ياتتأهلون بمستوى مشرف والا مانبى التأهل وهذا اللى صار ..لعلها درس لاعداد جيل جديد مبكر للمنتخب

[البارق]

باختصار

اشوف التأهل ماهو وقته الحين وزين ماجاء التأهل الغير مشرف



الجميع شاهد التصفيات
وان المنتخب لايستحق التأهل للمونديال


انتظركم وبعدها اكمل اللى عندى

[اصايل]

الناس في رمضان وهم يطاردون ورى الكوره :)


اكره المباريات (( داخله هيك

السموحه :)

[البارق]

تصدقين

والله ماتابعت الا اخر ربع ساعه

ومثل ماقلتى حرام والله تضييع الوقت فى هذا الشهر خاصه بارك الله فيك وفى قولك

[ރالزيــاديރ]

هذه المباراة ستبقى في ذاكرة السعوديين

بصراحة المنتخب البحريني كان يلعب بدفاع متكتل جدآآآآ بالشوط الثاني والكل لاحظ

هجومنا مهزله

بصراحة افتقدنا راس نايف هزازي فقط لانه لا يبدع الا في هذا المجال

عند التكتل الدفاع البحريني ارى ان العرضيات هي الحل الوحيد لخلخلت المدافعين

ياسر لم يكن في الفورمه وكذلك مالك وناصر الشمراني

الوسط كان نور هو الحاضر فقط

وكانت طريقة المدرب غبيه جدآ ثنين سنتر دفاع وتطلب من الأظهره عدم الرجوع مع الكره

ارى انها مجازفه

ماتشالا مدرب البحرين استفاد من عدم رجوع الاظهره ولو لاحظت ان الهدف جاء من عكسيه

وكانت طريقة اللعب البحريني على الهجمه المرتده من الجوانب لانها خاليه تماما من الاظهره

بس صراحة لمن جاء الهدف السعودي وصل معدل الابتهاج 100%
وماهي الا دقيقه لينزل تحت الصفر كان بالنسبة لي احباط شديد انكسر الريموت على اثره

كان هدف المنتشري اسمه ((هدف التاهل لكاس العالم))وسيبقى في ذاكرة التاريخ

لكن سرعان مااتت الممحاه ومحت هذا اللقب الجميل من سجل المنتشري




شطحه/:

كان اخوي مشاري يقول ماراح يجيب الهدف الا منتشري ماخلص كلمته الا والمنتشري يحرز الهدف

وراح للمطبخ يشرب مويه ويقول ايووووووه ياحبيبي يامنتشري وجاء الهدف البحريني وهو باقي بالمطبخ يوم رجع يقول ماقلت لكم الهدف لمنتشري...طالعت فيه ماابي اقله لاني حزنت عليه سكت وجلس الرجال وقال اشفيهم البحرينيين:confused:

قلت:جابوا هدف:85:

قال:ياعقووووووووبة خار...........:)

كانت اخلاقي مقفله بس اسلوبه يوم قالها خلاني اضحك غصب

يالله الجايات اكثر وبالتوفيق

شكرآ على اتاحة الفرصه للفضفضه

تحياتي لك

[اصايل]

ضحكت على البرايفت (( الشطحه ))


:)


بغيت اسألكم انا كل ماقلبت على الرياضيه القى المحللين والمذيع وكلبوهم يتهاوشون شوي ويطقون بعضهم


هم دايم كذا والا على وقتي :)

[ރالزيــاديރ]

اصايل ماشفتي تحليل المجلس الرياضي

تلازموا مرره وبغوا يتضاربون


لاعادي تحصل كثير

[اصايل]

ياربي لك الحمد


مره لقيت مقطع في منتدى وفتحته ولقيت واحد مااعرف اسمه هلالي وقاعد يسب في واحد


واللي قباله (( خصمه يعني )) يقول لا لا اسمحلي حنا ماحنا كذا ولا تكلم في فلان هذا انسان محترم ومدري ايش

والمذيع الكمخه ماعرف يسكتهم لو سمحت ولو سمحت وهم ماعليهم من احد :)


ياويلي من البارق


السموحه ياخوي لقيت مجال وقلبتها سوالف ((احذف ردودي لو بغيت عادي ترى :)

[ناصر بن سعدي]

مشكور إخــوي البارق ..


وكل من قدم مستوى يستاهل نتائج مستواه ..


وحظ أوفر لـ منتخبنا السعودي ..

[البّدر]

"

دام راس الهـرم موجود ولاوده يترك الكرسي ماتوقع نبني جيل جديد ..
منتخب المجاملات .. واعداد الفريق المدلل ..
لن تقوم قائمته الين ترجع التشكيلة الاساسية للاعب الافضل والابزر .. !!

بالنسبة لي مازعلت كثير .. كثر ماتكدرت على ردة فعل شعوب انتظرت المنتخب السعودي
يخسر علشان تتشمت فيه وتطول لسانها على لاعبيه .. !!
دنيا .. عقب ماكان ماجد والثنيان ومحيسن .. ونجوم زمان يدقونهم خمسات وستات ..
ويكسرون رؤوسهم صار صوتهم عالٍ .. :52:

http://www.youtube.com/watch?v=6-DRLAQHY0g

معلق قناة البحرين .. " الشيعي " يدق بعد هدف التعادل .. !!! :151:

الاسباب الرئيسة لـعدم التأهل ..
- فرص ياسر القحطاني الاكثر خطورة وسهولة .
- اصابات لاعبي الاتحاد .
- الخطط العلمية المدروسة " كل مرحلة بـ مدرب "
- المجاملات والمحأباة .
- دعوات منصور البلوي .
- تخاذل وتقاعس من اللاعبين خوفا ً من السنترة في كأس العالم .. !!



http://www.up-ar.com/uploads/images/Up-Ar-7714535c80.jpg

باقي عشر ثوان ولاانتم قادرين تدافعون ياكديشش .. :59:



هاردلك يالبارق .. وان شاء الله يشرفنا الاتي في الاسيوية ويتأهل لكأس العالم ..


:cool:

[الملكي]

يعطيك العاافية على المجهوود

ولااهنت

[ރالزيــاديރ]

الاسباب الرئيسة لـعدم التأهل ..
- فرص ياسر القحطاني الاكثر خطورة وسهولة

هجمة ياسر بس

وبعدين ماقصر فيها اكل له مدافع وشاتها بسرعه ولاتنسى انه قدامه ثلاثه

وليه ماقلت ناصر الشمراني اللي مايناول للي معه ولا دخلتوا الهلال سبب من اسباب الخسارة

ياخوي اذا بنقيم مستوى اللاعبين محمد نور ويجي بعده ياسر هم اللي كأنهم بدعوا

والباقين ياكلون رقاع


برايفت:

ياشين صوت المعلق يازيني ويازين عتيبه ويازين صوتي<<<ميت ضحك

[مآعآد لي خآطر]

^

ويك ويك ويك هذا منتخبنا فاااااااااشل طول عمرهـ

[..{غ ـير البشـ}ـر..]

عجبني المسج هذا

كيف تأهل منتخب السعودية الى نهائيات كأس العالم :
94
هدف سامي في ايران
98
هدف سامي في البحرين
2002
هدف سامي في تايلاند
2006
هدف سامي في اوزبكستان
2010
عفوا لا يوجد تأهل فقد اعتزل الاسطوره



:21:




























الحين مافيه حمـآس ..

الوآحد فيهم يلعب وهو بآرد وينتظر الكوره تجيه

الحمدلله انهم ماتأهلو علشان مايفشلونا

[ރالزيــاديރ]

94م أخبر أنه ماجد عبدالله بالكويت يوم سحب الحارس:confused:

[..{غ ـير البشـ}ـر..]

عاد هذا المسج اللي وصلني :)<منمسحه الذآكره عندي مذكر شي :21:

والمهم ان كل تأهلات المنتخب كان الذيب فيها :(

يعني ننسى كأس العالم :(

[ރالزيــاديރ]

غير البشر لا صح عليك يا ذيب

بحثت عن الرساله هذي شفتها مثبتها وصحيحه


كلها سامي

[سلمان]

لا والله موب علشان سامي معنا

علشانا نعطي كديش فرصه

ثانيه

منتخبنا ما يستاهل يروح كاس العالم من اولها

تعادل مع ايران في السعوديه وفاز على ايران في ايران

فاز على الامارات في ارضهم ويا الله فاز على الامارات في السعوديه

انهزم من كويه الجنوبيه في السعوديه وتعادل معهم في كوريا

كوريا الشماليه هزمتنا في ارضهم وتعادلنا معهم في السعوديه


يعني غريبه وش ذا المنتخب الي مستواه يقل في ارضه

في ال2006

مافيه منتخب في التصفيات قدر يفوز علينا او حتى يتعادل معنا في الرياض


انا الصراحه شفت امس شوط واحد

وتركتهم
منتخبنا بلاعبينه ذولي

ما يستاهلون يلعبون في كاس العالم بصراحه
لو مافيه وليد العبدالله مدري وش كان بيصير

بنطلع مضحكه

وبيسيرو

الاعبين الي في المنتخب

اختارهم بنا على وش

مالك معاذ موب في مستواه وتوه طالع من اصابه
ملينا من انانية ناصر الشمراني هداف الدوري
تيسير الجاسم موب في مستواه الي في السابق
عبدالله شهيل جاب العيد اكثر من مره في سؤ التغطيه
ياسر مع احترامي له موب في الفورمه
وحسين عبدالغني ايضاً
المنتشري لوني في مكانه والي سوته له رعاية الشباب
كان جبت الهدف في السعوديه موب في البحرين



بس وش نقول هاذي الخطط المدروسه

منتخبنا مافرقت معه بيسيرو ولا الجوهر

نفس الكديش الي كانو مع الجوهر نفس الكديش الي مع بيسيرو

المنتخب ماشوف الي يستاهلون يلعبون فيه الى محمد نور والزوري واسامه هوساوي ووليد العبدالله بصراحه
على الاقل لعبو نفس لعبهم في فرقهم



وبس



وزي ماقلت
بعيد عن العاطفه

منتخبنا ماقدم في كل التصفيات
الى مباره وحده تليق فيه

يوم كسر خشم احمدي نجاد في طهران
بس

[جرآح آلبرقآوي]

يعطيك العافيه البارق لآهنت

بس ماقصر المنتخب الحبيب السعودي وهارد لك لعبو بس الحظ ماحلفهم ..

وشاكر على حرصك بس تصدق ان ماشفتها كلها ياخي رمضان الواحد مايحك راسه ..

[جرآح آلبرقآوي]

سلمان

ياشيخ يرحم زمان اول الكويت ولعبها الحين لاشفتها صديت قسم بالله

ياسلمان لعب الكويت لعب ورعان لو اجيهم عديت فيهم كلبوهم وربي ورعان

لا تخطيط ولا رسم ولا لعب مدري ويش يسوون الحين لا بغيت تشجع شجع عمان ماشاء الله

عليهم لعب وانا والله لا شفت لعب البرازيل ولا الدول الاوربيه انحر اقول شالفرق عنا وعنهم

كلنا من طين بس في ناس تلعب وتدرب وفي ناس تفكر بالفلوس ولهط والسمعه وبس مايفقرون هوايه

ولعب وربي وقسم لعب الخلييج يفشل لعب بزراان وتقابلوا بالكوره ..

ولآهنتوآآ كلكم عالشحر وحظ اوفر وما اول مره .. وعشان كذآ ماني حارق روحي .

[سيوف]

<< من وانا ورعه واعرف علم الكوره << كلبوا بيتهم يحبون الكوره ع راس جدتها :28:

المهم ياربي لك الحمد الحين الواحد يفضي نفسه يشجع له منتخب سنع في المونديال القادم :28:

<< دايم متحمسه معهم ع بالها يبون يجيبون كاس العالم :28:

<< فاصل للبكاء :3::3::3::3::3::3::3::3::3:

<< ماشافت المباراه رفيقاتها قايلات لها لاتعبين نفستس معه << مافيهم طب << فالهم كاس الخليج ويخب بعد :28:

هاه والي ماتربى نربيه :28:

برايفت :

للبدر هالحين يومنك حاط دوبك دوب الهلال انت وش امر الله علاك :28:<< انشغل يااخي بفريقكم اظنكم تجيبون قطعة كاس ولاشيء :28:

للهلالين اصمدوا اما تيار النصراويين والله معكم :28:

،،،

[جرآح آلبرقآوي]

سيووف صدقن رفيقااتتس والله وهارد لك

ولا هنتي والكوره كلمالها للآردى

[سلمان]

جراح وضع المنتخب الكويتي هين

وين ايام اقبل ووينهم ايام الحين

بس القهر ربعنا ذولي

اليوم اقرا في الجريده يقول لك حالات اغما في جماهير السعوديه

ليه ليه ليه :28:

اما انصرع علشان المنتخب لافكرت انصرع بسبة كوره
اكيد للنصر :28:

لان صراحه

زي ما قالت سيوف

نتحمس في مباريات المنتخب في كاس العالم ونشجعه واخر شي منرقعين

ما انسى مبارات اوكرانيا شفنا الشوط الاول ثم بعدها قلنا

بلوت شباب وطفو التلفزيون :28:

واصلان انا ما نتاهل لمصلحة الوطن

يوم راحو 2006 معاد في حجوزات طيران من السعوديه الى المانيا
كل الرحلات
ومن وفد وزارة التعليم وفد وزارة التعليم العالي وفد وزارة الزراعه وفد وزارة الصحه وفد وزارة المواصلات وفد وزارة الاعلام وفد وزارة الجح والجريش وفد وزارة القرصان والمرقوق
من غير ارسال طائرات الشحن محمله با الرز للوفد السعوديه في المانيا وا وفود الوزارات المرافقه

يقال انهم بيعلمون المانيا ان فيه شعب اسمه الشعب السعودي
عارفينكم بدونها :28:



يعني الحمد لله السنه ذي ما تروح ميزانية الدوله في معسكرات تدريب وفي ميزانية الوفد السعودي المرافق


وتحياتي للجميع

ولعيون البدر

مافيه عالمي الى النصر :28:

[ރالزيــاديރ]

وبعدين البحرين كان لها موقف حلو مع المنتخب

اخبر مره السعوديه مالها تاهل لكأس آسيا الا اذا فازت البحرين على ايران

وكان الجمهور السعودي يتمنى ان تفوز البحرين ومباراة صعبه للبحرين امام منتخب قووي

ولعب المنتخب البحريني بكل مايملك من قوووه وهم مالهم امل حتى لو فازوا طالعين طالعين..

وفازت البحرين واهدت المنتخب السعودي التاهل وكانوا اللاعبين البحرينيين يجولون الملعب بأعلام السعوديه

يااني ذاك اليوم حبيتهم:34:

مبروك واول تاهل لهم خلهم يفرحون ياخي:28:

[ރالزيــاديރ]

والله اني الحين ابي النصر يفوز بكل مبارياته واتحمس له بعد الا قدام الهلال احب امزمز عليه

حتى الجمهور الهلالي رأف بحال النصر

[جرآح آلبرقآوي]

هههههههههههههه

اثاري سلمان نصراوي اثاريك كذا ياحليلك والله

لا ياسلمان الكويت كانت غير بالبدايه تردت تردت وحنا تحمس وبتسنع وحاله

واخر شيء ننصدم وحاله بس الحين مباراة الخليج ماتعني لي شيء والله

اتحمس واتنرفز وحاله واخر شيء خساره كالمعتاد ولآهنتوا

[البّدر]

الاسباب الرئيسة لـعدم التأهل ..
- فرص ياسر القحطاني الاكثر خطورة وسهولة

هجمة ياسر بس

وبعدين ماقصر فيها اكل له مدافع وشاتها بسرعه ولاتنسى انه قدامه ثلاثه

وليه ماقلت ناصر الشمراني اللي مايناول للي معه ولا دخلتوا الهلال سبب من اسباب الخسارة

ياخوي اذا بنقيم مستوى اللاعبين محمد نور ويجي بعده ياسر هم اللي كأنهم بدعوا

والباقين ياكلون رقاع


برايفت:

ياشين صوت المعلق يازيني ويازين عتيبه ويازين صوتي<<<ميت ضحك






"

والهجمة السهلة .. قدام كوريــًا .. !!!!!

[البّدر]

برايفت :

للبدر هالحين يومنك حاط دوبك دوب الهلال انت وش امر الله علاك :28:<< انشغل يااخي بفريقكم اظنكم تجيبون قطعة كاس ولاشيء :28:

للهلالين اصمدوا اما تيار النصراويين والله معكم :28:

،،،




"

وش انا قايل .. ؟ !!

[البّدر]

ولعيون البدر

مافيه عالمي الى النصر :28:





"

فديت راسـك .. !!

[البّدر]

والله اني الحين ابي النصر يفوز بكل مبارياته واتحمس له بعد الا قدام الهلال احب امزمز عليه

حتى الجمهور الهلالي رأف بحال النصر




تحسسني .. ان النصـًر فريق الشعلة .. !!!

[خيّال الهيلا]

http://www.scienceinthebox.com/info-pg/img_packshots/Portugal-Tide-Powder-Regular-2006-10-04.jpg





ماهو فاصل اعلاني :)
لكن هالمسحوق استخدمته من بداية التصفيات
يوم غسلت يدي من مستوى المنتخب .. وانه ماراح يحقق التأهل
وعلى ماقالوا مع تايد مافيش مستحيل ..
وأثمر هالغسل ثماره .. ونظفت يدي ..
والمنتخب ماتأهل :)

واحد من اصدقاي حقد علي وقال تايد مستورد اجنبي
وكان له سبب في الخسارة > شعب يحب يلقى اللوم على اي طرف آخر :)



يعني تكلموا عن الحكم ..
وازاحوا المدرب ومدير المنتخب ..
والخطأ كل الخطأ من اللاعبين .. لكن منتخب يحب البلنتيات ..
وان فازوا اخذوا اعلى المكأفات وان خسروا طبطبوا عليهم ..
وقالوا لاتزعل يالاعب
انت مالك ذنب كل الذنب ذنب الحكم .. المره الجايه بنعشيّه عندنا
ونفهمه علوم الرجال صح .. :)