كش ملك
08-09-2009, 06:07 PM
يلعنك يالحاجه تهينيـن الأحـرار=وتعظّمين الـلاش لوهـو دجاجـه
اللاش ولد اللاش بيطار الأعـذار=وجه الفلس يلبس من الكبر تاجـه
مطالب الأخيار بيديـن الأشـرار=هذي تصاريف الزمن واعوجاجـه
عيباً على الرجال يسقـط وينهـار=ما تاقف الدنيا على شـان حاجـه
يا حيف يا فكراً مشتـت ومحتـار=ما تدري ان الضعف عيب وسماجه
ما تدري أن الله عليمـاً بالأسـرار=اسجد لربـك بالخفـا ثـم ناجـه
ما تدري ان الوقـت زايـل ودوار=ماتدري أن السيل يقفى العجاجـه
مافيه حـي إلا تعـرّض للأكـدار=ومافيـه حـي إلا تعكّـر مزاجـه
عن ماضي التاريخ تنبيك الأخبـار=ماصار كرب إلاّ قضـا بانفراجـه
خلك على ميـلات الأيـام صبّـار=حاسدك من زودك يبين انزعاجـه
صبر الجمال وعين عمار بالنـار=خـل العفـون يكثـرون اللجاجـه
لا بد من رفع العزيمه بالاصـرار=ولا بد من كسر الخجل بالمواجـه
للوقت صـولاتٍ وللكسـر جبـار=إلا انكسار النفس كسـر الزجاجـه
شرب القراح بذل زرنيخ وامـرار=والعز يكفي عن قراحـه هماجـه
شقر الحرار سرورها هجر الأوكار=والقلب مشيـه بالبـراري علاجـه
اللاش ولد اللاش بيطار الأعـذار=وجه الفلس يلبس من الكبر تاجـه
مطالب الأخيار بيديـن الأشـرار=هذي تصاريف الزمن واعوجاجـه
عيباً على الرجال يسقـط وينهـار=ما تاقف الدنيا على شـان حاجـه
يا حيف يا فكراً مشتـت ومحتـار=ما تدري ان الضعف عيب وسماجه
ما تدري أن الله عليمـاً بالأسـرار=اسجد لربـك بالخفـا ثـم ناجـه
ما تدري ان الوقـت زايـل ودوار=ماتدري أن السيل يقفى العجاجـه
مافيه حـي إلا تعـرّض للأكـدار=ومافيـه حـي إلا تعكّـر مزاجـه
عن ماضي التاريخ تنبيك الأخبـار=ماصار كرب إلاّ قضـا بانفراجـه
خلك على ميـلات الأيـام صبّـار=حاسدك من زودك يبين انزعاجـه
صبر الجمال وعين عمار بالنـار=خـل العفـون يكثـرون اللجاجـه
لا بد من رفع العزيمه بالاصـرار=ولا بد من كسر الخجل بالمواجـه
للوقت صـولاتٍ وللكسـر جبـار=إلا انكسار النفس كسـر الزجاجـه
شرب القراح بذل زرنيخ وامـرار=والعز يكفي عن قراحـه هماجـه
شقر الحرار سرورها هجر الأوكار=والقلب مشيـه بالبـراري علاجـه