سلطان بن محسن
11-16-2009, 07:25 PM
سلام ياأبو حمود عقب البطى طال=وأثره يروح الوقت من دون ندري
البارحه مابين روتين وأعمال=واليوم إجازه والسفر شي عصري
عساك مستانس وإجازتك مدهال=لعلومن أطيب وأنت للطيب وكري
وإن كنت تسألني وش الرآي للحال=وين الديار اللي لها الفكر يسري
إركب على اللي تقطع البيد بالحال=مصنوعتن ماهيب تنقز وتجري
ماكنها إلا الغيم لاجيت بأمثال=وأنا عليها فوق والبيد حدري
سواقها مطنوخ فالجو جوال=سافر وسافر لين ماعاد يغري
جو السفر وأصبح له الجو تجوال=بين المطار وبين تاريخ هجري
ثم إتجه للي لها الناس تنهال=تطلب رضى اللي يشرح إن ضقت صدري
مكه ولا دارن بها الفسق واللال=ثم إعتمر خيرن لك إن قلت مدري
ذكر الله أبدى من تخاريف وهبال=والعمر مره وأعقل الناس يدري
وأنته ترى غالي ومعزتك تنقال=قدرك رفعته وأنت ماأخفيت قدري
إبن الرجال معرب الجد والخال=نصيحتي لك من محبتك تدري
البارحه مابين روتين وأعمال=واليوم إجازه والسفر شي عصري
عساك مستانس وإجازتك مدهال=لعلومن أطيب وأنت للطيب وكري
وإن كنت تسألني وش الرآي للحال=وين الديار اللي لها الفكر يسري
إركب على اللي تقطع البيد بالحال=مصنوعتن ماهيب تنقز وتجري
ماكنها إلا الغيم لاجيت بأمثال=وأنا عليها فوق والبيد حدري
سواقها مطنوخ فالجو جوال=سافر وسافر لين ماعاد يغري
جو السفر وأصبح له الجو تجوال=بين المطار وبين تاريخ هجري
ثم إتجه للي لها الناس تنهال=تطلب رضى اللي يشرح إن ضقت صدري
مكه ولا دارن بها الفسق واللال=ثم إعتمر خيرن لك إن قلت مدري
ذكر الله أبدى من تخاريف وهبال=والعمر مره وأعقل الناس يدري
وأنته ترى غالي ومعزتك تنقال=قدرك رفعته وأنت ماأخفيت قدري
إبن الرجال معرب الجد والخال=نصيحتي لك من محبتك تدري