يقولون طالعين نقنص :)

[mis7al]

السلام عليكم ورحمة الله وبركاته

صباحكم / مسائكم ... ورد

انا حاب اطرح عليكم موضوع بصراحه مستغربه واتوقع الكثير مثلي بيستغربونه ولا اقول الكل

اعجب من بعض الشباب الذين يحملون انفسهم العناء ويستخدمون مصطلحات تذهب بالمخيلة الى مدى بعيد ... فأحب ان اذكر لكم موقف حصل لي قبل فترة

اجتمعت مع شباب كانوا ينوون الذهاب في رحلة صيد وكانوا يتحدثون عن اسلحه ناريه " رشاشات " ذهبت بي المخيله الى صيد الغزلان او كحد ادنى الارانب فوافقتهم بالذهاب معهم
واتفقنا على يوم محدد نلتقي فيه ..... حتى ما يزعلون اخواننا بالمحميه خارج السعوديه :)
اجتمعنا وبدأنا الرحله ........ لا يوجد معنا سوا العزبه وطلبت منهم ان نتوقف لنتزود باطعمه خلال فترة تواجدنا خارج الرياض فأخبروني بأن كل شيء سيتوفر والصيد كثير جدا لدرجة انك لن توقف سيارتك الا وانت " قانص مايكفي " فسرنا والله معنا هههههههههههههههه

صرخ احد الشباب ولازال صراخه يدوي بأذناي .......... ضب .. ضب ... ضب هههههههههههه
ضحكت وقلت له " اول مره تشوف ضب "
نزل من السياره مسرع ليخطف الضب ويقوم بتقبيله .. ثم قال هذا اول الصيد!!
اوقفوا السيارات ونزلوا جميعا ثم قالوا هنا سننصب خيمتنا ونزلوا جميعا وانا في ذهول
فالمكان الذي نتواجد فيه لا يوجد به صيد كما من ما انا اعتقدهم ذاهبون اليه
تفرقوا واذا بهم يأتون حاملين معهم كم كبير من الضبان

هل هذا ما يسما قنص او صيد يستلزم حمل الرشاش او يستلزم العناء او هل فيه من المتعه والتشويق ما يدعو للعناء لاجله

وقتها اقول " يازين الفول والخبز اليابس وكاسة الشاهي البارده " <<< ذكروني بالحارثي

ما اعتقده ان ايام الجوع والقحط هي التي فرضت على السلف اكل الضب ولكن الان ؟؟؟؟ ونحن ننعم بكل مالذ وطاب

قد تكون رسالة وصلتني بالايميل عن شباب من قبيلة ما يصفون خروجهم لما يسمونه قنص وشرحهم المفصل لتلك الرحله بالصور هو ما دعاني لكتابة هذا الموضوع وسرد القصه

شباب خرجوا ليصطادوا " النيص " ويتفاخرون بكبر حجمه وطريقة صلخه وطبخه بطريقة الحنيذ
وتقديمه للأكل
وما يثير الاشمئزاز وصفهم للذة طعمه

مع كل احترامي للأذواق
مجرد وجهة نظر

اخوكم مشعل

[ރالزيــاديރ]

انا ناقد عليهم وهم يمسكونه

اترك عاد ياكلونه



لاهنت مشعل

[شيخ الشيوخـ]

يارجال مالقينا شي نصيده وش تبون نرمي ام سالم ؟؟ ماتسوى علينا ياخي

نروح نستانس ونرمي قح قح وناكل الثروب

شكلكم ماجربتوها مع التمر

[اصايل]

يم يم ضبان وثروب





وازين شي لاصدت المكون وكان فيها بيض ههههههههههه



/


وراهم معنين نفسهم بالرشاشات


اقربلهم الشكمان :)

[بنت شمرالطنايا]

صراحه وربي قرف من يشوف الضب يقرف منه

نفسي اعرف كيف يجيهم نفس يمسكونه وياكلونه اسم الله على الفضل

انا احيان اشياء من الذبيحه ما اكلها عشان اكل لي ضب

واللي يقهرك اللي يقول نجربع وربي ودي اثور فيهم

الناس تصيد الحباري الغزلان وهم ضبان وجرابيع

الله يهديهم والناس اذواق

يعطيك العافيه
اختك بنت شمر الطنايا

[اصايل]

افا يابنت شمر


كلش الا الجرابيع لاتطوفك وهي مشويه :)

[ރالزيــاديރ]

<<<يناظر بأصايل

[مآتبآدلنآ آلعطآ]

صراحه انا دخلت الموضووع ولا بغيت اعلق ..

بس من شفت رد بنوته قلت لازم ارد ...

انا مثلها وربي مااكل لا لحم ولا دجـآآج من شفت اهلي يقطعونها بالبيت عشان يطبخونها وانا اكرهها حسيت بقرف وحرمت نفسي منها وحامت كبدي

وشلوون عاد ياكلون ضبـآن وجرابيع وعععععععع و ( ثروب ) << نفسي اعرف وش هالثروب ..

اسفه ع الاطـآله ,,

[اصايل]

واصايل تبي تطلعهم للقنص :)


مولمه عزبتها وازهلوا الباقي :)

[اصايل]

ماتبادلنا العطا


اعلمج باجر وشو الثروب


بايااااااات :)



كني اشوف صاحب الموضوع يبي يصكني كف :59:


اسفه اخوي الكريم ع المداخلات بس بجد عجبني الموضوع

متنفس رائع :)

[بنت شمرالطنايا]

افا يابنت شمر


كلش الا الجرابيع لاتطوفك وهي مشويه :)

وع اسم الله على الفضل انا اكل هالاشياء هذي اللي يديم النعمه

انا لبن الغنم وروب الغنم ما اكله >>>تكتب وهي متقرفه من الكيبورد تخيل المنظر هههههههههههههههههههههههه

[اصايل]

عاد لابغيتي الصدق


والله ان لبن الغنم يجنن :) ونهكة الصميل يمي يمي :)


لا عاد الصميل مااشرب منه بس يحطون فيه شي يسمونه دباغ يطلع نفس طعم الصميل


واحبه اكثر من لبن البقر ومن البان المصانع (( كني اشوفكم تقولون وش هالبدويه :)


وش تقصدين بروب الغنم ؟؟


لايكون الاقط والا الزبده :)

[مآتبآدلنآ آلعطآ]

ماتبادلنا العطا


اعلمج باجر وشو الثروب


بايااااااات :)




اووك يااصول ...

<<< تمووت وتعرف وش الثروب :151:

[mis7al]

صباحكم ورد

شاكر لكم جميعا مشاركتي بالموضوع

اول انا حاس اني طحت في مقلب بالرحله اللي ذكرتها لكن الحين الحمد لله اللي طلعت معهم ولا طلعت مع شيخ الشيوخ واصايل هههههههههههههههههههههههههه شكل اول بحث اجروه على قوقل " ضب "

مع اطيب تحياتي

اخوكم مشعل

[اصايل]

هههههههههههههههه


ومن قالك انه من قوقل :)


انت بس جرب تقنص معنا وشوف :)

[بنت شمرالطنايا]

عاد لابغيتي الصدق


والله ان لبن الغنم يجنن :) ونهكة الصميل يمي يمي :)


لا عاد الصميل مااشرب منه بس يحطون فيه شي يسمونه دباغ يطلع نفس طعم الصميل


واحبه اكثر من لبن البقر ومن البان المصانع (( كني اشوفكم تقولون وش هالبدويه :)


وش تقصدين بروب الغنم ؟؟


لايكون الاقط والا الزبده :)


وربي عارفه انه فيه فايده احسن من المعلبات بس وش تقولين بها النفس

اعرف الصميل عادي كلنا بدو انا خويتي ما تاكل ولا تشرب الا لبن الغنم مستحيل تشرب اللي من البقاله لو تقطعينها بس انا نفسي شينه وانتقائيه بالاكل

لا يابعد حيي الروب هو الزبادي او الخاثر يقولون له اهلنا

لا الاقط الاهو البقل اموت عليه مع التمر وزبدة الغنم بعد احبها بس خاثر الغنم واللبن سوري لو يقطعوني ما اذوقهن

[mis7al]

البنات قلبوها " صميل " ... اتوقع بيقلبونها بعد شوي فساتين ومشاغل

ضب ضب الله يرحم والديكم ههههههههههههههههههههههههههههههههههههههههه

[اصايل]

بنات خلاص معاد اللي وجه ارد


فشلنا الرجال :)


فمان الله

[بنت شمرالطنايا]

هههههههههههههههههههههههه مشعل عادي عشان ياخذ موضوعك ابعاده >>>ليش موضوع سياسي هههههههههه

اصوله ما يخالف ردي عشان نستفيد منتس >>>انتي وش دخلك

سوري اخوي مشعل اذا ضايقناك

[mis7al]

لا عادي فلوها بالنهايه انا ضيف على المنتدى لاني مو عتيبي

[بنت شمرالطنايا]

لا عادي فلوها بالنهايه انا ضيف على المنتدى لاني مو عتيبي

بالعكس محنا ضيوف حنا اهل المنتدى حتى لو ما كنا من عتيبه انا اعتبرهم هلي ولا ما كان سجلت عندهم وحسيت اني وحده منهم من اول ثانيه وانت اكيد نفس الشعور تحس فيه

[فديت عتيبه]

اي شي ..


بصراحه .... اوكي نركض وراه ونلعب ونستانس .. اما اني اصيده واكله وييييييييييييييييع اي شي


>> من شاف صوره وصورة امعاءه حامت تسبده


:(

[نايف تراحيب]

تعوذو من الشيطآن


وكل شي في وقته حلو خلو لين يجي وقتهآ

ثم انا اول من راح يخليكم تحبون الضب

يالربع ماهو عشانه فالبر واموره غير

لا بالعكس ترون له نكهه غير طبيعيه وبعدين على حسب الي يطبخه

اذا والله ذويق وطباخ اكيد ماراح تملون وتقعدون تقولون وع ومدري وش

وبعدين الثروب ياللذيذ يارآيق شي غير طبيعي خاصتن إذا غلق الصحن وقعدت تلحس بصبعك << - - يبي يكرهكم :)


انتضرونآ اذا جاء وقتها ببعض المقاطع وبعض الصور


ودي

[الناااايف]

لا عادي فلوها بالنهايه انا ضيف على المنتدى لاني مو عتيبي

هلا بك يامشعل
وما دام انت في هذا المنتدا فانت واحد من عتيبه

لكن يأخي ما عاد فيه صيد في المملكه الا ضب او جربوع

والدعوى ماهو في الاكل !!
الدعوى سعة صدر واناسه وتعلم على الرمي وتحدي ومن هالقبيل

على ان اكل الضب له نكهه خاصه

ياخي انا اغلبية الزملاء من قبيلة شمر
وطلعت انا وياهم رحلة قنص ضبان
اول مره ما اكلوا منها نهائياً ولا تقبلوها
لكن الثانيه جربوها
والان هم اللي يلحون عليّ للقنص

[شيخ الشيوخـ]

ميه ميه يا اصايل
وتبين رايي لاتعلمين بعض الناس عن الثروب


بس عاد رشاش مره وحده قويه يامشعل رايح اصيد عجل انا !!!

خرازه ورصاص ستينقر واتنهينا

وابو ارنب انقطع



وبعدين الضبان هذي وقت الطفره ماتدرون النزل القماري والبط هذي المتعه وقت الامطار


ودامك تقول انا ضيف على العتبان اجل لااازم تقنص معنا ونوريك الصيد ونوكلك من العكره ومن الثروب


تراهم يسموني في الديره ( القناص ) كل رصاصه بضب

[ابــ عــتـب ــو]

الصراحه حبيت موضوع القنص
الضب احلى شي فيه العكره يا الربع انا اصيد بالبندقيه اربع رصاصات في ضب :28:
بنت شمر الطنايا ويا فديت عتيبه انصحكم باكل العكره
والله يعيطيك العافيه يا mis7al

[فديت عتيبه]

بو عتب من يديك .. باكلها .. >> اوهقك هع


اترك عني :(


عكر ابك ماكليتوه كذـاا اكــلوو كذيــا

[غلا الجعده]

<<< حامت كبدها توها متغديه

وععععععععععععععع اصايل يا متوحشه تأكلين ضب << لاعاد تكلميني <<< لا ياشيخه تكفين

يعطيك العافيه مشعل

[بنت شمرالطنايا]

الصراحه حبيت موضوع القنص
الضب احلى شي فيه العكره يا الربع انا اصيد بالبندقيه اربع رصاصات في ضب :28:
بنت شمر الطنايا ويا فديت عتيبه انصحكم باكل العكره
والله يعيطيك العافيه يا mis7al

الله لا يقولها اصلا وانا اقرا الموضوع متقرفه انا اللحم اللي فيه شحم اخاف المسه عشان اكل الاشياء هذي

والله لو وش ما يصير مستحيل اشوفه وهو حي يمشي عشان اكله لا مستحيل خلوه لاصايل هي تحبه وشيخ القناص

[أميرة الورد]

ياااااربي لك الحمد ... ضب :52:

الله يديم النعمه بس ... شكله يخوف من بعيد يبال أباكله :37:

أتوقع الثروب : هو الصوص اللي يحطونه على الضب بعد طبخه
يعني مرقة الضب ... :85:

أخوي يعطيك العافيه على الموضوع المرعب
<<< أكتشفت أن فيه ناس خطيرين عندنا بالمنتدى يآكلون الضب ... يـمـــه :107:

[فديت عتيبه]

وانا من اليوم افكر الثروب شنو ............ اجل طلع صووص خخخخخخخخخخخخخخخخخخخخخخخخخخخخخخخخخخخخخخخ


والله يالبدوان فـله

[أميرة الورد]

وانا من اليوم افكر الثروب شنو ............ اجل طلع صووص خخخخخخخخخخخخخخخخخخخخخخخخخخخخخخخخخخخخخخخ


والله يالبدوان فـله


فديت عتيبه ترى ماأعرف الثروب بسلامته وش يطلع :)

هذا توقعي أنه صوص :85:

ليت الناس اللي تبخص هالمخلوق المرعب تعلمنا وشهو الثروب
وشهو هذاك اللي شسمه المكنون مدري الكنون ...:36:

[اصايل]

هههههههههههههه


الله يرجكم ضحكت من ردودكم


اجل الثروب الصوص يالمايعه يااميره


بنات انتم خلو القنص علي وبس

خاووني واوريكم شلون تحبون الضب وتعرمشونه بعد هع هع


يمي يمي اشتهيت الحين مجبوس ضبان (( احلفي :)

[اصايل]

المتسون (( المكون))) انثى الضب للي يسأل وماعرف ينطقها بعد :) (( ماتقصد اميره



الثروب

احشاء الضب مدري امعاءه واااااي ياحلوها :)





لاتصدقونها حامت كبدها :)

[أميرة الورد]

المتسون (( المكون))) انثى الضب للي يسأل وماعرف ينطقها بعد :) (( ماتقصد اميره



الثروب

احشاء الضب مدري امعاءه واااااي ياحلوها :)





لاتصدقونها حامت كبدها :)



ياتسبدي تسبداه
الله يديم النعمه:52:
وآخرتها طلع الثروب أحشاء المرعب (( الضب ))
أصلآ من سمعت اسمه ثروب وأنا غاسله يديني منه ومنكم بعد هع هع :36:
أصايل وش عرفني بها الطلاسم وأنا أختك
حدي وريداتي وزهوري وبس :107:
ايه تفضلي هذي لك

ثروب الورد هع هع :151:



http://up.arab-x.com/Oct09/ipE80878.gif

[اصايل]

وشلون عرفتها


اجل ماتدرين اني راعية مقانيص :)



مشكوره ع الورده


وهديتي لك ضب زي القمر *_^

[بنت شمرالطنايا]

المتسون (( المكون))) انثى الضب للي يسأل وماعرف ينطقها بعد :) (( ماتقصد اميره



الثروب

احشاء الضب مدري امعاءه واااااي ياحلوها :)





لاتصدقونها حامت كبدها :)

عارفه ان المكون انثى الضب مره قريتها بموضوع فكاهي وعرفتها

اما الثروب تخيلتها شي نفس الضب تاليتها طلعت الاحشاء على قولتنا المعاليق

يابعد حيي انا معاليق الذبيحه ما ذقتهن عشان معاليق ضب

[مآتبآدلنآ آلعطآ]

وععععععععععع

الثروب طلعت احشائـه ...

ياتسدي تسبدآآآآآه ....

اصايل بجد شلوون تاكلينهـآ ....

>>> حدها متقرفه ,,

[م الرويس]

ضبان و مقناص <<<<<يا قدمي عنهم

اليوم ذكرني هالموضوع بالماضي و بعد احد الزملاء يوم درى اني عتيبي قال وش رايك نطلع مقناص >>عرف من يختار

بس عاد اكل الضبان خلاص ماعاد لنا كبد لها بس للنظر و عدم الاقتراب >>كبدي قامت تلوع هههه

رد اختي اميرة بخصوص الثروب ههههههههههههههههههههههههه توحفه
تحياتي لكم