وين عتبان نجد

[راعي الطيب]

سلام الله سلام اللي عزم نفسه على العتبان=وجاهم مع طلوع الشمس من قبله على بعيره
يقولون العرب ذكر الحيا وطيبين يبان=وانا بنشد عن الثنتين من ديره ليا ديره

[كــــآتــم المـــــعنى]

لاهنت يا راعي الطيب وإن شاء الله راعي طيب

والله يقدر من يرد علاك ويجيبه

وحياك بين ربعك يالقرم

[نايف تراحيب]

هلا يامرحبا ترحيبة الشجعان ياذيبان = اقوله بالنيابه عن هل البيت ومساييره

انا اشهد بين وواضح ياراع الطيب للعربان = ولاأحدٍ يجحد اهل الطيب لو كثرة مشاويره

[راعي الطيب]

يدوم إلك البقا والله يقوي معزب الضيفان= ورجلٍ في محله حافظٍ حقه كثر خيره
لوإني يالعتيبي لي عتب واضح وانا عتبان= عليكم كيف تنكر في حقوق الجار والجيره

[نايف تراحيب]

نبا نلعب ونستانس ولا فينا حدن خسران = وراع الطيب جاء لافي ولا نقبل احد غيره

تعال وهات ماعندك وأخذ الحق فالميدان = ليا جبت الدلليل اليوم نرسلك عنه سيره

[راعي الطيب]

نبا نلعب ونستانس لكنك تكسر القيفان= يانايف بيتك الثاني ألا ياقو تكسيره
انا لاجبت لي حجه على الحجه معي برهان= ألي يومين قدم البيت ماشفنا لكم نيره

[نايف تراحيب]

اضنك ماتشوف الهمزه ولا تفهم العنوان = وبعض الناس اضنه يشرب الببسي مع البيره

دخلت ورحبو بك ربعي وقالو من الضيفان = هلا ياضيفنا الي حافه الوقت ومعاصيره

[راعي الطيب]

اشوف واعرف المعنى وأعرف اعدل الاوزان = واصخر قاف ما قبلي حدٍ قادر بصخيره
تركد ياعميلي واحفظ الحبه على النيشان = وكسر البيت واضح لا تحاولي بتبريره

[نايف تراحيب]

ياراع الطيب دعوانا ترا ماهيب فالحسبان = سقط حرفً من الأحرف اكرر لك معاذيره
ولاكن المعاني باقيه مافيه احد غلطان = نضغط مانضغط عية إتدقدق ازاريره



تراني كتبت تعال وهات ماعندك واخذ للحق فالميدان

[راعي الطيب]

ههههههه معذور

صح لسانك وتشرفت بالعب معك ويعلم الله ماسجلت عندكم غير من غلاكم عندي

والدعوى مزوح ولنا لقاء
تصبحون على خير

[نايف تراحيب]

هلا بك ياراعي الطيب وحياك في كل وقت

وخلك قريب يامال الغناه الأيام الجايه

ابيك في طاورق


:)

[احمد العصيمي]

صح لسانك كلام ماشاء الله تبارك الله عليه