النــــور نورك .. لاتقولين : نوري !!

[سعود المطيري]

مساء الخيرات .. لهذا الصرح العزيز واهله الكرام
تبعدنا الظروف ونتوق لمكان أحببناه واهله وكم أكن له من التقدير والمحبه
لكل القائمين على نهوضه /لأعضاءه/لمرتاديه
لكم انفاس الخزامى واليشموم مع عذري المغلف بالود :




النور نورك لاتقولين : نوري
ــــــــــــــــــ شمسك ليا بانت يزيد إنتشاري

باقات وردي مع غلاي وشعوري
ــــــــــــــــــ يزفها قلبً على الوصل ضا ري

يالغاليه فيك أستلذ بغروري
ــــــــــــــــ وارجع واحبك وانثني عن قراري

ليا كتبتك تبتسم لي سطوري
ـــــــــــــــــــ واقراك رغم انهايتي وإنكساري

وليا جمعتيني .. تبدد فتوري
ـــــــــــــــ وانسى معك طول الزمن وانتظاري

أنتي زهر واللي بقى من زهوري
ـــــــــــــــــــــ وانتي هواي وقوتي وأقتداري

وانتي دموعي والحزن في ظهوري
ـــــــــــــــــ وانتي تباشير الفرح .. وانتصاري

وانتي ملاذي .. لاتفاقم قصوري
ــــــــــــــــــ وانتي نهاري .. لا انتهابي نهاري

وانتي عبوري للأمان وجسوري
ـــــــــــــــــــ لاطحت في دربً مهو بأختياري

(بيني وبينك) وش يميّز حضوري
ـــــــــــــــــــــــــ الا وجودك جانبي وافتخاري

تبقين مثل الماء يغذي بذوري
ـــــــــــــــــــــــــ وأحن لك ياكل عمري وداري

[إبن ثعلي]

صح السانك يااخ سعود قصيدة لايعلى عليها

[1من العتبان]

صح لسانك يالمطيري

ابياتك روعه

[نادر النمر]

ااالله الله الله


قصيدة أكثر من رائعه .. وجميله جدا ً جدا ً .. وأهنيك عليها ..


ولاكن هالبيت ياأنا ماعرفت أقراه يافيه مشكله .. مدري ؟


ليا كتبتك تبتسم لي سطوري
ـــــــــــــــــــ واقراك رغم انهايتي وإنكساري


كل التقدير

..

[عزوتي عتيبه]

صح لسانك يالمطيري


صراحه من اجمل القصائده إلي قريته بالمنتدى

لاهنت اخووي وفي إنتظار جديك

يعطيك الف عافيه

[فهيد مقعد الرويس]

يامرحبابك

ياسعود

اسدتنا اطلالتك الجميله

وصح لسانك

ننتظر المزيد من الابداع
تحيتي وتقديري

[ރالزيــاديރ]

صح لسانك اخوي سعود

قصيده رائعه

تحياتي لشخصك

[سعود المطيري]

ابن ثعلي
صح بدنك ولاهان راسك يابعدي

[سعود المطيري]

واحد من العتبان
تسلم على المرور الجميل اخوي

[سعود المطيري]

ااالله الله الله


قصيدة أكثر من رائعه .. وجميله جدا ً جدا ً .. وأهنيك عليها ..


ولاكن هالبيت ياأنا ماعرفت أقراه يافيه مشكله .. مدري ؟


ليا كتبتك تبتسم لي سطوري
ـــــــــــــــــــ واقراك رغم انهايتي وإنكساري


كل التقدير

..


نادر الاجمل هو حضورك البهي وناخوك تأكد لاخليت
ليست هناك مشكله

فعندما تكتب حرف لأسم الحبيب تزهو السطور لمكانته وتجد نفسك بكل مفرده رغم ألمك ومايمر بك من ظروف



شكرا بحجم السماء يانادر

[سعود المطيري]

عزوتي عتيبه

الله يخليك
ممنون ياغالي لقلبك

[سعود المطيري]

البقا يافهيد
شاكر كرم التواجد الجم
وااافي وناخوك وسلمت

[عادل العصيمي]

سعود المطيري


صح لسانك


قصيدة تجلت فيها الشاعرية


اعجابي بما كتبت


لا هنت


.

[حنين الروح]

سعود المطيري

قصيده عذبه .. صح لسآنك عليهآ مليووون

ولآهنت

[سعود المطيري]

الزيادي
كل الشكر لحضورك الجم يالغالي

[سعود المطيري]

مرحبتين اخوي عادل
نورت وشرفت
ممنون لروووحك

[سعود المطيري]

حنين
شاكر تواجدك الجميل هنا

[ناصر بن سعدي]

لله درك يا سعود المطيري ..

ونص عذب ورائع للغاية ..

تبقين مثل الماء يغذي بذوري
ـــــــــــــــــــــــــ وأحن لك ياكل عمري وداري


وبإنتظار إبداعك ..

[الجـآدل]

صح السانك

ولاهنت على القصيدة الجزلة

تحيتي لك

الجـــآدل

[سعود المطيري]

مرحبتين اخوي ناصر
الروعه تكمن في هذا التواجد
لاخلا ولاعدم

[سلطان بن محسن]

أنتي زهر واللي بقى من زهوري
ـــــــــــــــــــــ وانتي هواي وقوتي وأقتداري

وانتي دموعي والحزن في ظهوري
ـــــــــــــــــ وانتي تباشير الفرح .. وانتصاري

وانتي ملاذي .. لاتفاقم قصوري
ــــــــــــــــــ وانتي نهاري .. لا انتهابي نهاري

وانتي عبوري للأمان وجسوري
ـــــــــــــــــــ لاطحت في دربً مهو بأختياري

(بيني وبينك) وش يميّز حضوري
ـــــــــــــــــــــــــ الا وجودك جانبي وافتخاري

تبقين مثل الماء يغذي بذوري
ـــــــــــــــــــــــــ وأحن لك ياكل عمري وداري



الله هنا الشعر هنا الإبداع هنا الجمال هنا الفكر

قصيده قمه لاتنافس إلا نفسها

أخوي سعود المطيري صح لسانك وبيض الله وجهك

كتبت فأبدعت

تحياتي لك

[°o.Oرﯾﻣ O.o°]

قصيده رائعه تقبل مروري

[سفير الظلام]

مشكور على هذا القصيدة تسلم يمناك

[سعود المطيري]

الجادل
كل الشكر لتواجدك

[سعود المطيري]

ابو محسن
مراااحب يالغالي
حضورك قصائد لاعدمتك

[سعود المطيري]

بنت العرب
ممنون تواجدك الجميل

[سعود المطيري]

السفير
لاهنت لاهنت اخوي
الف شكر لقلبك