المساعد الشخصي الرقمي

مشاهدة النسخة كاملة : للأذكياء فقط!!!!!

النجم الأصيل
10-06-2009, 10:59 AM
إلى عنده قوة ملاحظة؟؟
شالغريب إللي تلاحظون في هذه القصيده..!؟




دققوا جيداًً 100% يوجد بها شيء غريب..!!



للأذكياء فقط





اول كـلام الله عــلام الاســرار*** العالـم الاول علـى كـل معهـود
له السما مع الوطـا وكـل ماصـار*** و له الملا ركـاع والكـل مـردود
الواحـد المحـمـود لـلـدور دوار ***امره مطاع وكامل الصـح حاصـود
سلط عصى موسى على كـل سحـار*** وأوصى المسامع كلهـا لحـس داوود
درس المـدرس للمـلا در محـار*** والدارس السامع له العلـم ممهـود
حلو الكـلام لمسمـع الكـل هـدار ***حامـل دروس وحللوكـل مـورود
وطعم العسل على السحل هد الامرار*** كاس الحلى مع واله الطعم مـردود
ولم السطور وسطرهـا وحطهاعـار*** على معـد الطلـح لاصـار لاهـود
دار الدهر لاهل الوطا وللعلا سـار*** دام المسامـع مالهـا حـكـم رادود
المـدح وارد للهوى مهـو محـدار ***واحمل مـوده دوم لمسلهـم السـود
واهل المـوده والهـوى دوم سهـار*** الكل سارح ماعـس الهـم موعـود
لولا الهوى مارح حلو الكرى وطار ***ودمع المدامع والسهر مالـه حـدود
حوى وكاد سهوم سـوده لهـا كـار*** والاسر صار لكامـل الـدل ماكـود
ولد الملوح دمـره حسـم الاعمـار ***وللروح طالع سلـم الهـم صاعـود
عصر الاحد مر المولع على الـدار*** سلم وعدى والامـل صـار مـردود
دار الحوار ومـد للـروح مسمـار*** مسمار هم الـدور للـروح ممـدود
صار الوداع وهل دمعه كاالامطـار*** كما المطر لاهل مع حـس راعـود
معصوم وحدود الموده لهـا اسـوار*** وسور الموده والهوى ماهو مهـدود
وصلوا على المرسل عددكل ماسـار ***على الرسول اعـداد ماعـد عـادود
شيخ الشيوخـ
10-06-2009, 12:28 PM
اللي لاحظته ان كل شطر يحتوي على خمس كلمات
رشيد الكسر
10-06-2009, 01:44 PM
والله الغريب اللي انا لاحظته انه كرر القافيه ( مردود ) ثلاث مرات

وبعدين ياشيخ الشيوخ فيها ابيات تحتوي على ست كلمات
النجم الأصيل
10-06-2009, 01:53 PM
شيخ الشيوخ

رشيد الكسر
ما اصبتوها
ركزوا تمام
شموخ النايفات
10-06-2009, 04:42 PM
اول كـلام الله عــلام الاســرار***
له السما مع الوطـا وكـل ماصـار***
الواحـد المحـمـود لـلـدور دوار ***ا
سلط عصى موسى على كـل سحـار***
درس المـدرس للمـلا در محـار***
حلو الكـلام لمسمـع الكـل هـدار ***
وطعم العسل على السحل هد الامرار***



ان شالله اني من الذكياء الي فهمته
ان كل شطر والي تحته بكل عمود قصيده بروحه نفس الابيات الي نزلته :28:
النجم الأصيل
10-06-2009, 07:38 PM
ركزوا تمام

شموخ ركزي
إبن ثعلي
10-06-2009, 07:54 PM
الاحظ ياالنجم الاصيل انها خالية من النقط في عموم بيوتها
وتحياتي لك
النجم الأصيل
10-06-2009, 07:57 PM
الاحظ ياالنجم الاصيل انها خالية من النقط في عموم بيوتها
وتحياتي لك

جبتها يامديرنا الفاضل بيض الله وجهك

لك مودتي
شيخ الشيوخـ
10-06-2009, 08:09 PM
مشالله عليك يابن ثعلي

قاااااايل لكم معه شهادة خبر من الثعاليه اهل المحاني
الشهاده هذي اصعب من جامعة اكس فورد:151:
إبن ثعلي
10-06-2009, 08:23 PM
اذكر الله ياشيخ الشيوخ
النجم الأصيل
10-06-2009, 08:29 PM
ابن ثعلي مدرسة الله يطول بعمره
شيخ الشيوخـ
10-06-2009, 08:37 PM
هههههههه
ذاكرن الله رح واقر:151:
مانيب نضول ياشايبنا
رشيد الكسر
10-06-2009, 09:07 PM
يازاحم العضياني

ملاحظين من البداية انها بدون نقط ولا هو بغريب انها بدون نقط
ناصر الفراعنه له 100 بيت بدون نقط ولا هو بغريب الشي هذا

لاااااااااااااهنت ومشكور


تقديري وجل احترامي

رشيد الكسر
اصايل
10-07-2009, 12:31 AM
اقول يارب ماحلوه ناويه اصيرمن الاذكياء


بس سبقني ابن ثعلي :)


لاهنت