يابدر الزيادي تقدم

[شاعر المرأه]

يابدر الزيادي صرت شاعر وموهوب .. وانا ارشحك يابدر شاعر قبيله


بعد لبسوك البشت يابدر والثوب .. تشيل الحمل والاماتقدر تشيله ؟

[ناصر بن سعدي]

إخــوي

شاعر المرأه ..


صح لسانك..


ومبدأء كايف .. وبإنتظار بدر إذا يلعب محاورة ..


وبإنتظاركم ..:)

[كان موجود]

الله الله يا شاعر المرأه
بدايه قويه وموفقه بأذن الله
وبأنتظار المبدع الموهوب بدر الزيادي
وانا اعلن وقوفي في صف الزيادي ولا تهون يا شاعر المرأه
و على القوه ..

[ރالزيــاديރ]

جديد بعالم المحاوره

ولابأس نتعلم منكم


هلا ياهلا باللي له اخلاق واسلوب
يصوغ المعاني والمعاني جزيله
انا لك وعندي لك مشاوير ودروب
ومتني مسخر للحمول الثقيله

[كان موجود]

^
^
كفو كفو
لا والله منتب جديد وهذي بدايتك
صح لسانك
واشهد بالله ان له اخلاق واسلوب ومميز دائما شاعر المرأه


وينك يا شاعر المرأه

[نايف تراحيب]

كفو كفو كفو


بالثنين وانا اشهد انك يابدر شاعر وموهوب ودكتور شعر بعد


الليل الليل


الصف ثابت مع الزيادي



هلا ياهلا باللي له اخلاق واسلوب // يصوغ المعاني والمعاني جزيله

انا لك وعندي لك مشاوير ودروب // ومتني مسخر للحمول الثقيله



الليل الليل


ياشاعر المراءه

[الرائــــد]

صــح اللــه ألســـنتكم

وانا شهـــد أنكم جزلــــين


واصلــــو بالجـــزل تكفــــون

[شاعر المرأه]

انا خابرك طيب وخابرك محبوب .. ولكّن ماارضالك حياة الفشيله


اخافك تشيل العفش والعفش منكوب .. تضيع القوايل فالدروب الطويله

[ރالزيــاديރ]

^
^
كفو كفو
لا والله منتب جديد وهذي بدايتك
صح لسانك
واشهد بالله ان له اخلاق واسلوب ومميز دائما شاعر المرأه


وينك يا شاعر المرأه


كفوك الطيب ياماهر

وصح بدنك

[ރالزيــاديރ]

كفووك الطيب يانايف

لاهنت

[شيخ الشيوخـ]

ابشيل صف الزيااااااااادي


يابدر شد حيلك يالشاعر الموهوب

[كان موجود]

الله الله الله الله

ياسلام وياسلام


يالله يابدر وينك ..

[ناصر بن سعدي]

بدر × محمد


صحة ألسنتكم ..


واوصلو ,,

[كان موجود]

^
^
حدد صفك الله يرضى عليك :)

[ރالزيــاديރ]

احسبك تجيب العلم والعلم محسوب
ولكن خايف واكتشفنا حصيله
تراعد عظامك خوف والعلم مكذوب
علومك تراها كلها مستحيله

[» عبدالعزيز «]

^
^
http://www.rwa3.com/vb/images/sm/yaqaher.gif


صصصصحة السسسنتكم

متابع لكم

[الرائــــد]

هـــالله هـــالله

صـــح اللــــه ألســـــنتكم

واصلـــــــو

متـــابع

[شاعر المرأه]

بعد جيتنا فالسوق يابدر مجلوب .. انا كيف ابقول الك مافيك حيله

ياراع البضاعه طالبك فيه مطلوب .. أبحط له دكان واكسب فضيله






لكل الحضوووور منورين الصفحه وصفي وصف العملاق بدر واحد

[كــــآتــم المـــــعنى]

الله الله


محاوره رائعه مع بزوغ النجم الجديد على ساحة منتدانا

وبالتوفيق يا شاعر المرأة ويا شاعرنا بدر

[ރالزيــاديރ]

شيخ الشيوخ

ناصر بن سعدي

عبدالعزيز

الرائد

سيف


لاهنتوااااا جميعآ

شاعر المرأه لست عملاق بحضورك








لقيتك في وسط السوق مضروب بالطوب

وانا كاسبن كل العلوم الاصيله

ياشاعر لميس الوضع فالسوق مقلوب

يقولون يحي مايخلي خليله

[شيخ الشيوخـ]

لااااااااااااااااااحول الله

ههههههههههههههههههههه


والله خطير ياجماعه




بدر صح لساااااااانك وننتظر شاعر المرأه

[شاعر المرأه]

يابدر الزيادي صارت ذنوبك ذنوب


تبيع العنب والاتبيع البليله ؟؟


بعد مازرقك الرمح واصبحت معطوب


تقاضى عميلن يابدر من عميله

[ރالزيــاديރ]

شيخ الشيوخ صح بدنك

شيخ الشيوخ لاتخليني اخذ مقلب ثم اطلب المدير واكويه







اجيبك وابيعك بعد ما امسيت منهوب

هذا وضع من يبغي الزيادي يجيله

ترى الرمح في نحرك ولاانته بمحسوب

وعزي لحال اللي علومه هزيله

[شاعر المرأه]

لكل من مر على الصفحه حضوركم شرف



بدر الزيادي صح لسانك وبيض الله وجهك يعطيك العافيه ماقصرت






تحيتي للكل

[ރالزيــاديރ]

صح بدنك يامحمد ووجهك ابيض يالغالي تشرفت بهذه المحاوره مع شاعر مثلك وتعلمت منك



ومشكورين جميعآ على الحضور..


تحياتي لكم

[شيخ الشيوخـ]

شيخ الشيوخ صح بدنك

شيخ الشيوخ لاتخليني اخذ مقلب ثم اطلب المدير واكويه
هههههههههه قدام يابدر دق سلف وحطني على اليمنى
انت متأكد من قدراتك بس اخاف توهقنا وناكلها !!!!!
وصح لساااااانك ولسان خويك شاعر المرأه محاوره ممتعه
وكل عام والجميع بخير

[ناصر بن سعدي]

محاورة جميلــه ..

تقبلوا متابعتي ,,


وفالكم التميز :)

[إبن ثعلي]

صح السان الشاعرين ولا هانوا المتابعين وماشاء الله عليك يالزيادي اثرك شاعر ومندس ما احد درى عنك من طول هذه المدة
وتحياتي لكم