لغز.. مهدد من أول رمعه

[وجودك يكفي]

مساء الخير

هذا آخر لغز كتبته وكنت متعمد يكون اللغز بسيط وواضح


يقول اللغز:

انشدك عن رجلن مشيد ومشهور
متعلين شانة وربك حلف به

اخته تجي تحته ولا بينهم شور
ماشافته عينك وغيرك دخل به




طبعا اللغز حصري والحقوق محفوظه لمنتدى عتيبه

بالتوفيق ياأول رمعه

[بنت شمرالطنايا]

وجاري التفكير

بس رمعه اولى القمر

[آلشموخ]

أظن والله اعلم
سيدنا آدم
وان شاء الله يكون صحيح

[شموخ النايفات]

وجودكــ يكفيــ

يعطيك العافيه على الالغاز الحلوووه والرووعه

رمعتي هذي وان شالله تكون صح
لقبر االمشيد وغيري دخل به
عاد اخته ماعرفتها ^_^ بس اكيد شي حوله


وقوواك الله

[وجودك يكفي]

هلا يابنت شمر الطنايآ

القمر رمعة سماوية... اللغز يقول ماشافته عينك والقمر كلنا نشوفه

[عبـ الهيلا ـرود]

مساء النور والسرور


حل اللغز طال عمرك هو :

البيت المعمور
وأختة الكعبة

[وجودك يكفي]

هلآ يابنت النشمي
ورمعتك سماوية.. بعيده مره وانا اخوتس

[وجودك يكفي]

وجودكــ يكفيــ

يعطيك العافيه على الالغاز الحلوووه والرووعه

رمعتي هذي وان شالله تكون صح
لقبر االمشيد وغيري دخل به
عاد اخته ماعرفتها ^_^ بس اكيد شي حوله


وقوواك الله
مشكوره اختي الجادل على كلامك الطيب واسعدني مرورك

وبالنسبه للرمعه غير صحيحه
وانا كنت اقول اللغز مهدد من اول رمعه
وشوفي ردي على عبرود الهيلا بعد الرد هذا

[وجودك يكفي]

مساء النور والسرور


حل اللغز طال عمرك هو :

البيت المعمور
وأختة الكعبة


بيض الله وجهك ياعبرود الهيلا فقعت عين اللغز من أول رمعه

الرجل هو البيت المعمور وهو في السماء السابعه يدخل كل يوم سبعين ألف ملك
واخته الكعبه تحته بالظبط لو يخر ماء من البيت المعمور نزل على سطح الكعبة


مشكور ياعبرود الهيلا وماشاء الله عليك

احترامي لك ولجميع من شارك في اللغز

[ρяεşţίgε]

مآشآء آلله تبآرك آلرحمن ..

آلله يجزآكم خيير ..

[بنت شمرالطنايا]

ما شاء الله ياخاله عبرود سبقت خالتك بالحل

[عبـ الهيلا ـرود]

وجودك يكفي

بيض الله وجهك بياضً يفيع ويظهر مع كل ريع

مجهودك واضح في هذا القسم وكذلك ما انسى خالتي بنت الطنايا

اللغازكم كلها مليانه وفيها المتعه ويكفي انها من بدعكم وغير مكررة

يعني بالمختصر تبي الحل لا تفكر في قوقل ههههه

[وجودك يكفي]

عبرود الهيلا
وجهك ابيض ولآ هنت يالغالي


"برستيج"
جميعآ وانا اخوتس


بنت شمر انتي خالت عبرود أو عبرود خالتس

[عبـ الهيلا ـرود]

ههههههههه
لا بنت الطنايا خالتي

خوالي عندهم في سلمهم يقولون للبناخي نفس الكلمة اللي يقولها لهم
يعني تقول ياخالي يقولك سم ياخالي
واذا قلت ياخالة تقول لبية ياخالة

وهذي تراها عندنا بس نقولها للابناء فقط على ما اعتقد
مثل يوم نقول بوية اشترلي سيكل يقول ابشر يابوي مير لا تذيني هههههه

[بنت شمرالطنايا]

لا انا خالة عبرود


روحو شوفو لغز عمي الجديد