حطها فالقلب

[سلطان بن محسن]

حطها فالقلب والا فالظهر=مابقت تفرق معاي ولاتهون
إطعن بخنجر صدودك وإستمر=كم عليك القلب يغلي وإمغبون
السبب قلبي عن أوهامه ظهر=وأمنياتن كانت أول ما تكون
رح في حالك وإعرف إني كالنصر=لو يطيح إسنين يرجع للفنون
دامه اللي واقف بوجه البحر=مايزعزع خطوته موج وظنون

[صاحبة السموـو]

رح في حالك وإعرف إني كالنصر:34:
لو يطيح إسنين يرجـع للفنـون

رآئــــــــــــعه جدا تسلم والله

[سلطان بن محسن]

أنا لو خانني حظي عليم الله ماأتغير=ولو خانوا حبايبنا أنا وقلبي بنرضاهم
لأن الحب يملكنا وله في وقتنا معنى=عسى كل البشر تفهم معاني الحب وتساهم
ترى كلمة أحبك سهل ننطقها ونكتبها=ولكن قل من يفعل بهالكلمه وهو فاهم

[سلطان بن محسن]

ماعاد لي فالهوى يالصاحب الغالي=وإن جيت للحق قلبي يعلن التوبه
مالي ومالك ومال الجرح ياسالي=مالي ومال الهوى والصد وذنوبه

[سلطان بن محسن]

محتاج لك مانيب محتاج للورد=كل الورود إفغيبتك ماأبيها
البعد صيف وشوفتك يالغضي برد=وأمطارك اللي لي زمان أحتريها

[سلطان بن محسن]

أنا والله ماخنتك ولافكرت في فرقاك=تجي دنياي بأحلامي أو تسافر بأمانيها
أنا باقي على وصلك وحبك شي مايخفاك=عساك إتدوم لي شمعه تنور عين راجيها
جفاف الوقت علمني كيف أشتاق لك وأظماك=تخيل غيمتن مرت على الظامي يخليها
تعال الطيف في عيني وإمسح دمعتي بلقياك=عيونك للحزن فرحه بيوم العيد أسميها

[سلطان بن محسن]

مشتاق لي وإلا نسيت الحب وهذيك السنين=مشتاق لي وإلا نساك الحب وعداك العتب
مشتاق لي وإلا طواك اليآس وعلمك اليقين=مشتاق لي وإلا لغاك الحلم في ساعة غضب
يامن لك بقلبي جروحن تنزف بقلبن حزين=تعزف عقب صدق المحبه صوت وألحان وطرب
تراك لوك في عيون الحب آخر من يبين=وتراك الأكثر في حضورك بس مبعدك المهب

[سلطان بن محسن]

مرتاح بوجودك وبغيابك أشقى=ياسيدي خلك من القلب للعين
لو كل دمعن يجرح الخد يرقى=محدن بكى فرقا القلوب البعيدين

[سلطان بن محسن]

لا يطـــــــول الإنتظـــــــار00

عــــــــــود ياذاك النهار

مـــــــــابقى فالصيف نسمه00

ولابقى فالبـــــــرد نــــار

لا يكون الإعتذار كلمتن لك بإختصار

لاتقـــــول إنا إنتهينـــــــا00

دام بكره به نهار

[سلطان بن محسن]

قلت ويــــــنك يـاحبيبي00

قال أنا وش هو نصيبي

قلت الوفاء وصدق العهد00

قـــــــال مـــــايمك أحــــد

[سلطان بن محسن]

وش الجـــــديـــــد00

إن كان مافالحب عيد

وش الجـــــــديـــــد00

إن كان ماذاب الجليد

تعبت يالبرد أرتعد

شبيت ظوي وإرتعد

الكون من حولي فضى 00والحزن في سطري قصيد

وش الجـــــديــــــد00

واليآس والهم أصدقاي

محدن سهر ليله سواي

والدمع من غابت 0000

في ناظر حزنن أكــــــيد

وش الجديد0

[سلطان بن محسن]

إذبح إلصبري جفاك وسمني=دامني مشتاق للطرف الحنون
ودامك اللي مع زهرك تشمني=كثر الله خير عطرك يافتون
عن نزيف الجرح وصلك لمني=وإستفاقت بك مشاعر ماتخون
من يقول إن الجروح تهمني=لو جلس وسط الحشاء جرحك يمون

[سلطان بن محسن]

ليتك تحس إشكثر قلبي يحبك=ليتك تعيش اللي حبيبك يعيشه
إحساس ماعمري وصفته لقلبك=حبن خلا من زود صدك وطيشه

[سلطان بن محسن]

آسف تعبت من الرجاء يامهاتي=أخذت من وقتك على غير حاجه
أنصفت حبي لك ولاأنصفت ذاتي=مقدر على جو الغياب ومزاجه
كم لي وأنا أرجي داعي الوصل يآتي=ماشفت غير البعد يعصف عجاجه

[سلطان بن محسن]

حب الوطن في خافقي ماله قيـاس=أرضن ربيت إبها وغيمن سقاني
أنا السعودي والفخر لي عن الناس=وقت النشب سيفي على كل جاني
إما طلعت إبمطلعن يرفـع الـراس=أموت ولا ينقال عني جباني

[سلطان بن محسن]

لا تضايقني بترديد الوداع=لن مالي قلب يفهم ماتقول
الوصل خله بقدر المستطاع=والرسايل خلها نصف الحلول

[سلطان بن محسن]

ليه الوصل لاصرت غايب من سنين=وليه الوفاء لاصرت راعي خيانه
أنا أعتذر ماني على خبرك الحين=مبغى عقب ذيك الإهانه إهانه

[سلطان بن محسن]

أحباب أنا وياك لكننا أغراب=أنته جنوب الدار وأنا شماله
إما تعال وخلنا نصبح أقراب=وإلا بجيك وقلتها لك سهاله

[سلطان بن محسن]

الوطن له في فؤادي منزله=ماتقارن بأي منزل يافهيم
دوك قلبي ياولد دوك إسأله=كل شبرن وسط قلبي له عظيم
ماأجمله في وسط عيني ماأجمله=من رياض المجد إلى حوطة تميم
حاجته عندي وأنا محتاج له=حاجة الجوعان لأصناف النعيم

[سلطان بن محسن]

ياحبيبي من متى ظني يخيب=قلت لك دون الوصل مليون باب
مات حلمي ماعقب حلمي نصيب=مابقى لي فالعمر غير العذاب
السهر والدمع ودروب الغريب=ياسفر عمري على وين الذهاب
وين أبلقى عقبك إلجرحي طبيب=لو نزف جرحي كذب من قال طاب
البلى إنه ماعقب بعدك مغيب=غير شمس العيد وأيام الشباب

[سلطان بن محسن]

بالله ياليل
بكــــره أبيــــــك إتعــــود
بسهــــــر معـــــاك إسنيــن
بحلـــــم مــعـــــاك إليــــــن
قــــــلب الخلـــيل يجــــــود

بالله ياليل
دام السهــــــر مــــافــــاد
حتـى القمـــــــر ماطــــــل
عــل وتــــــرى وياهــــــل
هل يصــــــدق الميعـــــاد

بالله ياليل
دام الجــــــروح إكــــــثار
تعـــال نتقـــــاسم ألـــــــم
تعــــــال نتقـــاسم قلــــــم
ونكتـــــب شعـــــورن ثـار

بالله ياليل
لا تتــــــرك المجـــروح
لك فالنظـــــر مـــــوعد
تعــال وإستوطنه وإقعد
وإلا إستـــر المفضــوح

[سلطان بن محسن]

من كل مدح وراس مال وجماهير=من كل كآس وكرنفال وبطوله
هذي قصيدة حب لأعتى الأساطير=للي له بكل البطولات جوله
تاريخه المجد المبجل وهو إصغير=بسط له دروب النصر وإهتفوا له
إن قلت غير الناس ماجد فهو غير=وإن قلت ماجد ماحدن صار حوله
تسعه ومن يدري عن التسعه يحير=يحير في لعبه وفنه وقوله
تشهد له الألقاب وألقابه تثير=حقيبة العذال واللي نووا له
قاد النصر لدروب نصر وتباشير=نصره ملت كل القلوب وعنوا له
وقاد الصقور الخضر فأعتى الدواوير=لين إرتفع شآن الصقور ؤوفوا له
شعبيته تطغى على كل تقدير=كنه ملك وأهدافه جنود دوله
حبه وحب الشعر والبنت والطير=حكايتن فيني وأنا فالطفوله

[سلطان بن محسن]

الجرح يكبر والزمن غير عادي=والوقت مافي حضرته غير الأنذال
والرمعه اللي ماتجيب الوكادي=تضاربوا معها صدوقين الأقوال
والغايب اللي راس ماله ينادي=أكل عليه الوقت من طول الأميال
عزلت من دنيا الهوى والبعادي=لوي أخذت بدار الأحباب فنجال

[ملاك]

الجرح يكبر والزمن غير عادي=والوقت مافي حضرته غير الأنذال
والرمعه اللي ماتجيب الوكادي=تضاربوا معها صدوقين الأقوال
والغايب اللي راس ماله ينادي=أكل عليه الوقت من طول الأميال
عزلت من دنيا الهوى والبعادي=لوي أخذت بدار الأحباب فنجال


أسمح لي بــ هـ الطلهـ

أعجبني حــيل ..

[سلطان بن محسن]

مــــلاك الله يحييك نورتي بتواجـــــدك

مشكــــــوره على مرورك العطـــــر

[سلطان بن محسن]

ياللي بعيد وخافقي منك محروق=متى المطر يحيي جفاف الصحاري
ماعاد فيني للصبر عزم وعروق=والحلم مايقبل سنين إنتظاري
مانيب ظافر بك ولانيب مفهوق=بين الحزن والجرح واليآس داري
ناج الرفيق اللي يناجيك بالشوق=وإلا بلاش من التعب والمساري

[سلطان بن محسن]

بغـداد ياصوتـن حزيـن ينـادي=بغـداد صوتـك فالظـلام يعـادي
بغداد من لا حـس فـي حرمانـك=ماهـوب لامسـلـم ولابـغـدادي
بغداد يـا دمـع العيـون الغالـي=ساد الألم والأمـن ماقـد سـادي
متى يعرفـون العـرب وجهتهـم=درب العرب من وقت ماضي غادي

[سلطان بن محسن]

الشعر ماهو بس فكره وتعبير=ومسابقه فيها سمير وسميره
الشعر له مع صادق القول تصوير=شاعر يخبط به وشاعر يديره
وأنا كتبته من وأنا عمري إصغير=وأقدر على نظم البيوت المثيره
ربحت به إسم ومبادئ وتفكير=وخسرت به ليلة وصال الأسيره

[سلطان بن محسن]

حي هالطله عقب طول الغياب=أنورت كل المداين وأسفرت
حي زولك حي صوتك يالسحاب=رحبت بك نجد غنت وأمطرت
والله إن الظن بك مايوم خاب=ناسي اللي تفرح بصدك سرت
عاد خلك جنب خلك يالرحاب=ضيقتي لاغبت عني مرمرت

[سلطان بن محسن]

لا والله إلا هجرني طيب الذكري=لا والله إلا دموع الحزن منثوره
لا والله إلا سريت ومن بغى يسري=لا يلتفت لي لعله يبعد إشبوره
البعض يدري لكن البعض مايدري=مايدري إني محبن مخلص إلنوره
من يوم غابت وأنا من عقبها مزري=كني كفيفن يدور فالدجى نوره
الليل مظلم وعاده ينتظر بدري=لو الدروب إلوصال النور محظوره
والصد حاجه غريبه والتعب حصري=والناس لامت ولامت بس محقوره
ياذا الفرح مابقى لك يوم في عمري=ويا ذا العمر حدنا بك فالزمن دوره
الحزن يسكن في عيني ويحطب صدري=ويشب ناره في قلبن رمد إشعوره
واليآس دمعه وسالت والشقى عمري=والضيق مايقتنع بإني على شوره
والعاذل اللي ذكر عصري قبل فجري=ليته ذكر ماضي الخلان وزهوره
لو مانزف جرح قلبي مانزف حبري=ولا قلت ياحضرة القيفان مشكوره
شكرن على الصدق والأشواق ياشعري=وشكرن على الجرح والحرمان يانوره

[سلطان بن محسن]

ياحبيبي بلاش من التعب والغرابه=دام دربي عقب صدك غموض ومخاطر
منت مثلي أسير وقلب غصن وصبابه=الهوى لابسن جسمي وكلي مشاعر
شاعرن ماتصاعبت السهر والكتابه=شف كتبت إلك ماحز بخفوق ألف شاعر
كل ماصغت فيك من القصايد عجابه=صفقوا لي جماهير القصيد الأكابر
وأنت لوك تصفق له وتحسب حسابه=كان خجلت على سكب الدموع المحاجر
أتعب البعد حيل اللي يحبك وشآبه=يومه أيس شعورن بالغدر وأنت غادر
غبت ماكن لك خلن غيابك عذابه=والبلى إنه يبيع إلخاطرك ألف خاطر
تعشق أبعد مسافات الجفاء والصلابه=كثر ماأذكر مواعيد اللقاء وأنت هاجر
عاد أنا بكتفي من زود ظلمك وأجابه=إنتصر قلبي المجروح وإلا أنت خاسر

[سلطان بن محسن]

صابر وأنا في ناظري حلم ودموع=صابر وتركض بي مسافات عمري
صابر وتقهرني مسافات ووجوع=ماغير أرددها ولا قست صبري
عجزت أولع دنيتي ليله شموع=تعبت أشوف الشيب وأقول بدري
راح العمر وأنا على الدرب مقطوع=أكبر ويكبر بي مع العمر كسري
تعبت أشيل الحزن والضحك ممنوع=تعبت أرد الآه لأنفاس صدري
تعبت أقول الشعر من غير موضوع=كذا قصيده لاطرى الشوق تطري
مشتاق أنا وأظمى من الشوق وأجوع=أظمى وصل سيد حياتي وعمري
مشتاق أنا وألمح من الشوق ينبوع=فإن ما وصلته قربوا بس قبري

[سلطان بن محسن]

روايع الشعر يكتبها الخيال وتذاع=يقولها اللي عشق طبع الوفاء للعشيق
فيها من الدمع مايغرق عيون الوداع=وفيها من الوصل مايثلج ضلوع الرقيق
وأنا كتبت القصيد اللي يسمى شجاع=اللي يشابه شعاعن فالسماء له بريق
ماقد كتبت أي بيتن فيه لون إصطناع=بيتن ماأحسه مصيره ياورق للحريق
والشاعر اللي مايبرز من ورى إسم وذراع=ويخاف الإعلام ماله غير يرقد ويفيق
شاعر وبيني وبين الشعر دوم إجتماع=وأشفق على اللي ينافس بالقصيد ويضيق
طموحي آصل على القمه وأفك الصراع=وطموحي أدخل قلوب الناس مثل الشهيق
وطموحي الصدق لا جاء للصحيح إنقطاع=وطموحي الزود عن شاعر كبير وعريق
وإذا بغيت إنك إتطاع إطلب المستطاع=وأنا أستطيع أقلب أبياتي خصوم وفريق
هجومه أقوى من الإسبان وأقوى دفاع=وجمهوره بكل صوب وكل دار وطريق
وإن قلت مالك ياسلطان العتيبي شعاع=قلت الوعد شاعر المليون وأنته صديق
صوت وكرر لي التصويت في كل ساع=عل السعودي يقدم للوطن مايليق

[سلطان بن محسن]

ودي أعرف شي واحد

ليه قلبــــك دوم جاحــد

حتــــى يومنـــه يبينـــي

هامــــلن قلبـــي وباعــد

ليـــن جيتــه فيني عبــره

فيني شـوق وفيني قــدره

قلت تشبهنـــي بغـــرامي

قــال مـــاودي إنتشـــابـه

[سلطان بن محسن]

سنه مرت وكانت آخر دقيقه من فرح

كانت آخر شمس تشرق في عيـــوني

كــانت أول مرحلــه تصـــدق معــــي

كـــانت مولـــدي كانت آخـــــر سنــه

ألتقـــــي فيهــا بـــــرفيـــق أجــــودي

كـانت سنه لكنهـــــا بعينـــــي عمـــر

قضيتها مابين طفل ومـراحل شبــاب

لين صــــرت الشــايب اللي يحتضـر

مــــن عـــقبــــهـا مــــابــــه عمــــر

[سلطان بن محسن]

يمكن أكون بدنيتك شخص عادي=لكنك أنت بدنيتي كل حاجه
وأعز وأغلى من عطيته ودادي=وأكثر بني آدم علي إبتهاجه
تبقى حبيب الروح رغم إبتعادي=وأبقى على حلمي وكيف نتواجه

[سلطان بن محسن]

ظلمتني وأنا أحسبك أعدل الناس=وأشقيتني وأنا أحسبك راحتن لي
وأنا هويتك صدق من دون مقياس=أبعد عن الحاجه ودرب التسلي
بديت فيك الحب والحب له ساس= وحبن على غير المواصل يعلي

[سلطان بن محسن]

مشتــاق إلقانا مشتاق إلوصــل

يانجم بسمانا أشعـل لي الأمـــل

من عقب إحتوانا وسامرنا الملل

عطر الشوق جانا وأنعش ماذبـل


يانشـــوة غرامي ياعطـــر الندى

ياهمس بكلامي ياقـــرب المــدى

لك القلب ظامــي ولك كلي فــدى

قدر لي إهتمامي أنا عاشـق سـأل


قــرب لي يدينك وش لك بالجفــاء

خذى القلب زينك معاهدك بوفــاء

من بارق جبينك ترى جوي صفاء

الله لايــهينـــك قـــــرب نحــــتفل


عاهدني بوصالك وأعاهدك بمثـل

ماترخي إحتمــالك ولا قلبي يمـــل

يذكرني ســـؤالك يصــدق مايــزل

مــــادامه في بـــالك حبي لا تـــذل

[سلطان بن محسن]

ياأميره بالحسن دوك الغزل=من روايع شعري الجزل الأديب
أعشقك ماهو لأجل بس الوصل=لأجل كلن يعرف العشق العجيب
في قصيدي كل بيتن لك محل=وكل حرفن في قصيدي لك حبيب
إحتريني تو نجمي ماأفل=صبح شمس العيد للصايم قريب

[سلطان بن محسن]

تبين الصدق يادانه مسميك البحر دانه=أنا من وين لي دانه بدالك وأستميت إبها
أحبك قلتها مدري وذاع القلب وجدانه=ولأني مالقيت إلا المشاعر أستنير إبها
كتبت إلك القصيد اللي يميل الورد لأغصانه=إلى مني كتبته في عيون الريم أجاذبها
حشى مافيه غيرك لو عيوني فيك حيرانه=هلا باللي عيوني ماتشوف إلا مطالبها
علي الحب والمذنب يموت ومانسى أحزانه=وأنا ماأذنبت في حق الحياه اللي أواكبها
أحبك كلمتن غنى عليها الحب وأزمانه=من أول يوم يحفظها لآخر يوم يكتبها
عشقتك عشق مايعرف دروبن سود عميانه=دروبك ماتساهلها لكن ماتصاعبها
عشقتك كن مافالكون غيرك بنت خجلانه=جميله في محاسنها أميره في مذاهبها
لعل الحظ مايقفي ويبقى دوم بألوانه=وأعيش إلك السنين اللي بقت من عمر حاسبها

[سلطان بن محسن]

حنيني والقسى نفس الشعور وخافقي مرتاب=شكى طول الغياب ولا حصل له فالأمل بارق
حزن كل الدموع اللي بعيني والفرح كذاب=نساني خلي القاسي وكنت برحلته صادق
سفر كان الوصل بيني وبينه والطريق إعتاب=رحل وإستنكرت كل الشوارع دمعي الغارق
وفيت وكانت حروف القصيد من الغياب أسراب=عنيت وطالت دروب الغريب ومدمعه زارق

[سلطان بن محسن]

بوجـودك أرقـى هامـة المجـد وأعـتـز=بك ياسبب فرحي ودنيا غناتي
يـاأبـوي دونــك خـافــق الـحــر مـافــز=ومن يوم شفتك فز قلبي وذاتي
قام يتماسك من عقب عارضن هز=يارب تحفظ طلته في حياتي
سـلامــتــك يــارايـــة الـطــيــب يــاعـــز=يامجد تحكيه السنين الرواتي

[سلطان بن محسن]

أبشرك ماعاد قلبي يناديك=ولا عدت مثقال الحزين وشعوره
كبحت سرعة خافقن كان يبغيك=لو انصدم في حبك وذاق جوره
صحيح حبيتك وحبيت غاليك=وبليت في عشق التمام وظهوره
لكن مايمنع إذا صرت أناجيك=وأنته بدون إحساس نفسك جسوره
أودعك وأقول ربي يجازيك=ماعاد لك ياطاري الحب دوره