هيظتني يافهيد الوليده

[وجودك يكفي]

مساء الخير مني للجميع

بصراحه مريت على هذا القسم وقريت اغلب القصائد وحبيت أشارك بقصيدة

والقصيده هذي هي أول قصيدة اكتبها في حياتي وأتوقع إنها بتكون آخر قصيدة بعد والعلم عند الله

سألني ناصر بن سعدي في دكة عشاق الألغاز وقال ياولد ثابت هل أنت شاعر تكتب قصيد أو لا...

ورديت عليه وقلت إني أكتب الالغاز فقط وما حاولت في يوم أكتب قصيدة

بعدها شاركنا فهيد الرويس وقال أتوقع ياولد ثابت إنك تقدر تكتب أي قصيدة مدام ألغازك إللي تكتبها بالطريقه هذي

بعدها صدقت نفسي والقريحة انتجت هذي القصيده وأتمنى إنها تليق على اعجابكم واستحسانكم

القصيدة كتبتها اليوم العصر وإذا كان فيه أي ملاحظه...
تراني أستقبلها بصدر رحب واكون شاكر وممنون بعد..


القصيده أقول فيها:




لغزن محير جاب بعده قصيدة=وانا اشكره مدام حيير ملايين

وفهيد قال ابدع قصيدة جديده=يبقى لها تذكار لو راحت اسنين

أما تجي منشورة/ن بالجريده=ولآ نسجلها بوسط الدواويين

مادام خلك رمعته ماتفيده=وشلون تبغآ رمعته تفضخ العين

حاول تحله وانتبه لآ تعيده=وغير مسارك واكتب اليوم بيتين

يفرحبها خلك وشوقه تزيده=وتعيش جو الحب مثل المحبين

يافهيد ياحرن شهر ياوليده=هيظتني ووقدت فالصدر نارين

اخذ العلوم الصادقات الوكيده=ماهمني غيرك ولو كانوا الفين

ولو كل رجالن بلغ مايريده=ماضاقت الدنيا بحسان وحسين

ولك التحيه في ختام القصيدة=وانا مع الغازي واحيير ملايين



وسلامتكم

[حورية نجد]

صح لسانك ياولد ثابت

ولو كل رجال(ن) بلغ مايريده...ماضاقت الدنيا بحسان وحسين

تحياتي

[وجودك يكفي]

صح بدنك ياشاعرة نجد واسعدني مرورك

[بنت شمرالطنايا]

صح لسانك

ما شاء الله عليك

اهم شي ما تترك اللالغاز

يعطيك العافيه

اختك بنت شمر الطنايا

[ناصر بن سعدي]

صح لسانك

يا ولد ثابت

وبداية موفقه .. وأبيات جميلة ..

صح لسانك وبإنتظار جديدك هنا وهناك والمستقبل قدامك ..

وبيض الله وجهك ووجه فهيد ..

[وجودك يكفي]

صح لسانك

ما شاء الله عليك

اهم شي ما تترك اللالغاز

يعطيك العافيه

اختك بنت شمر الطنايا

صح بدن اختي بنت شمر الطنايآ ولآ هنتي وانا اخوتس على المرور العذب
والألغاز مافي امل اتركها

لك ودي ودمتي كما تحبين

[وجودك يكفي]

صح بدنك اخوي ناصر بن سعدي ولآ هنت يالغالي على المرور المميز

أهناك وانا اخوك ابشر وأما هنا ماضنتي
اسمح لي بروح قسم الالغاز عشان احيير ملايين ههههه

ودي واحترامي لك يالغالي

[عبدالله البرقاوي]

صح لسانك مراراً وتكراراً


وبنتظار جديدك ..

[وجودك يكفي]

صح بدنك اخوي عبدالله واسعدني مرورك يالغالي

لك احترامي وتقديري

[فهيد مقعد الرويس]

:)كل عام وانت بخير

ياولد ثابت

وصح لسانك

كما توقعت وتوقع غيري ممن قراء الغازك يعرف انك قادر على نظم القصيده

وهذي ليست مجامله ولااعلم سر اصرارك على انها تكون اخر قصيده مدام عندك موهبه ليش ماتنميها ولاتتعارض مع كتابة اللغاز او انه يستميلك شعرالمحاوره:)

ولي عوده باذن الله

تحيتي

[وجودك يكفي]

اخوي فهيد
كل عام وانت بخير
ومن العايدين وانا اخوك


مرورك شرفي واسعدني وانا اخوك

سبب كتابتي للألغاز دون غيرها لأنها هوايه لي من زمان ودافع الهوايه هو إللي يجعلني أكتبها
وأما غيرها أحس ماعندي دافع ولا هوايه وعشان كذا ما أفكر أكتب


احترامي

[الأدميرال]

صح لسانك وجودك يكفي
ولاهنت

[وجودك يكفي]

الأدميرال
صح بدنك وانا اخوك واسعدني مرورك

دمت بود

[فهيد مقعد الرويس]

اخوي فهيد
كل عام وانت بخير
ومن العايدين وانا اخوك


مرورك شرفي واسعدني وانا اخوك

سبب كتابتي للألغاز دون غيرها لأنها هوايه لي من زمان ودافع الهوايه هو إللي يجعلني أكتبها
وأما غيرها أحس ماعندي دافع ولا هوايه وعشان كذا ما أفكر أكتب


احترامي

الله يحيك

ياولد ثابت

مافيه شك الشي الي يجد الانسان نفسه فيه المداومه عليه افضل

وان شالله يجيك مردود الابيات بس متى الله وعلم

اخوك مشغول هاليومين وترى اليومين عند البدو مايهب اقليله ههه

واشكرك على مشاعرك الطيبه

وتقبل اطيب تحيه

[وجودك يكفي]

لا شكر على واجب وانا اخوك
إذا مشاعري ماطابت مع الناس إللي مثلك وشرواك فلا خير فيها

عسى الله يوفقك ويهنيك سواء كنت فالبادية ولا فالمدينة


احترامي

[مطارد مناحي]

كلك حلا بقصيدك والغازك

سلمت واسلم لنا دوم ان شاء الله .

ويستاهل فهيد .

[وجودك يكفي]

مطارد مناحي لاهنت يالغالي على المرور

احترامي لك ياولد تميم