بنوتة 055164

[راكان العصيمي]

بسم الله الرحمن الرحيم

السلام عليكم ورحمة الله وبركاتة

من زمان وانا انقهر من هالحركة لكن الان اشوفها اصبحت قضية وليست حركة

انحطاط شباب بشكل كبير (لاتقولون ابالغ عارف فية شباب مثالي و...و... إلخ ) لكن هذه شريحة اكبر

فهذه القضية لم تعد في منطقة محدده بل في كل مكان الحجاز ونجد والشمال والجنوب وفي كل مكان في المملكة

وهذا دليل على عدم كونها تختص بفئة معينة من اهل الوطن

بصراحة حينما ننتقل من منطقة الى اخرى ونغير المساجد التي نصلي بها

فأصبحت اكثر من ثلاثة ارباع المساجد مستندات لأرقام الفتيات

ففي كل مسجد عند الوضوء في دوراة المياة الاحض مايزيد عن اربعة او خمسة ارقام للبنات

ولكل فتاة اسمها او صفة وكثيرة الالقاب التي اخجل من ذكرها هنا

وما ادري ايهم الأكبر ذنب الفتاة التي رضت على نفسها ام الشاب الذي اصبح يكتب الارقام في هذه الاماكن

بصراحة هي قضية والي مثلي كثير سفر يتاكد انها كبيرة جدا وليست بتلك البساطة


(شبابنا وبناتنا من جرف لدحديرة )

الله المستعان

[المباركـــي]

الله يهدي شباب وبنات المسلمين ـوجزاك الله الخير على الموضوع الرائع

[اصايل]

يعطيك العافيه راكان



تعددت الاسباب والموت واحد


الله المستعان نسأل الله الهدايه والسلامه


مانقدر نقول الا الله يهديهم



جزاك الله خير

[شيخ الشيوخـ]

المراهقه وقلة الوعي وعدم الخوف من الله

والسبب الاول رقابة ولي امر هذا الولد او هذه الفتاه

[خيّال الهيلا]

آي والله .. والله يكرم الجميع .. كل ماتدخل دورات مياه ..
ياعلى الباب .. ياعلى الجدران .. بتحصل ناس ترقم وناس تسولف وناس تشتم..

ومستغرب من هاللي يكتبون !!
يعني هو وش مصبّره يقعد في ذاك المكان .. علشان يكتب ..

ماهو بس حكر على المساجد .. ايام المدارس وايام الجامعات .. نفس الوضع..
هي ظاهره عامة .. لكن لأن للمساجد قدسيتها .. على الأقل يهتم بنظافة كل زواياه ..


مدري عن السبب .. لكن تأكد انها نقص تربية بالمقام الاول.. وتفكير عشوائي منهم..
ويصل بمجمل الأمر لتصرفات دنيئه .. واشكل..
لأن من يقدم على كذا تصرفات .. توقع منه اي شي ممكن يحصل..

وبالأخير ندعيلهم بالرشد والهداية ..
عسى الله يصلح حالهم لأفضل

[راكان العصيمي]

حركات المدارس وجدرانها هذي معروفه من الكبت النفسي والتقليد


والمهايط حط تحت خطين


اما المساجد ارى انه لايوجد له مبرر وارقام البنات خص

والبعض يكتب ذكريات


والي امر من يكتب دعاء الخروج من الخلا داخل الخلا ويكتب اسم الله


فهو وقع في جرم كبير ان كتب اسم الله في دورات المياه

[ابوسـعد]

موضوع جيد للنقاش وهذا ما يمكن ان يطلق علية ثقافة الحمامات تلك الثقافة المنطلقة من ثقافات التخلف المعشعشة في عقلول بعض الشباب او غيرهم من كبار السن وصغاره وقد اخبر الله عنهم في كتابه العزيز من انهم يحبون ان تشيع الفاحشة وهؤلاء بين الله عقابه عليهم في الدنيا والاخرة...فلا تقلق ايها الاخ العزيز فالله لهم بالمرصاد وإن غابوا عن اعين الرقابة الانسانية فلن يغيبوا عن المراقبة الإلهية..ويجب على مراقبي المساجد الذين بستلمون رواتب على عملهم ان ينبهوا جهات الاختصاص من اجل حل الموضوع وهو ليس صعبا فوجود ادوات تنظيف في المساجد والاماكن الاخرى مثل المدارس وغيرها يمكن ان يقضي على هذه الظاهرة السيئة على المجتمع والفرد.اللهم اهدي الضال عن جادة الصواب ووفق الجميع لما يحب ويرضا..وياهلاااوسهلااااااا

[فديت عتيبه]

استغفرالله .. شالله حادهم
و بعدين للآسف حتى بحمامات (وانتوا بكرامه) الكليـات نفس الطريقه اسماااء شباب .. و ارقامهم .. وصفهم ..

واهم شي ولد فلوس .. صج صج شر البلية ما يضحك .. ولا اللي ترسم قلب حب شكبره على الباب ... بحمرتها (بالروج) .. مسكينه .. حيل انغــرت ..

و اللي بصبغ الاظافر تكتب حروووووف ..


بصراحه مادري شلوون صايـرين .. مادري تخلف .. ماادري .. الحضـاره اللي يقولونها < جعلنا ماعرفناااهااا دامها بتسوي فيهن جذي ..!!!

بالاخير اقول عافانا الله من ما بلاهم ..

والله لا يجعلنا منهم :)

[ساحر الكلمه]

تحياتي يالغالي

الأمر خطير ويدل على نقص في الوعي الديني والثقافي ....

الشباب يمر في مرحلة خطيرة ... نقص في الوعي الثقافي من جميع النواحي ديني وجنسي

موضوع جميل وياااهلا


السااااحر

[الشامخ$]

بسم الله الرحمن الرحيم
السلام عليكم ورحمة الله وبركاته
الحقيقة تعبنا من هالموضوع كثير وهو الشخبطه على الجدران وما ادراك ما الشخبطه على الجدران ؛حتى ان بعض علماء ا لنفس قالو انها حالة نفسيه ولابد من ان يمارسو هوايتهم على الجدران ؛لاوبعد سوو لهم اماكن وصبغوا لهم الجدران علشان يمارسون هوايتهم عليها
لو اعطوهم اقلام وقالولهم حلو واجباتكم مهوب اصرف:59:0000؟؟