عزى لمن

[فواز الحبردى]

بسم الله الرحمن الرحيم
السلام عليكم ورحمة الله
يسعد مسام بكل خير

هاذى المشاركه نزلت فى الموقع قبل ايام وكان عليها بعض الملاحظات من قبل اخوى العزيز
عادل العصيمى وتم تعديل الملاحظات واتمنا انى وفقة فى ذلك 0وانا اشكره جزيل الشكر على نقده وملاحظاته





عزي لمن ليله هموم وكوابيـس =بالثانيـه تزعـج عيونـه تـمـره
يصحي ويلعن ويتعوذ من ابليـس =وليـا غفـن يعـاود الهـم كـره
كابوس ما شافوه غيـر المحابيـس =والاالذى مخفً بالاضـلاع سـره
خوفٍ يعرف السر ناس مباليس =ناس على نشـر الخبـر مستمـره
والا خلي الراس مابـه هواجيـس =ينـام طـول الليـل عينـه امقـره
ماجزته بالقلب مثـل الدبابيـس =شمال صـدره مضغـةٍ مستقـره
ولا سرته باليل وقـت الغطاليـس =بالثلث الاخر صوت حزنه يجـره
الليـل بعتمتـه يغـط التضاريـس =ومعه القدر قدم على الخير شـره
اوهام وحلومٍ تجيلـه كراديـس =اليـا تعـدا فـوج الاخـر يـزره
ما ينفعه لو حـط دونـه متاريـس =اسهومها بالقلـب خطر(ن) تقـره
عزي لمن مثلى قضاهـا كوابيـس =حلمٍ غدى ما شـاف للحلـم جـره
جدواه ظم الحبر جوف القراطيس =ومن القلـم سقيـاه والعيـن مـره




وسلمتكم


فـــ(الاسير الحبردى)ـــــواز

[العـضـيـانـي]

يسعدني

ان اكون اول عضو ارد علي موضوعك الجميل الله لا يحرمنا

منك ياغالي

لك مني ودي وردي

اخوك العضياني

[نادر النمر]

(( فواز الحبردي ))


الظاهر أنك ماأنتهيت من تعديلها .. ياليتك تعيد النظر فيها .. أن جاك عادل بيطلع عليها ملاحظات مره ثانيه . . : )

كل التقدير

..

[فواز الحبردى]

بسم الله الرحمن الرحيم



اخوى العزيز

العضيانى

انا اسعد الله الله يطول عمرك

[فواز الحبردى]

بسم الله الرحمن الرحيم


اخوى العزيز

نادر

حياك الله


انت قل الملاحظات لا تنتظر عادل يقولها وبعدين تقولها

وبالعكس ان استفيد منك ومن عادل ومن غيركم ولا فيه مشكله اعدلها مره مرتين ثلاث
حتى تظبط ان شالله مافيه احد ولد شاعر 0

اشكرك على حضورك

[نادر النمر]

أبشر يالغالي ماطلبت شي : )


أستلم الملاحظات لاهنت :

البيت الاول

البيت الرابع

البيت الخامس

البيت التاسع

كل هالابيات تعاني من خلل في الوزن .. او انك كتبتها بأخطاء أملائيه .. غير كذا المنعى والصوره عندك مشوشه والجرس الموسيقي عندك مختلف في بعض الابيات عن بعض ..

مثال (( تمره / البيت اللي بعده تقول : كره .. وكره ماتجي لو قلت مثلا تكره .. صار جرسها واحد ))

وأنت عاد قسها على جميع الابيات وشف الفرق .


كل القدير يافوااز .. واتمنى لك التوفيق

.. .

[فواز الحبردى]

بسم الله الرحمن الرحيم

هلااااااااااااااا و غلاااااااااااااااا

نادر النمر

تم التعديل وكانت الملاحظات اخطاء املائيه وليس كسور فى الابيات المذكوره
اشكرك على نقدك وعلى اهتمامك 0

[عادل العصيمي]

فواز


صح لسانك وبيض الله وجهك


والأنسان الفاهم هو اللي يستفيد من النقد ويعدل اخطائه ومثل ما قلت ما احد ولد شاعر


قصيدة رائعة وبالتوفيق


تحياتي


.

[فواز الحبردى]

بســـم الله الرحمن الرحيم


ارحب ياعادل

الله بيض وجهك ويطول عمرك منك استفيد والمشكله كانت الاخطاء الاملائيه
واشكر اخوى نادر على ملاحظاته وسعت صدره 0

وانت لك كل الشكر والتقدير

وان شالله الجيات احسن باذن الله


دمتم بخير وعافيه

[سويلم الخراص]

صح لسانك يافواز واحييك على ها المنطق والاسلوب الذي يدل على فهم صاحبه


تقبل تشريفي

[الجـآدل]

صح السانك

ولاهنت

تحيتي لك

الجـــآدل