لــــــــغــــــز ...؟

[فهد العايضي]

وش لباسٍ يعطي نقشه بإرتهاش=فايقٍ نقشه على لبس العروس
ماكسي من عاش في ظل المعاش=وإن تبدل حالته يصبح لبوس
نوب يعطي بزود ونوبٍ بإنكماش= ولا تغير حتى لو صار معكوس



تـــــــــحــــــــيــــــــاتــــي

[نجداوي نجد]

اسمحلي اخوي العريب ارمع بالي عندي

بسم الله
احم احم


مهوب كساء الكعبه الله يشرفها؟؟

[فهد العايضي]

هــــــــــلا و غـــــــــــلا

بـــنـــجـــــداوي نـــــجــــــد

نورت الصفحه بمرورك يالغالي

وبالنسبه لرمعتك مالك لوا

حاول مره أخرى ترى اللغز سهل جداً

[التركي]

مساء الخير يابومشاري كيف حالك عساك بخير لغزك جامد يابومشاري لكن وشرايك في الليل

[إبن ثعلي]

والله اظنك اصبته يالتركي بس يجي الغريب ونشوف
تحياتي

[نجداوي نجد]

فايقٍ نقشه على لبـس العـروس

احتماااال الليل والنقش يقصد النجوووم والله اعلم

ننتظر اخونا الغريب

[فهد العايضي]

هــــــلا بالتركي

مساك الله بالخير والعافيه ..

أبشرك بخير جعلك بخير ..

خلاص يوم شفت إسمك مشارك في اللغز

دريت إنك ذبحت اللغز ..

صح لسانك الحل هو الليل وقال تعالى :

( وجعلنا لكم الليل لباسا )

ولو قرأت الليل معكوسه أعطتك نفس المعنى

بيض الله وجهك ....




بن ثعلي جابها الذيب

شاكر لك مرورك الكريم يابن ثعلي



نجداوي نجد نعم مثل ماتفضلت

وشاكر لك المرور أولاً وأخيراً

[التركي]

يعطيك العافيه يابومشاري علي اللغز المليان يالذيب تحياتي لك

[بنت* عتيبة]

الف مبروك للتركي

[طالع]

الاجابه هي الليل

والنقش النجوم