نزف خاص :::::

[رشيد الكسر]

:::::::::::::
:::::::::
:::::
:::
::



ياصاح قلبي صاح ماهو بمرتـاح
مرمي له برمحين لا عشرة ارماح
من واحدٍ عينه ليا سلهمـت لـي
عدّي طريح فراش بي سهمها طاح
والخد نوره ساطعٍ ماله اوصـوف
اللا كما برق السحايـب ليـا لاح
والعنق يشدي عنق ريمٍ شـرودي
من ظلها تجفل وتجفل من الضاح
والخشم ماله وصف غير المهنـد
سيفٍ وياكم منـه راحـنّ الارواح



::::::::::::
:::::::::
::::::
:::
::


.

[رشيد الكسر]

:::::::::::::
::::::::::
:::::::
:::::
:::
::



الشعر ادب وامثال ماهو روايات = يامدعين الشعر لا تظلمونه
خلوه لاهله ياصغار المقامات = ماتعرفون الشعر لا تكتبونه
يموت من احيا ويحيا به اموات = ويخلد الشعار ويخلدونه
الشعر من وقت العصور القديمات = تاريخ لاحداث العرب يحفظونة
ماهو بمثل اللي تقولون هيهات = عنكم بعيد ومثلكم مايجونة
نثر وقصص واللا سواة الخطابات = خالي من الشعر وروائع فنونة
هذي قصايدكم على كيف ماجات = ماهي بشعر اللا عليكم مهونه

:::::::::::
:::::::::
:::::::
:::::
:::
::

[رشيد الكسر]

:::::::::::::
::::::::::
:::::::
:::::
:::
::



ياضعيف مايكبرنا لقب = الجنازه قد سبقني وقالها
عزتي لك يوم مثلك ماتعب = جت له الدنيا على احسن حالها
قالو ان الراس مايرجع ذنب = وانا اقول اليوم مثل اذيالها


:::::::::::::::
::::::::::::
:::::::::
::::::
:::
::

[رشيد الكسر]

:::::::
:::::
:::
::
:


انا قلبي همومه زايداتي = من الحب ودروبه ومااباتي
ذبحني صاحبي بالحب واقفى = عليه دموع عيني ذارفاتي

[رشيد الكسر]

نور القمر في خدها والشعر ليل = وفي صدرها شمسٍ كواني سناها

[رشيد الكسر]

كثير الناس مايدري وش اللي يذبح العشاق = ولاقد جربوا مثلي ولا عانوا معاناتي

[رشيد الكسر]

آه ياقلبٍ تولع في ثريا = قلبي وفكري مع النفس اعشقوها
النحر كالشمس والخدين ضيا = تذبح العشاق لامن ناظروها
والعيون وساع والاهداب فيا = الكحل مااحتاجته لو كحلوها



..
..
..
..
..
..
..

[رشيد الكسر]

من وصايا لقمان لابنه


يا بني : ما ندمت على السكوت قط .
يا بني : اعتــزل الشر يعتزلك ، فإن الشر للشــر خلق ..
يا بني : عود لسانك : اللهم اغفر لي ، فإن لله ساعات لا يـــرد فيها سائـــلاً
يا بني : اتخذ طاعة الله تجارة تأتيك الأربــاح من غير تجـــارة ..
يا بني : لا تكثر النوم والأكل ، فإن من أكثر منهما جاء يوم القيامة مفلسا من الأعمال الصالحة ..
يا بني : بئراً شربت منـــه ، لا تــــرمي فيه حجــــــراً ...
يا بني : عصفور في قدرك خير من ثــــور في قدْر غيرك ...
يا بني : شئيان إذا حفظتهما لا تبالي بما صنعت بعدهما دينك لمعادك ، ودرهمك لمعاشك .
يا بني : إنه لا أطيب من القلب واللسان إذا صلحــا ، ولا أخبث منهما إذا فسدا .
يا بني : لا تركن إلى الدنيا ولا تشغل قلبك بها فإنك لم تخلق لها ..
يا بني : لا تضحك مع عجب ، ولا تسأل عما لا يعنيــك ..
يا بني : إنه من يرحم يُرحم ، ومن يصمت يسلم ، ومن يقل الخير يغنم ، ومن لا يملك لسانه يندم ..
يا بني : زاحم العلماء بركبتيك ، وأنصت لهم بأذنيك ، فإن القلب يحيا بنور العلماء .
يا بني : مررت على كثير من الأنبياء فاستفدت منهم عدة أشيــــــاء :
يا بني : إذا كنت في صلاة فاحفــــظ قلبك .
يا بني :وإذا كنت في مجلس الناس فاحفظ لسانك ..
يا بني: وإذا كنت في بيوت الناس فاحفظ بصرك ..
يا بني: وإذا كنت على الطعــام فاحفظ معدتك ..
يا بني : واثــنــتـــان لا تذكرهمـــا أبدأ : إســـــــــــــاءة الناس إليك --- وإحسانك للناس .

[رشيد الكسر]

هيه ياللي علينا ماتسلم = وش بلا خاطرك قلي وش بلاه
والله ان القلب من حبك تألم = ياحسين الوصف قلي وش دواه
لا طريت بخاطري كني مبلم = ومن نظرني قال هذا وش دهاه

[رشيد الكسر]

،،،،
،،،
،،
،




هاتيه قلبي عقب اخذتيه هاتيه = وش لك بقلبي كله احزان وهموم
عليه من جور الزمن مايكفيه = واخاف منك يصير هالقلب مسموم

[رشيد الكسر]

....




الله ياقلب العنا وين اوديك = تعبت منك وخاطري منك ملّي

[رشيد الكسر]

سبحان الله


سبحان الله وبحمده

[الجادل المطيري]

يعطيك الف عافيه اخوي رشيد

وقول لك صح السانك

[رشيد الكسر]

،،،
،،
،


بالله قلي وراك مسافرٍ برّا = الناس في هالشهر لأم القرى تسافر
دقيت ادورك واسئل عنك وتْحرّا = لكنّ وضعك غريب وربنا الغافر


،،،
،،
،

[رشيد الكسر]

المشكله ياابو فهد صكة الباب = ماهي بزينة في حقوق الرياجيل
وانته رجل عاقل وتفهم بالالباب = الوضع مايحتاج ليّات تآجيل
الاوله راحت ولا جاب الاسباب = وترك كثير الهرج والقال والقيل

[رشيد الكسر]

وصفه ليا جيت اوصفه ويش ابا اكتب = ماينوصف وصفه ولااحدٍ كتبّه

[رشيد الكسر]

يامل قلبٍ واهج الشوق جاحه = والصدر فاح وخافي السد باحه
والعين تسهر ليلها ماتنامه = حتى يغيب النجم واشرق صباحه

[رشيد الكسر]

مريت مع دربي وكنت متعديه = ابو الطبوع اللي سواة الغنادير
ماكنه اللا البنت لاشفت اشافيه = طبع العذارى مثّرِ فيه تاثير
ودك من الساحه تشوته وتخفيه = ماهو رجل لاشك ياناس خنزير

[رشيد الكسر]

فأيامك البيض تلقى عشرة اصحابي = وفأيامك السود يمكن ماتحصلهم

[رشيد الكسر]

.......



هاض الضمير وجاوب الورق بالحان = ورقٍ غناه يهيض اللي يغنون
لاعيْتهن بالصوت والقلب مليان = وفيضت عن جاشي هواجيس وشجون
ياهل الهوى ماعاد لاهل الهوى شان = ضاع الوفا فالحب لا لا تحبون
بين الوفا والحب ياناس شتان = في جيلنا هذا وجيل ٍ يبا يجون

[رشيد الكسر]

انا لاضاق بالي قمت اغني = اوسع خاطري لو ضاق باله
هواجيس الشعر يمي يجنّي = واقول الضيق انا مالي وماله
الا يالشعر بك ماخاب ظني = نقولك يالشعر في كل حاله
مع الاحزان وان جينا نهني = بكل مناسبه يلقى مجاله
بدعت القاف انا من صغر سني = ورثته من ابوي ومن خواله
ولي عوب القوافي يخضعني = على معنى وترتيب وجزاله
اصخرهن معي مايصعبني = ووزنٍ ماكسرنا فاعتداله

[رشيد الكسر]

هذا انا ياصاحبي مثل ماكنت = لازلت احبك ماتغير فؤادي
جننتني بالحب حتى تجننت = واهيم بك في كل وادي وانادي
ارفق علي شوي بشوي لاهنت = احرمتني شربي ولذة رقادي

[بنت أبوهآ]

^^

.:] كنت هنا [:.

[رشيد الكسر]

^^

.:] كنت هنا [:.


اهلا وسهلا

حياك

[رشيد الكسر]

ياابو نجر لو شفت من شفتها اليوم = والله لتشعل وسط قلبك هيامه
محجر وردف وعنق والصدر مزموم= وليا مشت ماكنها اللا حمامه
زولٍ يهيض كل عاشق ومحروم =ارفع لها عقالي واطش العمامه
اصبحت مما شفت ياصاح مهزوم = منها الكسر كنّه تكسر عظامه
ليت البلد ياصاح ماهو بمحكوم = اخذتها لو دونها اشهر حسامه
لو كانت بعصرٍ مضى كان ياقوم = اخذتها بيومٍ تزايد عسامه

[رشيد الكسر]

..


هذي ثلاث ايام والرابع اليوم = لا شفت لك جره وقلبي خذيتيه
من ليلة اشوفك جفا عيني النوم =ياام القوام الزين عقلي سلبتيه
رمح الهوى لاصاب يابنت مسموم = وعلاجه انتي وانتي اللي رميتيه

[رشيد الكسر]

النار في صدري لظاها توهج = لين احترق قلبي وماتت عروقه
اصيح محدٍ يسمع الصوت واخلج = والعين طعم النوم عيّت تذوقه

[رشيد الكسر]

ماني بميت ياكثير المعاذير = ان رحت واللا جيت ماهو بهمي

[رشيد الكسر]

راحت وقلبي بين الاضلاع منهوب = واصيح باعلى الصوت قلبي نهبتيه
واقفت وخلتني جريحٍ ومصيوب = ومن شاف حالي عقبها قال ابرثيه