ويلي تعشق اللغز شارك برمعتك [الأرشيف]

مشاهدة النسخة كاملة : ويلي تعشق اللغز شارك برمعتك

وجودك يكفي

11-18-2009, 03:17 PM

مساء الخير مني للجميع

اشكر الاداره بتخصيص قسم خاص للألغاز

وعندي لغز كتبته قبل ليلتيين وطرحته في منتدى آخر ولكن بعد شفت منتداكم الشآمخ وقسم الألغاز الرائع رفعت لغزي من عندهم لو إن ماجاء من الاجواد منقود ولكن بصراحه ما أرتاح إلآ أذا كنت بين اعيال عمي

يقول اللغز:

انشدك عن حي/ن دخل منزل ابوك

والحي لايشــــرب ولا يقـبل الــزاد

من بعـــدها جــاب البشاره بلا اصكوك

ماهــو بالارض وماسـكن يوم ببلاد

ولـ وجودك يكفي ــد ثابت

شيخ الشيوخـ

11-18-2009, 04:28 PM

الله يحييك ياولد ثابت وابرك الساعات حضورك وتشريفك ونفخر بوجودك بيننا يالثبيتي
ولابتخل علينا بجهودك ومشاركاتك ياغالي

اما بالنسبه للغز

اتوقع انه المال

وجودك يكفي

11-18-2009, 04:34 PM

يامرحبا وشرفني مرورك ياشيخ الشيوخ

وبالنسبه للرمعه مالك لوا... وانا اخوك

وبالتوفيق يالرمعه الجايه

شيخ الشيوخـ

11-18-2009, 04:37 PM

الجنين في بطن الام قبل الولاده

وجودك يكفي

11-18-2009, 04:47 PM

مالك لوا... ياشيخ الشيوخ

بنت شمرالطنايا

11-18-2009, 05:15 PM

جاري التفكير

بس رمعه سريعه مهو الدين اقصد السلف

وجودك يكفي

11-18-2009, 05:34 PM

رمعه سماويه

وجااااري الإنتظار
يابنت شمر الطنايا

وجودك يكفي

11-19-2009, 03:38 AM

قريت اكثر الألغاز الموجوده في القسم هذا ولقيت طاري جائزه كذا مره ولا عرفت وش طريقة الجايزه

إذا الدعوى فيها جوايز علموني عشان احط على لغزي جايزه
ولا.. وش رايكم نخليها على اللغز الجاي<<خايف يحلونه

بنت شمرالطنايا

11-19-2009, 04:25 AM

انا اتوقع انه الاسم

وجودك يكفي

11-19-2009, 04:34 AM

بنت شمر الحل تراه كائن حي
وفي بداية اللغر انشدك عن حي
كائن حي خالقه الله سبحانه دخل منزل ابوك
تراه واضح جدا
وذا بغيتي تقريب في الشطر هذا ابشري بس انا اتوقع تحلينه لأنتس راعية الغاز وجدآ خطيره

بنت شمرالطنايا

11-19-2009, 04:42 AM

اها سوري على بالي كنايه مو كائن حي

اجل جاري التفكير

وجودك يكفي

11-19-2009, 04:52 AM

جااااري الانتظار

وانا متأكد إن أي واحد يسمع الحل بيقول سهل مره

وترى اللغز وارد ومليان

وإذا تبين الحل فيما بعد أترك الحكم لكم هل اللغز مليان او لا

بنت شمرالطنايا

11-19-2009, 05:04 AM

اقول مهو الطفل الرضيع اللي توه مولود وهو اللي ما ياكل الزاد

إبن ثعلي

11-19-2009, 09:11 AM

هلا بك ياوجودك يكفي واتوقع حل اللغز البث المباشر او ارسال الجوال

وجودك يكفي

11-19-2009, 10:30 AM

اقول مهو الطفل الرضيع اللي توه مولود وهو اللي ما ياكل الزاد

سما وانا اخوتس

وجودك يكفي

11-19-2009, 10:34 AM

هلا بك ياوجودك يكفي واتوقع حل اللغز البث المباشر او ارسال الجوال

المهلي مايولي يابن ثعلي ورمعه سماويه

بنت شمرالطنايا

11-19-2009, 05:47 PM

كيف ما فهمت رمعه سماويه يعني غلط

نفكر اخوي ولا كيف

وجودك يكفي

11-19-2009, 06:06 PM

رمعه سماويه يعني رمعه بعيده مثل بعد السماء عن الارض

فكري وانا اخوتس وترى اللغز مايحتاج تفكير واجد

بنت شمرالطنايا

11-19-2009, 06:15 PM

مدري احس لغزك يبي له توضيح عجزت وانا افكر فيه

حي وما يشرب ولا يقبل الزاد

بفكر فيه

وجودك يكفي

11-19-2009, 06:31 PM

الصفتين إللي قلتيها تراها كفيله إنها توصل للحل
حي ولا يشرب ولا يقبل الزاد
وباقي اشياء في اللغز ماذكرتيها مثل البشاره ومثل الشطر الاخير ليش غفلتي عنه

اللغز أوضح من عين الشمس

فكري يابنت شمر الطنايا وراح تتوصلين للحل
أهم شي العزيمه والإصرار وانا بالإنتظار

وإذا بغيتيني أحله أكتبي بعد ردي هذا وقولي حله

ماعندي مانع

بنت شمرالطنايا

11-19-2009, 06:36 PM

لا لا تحله خلاص بفكر فيه وبسال عمي عنه

وجودك يكفي

11-19-2009, 06:48 PM

طيب طيب انا بالأنتظار وبالتوفيق وانا اخوتس

وجودك يكفي

11-19-2009, 07:57 PM

لجل المحبه مايجي فيها فكك
الاجواد لا قالوا حكم قلنا لكم

عندي راي وانشاء الله يرضيكم كلكم

وش رايكم أرسل الإجابه مع الشرح والتفصيل للأخ إبن ثعلي وإذا كانت الإجابه مقنعه واللغز مليان ومافيه كلام

يكتب أخوي إبن ثعلي لكم في نفس الصفحه هذي
شدوا حيلكم ياعشاق الألغاز ترى اللغز وارد ومليان

وإذا كان إخوي أبن ثعلي يشوف إن الإجابه غير مقنعه واللغز في وادي والإجابه حقته في وادي

يكتب في الصفحه هذي ياعشاق الألغاز عطونا لغز غيره

انتظر رد أخوي أبن ثعلي عشان يعطيني الضوء الأخضر بإرسال الحل له برسالة خاصه

واهم شي وانا اخوك لايكون الرسايل الخاصه يقدر احد يطلع عليها غيرك عشان ما تخرب الشغله

انتظر ردك يا إبن ثعلي في الصفحه هذي عشان اعتمد ارسال الحل لك

شموخ النايفات

11-19-2009, 07:58 PM

وجودك يكفي

اول مره قريت فيها الغز توهقت باسمك عبالي شطر ^_^ قلت شهالغز الي بدايته مفهومه ونهايته لغز <<- يعني بتجيب الحل وخرو عنهاا

انشدك عن حي/ن دخل منزل ابوك
والحي لايشــــرب ولا يقـبل الــزاد
من بعـــدها جــاب البشاره بلا اصكوك
ماهــو بالارض وماسـكن يوم ببلاد

ولـ وجودك يكفي ــد ثابت

<<-- متوهقه بالحل الغز سهل حلو ومفهوم بس صعب^_^

شنو هي البشاره الي يجيبها :)

قواك الله ياولد ثابت
وان شالله لي عود بالحل ^_^

وجودك يكفي

11-19-2009, 08:07 PM

هلا بأختي الجادل
وبالنسبه للبشاره قد صارت وانتهت وكلكم تعرفونها واضحه مره وبشاره فعلا ماهو وصف وحشو في البيت

ولـ وجودك يكفي ــد ثابت
ههههههههه

كويتيه هيلاويه

11-19-2009, 08:10 PM

أُمــي :)

وجودك يكفي

11-19-2009, 08:29 PM

اختي كويتيه مالك لو... ورمعه سماوية

فكري زين وانا اخوتس

كويتيه هيلاويه

11-19-2009, 09:17 PM

والحي لايشــــرب ولا يقـبل الــزاد

8
صـعبـه

وجودك يكفي

11-19-2009, 09:32 PM

8
8
ماهي صعبه أبد!!!

شيخ الشيوخـ

11-19-2009, 09:42 PM

المطر ياولد ثابت

ناصر بن سعدي

11-19-2009, 09:47 PM

لاهنت طال عمرك والله يحييك ونسعد بإنضمامك ..

يأخ وجودك يكفي

والظاهر إن الحل ( الهواء )

وجودك يكفي

11-19-2009, 10:02 PM

مالك لوا ... ياشيخ الشيوخ

اخوي ناصر بن سعدي لي الشرف في انضمامي وأنا اسعد منكم في وجودي معكم

ومالك لوا... ياناصر بن سعدي

شيخ الشيوخـ

11-19-2009, 10:15 PM

بنت المطر

وجودك يكفي

11-19-2009, 10:22 PM

شيخ الشيوخ مالك لوا .. وانا اخوك

إبن ثعلي

11-20-2009, 06:08 AM

عبـ الهيلا ـرود

11-20-2009, 06:49 AM

حياك الله اخوي ومرحبا فيك

يمكن تكون ( الملائكه ) أو ( المبشر بالحلم ) لان فيها بشارة احتمال

وجودك يكفي

11-20-2009, 10:10 AM

إبن ثعلي مشكور على مرورك الكريم

تحياتي لك

عبــــ الهيلا ـــرود

رمعتك تخوف لأنها حول الإجابه بنسبة 90%

صحيح إن المخلوق اللي ماياكل ولا يشرب ولا يسكن في الارض هم الملائكة

ولكن أنا اسأل عن شي محدد بالضبط

شد حيلك وانا اخوك ومابقى شي انت وصلت بنسبة كبيره

ولكن لازم تحدد

احترامي لك ياعبرود الهيلا

إبن ثعلي

11-20-2009, 11:02 AM

الملك جبرائيل الذي نقخ الروح في ابونا ادم بامر ربه

وجودك يكفي

11-20-2009, 11:08 AM

مالك لوا.... ياإبن ثعلي

إبن ثعلي

11-20-2009, 11:14 AM

الملك المكلف بنفخ الروح في الجنين؟

وجودك يكفي

11-20-2009, 11:26 AM

مالك لوا... ياإبن ثعلي

وجودك يكفي

11-20-2009, 11:38 AM

اختي الغاليه حورية نجد اشوفك في نفس الصفحه وأتمنى تشاركين في حل اللغز
مثل ماكنتي تشاركين في قبل في الألغاز إللي كنت اطرحها

وعلى فكره البيت إللي يقول
خذ من ولد ثابت شهادة وتحصيل
فالمهره إللي خاتمتها على )أتها(

البيت هذا ماهو من ابياتي.. هذا من ابيات شقيقي وأخوي الكبير سلطان بن ربيعآن

ناصر بن سعدي

11-20-2009, 11:44 AM

وش رايك فالقرآن ..؟

وجودك يكفي

11-20-2009, 11:51 AM

مالك لوا... ياناصر بن سعدي

وعبرود الهيلا قرب لكم بنسبه كبيره وله نصيب من حل اللغز
وإبن ثعلي حول الدعوى لو يفكر شوي جاب الحل وفقع عين اللغز

ناصر بن سعدي

11-20-2009, 12:07 PM

يمكن يكون الملك اللي يسجل الخير ..؟

وجودك يكفي

11-20-2009, 12:11 PM

مالك لوا... ياناصر

فكروا زين وانا بروح أصلي الفريضه وارجع لكم

فهيد مقعد الرويس

11-20-2009, 12:27 PM

يمكن الملائكه

الي بشروا ابونا ابراهيم عليه السلام باسحق ويعقوب

تحيتي

عبـ الهيلا ـرود

11-20-2009, 01:04 PM

رمعه اخوي فهد الرويس أعتقد هي الاجابه

هاوءلا هم الملائكه الذين زاروا النبي أبراهيم عليه السلام

ورفضوا ان يأكلوا أو يشربوا عنده وخاف منهم النبي ابراهيم عليه السلام

فطمنوه وردوا عليه وهو ما جاء في قوله تعالى (( لاتوجل إنا نبشرك بغلام عليم ))

والمقصود بالغلام النبي إسحاق عليه السلام

وجودك يكفي

11-20-2009, 01:06 PM

يمكن الملائكه

الي بشروا ابونا ابراهيم عليه السلام باسحق ويعقوب

تحيتي

بيض الله وجهك يافهيد الرويس
اجابتك صحيحه

وحبيت اشرح واوضح لجميع من قال إن اللغز صعب وغير واضح

وإذا فيه أي ملاحظه ونقد في اللغز.. استقبلها بصدر رحب واستفيد منها لأني مبتدئ في كتابة الالغاز ..

الشرح::
انشدك عن حي/ن دخل منزل ابوك
الحي هو ضيف ابراهيم عليه السلام وابراهيم أبونا كلنا

وأنا حطيت صفة الحي وماحطيت انشدك عن رجلن دخل منزل ابوك...
لأن لفظ الحي ابلغ بجميع الأحوال

والحي لايشــــرب ولا يقـبل الــزاد

الملائكة لا تأكل ولا تشرب وأبونا ابراهيم عليه السلام قدم لهم عجل ولم يأكلوا منه

من بعـــدها جــاب البشاره بلا اصكوك

هذي واضحه:
قال تعالى:
))وبشرناه بإسحاق ومن وراء إسحاق يعقوب((

والآيات كثيره في القرآن عن البشاره
وكانت البشاره بالكلام ولم تكن بأوراق وصكوك

ماهــو بالارض وماسـكن يوم ببلاد

الشطر هذا واضح وكنت متردد أخليه بالطريقه هذي أو ابدله لأنه واضح جدآ

لأنك بعد ماتقرأ اللغز بتشرحه وتقول::
كائن حي ومخلوق ومايأكل ولا يشرب ويبشر بشي ولا هو في الأرض ولا يسكن في اي بلد!!! يعني في السماء

إذا فكرتوا بالطريقه هذي.... هل فيه غير الملائكه؟؟؟؟؟؟؟؟؟
مخلوقه وفي السماء ولا تسكن الارض ولا تأكل ولا تشرب

أنا كنت خايف من الشطر الأخير يكشف الحل ولكن حطيته لأن أهم شي عندي جمال اللغز وليس صعوبة اللغز

أشكر فهيد الرويس يوم فقع عين اللغز
واشكر عبرود الهيلا على تحديد نوع الحي
وأشكر جميع الاخوان إللي شاركوا معنا في اللغز
واحترامي وتقديري للجميع

اخوكم/
وجــ)ولد ثابت(ـــودك يكفي

ناصر بن سعدي

11-20-2009, 01:49 PM

صح لسانك ياولد ثابت ..

وصح لسان الشاعر / فهيــد الرويس

على حل اللغز ..

وبالتوفيق لك ..

وجودك يكفي

11-20-2009, 01:57 PM

صح بدنك اخوي ناصر وبيض الله وجهك
هلا بك ياعبرود الهيلا وابرك الساعات وجودك في صفحتي
وبصراحه
انا قلت شكل إبن ثعلي بيحله يوم قال أبونا آدم

لكن جاه فهيد وما قصر

الحين مدري وش طريقتكم في طرح الألغاز

إللي يحل اللغز هو من يطرح اللغز أو كيف ؟؟

علموني

ناصر بن سعدي

11-20-2009, 02:07 PM

بالنسبة لـ الألغاز إلى الآن مافيه آلية معينه..

ولكن إذا عندك الغاز حياك الله ..

شارك بها بين الفترة والأخرى إذا شفت مافيه لغز مطروح وباقي ما إنحل ..

وجودك يكفي

11-20-2009, 02:14 PM

ناصر مشكور ياسمي العود على التوضيح

انا بإنتظار أحد الاعضاء يطرح لغز

اخوكم ولد ثابت

بنت شمرالطنايا

11-21-2009, 11:25 AM

مبروك للي حل اللغز

وانتظروني بحط لغز اذا اخونا يكفيني ماعنده لغز

وجودك يكفي

11-21-2009, 12:51 PM

توني قريت ردك هذا يابنت شمر

واتمنى تطريحين لغز وانا اخوتس

بإنتظارك يابنت شمر