

دقيق جداً في توقيتك ياوجودك يكفي
اليوم, 09:00 pm

وبيض الله وجهك على هذا التنظيم الرائع
عساك على القوة ونتمنى التوفيق للجميع

[وجودك يكفي]

هلا بك يابنت عز

مالك لوا.....

[وجودك يكفي]

لآ هنت ياشيخ الشيوخ وبيض الله وجهك وانا اخوك على اهتمامكم وتنظيمكم للمسابقه


احترامي

[صقـر عتيبـة]

وجودك يكفي

تسلم يمينك على اللغز والمسابقة الجميلة

يتصفح الموضوع حالياً : 8 (7 عضو و 1 ضيف )

نبي نفكر ونرجع لك

لك تحيااااااااااااتي الخاااااااصه

صقر عتيبة

[وجودك يكفي]

هلا بك ياصقر عتيبه

بإنتظارك وبالتوفيق،،،

[فهد الروقي]

طول الله عمرك

هذا القطمير

داخل التمره

والقطمير يغلف العجمه

وسلامتك

[الأدميرال]

المطر
المطر مذكر ومحجور في سحابه

[غزال الرافدين]

الباعوضه ومافوقها

قول صح

[عبـ الهيلا ـرود]

يعطيك العافية ياولد ثابت ولاهنت على طرح اللغز



ماهو الحجر الاسود

[وجودك يكفي]

صح لسانك فهد الروقي جوابك صحيح

الحل هو القطميير

[وجودك يكفي]

الادميرال

بنت عز

عبرود الهيلآ

شاكر تواجدكم

[عادل العصيمي]

لا هنت ياولد ثابت


وبيض الله وجهك يافهد


لا هنت


,

[الأدميرال]

الله لايهينك وجودك يكفي
ومبروك يافهد الروقي

[عبـ الهيلا ـرود]

مبروك يابن روق

كفو يابن العم وتستاهل ماشاءالله عليك من أول قدحة الله لايضرك

[وجودك يكفي]

مبروك يافهد الروقي حصولك على الوسام وتستاهل

وأشكر جميع الاعضاء الذين شاركوا ولم يحالفهم الحظ وأتمنى لهم التوفيق في المسابقات القادمة إن شاء الله

[وجودك يكفي]

لآ هنت ياعادل العصيمي
ولآ هنت يالادميرال
ولآ هنت ياعبرود الهيلآ

وشاكر تواجدكم

[شيخ الشيوخـ]

الف الف مبروك يافهد الروقي
ماشاء الله عليك


تم إضافة الـ 500 مشاركة وانتظر الوسام خلال الايام القليلة القادمة


ومازلنا في انتظار فعاليات مسابقة ووسام عتيبة للألغاز بهذا النتظيم الرائع

[فهد الروقي]

مبروك يابن روق .. اثرها روقت هههههه

كفو يابن العم وتستاهل ماشاءالله عليك من أول قدحة الله لايضرك

ههههههههههههههههههههههه

ماهي غريبة على مرجحين الموازين

وما عليك زود يالذيب ولا يهونون اخواني الموجودين

[شيخ الشيوخـ]

ماروقت

عتتتتتبت ياعبرود الهيلا

[بنت شمرالطنايا]

متى حطيتو اللغز

خيرها بغيرها

ومبروووك للفائز

[شموخ النايفات]

مبرررررررررررررررررروك
فهد الروقي تستاهل
وجودك يكفي قوواك الله
وبنتظار المزيد من الــ غازكم ومسابقاتكم

[أميرة الورد]

ألف مبروووك أخوي فهد الروقي
والله يعطيك العافيه أخوي وجودك يكفي
شكرآ لأدارتنا الراقيه على هذه المسابقات الجميله

[دمي عتيبي]

اولا مبروكـ عليكم موضوع لغز التحدي والوسام .. < متاخره شوي ^ _ ^

ثانيا تسلم ياولد ثابت على اللغز الحصري .. وعساك دوووم سااالم يارب .. وننتظر جديديكـ دووووم .

/

والف مبرووووكـ لفهد الروقي الوسام والمشاركات الـ 500.. تستاااهل ~

وننتظر اللغز الجديد والحصري .. القادم بأذن الله

وهلا وغلا

[فهيد مقعد الرويس]

صح لسانك

ياولدثابت

وصح لسان فهد الروقي

ومبروك وحظ اوفر لمن لم يحالفه الحظ في مسابقات قادمه

واعتذاري على الحضور متاخر

تحيتي وتقديري للجميع

[乂صـواعب乂]

لاهنت ياوجودك وصح لسانك

وصح لسان الاخ الروقي ،،الف مبرووك

يعطيك العافيه ياوجودك ونتريا لغزك الياي

تحياتي ..

[عبـ الهيلا ـرود]

ماروقت

عتتتتتبت ياعبرود الهيلا



أبشر بالحق ومايلحق ياشيخ الشيوخ أنت وأخوي فهد الروقي
والله لا يجيب العتب بينا يابعد راسي
السالفة والله جت معي عفوية ولا أدري أن فيها شي يزعل طال عمرك
وهذي كلمة قيلة في سالفة قديمة وماتخفاك وعلمها ينومسنا ياعتيبة كلنا
لاكن أبشر بالعلم اللي يرضيك ..أنا أسحب كلامي أمامك وأمام الأخوان جميعاً
وأكرر أسفي وأعتذاري للجميع وأتمنى ما أحد يزعل وعلى رأسهم شيخ الشيوخ وفهد الروقي


وسوف أقوم بتعديل المشاركة السابقة ..

[وجودك يكفي]

صحت ابدانكم جميعآ وشاكر تواجدكم الكريم وبإذن الله ستكون هناك مسابقة اخرى والتميز والإبداع هو تواجدكم وحضوركم الرائع


احترامي