دعاني التذكار للموعد وجيت

[شاعر عتيبة]

السلام عليكم ورحمة الله


قصيده خطها قلمي أرجو ان تنال إعجابكم


البارحه وش فيك ياجفن عييت
.........ياجفن مامليت سهر الليالي !
ياجفن انا من حالتي معك مليت
.........ياجفن يكفي سهر شف لك بدالي
قد قالو ان الحي ابقا من الميت
.........وكلش يزول إللا السهر مايزالي
لاتحسب اني من غرامه تشافيت
..........مريض ليت الله يلطف بحالي
بس اتسلى بالغنا والتناهيت
..........وعزي لغالي لافقد شوف غالي
مقسوم والمقسوم ماتنفعه ليت
..........شيٍ جرا ماكان يطري ببالي
واليوم انا والشعر بيتٍ ورا بيت
..........اكتب له الاشعار لامن طرالي
احاول انسى والا انا !! ماتناسيت
..........تذكارهم له صورة في خيالي
دعاني التذكار للموعد وجيت
..........ابكي على الاطلال مما جرالي
ياجفن حان النوم وش فيك عييت !
............ياجفن مامليت سهر الليالي !!

[فهيد مقعد الرويس]

ساهر

صح لسانك

تحيتي وتقديري

[عزوتي عتيبه]

الساهر

صح لسانك

ولا هنت

ويعطيك العافيه

[إبن ثعلي]

صح السان ياساهر ولاهنت قصيدة لايعلى عليها
تحياتي لك

[ناصر بن سعدي]

إخــوي

ساهر ,,

وأبيات رائعه ..ومعبـرة ,,


بس منتشـــره فالمنتديات وياليت نعرف شاعرها . عشان ننقلها فالمكان المناسب ,,


ودمت بخير ..

[ميااااح]

ساهر

قصيده رائعه

هي لك والا قل شاعرها

تحياتي لك

[شيخ الشيوخـ]

قصيده رائعه

[شاعر عتيبة]

يا اخوان وضحت ان القصيده لي


والنقل شي طبيعي في المنتديات

[ناصر بن سعدي]

صحيح


وشي طبيعي النقل

بس ينقولون منك ماتنقل منهم <<فيه فرق

ولك تحياتي

[شاعر عتيبة]

عزيزي انا منزلها في كذا منتدى تحت اسمي راسلني ع الخاص بأسم المنتدى وأسم العضو واعطيك رقمه السري وتأكد بنفسك

ووجدت كذا منتدى كاتبين ( منقول )

اكثر من كذا كيف اثبت لك

[نايف تراحيب]

الوكآد ان القصيده كايفه

والله لا يهينك على طرحها لك ولا لغيرك

تقبل مروري

/

،

نايف العتيبي

[شاعر عتيبة]

والوكاد ان ردك كايف

لك ولا لغيرك

[المستحيله]

صح لسانك والله لايهينك

الف شكر لك

[شاعر عتيبة]

لاهنتي ومرحبا تراحيب المطر