اللغز الجديد...)حصري(

[وجودك يكفي]

مساء الخير

هذا لغز كتبته اليوم وحبيت اطرحه لكم



يقول اللغز:


أنشدك عن بنتن تجي وسط رجال
ياكثر ماتطلع وترجع بجوفه


البنت مايعرف لها لون وظلال
والرجل له لونن مميز نشوفه

البنت ماتشرب ولا تشكي الحال
والرجل ماياكل صفه من وصوفه







بالتوفيق ياأول رمعه

[بنت شمرالطنايا]

صح لسانك لغز طيب

بس بسالك الرجال كائن حي ولا لا لاني تقريبا بنيت هقوه وحابه اتاكد

[وجودك يكفي]

صح بدنك يابنت شمر والرجل جماد والبنت جماد

[غزال الرافدين]

السيف

[غزال الرافدين]

أو الخنجر أو الجمبيه أو الشبريه شي كذا

[وجودك يكفي]

رمعة سماوية يابنت العز
وإجابه خاطئه

فكري زين

[غزال الرافدين]

أصلا ماكنت أريد أفقع عينه بفكر فيه واجيك أوك

[غزال الرافدين]

البندقيه

[غزال الرافدين]

ممكن الجوال أذا كانت الأجابه البندق خطاء

[وجودك يكفي]

البندق
الجوال

كل الإجابتين خطأ يابنت العز

[غزال الرافدين]

وش معنى

الرجل ماياكل صفه من وصوفه

[وجودك يكفي]

الرجل ماياكل صفه من وصوفه

يعني جماد وماهو كائن حي

[غزال الرافدين]

القلم

[وجودك يكفي]

القلم
إجابه خاطئه يابنت العز

[غزال الرافدين]

له علاقه بشغالات زمان الدله النجر شي كذا أولا

بارك لي تعديتك بالمشاركات هاهاي

[بنت شمرالطنايا]

جاري التفكير

[ناصر بن سعدي]

صح لسانك إخـوي وجودك يكفي ,,

ولغز قوي ,,

وفيه رمعة من أحد الزملاء يقول : الرجل : النادوس اللي فالبندق والبنت الإبرة الداخلية )

أنتظرك ..

[وجودك يكفي]

يابنت العز الحل ماله دخل بالنجر ولا بالدله

والحل موجود في عصرنا الحالي

وعلى البركة تعديتني بالمشاركات

[وجودك يكفي]

هلابك اخوي ناصر وصح بدنك
ومالك لوا... وانا اخوك

الابره لها لون ولها ظل

[وجودك يكفي]

بنت شمر الطنايآ جاري الإنتظار

[غزال الرافدين]

الصرافه

[وجودك يكفي]

إجابه خاطئه يابنت العز

[البارق]

الشريحه

اذا ماجابها احد قبلى

[غزال الرافدين]

بليز لاتقول خاطئه قل مو صحيحه عشان العامل النفسي بس بديت أصدق أن العلاج يجيب الغباء

[وجودك يكفي]

هلا بك يالبارق
ومالك لوا... وانا اخوك

بنت العز ابشري


إذا تأخر الرد بعض الوقت اعذروني لأن الجهاز بطيئ بعض الشي

[ناصر بن سعدي]

وش رأيك فالكتاب والورقة ..؟

[غزال الرافدين]

قل أول حرف بشوف نفس اللي بالي

[وجودك يكفي]

مالك لوا... اخوي ناصر

بنت العز إذا أنا قلت أول حرف توصلتوا للحل على طول

[غزال الرافدين]

شباب أهو لازم يتكون من شئين واحد مؤنث والثاني مذكر المؤنث يدخل وخرج بالمذكر يعني المذكر زي ماتقولون الشكل الخاريجي او الهيكل المظهر

والمؤنث منه هو اللب وأساسي مو مظهر أو هيكل خرجي

عاد فكروا بهالطريقه

وجودك وشرايك بهالطريقه

[وجودك يكفي]

بنت العز تفكيرك حلو
ولكن تقولين البنت خرج بالمذكر )مافهمت قصدك(
الصحيح البنت تخرج وترجع بجوف المذكر

[بنت شمرالطنايا]

بناء على رمعة بن سعدي جت بالي رمعه

وش رايك بالكربون والورقه

[وجودك يكفي]

بنت شمر الطنايآ مالك لوا... وانا اخوتس

[غزال الرافدين]

أيه هذا قصدي أجل وش قصدي نقص حرف ماقامت الدنيا لحد غير يعني شيصير أذا أخطيت... أمزح معاك


طيب قول وش أقرب اجابه من الاجابات المطروح للأجابه الصحيحه يعني شني الأجابه
اللي مو صحيحه بس قريبه لصحيحه؟

[وجودك يكفي]

بنت العز للأسف مافيه ولآ إجابه قريبه لحد الحين

كل الإجابات سماوية

[غزال الرافدين]

طيب الذكره
او
السكين

[غزال الرافدين]

بزعل لو الأجابه الطاقيه والشماغ بجد بطفش أو كانت شي يخص العيال بس

[وجودك يكفي]

مالك لوا ... يابنت العز

[غزال الرافدين]

طيب يخص العيال بس أو مو متعلق بشي معين

لو أني قدامك كان من نظره لعيونك أطلع الأجابه

ألا وش رايك بالطريقه اللي خبرك!

[وجودك يكفي]

بنت العز الجواب يعرفه الرجال والنساء

والجواب ماهو لبس مثل ماقلتي مثل الشماغ او الطاقية

[غزال الرافدين]

مأدري ليش أحس شكله مربع كذا حدس

[غزال الرافدين]

اللي ينفخون بيها الكفرات ماعرف شأسمها

أو العفريت

[وجودك يكفي]

إللي ينفخون فيها الكفرات
والعفريته
مالك لوا يابنت العز

[غزال الرافدين]

طيب الشي ذا صغير حجمه أقدر أقتنيه

أو كبير حجمه

[وجودك يكفي]

الحل حجمه ماهو صغير ولآ أقدر أحطه في جيب الثوب
هذا قصدك من كلمة تقتنيه يابنت العز صح

[غزال الرافدين]

أيه أقصد كذا ليش أحس أن كلامي مو مفهوم؟

اللحد أخر شي براسي ولداخل والخارج الجنانز

[وجودك يكفي]

مالك لوا...يابنت العز

[غزال الرافدين]

قول الحل بذني

أنا بروح أشرب هالعلاجات وأخمد

يسلمو بس بفكرفيه بالفراش اذا لقيت حل بسجل وأكتب هذا أذا ماجاني سلطان ربك <النوم>

[وجودك يكفي]

بالشفاء يابنت العز وإذا نمتي نوم العوافي وانا اخوتس وتصبحين على خير بإذن الله تعالى

[إبن ثعلي]

الزند الكهربائي اللي يولع الغاز والبنت الشحنه الكهربائيه

[وجودك يكفي]

هلا بك يابن ثعلي
ومالك لوا...وانا اخوك

[بنت شمرالطنايا]

مرحبا ياولد ثابت ممكن سؤال

الشي مادي ولا معنوي

[وجودك يكفي]

هلا يابنت شمر الطنايآ

البنت عبارة عن شي مادي ومحسوسه ولها وزن ولها حيز من الوجود
والرجل كذلك

وترى الرجل أكبر من البنت وهذا واضح من اللغز لأن البنت بجوف الرجل

انشاء الله إني وضحت

لأن بعض التوضيحات بالألغاز تبعد الواحد بدال ماتقربه

لكن أهم شي إني جاوبت على سؤالك يابنت شمر بدون ما أشتت تفكيرك

[وجودك يكفي]

بنت شمر الطنايآ ياليت تحددين ماهية البنت وتعرفين وش تكون

تراها
جماد ، ومالها لون، ومالها ظل
يعني لو تكون بينك وبين اشعة الشمس ماتنفعك ولا ترد الأشعه عنك

إذا عرفتي البنت تقطعين شوط كبير نحو الإجابه

[بنت شمرالطنايا]

ياخوي الاجابه تجي وتروح

بركز وافكر

مابي اقول رمعه غلط بفكر عدل وبجيب الرمعه باذن الله

[وجودك يكفي]

أنا أحب أقرب بعد الصفحة الخامسة وهذا أنا قرب في الصفحة السادسة ولا أقدر أقرب أكثر من كذا

[بنت شمرالطنايا]

عندي رمعه بناءنا على كلامك

جت بالي رمعه اللي هي دريشة باب السياره وش رايك فيها

[وجودك يكفي]

معاد فيها راي يابنت شمر خلاص فقعتي عين اللغز وبقوة بعد

أنا وصفت لك القزازة عشان تقولها وأقول صح فكري في الرجال
وأنتي ماشاء الله جبتي الحل كامل
خطيرة يابنت شمر الله لايضرك

أنشدك عن بنت تجي وسط رجال
البنت هي القزازه في وسط باب السيارة

ياكثر ماتطلع وترجع بجوفه
هذي بدون اشرحها غمض وتخيلها

البنت مايعرف لها لون وظلال
القزازة مالها لون.. لأن القزاز شفاف وتقدر تشوف الاشياء من وراه

وإيضآ القزازة مالها ظل..
لوكان لها ظل !! كان ما تدخل الشمس وسط الغماره

والرجل له لون،، مميز نشوفه
باب السيارة له لون عكس القزازة ولونه على حسب لون السيارة


البنت ماتشرب ولا تشكي الحال
القزازة ماتشرب شي ولاتشكي حالها لأنها جماد

والرجل ماياكل صفه من وصوفه
باب السيارة ماله غذاء ومايأكل لأنه جماد


أشكر جميع من شارك معنا في حل اللغز

لكم ودي واحترامي

[بنت شمرالطنايا]

الحمد لله كنت ماني ناويه انام بدون ما احلوه اشوى حليتوه

انا اول شي طراء على بالي الحوت بس سالتك هو كائن حي ولا لا عشان كذا استغرق الحل طول هالوقت


يعطيك العافيه

وعمي عطاني لغز بس نبي نستريح شوي عقب هاللغز

بعدين نحطوه

الله يعطيك العافيه على الالغاز الطيبه

اختك بنت شمر الطنايا

[وجودك يكفي]

الله يعافيك يابنت شمر الطنايآ
وأنا بإنتظار لغزك


أحترامي